الموضوع: استفسار عن شقق في كروم ويل

السلام عليكم ورحمة الله وبركاته

انا عضوه جديده

لكن تصفحي لهذا الموقع دائم :113:

ان شاء الله لدي نيه انا وعائلتي للسفر اللى لندن للعلاج

سفرتنا بتكون بتاريخ 31 ديسمبر

واحتمال المده تكون لشهر او اقل لا ندري

اريد ان استفسر عن أسامي الشقق السكنيه في كرووم ويل

أريد شقه جيده وبأقل الاسعار :24:

ياريت احد يفيدني ويساعدني بهذا الموضوع

شكرا" جزيلا"

اختكم ورده حمره :106:

مواضيع عشوائيه ممكن تكون تعجبك اخترناها لك:

• برنامج لندني ايام ارجوا التقييم من الخبراء
• كيف استطيع ان استخرج تاشيره شنقن و انا في بريطانيا
• ميزانية رحله الى لندن باريس؟؟ ساعدووني
• كيف اروح لـ ؟
• مساعده ضروري
• هل سأواجه مشاكل عند دخول بريطانيا اذا كان جوالي الآي فون يحتوي على جلبريك وبرامج مكرك
• استفسارات يا أهل دبلن
• افضل مدينة للتسوق لندن ام ميونخ
• وش ارخص شركة طيران تنقل من الرياض لندن
• من لندن الى باريس
• احتاج سكن في مانشستر ولندن ومدينة البحيرات
• نصائح مهمه جداً لمن يأتي اول مره لبريطانيا
• رايكم يهمني تفضلو
• اول سفره الى اوربا احتاج مساعدتكم في اسئلتي ربي يسعدكم ويبارك لكم
• رحلة عزوز سمث الى بريطانيا
• تمت الأمور المبدئية على خير وها أنا أجهز نفسي لك يا لندن استفسارات حياكم
• كيف الاجواء في اكتوبر
• ايش اقدر اشترى من لندن يكون ارخص من السعودية
• استفسار عاااااجل رحلتي بكره الاربعاء أفيدوني جزاكم الله خير
• خيمة فندق رويال لانكستر ؟

أول شي هلا فيج بمسافره وعضو يديد في المنتدى

ثاني شي حمد لله على السلامه وما تشوفين شر

ثالث شي في شقق سكنيه بس دقيقه لين الكروم ويل وطبعا المبني وايد خليجين فيه أنا بعطيج رقم صاحب المبني وأتصلي فيه ومالج غير طيبت الخاطر ممنوع وضع رقم خاص - ملبورن

واذا محتاجه اي مساعده فااالج طيب أنا في الخدمه

وعليكم السلام ورحمة الله وبركاته

مرحبا أختي ورده حمره ..

وحياج الله بين أخوانج وخواتج وان شاءالله اتفيدين وتستفيدين ..


الله يشفي مريضكم وايقومه بالسلامه ان شاءالله وأيخليه لكم وأيخليكم له ..

وخبيرتنا غريبه في الدنيا ماقصرت جعلها ذخر ..

ومستشفى كرومويل رود مقابله مباشره عماره حمرا وهذي مشهوره بأسم ( العماير الحمر ) وأغلبها خليجيين وبالذات أهل الإمارات ..

حاولوا تسكنون أول يومين في فندق هوليدي أن الي على شارع كرومويل رود عشان اتشوفون الشقق بعيونكم لأن أغلب الخليجيين ينصدمون من حجم الشقق ..وفوق هذا تتأكدون من نظافة الشقه ..

وأي خدمه أحنا في الخدمه ..

:24:انا موجود بلندن المنطقه فى كروم ويل :101:سعر الشقق تتراوح من 400 باوند واكثر:101::101::101::24:بس نصيحه السكن فى اجول رود افضل

انا ما اؤيد السكن في ادجوروود لان السكن اللي حواليه كلها سيئة جداً جداً جداً وغاليه ولاتستاهل

وكلام اخوي القطري ممتاز وانا فعلت بالضبط مثل ماسوى حجزت فندق لكم يوم وفي هالكم يوم لفيت على الشقق وشفتهم كلهم تقريباً

فيه الحين تقريباً 3 شقق في الماليزية اللي على تقاطع كروموول رود و الايرلسكورت شقه بغرفتين وشقتين بغرفه وحده نظاف الباقين لاتصلح للأستخدام البشري

العمارة الحمرا اللي هي Sherborne Court بجانب مستشفى كروموول واسعارهم كلهم تختلف على حسب نظافة الشقة

مثال شقة غرفة وحده ومطبخ واجلكم الله حمام وصالة نظيفة جداً تتراوح مابين 400 الى 450 باوند

اما الغرفتين وصالة ومطبخ وحمام اجلكم الله حوالي 500 الى 700 هذي النظيفة جداً

الاستوديو اللي تكون غرفة وصاله ومطبخ مفتوحين على بعض حوالي 300 الى 350

اما اللي نظافتها شوي مب لين هناك

تتراوح الغرفه وصالة مابين 300 الى 380

والغرفتين مابين 400 الى 500

والاستوديو 250 الى 300

وفيه شقق ثانيه في الطريق مابين مستشفى كروموول وسانزبيري على اليسار في طريق فيه كم شقه حلوين واسعارهم ماتتعى 700 للغرفتين وصاله ونظيفه بس حسيتها مزعجه لانها على الشارع الرئيسي

وفيه كم شقه ورى فندق جلوستر بعد حلوه بس اكثر يحاولون للأجار طويل المدة

وفيه كم شقه فوق محل البسام اعتقد هذا اسمه او المحل اللي يبيع شماغ احمر عراقي صاحبه على شارع كروموول بس ما اعجبتني نظافتها

وحاظرين لأي استفسار اخر

المشاركة الأصلية كتبت بواسطة Hamad_Qatar
http://www.arabtravelersforum.com/tr...5/#post2522495


وفيه كم شقه فوق محل البسام اعتقد هذا اسمه او المحل اللي يبيع شماغ احمر عراقي صاحبه على شارع كروموول بس ما اعجبتني نظافتها

وحاظرين لأي استفسار اخر




أوصخ شقق اشوفها ... والتعامل زفت .. سكنت اسبوع وحرمت اشوفهم مره ثانيه لو انام بالشارع
تخيلوا .. الدفايه ( الهيتر ) مايشغلونها الا من الساعه 9 بالليل الى 7 صباحاً !!

أياام سودا الله لا يرجعها


أنصحكم بشقق Sherborne Court ( العماره الحمرا ) مقابل مستشفى الكرمويل بالضبط
نظافه وخصوصيه فوق الرائعه واهم شي تعامل ذوق
بالتوفيق ان شاءالله

السلام عليكم ورحمة الله وبركاته,,

صراحه مب عرافه اشلون اشكركم
خجلوتني بردودكم اللي تثلج الصدر :212:

اشكركم من كل قلبي لكل واحد رد علي

أفدتوني وايد

أختي غريبه في الدنيا
الله يسلمج يارب الشر ما يجيج
اشكرك على الرد وشكرا على الرقم جزاكي الله كل خير :113:

اخوي القطري
الله يسلمك ويخليك لكل احبابك
تسلم عالرد
العماره الحمره سمعت عنها من أحد الاقارب وقالولي زينه
ان شاء الله خير
شكرا عالنصيحه الطيبه:24:

هلا اخوي الفهد 72
تسلم عالرد
من خلال تصفحي بالمنتدى عرفت انه الاغلب ما ينصح بأدجوروود رود لاسباب معينه :114:
حاليا" ناوين نسكن ان شاء الله في كروم ويل اشوفها جيده من خلال ما سمعت عنها وقريت
وان شاء الله خير
:101:

أخوي Hamad_Qatar
تسلم عالرد
وبوركت على التوضيحات المفيده جزاك الله كل خير ويوفقك يارب
ما قصرت الصراحه :24::24::24::24:
وان شاء الله خير :106:

اخوي الريان القطري
تسلم عالرد
تسلم عالتوضيح عن هالشقق والله لا يعيد عليك هالايام ,,تستاهل كل خير


تسلمووووووووووووون كلكم والله
الف شكر :101:

:24:

ما في داعي للشكر يا حبوبه تراني في خدمتج


ويعطيج العااااافيه

السلام عليكم ورحمة الله

ممكن خدمه اذا سمحتوا

بغيت احد اذا يقدر يطلع لي رقم شقق العمارة الحمرا Sherborne Court

ياريت احد يعطيني اياهم

محتاجه الرقم ضروري

قانون المنتدى مايسمح انه احط ارقام وانا ماعندي مانع اذا الادارة وافقت

واذا كنتي في لندن مافيه داعي رقم روحي فيه مكتب في شقة رقم 4 يملك اكثر من نص المبنى بيخلونج تشوفين الشقق

وللعلم العمارة مافيها الا كم شقة تنعد على الاصابع نظيفة الباقي ماتنفع

ورده حمرا ماتشوفون الشر وعسى الله يسهل اموركم

اذا خذيتي رقم صاحب العماره طرشيه لي لو سمحتي

ياريت لو يكون في صور لهذة الشقة العمارة الحمرا Sherborne Court

http://www.gulfup.com/show/X34phers3wqecsw

اسم الشقة
http://www.gulfup.com/show/X11khsxb4ln688c


http://www.gulfup.com/show/Xs6dcozcd4w00g
العمارة الحمرا في لندن

في شقق قدام الكمبرلاند عليها مدح اسمها كمبرلاند كروت من الموبايل

عفوا كمبرلاند كورت* من الموبايل