الموضوع: ليش الاسعار الفنادق والشقق مولعه فى قطر؟؟؟

السلام عليكم

يا هل قطر بصراحه انا استغربة من الاسعار المبالغ فيها جدا جدا جدا للسكن :114: ... تخيلو لقيت ارخص شقه للسكن 500 ريال بالليله والله يا القطاوه ما تسكن فيها عزكم الله ..:108: وأطريت انى اسكن فى فندق 4 سيزن مادام الاسعار مولعه قلت اسكن فى شى نظيف خذيته ب 1750 ريال بالليله والله انى كنت ناوى اقعد كم يوم لكن بصراحه هجييييييت من الديره الى اسعارها مولعه على شنو ماادرى والله :112: يا ليت تفيدونى معا التحيه لكم جميعا

مواضيع عشوائيه ممكن تكون تعجبك اخترناها لك:

• قانون المرور الجديد
• أهل قطر المحبة مساعدتكم لو تكرمتوا
• زياره سريعه اريد مشورتكم ياهل الدوحه
• عدنا والعود حميدا
• هل يعقل ان فنادق الدوحة لايشملها وجبة الافطار ؟
• فنادق
• استفسار عن أوقات الدوام
• أريد سكنا يضم سكن للسائقين
• فندق جراااند حياة في العيد
• استفساري ياحبايبي عن أسعار السيارات الأمريكية العائلية في قطر
• بالنسبه لسكن العزوبيه هع
• انضمام طائرة جديدة من طراز بوينج لأسطول القطرية
• من ارووووع مارأت عـــينى
• الطريقه الجديده لرفع الصور بعد التحديث الجديد بوابة قطر
• أهل قطر الكرام متى أوقات العمل بسوق واقف يوم الجمعة الفترة الصباحية
• رخصه القياده
• افتتاح شعلة اسباير
• فزعتكم باهل قطر
• ابي شالية بمسبح خاص او شاطئ خاص بالدوحة
• مطلوب عناوين المجمعات التجاريه والمطاعم بالتفصيل

هلا اخوووي

السبب غير معرووووف ...

والاسعار فعلا غالية نااااااااااار .. ومبالغ فيها ...

نتمنى تدخل سريع من الحكومة .. لحل ومعالجة هذا الغلاء الفاحش اللي قتل الاقتصاد القطري ...

فعلا اسعار الفنادق في قطر مبالغ فيها وكأنهم يقولون ما نبي سياح من الخليج يكفي الوفود الاجنبية

وبدون زعل قطر ما فيها شي يستاهل الواحد يدفع مبلغ كبير جدا في السكن

عام2004 اخر زيارة لي مستأجر ب200ريال


الله يرحم ايام اول


بطلت أجيكم

صح ماعندنا سياحة والاسعار نار بشكل رهيب المشكله الفنادق ماتخسر السبب بان اكثر الوزارات والشركات تحجز غرف فندقية وشقق مفروشه لعملاها التجار والمستثمرين والكل عارف الانفتاح العقاري الكبير عندنا لهذا الفنادق شبعنيين مب محتاجين سياح لكن الى متى حتى القطري متضرر من هذا الشي

لنكن واقعيين فالاسعار في دبي والدوحه والكويت اغلي من باريس...وتحيا اساليب الجذب السياحي

المشاركة الأصلية كتبت بواسطة kareem1
http://www.arabtravelersforum.com/tr...5/#post1661535

لنكن واقعيين فالاسعار في دبي والدوحه والكويت اغلي من باريس...وتحيا اساليب الجذب السياحي





اتفق معك ...فعلا اسعار فنادق دبي اضحت اغلى مرتين من فنادق لندن وباريس
والله شيء غريب غرفة ستاندر 2850 ريال
واذا ودك الطوابق التنفيذية توصل الاسعار الى 3650 ريال
ويوم سألنا عن السويت طلع 5850 ريال
وومن مدة اسبوعين اضطرينا نروح دبي لحضور مؤتمر وطبعا كل الفنادق 5 ستار مافيها حجوزات
وبالعافية لقينا حجز في سوفتيل ستي سنتر وتخيلوا الغرفة في الطابق التنفيذي 2000 ريال
وبعدها على طول كنا رايحين لندن وسكنا فندق دورجستر بسعر 2000 ريال وطبعا الفارق كبير بين دورجستر وسوفتيل ستي سنتر مافي وجة للمقارنة ...لان المقارنة لصالح الدورجستر بكل شياكته
ونفس المشكلة وجدناها في الكويت في فندق الماريوت اللي عند مجمع الصالحية بسعر جونير سويت
3650 ريال ...

للاسف الاسعار متشابهة الى حد كبير بين اغلب دول الخليج ...والطفرة الحاصلة طبيعية .

فعلا فنادق قطر اصبحت غاليه جدا وغير كافيه بعد ..
قبل جم شهر كانت عندي شغله مستعجله في قطر لمدة يومين عيزت وانا ادور على فندق كلهم (فل)
وكنت خاطري اسكن في الريتز او الفور سيزن لان في ناس وايد مادحينهم لي لكن للاسف ماحصلت حجز ولا حتى فوق السطوح .. الا في فندق اسمه الريدجز 4 نجوم لكن اللي تفاجأت به ان هالفندق بسعر 1400 ريال تقريبا !!
عيل لو محصل في الفور سيزن والا الرتز جم بيطلع علي ؟؟

المشاركة الأصلية كتبت بواسطة neno
http://www.arabtravelersforum.com/tr...7/#post1689887

فعلا فنادق قطر اصبحت غاليه جدا وغير كافيه بعد ..
قبل جم شهر كانت عندي شغله مستعجله في قطر لمدة يومين عيزت وانا ادور على فندق كلهم (فل)
وكنت خاطري اسكن في الريتز او الفور سيزن لان في ناس وايد مادحينهم لي لكن للاسف ماحصلت حجز ولا حتى فوق السطوح .. الا في فندق اسمه الريدجز 4 نجوم لكن اللي تفاجأت به ان هالفندق بسعر 1400 ريال تقريبا !!
عيل لو محصل في الفور سيزن والا الرتز جم بيطلع علي ؟؟



تدري وين المشكله اخوي ...

فنادق الـ 4 نجوم .. والـ 3 نجووم ... غالية ناااااااااااااااااااااار مقارنة بالـ 5 نجووم ...


اما فنادق الـ 5 نجوووم ... فهي غالية

حتى فنادق ابو نجمة .. تحصلها غالية ...

السبب اخوي .. هو الجشع ...

مايبون أرباحهم تنقص ...

اذا كان أول يربح .. 200% ...

فهو الآن .. يريد أن يربح 200% ...

والمشكله .. انه الناس . . مضطرة تتعامل معاهم ..


ربك كرييييم اخوي ...

كنت نــاوي أجيكم ..

بس الأن بعد اللي قريته .... مدري !

انا سبق واني زرت الدوحة قبل الاسياد بفترة العام الماضي والصراحة وصلت الصبح بعد ماقطعت 700 كيلو والنية كانت من يومين الى 3 ايام والصراحه انصدمت بالاسعار اللي اكبر من الخيال حتى الشقق اللي نظافتها لك عليها ماتاخذها اقل من 500 ريال .. الصراحة انصدمت بالوضع وماقعدت اكثر من 4 ساعات بالدوحه وذهبت للبحرين .. عموما الدوحة مازالت تحت الانشاء العمراني واللي لاحظته انه هناك بناء عمراني هائل بالدوحة واتوقع انه في المستقبل ستتخطى دبي في العمران .. ولكن العيب حاليا في غلاء السكن المبالغ فيه ,,

صحيح كلامكم اخواني الدوحه غآليه

ومثل ماقال اخوي اللي قبلي

تحت الانشاء العمراني لحد الحيييين ومدري متى بيفكونا من هالعماير والبنايات

بس ان شالله لها مستقبل من خلال مشارعيهم

بس ان شالله مايغلون الاسعار اكثر

الدوووووووووووحه نااااااااااااااااااااااااار
غاليه حيل والله..على شنو مادرى المفروض يجذبون السياح مو ينحشووونهم؟؟!!
الكويت لا مو نفسها الكويت فنادقها رخيصه والله الماريوت اليديد اللى اهو الكورد يارد اللى فيه المجمع فندق راقى وبداخل مجمع الليله فيه على 700ريال
انا اشوووفها رخيصه وايد مقارنه بالدوحه
الله يعينكم

لسه جاي من هناك

المشكلة سكن غالي و 85% من الغرف فااااااااضية

كل دول الخليج ارتفعت أسعارها مو بس قطر

^ ^ ^ ^ ^ ^ ^ ^
أتفق معاك بهالشي لكن ....
هناك فرق بين ارتفاع و الآخر...!

فالأسعار جدا غالية في قطر و أنا ارخص شي لقيته لفنادق الخمس نجوم...
هو قراند ريجينسي 190 دولار لليلة...
و سعر معقول(للعلم هذا الفندق الوحيد اللي مايتعامل مع الكحوليات من فئة الـ5 نجوم)
أما البقية فجدا الأسعار مرتفعة بالرغم من وجود الغرف الشاغرة بكل الفنادق...
حسب ما اوضح لي موظف عبر الهاتف.
--------------------
في المقابل سعر الـ190 دولار يصبح 250 دولار بشهر فبراير, و هذه الزيادة جدا عالية...!
----------------------
كل التوفيق لـ قطر.