الموضوع: رحلة أبو مانع الى الريف الانجليزي من جديد مناظر لاتفوتكم

السلام عليكم ورحمة الله وبركاته


كانت لنا رحله السنه اللي طافت رحله الى الريف الانجليزي وكانت جدا جميله وممتعه

واللي ماشاف الرحله وحاب يطلع عليها يلقاها في هالرابط

http://www.arabtravelersforum.com/travel122254/

هالسنه حبينا نروح الى الريف الانجليزي بس بعد كنا محتارين وين بتكون وجهتنا

وبعد بحث وتحري مع الشركات البريطانيه استقرينا ولله الحمد على المكان ويازينه من مكان

وهو قريه اسمها هونيتون ( Honiton ) وتبعد عن لندن قرابة 3 ساعات بالقطار

وكانت رحلتنا هي الى منتجع جميل جدا جدا واستأجرنا فيه شاليه ( كوخ ) مباشرة على البحيره

تفاصيل الرحله

اسم القرية : Honiton

اسم المنتجع : Otterfalls

موقع المنتجع على النت : http://www.otterfalls.co.uk

طريق الوصول لها من لندن : عن طريق محطة waterloo

البعد عن لندن بالقطار : 3 ساعات بالقطار

سعر التذاكر : 120 باوند لعدد 5 أشخاص 3 كبار مع طفلين ( والأطفال أقل من 5 سنوات مجانا )

(( نصيحتي للعائلات أخذ باكج عائلي يطلع أرخص وهالبكج تقدرو تبلغو اللي يقطع لكم التذاكر وهم يعرفو )

سعر المنتجع : 665 باوند اسبوعيا أو 460 باوند لمدة 4 أو 3 ليالي

وهنا تلقو كل تفاصيل الأسعار وكل توقيت له سعره

http://www.otterfalls.co.uk/prices2.html

طريقة الحجز للمنتجع : أكثر من طريقه للحجز لهم والأسعار نفسها عندهم كلهم

الاولى : عن طريق موقعهم المذكور بالأعلى

الثانيه : عن طريق شركة توماس كوك http://www.thomascook.com/

الثالثه : عن طريق شركة هوسيسن الرائده في هذا المجال http://www.hoseasons.co.uk/

عند وصول المحطه أخذ تاكسي من محطة هونيتون الى منتجع Otterfalls بقيمة 15 باوند والمسافة حول 6 ميل فقط

الايجابيات : المكان رائع ويستحق الزياره وايجابياته كثيره

السلبيات : تكاد تكون معدومه لو أخذت استعدادك لهالرحله وعملت حسابك واشتريت معك كل أغراضك من أكل ومعلبات وماشابه

==

بسم الله الرحمن الرحيم


بعد ماتوجهنا من السكن في لندن الى محطة واترلو أخذنا هذا القطار وكان واسع وجدا مريح



والمناظر الجميله طول الطريق كانت رفيقنا الى ساعة الوصول



هنا لحظة الوصول الى المنتجع وهنا الاستقبال الخاص بالشاليهات



وهذا الشخص اللي فعلا حببنا فالمكان من خدماته ومايقصر معنا بأي شي نطلبه

وهو اللي يدير المكان مع زوجته ويتغاضون عن الشروط المكتوبه عندهم في اللوائح لارضاء زبائنهم



وهذا الريسيبشن ( الاستقبال ) من الزاويه الثانيه



الطريق الى الشاليهات ( الأكواخ )



وهذا الشاليه اللي سكنا فيه وكان المكان والجو قمة الراحه والاستجمام



وهذا حبيبي مانع ونظراته على هالمكان وجماله



كل المناظر حولك نفس هالمنظر ... ولكن عالطبيعه أكيد أحلى



طبيعه ممزوجه بأجواء شاعريه .. مالنفس غنى عنها



وبصراحه الروائح حولك بعد لها طعم غير وبالأخص انها منطقه كلها وأعشاب وطبيعه







الكوخ عباره عن غرفتين وصاله ومطبخ والله يعزكم حمام

صوره للغرفه الاولى وهي عباره عن سرير كبيره مزدوج



والغرفه الثانيه عباره عن سريرين منفصلين






وهذا المطبخ مجهز بكل المعدات .. ولو نقص أو احتجت أي شي تطلبه منهم ومايقصرون



وهاذي الاطلاله البانوراميه على البحيره والنسيم البارد



وان شاء الله للصور والحديث بقيه


اخوكم


أبو مانع

مواضيع عشوائيه ممكن تكون تعجبك اخترناها لك:

• ما هي الفنادق الراقية القريبة من الهايد بارك في لندن
• استفسار عن النظام عند الخروج من بريطانيا بدون تسديد المخالفات والكانسل تاكس
• استفسار عن الصرف اليومي
• ستاترفورد
• الفيزا لـ أيام في لندن
• لمن يعرف هذه الشقق أفيدوني عنها
• ممكن المساعدة الله يجزيكم خير
• اقصر طريقة للذهاب الى أوت لت ذاقالريا من محطة لانكستر ستيشن في لندن
• مدينه بليموث
• يا خبراء لندن ما هو رأيكم بزيارة لندن في اكتوبرنوفمبر بصحبة أطفال
• رحلتي الى مدينة باث البريطانية
• رقم سااائق
• استفسار عن السفر لإيرلندا بعد شهر تقريبا
• ارجو افادتي من الاخوة الاعضاء على مسار الرحلة
• هل أقدر أعبي الابلكيشن عندهم في الخبر ولا لازم من الانترنت
• حدائق الحيوانات في لندن
• تنظيم رحله الى بريطانيا
• التاكس فري في مطار هيثرو صاله
• أبغى رأيكم في مدينة برايتون جنوب لدن
• استفسار عن الاجواء في نهاية يناير في لندن

ماشاء الله مناظر جميله متابعينك

ما شاء الله صور روعة

الله يعطيك العافية

رائعة تلك الصور التي تحدثت عن جمال الطبيعة ..

سبحان من أبدع في خلقها ..

ماشاء الله تبارك الله

مشكور اخوي بو مانع ع الصور الروعه
الله يعطيك العافيه ان شاء الله
وكنت بانتظار التقرير من يوم ماوعدتنا بالصور

متابعينك اخوي

ورد طايفي

متااااااااااااابعين وبقوة ياالله ماأجمل الطبيعة وتصويركم الرائع

هالصورة خيااااااااااااااااااااااااااااااااااااال

يعطيك العافية اخوي ابو مانع
متعك الله بالصحة والعافية
تحياتي

عجيب والله عجيب تسلم يد اللي خذت هالصور الروعة... شكراً بومانع.. خذيتنا شوي شوي من جو الحر والرطوبة....

الباوند كم يعادل بالريال السعودي؟؟

سبحان الله....


مناظر رووووووووووووعة


شكراً

المشاركة الأصلية كتبت بواسطة فتي الشماسية
http://www.arabtravelersforum.com/tr...9/#post2296729

لبحمدالله علي سلامتك وسلامة اخوياك
متابع معك وشكل الرحله ممتعه



الله يسلمك ياخوي من كل شر

ومرحبا بك شيخي

المشاركة الأصلية كتبت بواسطة dude911
http://www.arabtravelersforum.com/tr...9/#post2296759

الحمد لله على السلامة أخوي...

يا سسلام على الريف الانجليزي وطبيعته الخلابة...

سجلني من متابعينك...



يسلمكم من كل شر يارب

والريف الانجليزي جميل وتلقى فيه منتجعات جدا جميله ومميزه

والأجمل من هذا انك تلقى منتجعات هاديه وبعيده عن الزحمه وازعاج الناس

المشاركة الأصلية كتبت بواسطة صوت القطار
http://www.arabtravelersforum.com/tr...8/#post2296878

ماشاء الله مناظر جميله متابعينك



من المتابعين القدامى ياصوت القطار ... وأترشف بحضورك من جديد

المشاركة الأصلية كتبت بواسطة abdulwahab
http://www.arabtravelersforum.com/tr...8/#post2296958

ما شاء الله صور روعة

الله يعطيك العافية



من ذوقك حبيبي

وان شاء الله تلقو اللي يسركم على الدوم

المشاركة الأصلية كتبت بواسطة redjoory
http://www.arabtravelersforum.com/tr...0/#post2297120

رائعة تلك الصور التي تحدثت عن جمال الطبيعة ..

سبحان من أبدع في خلقها ..

الأروع حضوركم اختي الكريمه

وسبحان من خلق وأبدع

المشاركة الأصلية كتبت بواسطة ورد طايفي
http://www.arabtravelersforum.com/tr...6/#post2297156

ماشاء الله تبارك الله

مشكور اخوي بو مانع ع الصور الروعه
الله يعطيك العافيه ان شاء الله
وكنت بانتظار التقرير من يوم ماوعدتنا بالصور

متابعينك اخوي

ورد طايفي

ورد طايفي موجوده فالدار ؟!!

حياج الله اختي من جديد والسموحه عالتأخير

بس أتمنى تعذروني لانشغالي هالفتره

==

والشكر لله أولا وأخير وثانيا لكم لصبركم وطول انتظاركم لهالتقرير

وان شاء الله ان التقرير باللي فيه يعوض هالانتظار وتستانسون فيه

المشاركة الأصلية كتبت بواسطة المسافرة من قطر
http://www.arabtravelersforum.com/tr...6/#post2297656

متااااااااااااابعين وبقوة ياالله ماأجمل الطبيعة وتصويركم الرائع

هالصورة خيااااااااااااااااااااااااااااااااااااال






أتشرف اختي بمتابعتكم واهتمامكم

وأدعو من الله انكم ماتشوفون الا اللي يسركم

==

واختيار جميل منج ويدل على حسج وذوقج الراقي يالمسافره

الله يرزقنا واياكم جنات النعيم

المشاركة الأصلية كتبت بواسطة مخلط ملكي
http://www.arabtravelersforum.com/tr...0/#post2300790

الباوند كم يعادل بالريال السعودي؟؟



1 باوند ( جنيه استرليني ) = 7.3 درهم اماراتي

وماعتقد يفرق عن الريال الا بالقليل

فالصيف والمواسم يكون السعر أغلى ... ووقت مايخف الناس والزحمه يقل السعر

السلام عليكم
هذي اول مشاركه وحبيت ابدي اعجابي الصراحه بطرحك واختيارك اماكن غير تقليديه بحيث تفتح افق جديد
للمسافر والقاريء في آن واحد بس عندي سؤال صغير!
انت زرت سويسرا والنمسا هل الريف الأنجليزي اجمل ام الريف الأنجليزي ؟
مع العلم انا زرت الدول المذكوره ورحت لندن لكني لم اتعمق بالريف واسف على الأطاله

بسم الله الرحمن الرحيم
السلاااااااااااااااااااااام عليكم اخوي ابو مانع
صراحه مافيه اي تعبييييييييييير يوصف هذه المناظر الجميله الريفيه
سبحان الخا لق المبدع وننصح كل واحد يسافر لبريطانيا ما يجلس بلندن
يطلع للريف ويشوف الروعه والجمال ويريح باله بالريف بدل زحمه لندن
ولك كل الشكر والتقدير لهذا التقرير

ماشاء الله قرية رائعة يا ابو مانع خخخخخ بحسدك على هالزيارة امتى الواحد يكبر شوى ويخلص دراسة عشان انطلق

هههههه

مناظر رائعة وتقرير رائع من شخص اروع
تحياتى بو مانع

السلام عليكم كيف حالك أخي ابومانع إن شاء الله تكون بخير أنت والعائلة الكريمة
أستشيرك أخوي ولو الموضوع قديم شوي
أنا ذاهب إن شاء الله لقرية: Honiton
نهاية الشهر الحالي اكتوبر 2012
مدري تنصحنا بشي معين وهل استجد لديك معلومات جديدة عن هذه القرية
وهل يوجد فيها رحلات على القوارب أو أي نشاط سياحي
شاكراً ومقدراً لك

جمييييييييييييييييييييييل جدا ماشاء الله
يعطيك العافيه

السلام عليكم صراحة من اجمل المواضيع الي عجبتني جدا جدا وافادتني في حيرتي
ابو مانع لي اسبوع وانا احاول ابحث عن موضوعك الاول عن البحيرات ماحصلتة واليوم حصلتة وافادني كثير ومرة انبسطت فية باذن الله انامسافرة بعد شهرين لندن وحابة اسال كم سوال عن المنطقتين الي رحت لها اذا ممكن تفيدني والف شكر لك بانتظار الرد

المشاركة الأصلية كتبت بواسطة plant explorer
http://www.arabtravelersforum.com/tr...9/#post3567819

السلام عليكم
هذي اول مشاركه وحبيت ابدي اعجابي الصراحه بطرحك واختيارك اماكن غير تقليديه بحيث تفتح افق جديد
للمسافر والقاريء في آن واحد بس عندي سؤال صغير!
انت زرت سويسرا والنمسا هل الريف الأنجليزي اجمل ام الريف الأنجليزي ؟
مع العلم انا زرت الدول المذكوره ورحت لندن لكني لم اتعمق بالريف واسف على الأطاله



عليكم السلام ورحمة الله وبركاته

كل الشكر على كلماتك وتعابيرك الجميله اخوي

وتسلم ياذوق

بالنسبه للأجمل هل هو الريف الانجليزي أم الريف السويسري والنمساوي؟!

طبعا الريف السويسري والنمساوي أجمل لعدة أسباب

تفتقر انجلترا بشكل عام الى وجود سلسلة جبال

لكن سويسرا والنمسا ماشاء الله تكفيك سلسلة جبال الألب

وهالجبال تعطي جماليات وكماليات للطرق والمشاوير اللي راح تقطعها من منطقة الى اخرى

هذا من غير كثرة الأنهار والوديان والشلالات اللي هاذي بروحها مثل الديكور في المنزل عندك

فالمنزل مهما كان شكله حلو ... لكن بالديكور يطلع أحلى وأحلى

( تعبير واحد قاعد يبني فيلا ومتأثر )

==

ولندن مالنا غنى عنها في سفراتنا الى بريطانيا ... ولها طعمها وجوها الملئ بالحركه والزحمه والنشاط

لكن من باب التغيير لاأكثر ولاأقل

زرنا هنا وهنا وهنا ... فشي جميل انك تزور شي جديد وتعرف كيف ترتب له وتنبسط فيه

==

اخوك

أبو مانع

المشاركة الأصلية كتبت بواسطة هلاليه
http://www.arabtravelersforum.com/tr...8/#post3567978

بسم الله الرحمن الرحيم
السلاااااااااااااااااااااام عليكم اخوي ابو مانع
صراحه مافيه اي تعبييييييييييير يوصف هذه المناظر الجميله الريفيه
سبحان الخا لق المبدع وننصح كل واحد يسافر لبريطانيا ما يجلس بلندن
يطلع للريف ويشوف الروعه والجمال ويريح باله بالريف بدل زحمه لندن
ولك كل الشكر والتقدير لهذا التقرير

عليكم السلام ورحمة الله وبركاته

ماشاء الله عليج ... هلاليه في كل شي .. حتى في لون الخط

وكلامج عين الصواب اختي

زرت بريطانيا أكثر من مره ... وكانت اقامتي كلها في لندن

لكن ماحسيت بالمتعه الا بعد السفره الثالثه لبريطانيا ... بعد ماطلعت من لندن و زرت الريف الانجليزي

بصراحه هنا حسيت بشوق أكثر لزيارة انجلترا من جديد

وأنصح الجميع للمرور بنفس التجربة

==

كل الشكر والثنايا اختي

اخوكم

أبو مانع

المشاركة الأصلية كتبت بواسطة mr.kago
http://www.arabtravelersforum.com/tr...1/#post3568361

ماشاء الله قرية رائعة يا ابو مانع خخخخخ بحسدك على هالزيارة امتى الواحد يكبر شوى ويخلص دراسة عشان انطلق

هههههه

مناظر رائعة وتقرير رائع من شخص اروع
تحياتى بو مانع



الله يوفقك ياخوي في دراستك وفي جميع مجالات حياتك ... العامه والخاصه يارب

وان شاء الله تتخرج وتبتعث الى الخارج للدراسة لتفوقك على حساب دولتك

ومنها تدرس وتستفيد وتفيد بلدك ... ومنها تسافر للخارج وتستانس وببلاش

==

اخوك


أبو مانع

المشاركة الأصلية كتبت بواسطة noonoo512
http://www.arabtravelersforum.com/tr...5/#post7301755

السلام عليكم كيف حالك أخي ابومانع إن شاء الله تكون بخير أنت والعائلة الكريمة
أستشيرك أخوي ولو الموضوع قديم شوي
أنا ذاهب إن شاء الله لقرية: Honiton
نهاية الشهر الحالي اكتوبر 2012
مدري تنصحنا بشي معين وهل استجد لديك معلومات جديدة عن هذه القرية
وهل يوجد فيها رحلات على القوارب أو أي نشاط سياحي
شاكراً ومقدراً لك



عليكم السلام ورحمة الله وبركاته

أعتر كل العذر بسبب تأخري فالرد عليكم

وأتمنى من الله انكم لقيتو جواب لاستفساراتكم المتعلقة بترتيب رحلتكم

وأتمنى انكم سافرتو واستانستو في كل يوم من سفرتكم

وأعتذر مجددا عن تأخيري

==

واجابة على تساؤلاتكم ولافادة اخواننا المهتمين بمثل تلك التساؤلات

تفضلو هالموقع الرائع واللي أنا شخصيا مالي غنى عنه في زياراتي الى انجلترا

http://www.hoseasons.co.uk/

وهو يجيب على كل سؤال من تساؤلاتكم

==

اخوكم


أبو مانع

المشاركة الأصلية كتبت بواسطة صالح أبوعبدالله
http://www.arabtravelersforum.com/tr...3/#post7376263

جميله جدا
والتقرير رائع
ربي يحفظكم



الله يحفظك ويرعاك يابو صالح

وأشكرك على ذوقك

==

اخوك


أبو مانع

الصور بمجرد النظر إليها تعطينا راحه نفسيه سبحان الله

فكيف لو كنا في هالمكان



تقرير مميز أخي الكريم ... والله يعطيك العافيه

مرحبا أخوي أبومانع ، صراحه شوقتني كثير لزيارة هذا المنتجع ، بس عندي استفسارات عليه هل كان مريح في النوم مثلا يخلو من الحشرات و كيف طريقة الأكل هل تطبخون أم يوجد مطعم ؟ وكم يكفيها من يوم ؟
واذا عندك اقتراحات لمنتجعات أخرى في الريف ياليت تفيدنا ويعطيك الف عافيه

روعه التقرير احنا نزلنا في الصيف اللي فات في ريف من الارياف القريبة لمانشستر وخاصة لمدينة الملاهي ألتون تاور لكن مايحضرني اسم ال b&b اللي عباره عن غرفة نوم و وجبة فطور وكمان اللي كانوا يشرفون ويخدمون فيه زوج و زوجته والمكان كان قمة بالروعه لكن ما يطل على بحيره

المشاركة الأصلية كتبت بواسطة أم بـطي
http://www.arabtravelersforum.com/tr...5/#post7395485

الصور بمجرد النظر إليها تعطينا راحه نفسيه سبحان الله

فكيف لو كنا في هالمكان



تقرير مميز أخي الكريم ... والله يعطيك العافيه



حياج الله اختي ام بطي

وفعلا مشاهدتك للطبيعه وعظيم صنع الخالق بحد ذاتها راحة نفسيه

فكيف لو تعيشها وتكون من بينها بنفسك

==

أتمنى لكم راحة البال الدايمه

وان الله راد تزورو هالأماكن وأحلى منها فالقريب العاجل

أهم شي لاتنسينا من تقاريرج ووصفج لها بعد ماترجعون بالسلامه

==


اخوكم

أبو مانع

يعطيك العافية وجد مكان رآئع وجآ بوقته
بغيت اعرف من وين احجز هـالـمنتجع وبغيت اعرف الاسعار ؟

جميله جدا والتقرير رائع ربي يحفظكم

المشاركة الأصلية كتبت بواسطة خشف الرعآبيب
http://www.arabtravelersforum.com/tr...2/#post7700142

يعطيك العافية وجد مكان رآئع وجآ بوقته
بغيت اعرف من وين احجز هـالـمنتجع وبغيت اعرف الاسعار ؟



الله يعافيكم يارب

والصفحه الاولى من هالموضوع موضح فيها مواقع وطريقة الحجز

والأسعار بعد موجوده فالروابط الموضوعه معهم

وتعتمد على الفترة والمدة اللي بتكونو موجودين فيها

وأي خدمات اخرى نحن حاضرين

اخوكم


أبو مانع

المشاركة الأصلية كتبت بواسطة elhnf
http://www.arabtravelersforum.com/tr...5/#post7522815

مرحبا أخوي أبومانع ، صراحه شوقتني كثير لزيارة هذا المنتجع ، بس عندي استفسارات عليه هل كان مريح في النوم مثلا يخلو من الحشرات و كيف طريقة الأكل هل تطبخون أم يوجد مطعم ؟ وكم يكفيها من يوم ؟
واذا عندك اقتراحات لمنتجعات أخرى في الريف ياليت تفيدنا ويعطيك الف عافيه



تشتاق لك الجنة يارب

والنوم كان جدا مريح وماعندنا أي حشرات فالمنطقه فذاك التوقيت

والأكل بالنسبه لنا نحن شلنا ويانا كل أغراضنا من لندن قبل مانتحرك

وبالأخص كل ماكان يهمنا هو اللحوم بأنواعها ... خذناها من عند المسلمين في لندن وعلى ذمتهم

حاطين فالحسبان ان هالمكان مافيه مسلمين فبنلاقي صعوبه في ايجاد لحوم حلال

فحطو فبالكم الأغراض اللي تبونها وبتصعب عليكم فالمكان اللي سايرينه تاخذونها من لندن معكم

وكنا شايلين بعد الخضروات والفواكه ... لكن هاذي ماعندنا مشكله فيها لأنها متوفره حتى فالمنتجع

واللي مش متوفر تبلغهم وهم يوفرونه لكم بسعره الأصلي بدون أي رسوم اضافيه مثل رسوم التوصيل

وحلو لو عندك الوقت ومش مرتبط بامور ثانيه تقعد فيها اسبوع استرخاء

ماعندك أي شي غير انت وأهلك فأجواء ماودك تفارقها

تأدي فروضك وصلواتك لربك ... وعيالك معك مستانسين وتشوف الفرحه في وجوههم

==

والخيارات كثيره استاذي

تفضل هالموقع اللي حاطنه في بداية الموضوع

http://www.hoseasons.co.uk

وفيه الكثير من الخيارات واللي راح تحتار فيها

==

تمنياتي لكم برحله واقامه سعيده


اخوكم


أبو مانع

تسلم أخوي أبو مانع عالتقرير الجميل

وبصراحة المكان أبد ما يتفوت


عندي استفسار كيف راح يكون الجو فمنتصف شهر يونيو؟ وشو نوع الكوخ اللي تنصحني فيه لشخصين وتكون فيها الاطلالة حلوة؟
ان شا الله ناوي اروح انا وربيعي فهالفترة

ومشكور ما قصرت

ماشاء الله مناظر رائعه جدا
جزيت خيرا

المشاركة الأصلية كتبت بواسطة Nesma Elzohery
http://www.arabtravelersforum.com/tr...2/#post7564502

شكرا لك استاذ ابو مانع علي هذا التقرير المميز والصور الخلابه



الشكر موصول لكم اختي نسمه

ومبروك عليكم الزواج ... موفقين ان شاء الله

أسأل الله أن يجمعكم على خير في الدنيا والآخره يارب

وشكرا على كلماتك الجميلة

thanks for sharing, nice pictures

حلو الواحد اذا حب يسافر لتغيير الجو من روتين حياته اليومية و الحياة الصاخبة والملوثة في المدن

انه يروح لاماكن نظيفة و طبيعة خلابة اقلها ينظف رئتيه من سموم السنين و ينظف نظره

بالخضرة و الطبيعة الخلابة


احب الطبيعة ولو جازلي اعيش فيها مابقى من عمري والله اعيش فيها اعاني من حساسية الغبار

و الخليج ابو الغبار والعواصف الرملية ...

ينفع له يوم بس ؟؟
الله يعطيك العافيييه

جمييل جدا ومفيد

تقرير رائع ومكان ارووع

تسلم علي هذا التقرير المميز

ابومانع دايما مبدع شكرا علي تقرير الرائع

طيب والقطار اللي ركبته يشيل عفش؟