قطر

**ahmed2** · 01-20-2015, 05:10 AM

اول مره ازور قطر فيها كانت قبل 15 سنه ومثل ما انتوا عارفين ان اهل البحرين وقطر خاصه بينهم علاقات وصلة قرابه كبيره قد لاتتواجد بين مثيلاتها بين دول الخليج ..
وعلى ذلك فزيارات المواجب ( عروس , عزيات الخ ... ) ماتنقطع بين الطرفين ..

لكن وبصراحه لم اجد غير ذلك شي يدفعني لزيارة قطر ( انذاك) فقطر كانت دوله هادئه بكل ماتعني الكلمه فلم يكن فيها اماكن للترفيه ولا مجمعات تجارية ولامطاعم ولا قهاوي ولاحتى فنادق غير الشيراتون والرمادا ..

حتى الاهل والربع يحتارون مايدرون وين يودنا فتلاقيهم يعشونا مرتين ويغدونا مرتين ( طبعا هذا من طيبهم ومن كرمهم ) ..

بعد ذلك انقطعت انا عن الزيارات لفتره ليست بقصيرة .. الى ان وجهة دعوه لي من قبل احد الاخوان المقربين لي لحضور حفل الافتتاح الاولمبي الاسيوي ولبيت الدعوه ..

ومن وصلت قطر وانا مب مصدق اللي قاعد اشوفه من تغييرات .. بداية(ن) من المطار المتواضع اللي اصبح اكثر ترتيبا وجمالا وحداثه الى الشوارع الفسيحه وصولا الى الانفاق و الفنادق الرائعه والجامعات بالاضافه الى المجمعات الكبيره و لاانسى المباني الشاهقه القريبه من الكورنيش ..
ومازاد من دهشتي التنظيم الرائع لحفل الافتتاح وللبطوله عموما .. كما لفت انتباهي المنشات الرياضيه الحلوه في قطر ..

فعلا انه تطور هائل وسريع .. وحتى ربعي هناك احس ان تغييرت سوالفهم واهتمامتهم وصارت تواكب العصر :109: ..
ولاعاد في داعي نتغدى ونتعشى مرتين وصارت البرامج كثيره و اصبحت الدوحة مكان جميل للزياره وقضاء وقت ممتع ..

عمار ياقطر والله لايغير عليكم ..