الموضوع: ابي فزعتكم رايحه سدني وما اعرف فيها شي؟؟

الصراحه اشكر لكل الي اعطونا معلومات عن قولد كوست ما قصرتوا وفيتوا وكفيتوا بس عندي لكم طلب صغيرون انا طالعه بعد لسدني والصراحه بديت اخاف منها ما اشوف احد متحمس لها وله كتب عنها ابي فزعتكم وين اماكن الترفيه فيها؟ وين الاسواق الحلوه الي فيها ؟ هل فيه اماكن في سدني وقولد كوست ممكن نأجر منها جت سكي( دباب مائي) ارجو انكم تردوا عليه في اقرب وقت لانه سفري نهاية الاسبوع
وشكرااا

مواضيع عشوائيه ممكن تكون تعجبك اخترناها لك:

• استفسار
• دخت ولا لقيت شقة في ملبورن لمدة اسابيع
• مهم سؤال عن الفيزا للأطفال المضافين مع بعضهم
• ملكة ضفاف المحيط الهادئ استراليا
• أفضل فنادق خمس نجوم في مدينة بيرث
• افضل المدن الاسترالية
• كيف انزل الصور
• نصيحة بلييييييييز
• أرجوا من جميع النيوزلندين الدخوووول
• طيران الاتحاد ب ريال من جدة ابو ظبي سدني
• سؤال عن بطاقات
• افتتاح أعلى برج للمشاهدة في مدينة ملبورن الأسترالية
• وردني هذا الايميل
• السفر عن الطريق القروب
• إخواني وأخواتيمن يدليني على رحلات السفاري؟
• رحلتي إلى ملبورن طبيعة و لا في الخيال
• قولد كوستاستراليا
• رحلة شهر عسل إلى استراليا من يفيدني
• خبر حلو حق اللي بيسوي تأشيرة لأستراليا عن طريق الانترنت
• وين افضل الاسواق في جولدكوست وسدني

[align=center]

هلا بإختي albentalnatura و يا هلا فيج

ولووووووووو لو انه الصور جاهزه كان نزلت أحلي تقرير عن سدني و أعتقد اني في الجزء الأول من موضوع رحلتنا الي استراليا او الثاني والله مو ذاكره كتبت و رديت على أحد الإخوه بخصوص سيدني ...

أنا من جهتي سيدني عجبتني جدا جدا و كان ودي أقعد فيها زياده حتي سميتها سدني الساحره .... فتوكلي على الله وروحيها

فجو سدني حالم خصوصا بالليل وانتي قاعده على مرينا الهاربر ... و ان صدف وجودكم بالعطله الرسميه فيوم الجمعه والسبت راح تستمتعين أكثر بجوها حيث تنشط هالمنطقه مساء وتقام عليها أنشطه كثيره ...

و أسواقها مليانه فيها الغالي وفيها الرخيص و راح تعجبج .... عندكم الماركت ستريت مليان مجمعات و ايضا الشوارع الي حواليه .

عموما انتي من توصلين الفندق راح يعطونج خريطه وفيها كل المعلومات فتتبوعها و إن نزلتي بالفنادق الي تطل على الهاربر ( وهذا أفضل ) تقدرين تروحين مشي عبر الجسر الي هالشارع ..او عبر المترو ( محطته بسنتر الهاربر يعني قريب منكم )

و أيضا تقدرين تاخذينها كعابي ( مثل ما سوينا ) الي برج سيدني ,, وصالة الماكس و الآوبرا , و الأكواريوم , والمتحف الوطني ....

و تستطيعين أن تاخذين الفيري ( عباره بالبحر تحجزين لها من الميناء انتي بس قولي للتاكسي ودنا الفيري ) وتاخذكم الي ال zoo ,و الي لونا بارك ( مدينة العاب ) او جوله مع الغدا او العشا ( سي فود ) .

و ما انسي اهم رحله عندهم الي هي الي رحلة البلو ماونتن ( طريقها بعيد بس مغامره خصوصا انج راح تصعدين باولها قطار عجيب و بنصها الثاني سلالم بالكهوف عمرج ما ركبتي كثرها حتي انه اختج هلكت يومها )

و ايضا عندكم حدائق و الاوليمبك بارك , الهايد بارك , والمحمية الطبيعية ,, لا وفيه تجربة تسلق جسر سيدني للي يحبون التحدي و عندهم جرأه



تحياتي ...........[/align]

ماشاء الله معلومات اختي الباحثه ممتازه

بس عندي سؤال عن البلو ماونتن رحتوا لها رحله كامله مع مكتب سياحي ولا انتم لوحدكم رحتوا بقطار؟

واذا رحله كم تكلف للشخص الواحد الكبير؟

بالنسبه للجلسات الي في الهاربر اي واحد منهم الي جنب دار الاوبرا او درينلج هابر؟

والالعاب الناريه وين يسونها علشان اقدر اشوفها؟

ويعطيك الف عافيه

[align=center]

هلا فيك أخوي fms وحياك الله والله يسلمك ويعافيك

بالنسبة للبلو ماونتن حجزنا لها من مكتب و بالذات المكاتب الموجوده تحت فندق الستي سنتر الي اقمنا فيه والسعر اجمالا كان 302 $ دولار أسترالي
ل 2 بالغ , 2 طفل (حتي 15 سنه )

اما الموقع الي اقصده فهو الدارلنغ هاربر نفسه ,, لانه الاوبرا كانت بعيده عن فندقنا ,, لكن كان هناك في الدارلنغ مسرح اوبرا مفتوح واقامو عليه عرض للأوبرا و كان يوم جمعة بالتحديد ومقام موجود في وسط بحيرة الدارلنغ هاربر من جهة مسرح الإيماكس ..
و الالعاب الناريه يطلقونها يوم الجمعه والسبت في سيدني وفي جولد كوست ..


تحياتي ..........[/align]

الاخت albentalnatura

انا طالع سدني للدراسه دوره علي حساب البنك لمده ثلاث شهور والمدينه ترا تمام حسب التقارير الي شفتها وانا رايح بتاريخ 25/07/2003
بس للاسف التقارير عباره عن دوريات احاول اكتب عنها قريبا

عفوا 25/08/2003

عفوا للاخير 25/08/2004

يعطيك الف عافيه اختي الباحثه

تسلمين يالباحثه فديتج والله عساج على القوى ان شاء الله اروح الاماكن الي قلتيها
وتسلم ياليامي وان شاء الله تنبسط فس سدني
fms بعد اتمنى لك اقامه سعيده في سدني

شكرا

السلام عليكم .. رحت سيدني السنه الماضية واتمنى اني افيدكم
احلى منطقتين..دارلنغ هاربر..فيها العديد من المقاهي والمطاعم. جلسه رائعه.. وسينما 3d ايماكس صحيح اني دخلت فلم مااا عجبني .. بس ممكن في افلام ثانيه افضل فما اقدر احكم.. وفيها معرض الاسماك جيد.
ومنطقة circula quay فيه دار الاوبرا.. ومنها تاخذ رحلات بحريه ل zoos اللي هناك وانصح بالروحه الظهر بس قبل 3 لانها تسكر 5
وانصح بالمطعم الدوار االلي ببرج سيدني عل العشاء...رائع.. اسألوا عنه بالفندق.... 49 دولار استرالي
والسينما...فيه ب goerge street مجمع جيد ومطاعم
اامل الاستفادة و نحن بالخدمه

السلام عليكم .. رحت سيدني السنه الماضية واتمنى اني افيدكم
احلى منطقتين..دارلنغ هاربر..فيها العديد من المقاهي والمطاعم. جلسه رائعه.. وسينما 3d ايماكس صحيح اني دخلت فلم مااا عجبني .. بس ممكن في افلام ثانيه افضل فما اقدر احكم.. وفيها معرض الاسماك جيد.
ومنطقة circula quay فيه دار الاوبرا.. ومنها تاخذ رحلات بحريه ل zoos اللي هناك وانصح بالروحه الظهر بس قبل 3 لانها تسكر 5
وانصح بالمطعم الدوار االلي ببرج سيدني عل العشاء...رائع.. اسألوا عنه بالفندق.... 49 دولار استرالي
والسينما...فيه ب goerge street مجمع جيد ومطاعم
اامل الاستفادة و نحن بالخدمه
ملاحظه: شوارع سيدني تخوف بعد الساعه 9:30 ليلا مو تخوف بس فاضيه عكس قولد كوست