السلام عليكم يا اخواني و اخواتي اعضاء المنتدى المفيد جدا
اولا اشكر جهود إدارة المنتدى و المشرفين و الاعضاء اللي يفيدونا بكل ما هو جديد في عالم السفر والاماكن الحلو
الصراحة استفدت وايد من هذا المنتدى الرائع
وايد طولت صح
ثانيا
انا و زوجي يالسين انشطب بيت العمر ع قولتي كلما قال لي شي قلت له بيت العمر و لازم اندفع فيه خخخ فلسنا من كثر الدفع
المهم وصلنا لمرحلة الثريات والاضاءات
افترينا في الامارات فره
اشترينا الغالي و الرخيص من spotlight يعنى الاضاءات الداخلية غالية و الفريم ارخص
المهم سرنا الدراغون مارت في دبي و الصراحة عندهم اشياء عجيبة و رائعة بس الاسعار اشوي امبالغين فيه يعنى الاسعار ارتفعت عندهم من 2 سنتين الله يرحم خخخ
المهم قلنا الثريات بنخليهم و بنشتريهم من China و بعد الاثاث ان شاء الله من هناك بنأثث
ان شاء الله احنا رايحين ع الصين في اخر 7 لين قبل رمضان بكمن يوم
انا و هو بس
المهم
1- اول شي هل نأجر المترجمة من الامارات ؟
و كيف الاستقبال في المطار؟ يعنى اول مره انسير و ما اعرف شي عنها غير من تقاريركم الرائعة
____نحنا بنشتري ان شاء الله
طقم طاولة طعام عدد 14 لين 18 شخص
جلسات 6 جلسات تقريبا متنوع من الكلاسيك لين المودرن
عدد 4 غرف نوم و ملحقاتها
اكسسورات الحمامات عزكم الله
الثريات عدد 18 ثريا من الجحم الكبير لين الصغير
مطبخ تحضيري تفصيل من هناك
و طبعا الاكسسورات من تحف و لوح و زهور ووووو
ملحقات الحدائق
2- يعنى كم تقريبا الميزانية اللي اشلها وياي لهناك و هل اشلهم كاش او Credit card او شيك او شو بالضبط؟
3-و ين اروح اسكن احسن لي و جريب من الامكان المطلوبه و شو اسم الفندق النظيف و كم يتراوح اسعاره و كيف احجز له؟
4-بالنسبة للأكل اشيل شي وياي والا في اماكن اكل مثل الناس ؟
5-و كيف وسيلة التنقل اهناك نأجر سيارة بسايق او تاكسي او مترو؟
6- كم الوزن المسموح لي انا و ريلي تقريبا عشان نشتري صوغة للياهال؟
7-يوم نشتري و انكاسر ع البضاعة نستلمها في نفس الوقت او يا خذله ووقت و هل ندفع لهم او المكتب بيدفع لهم ؟
8-و هل تنصحون بالشراء من اول مره او انلف و بعدين نشتري؟
9- ومتى اجيك ع البضاعه؟
10-و تقريبا كم حاوية احتاج و هل اتكلف مبلغ كبير و من توصل البلاد هل ندفع ايجار سيارة نقل الحاوية و كم تقريبا كل المبلغ التخليص الجمركي + النقل؟
11- و الريمبي كم يعادل بالدرهم الاماراتي؟
اليوم سألت وحده في دراغون قالت تقريبا 20 ريمبي يساوي 10 درهم هل صحيح؟
امممممممممم شو بعد حشى ما خليت شي انسكلوبيديا استويتوا
12- و ابا ملابس اطفال راقيه وين اروح اكيد امرا لا مفر منه وناستنا خخخخ؟
13- هيه ذكرت وين افيز للصين من الامارات وشو الاوراق المطلوبه وكم ياخذ وقت و بكم ووين مكانهم بتيني فلعه خخخخ؟
بس هاي الاسئلة اذا ذكرت شي برد و بكتب
و يجزيكم الله خير ع الرد مقدما و بدعيله من My heart
انتظركممواضيع عشوائيه ممكن تكون تعجبك اخترناها لك:
- استفسار عن نانجيغ وايوو
- من لديه خبره في مجال التجارة من الصين
- رحلتي الاسبوع الجاي الفزعه تكفووووووووووووون
- ضروري موقع السفارة الصينية
- استفسار ؟؟ اريد اسم مدينة لاستراد المواسير الصلب و ولوازم الصرف
- سؤال بخصوص المجمعات
- مستلزمات الخيل في الصين
- استفسار عن فيزا الصين اقدر اطلعها من السفارة مباشرة
- أرجو المساعده بخصوص إستخراج الفيزا التجاريه
- بخصوص الفندق
- على الهواء مباشرة من جوانزوا
- ممكن تفيدوني يا اهل هونغ كونغ بافضل مكان للسكان
- استفسار عن المجمعات التجارية في هونج كونج
- سعر المكالمات من الصين الى اي دوله في العالم ب دولار لمدة دقيقه فقط
- الصين
- طلب عاجل ومستعجل
- لمن لديه خبره عن كوانزو لاخلا ولا عدم
- استفسار عن شنغهاي
- معلومات مهمة قبل الاستيراد من الصين
- هل يوجد قطار سريع بين بكين وكوانزو
المفضلات