بسم الله الرحمن الرحيم
السلام عليكم
قبل فترة قريبه كنت ناوي اسافر مع الوالدة حفظها الله لسوريا:36_1_40: لعلاج الأسنان:
لاكـــــــــــن للأسف صار عندي لخبطه بجدول العمل وماقدرت اروح لأنه سبحان الله نزلت علي اشغال كثيرة ماتتوقعون ::110:
قلت في نفسي والله المشكلة ماجت هالأشغال الا الحين وبوقت السفر :114:
المهم قلت بس نأجل السفر لسوريا:108:
ودخلت في نقاش مع الأهل وقالو لي اوكيه خل الوالده تروح مع اخي الي يصغرني بسنوات معدوده قلت اوكيه
مع العلم ان اخي عاطل باطل ينتظر رقم وظيفته يطلع من الديوان بس طايح لعب كورة بهالحواري:11ccer:
لا وبعد ناوي ابو الشباب يروح لسوريا هو واخوياه قلت له:112: امعصي وانا اخو فلانه والله ماتطبه الا رجل امك على رجلك وامك اولى لك من ها؟؟؟ الي منب قايل:36_1_28:
المهم وافق بعد جدال:120: حاد وقلت له لاخلصت الوالدة من العلاج ركبها الطيارة وانت انثبر عند اخوياك لاتجي :36_1_30:
قال اوكيه
المهم ابشركم
وصلوووو لدمشق لهم اسبوع :11ight:
يقول اخوي اخذت الوالدة لملاهي الأرض السعيدة
هههههههههههههه
قلت اخذ الله ابليسك وش تبي امي بالملاهي:surf قال رحت اتمشى وقالت لاتخليني بالفندق لحالي
واخذتها معاي
لا وبعد يقولي تصدق اننا ماغير نلفلف بها الاسواق والمحلات انا والوالدة والوضع 100/100
واخوي يقولي اني شاري من ملاهي الارض السعيدة صورة الملك عبد الله حفظة الله وعليها ربطه يعني تلبسها على رقبتك
وامشي فيها بالاسواق والشوارع والناس تناظر وتتبسم والوضع ولا احلى منه والشعب السوري لطيف ومحترم وحبوب
بس غريبه وين الي يقولون في المنتدى سوريا فيها وسوريا لارحت بيصير لك سرق ونرفزة وسوريا وسوريا
والله عيب الكلام الي يصير هنا
انا الحين اكتب موضوعي هذا لكم اليوم الاحد الموافق 27/5/2007م
بس مانقول الا الله يكون بالعون
*** بس ياشباب انا الأن في ورطـــــــــــــــــــــة :
تدرون وش هالورطة الوالدة عيت ترجع للسعودية تقولي الله يسامحك ليش ماوديتنا لسوريا من زمان:109: مع العلم ان الوالدة ماطلعت برا السعودية ابد
وقبل لاتطلع للعلاج بحب الخشوم طلعت
ولا رافضة يعني وديتها هناك بالقوة لاني مرتب لهم الوضع من ناحية السكن في فندق الشام والدكتور موصى من شخص عزيز
والوالدة تقول انا بجلس هناك
وانت اجلس عند اخوانك لين يختبرون الأختبارات النهائية وتعالو :biggrin:
وهذي كلمه امي لكم بالحرف الواحد
الله يهديك ياوليــــــدي تأخذنا بالعطلة لجدة والطائف بها الغبرات والشموس ولا تجيبنا هنا هههههههههه
أمي يوم شافت الزبداني قالت خلاص ماني راجعه للسعودية
اعجبها الوضع:24: وقلت للوالدة انتي تدرين ان سوريا فيها مشاكل وسرق
بس قلت لها الكلام بعد ماراحت قالت ابد ماشفنا الا الخير واحس اني ببيتي بس مانقصني الا انت واخوانك
وقلت للوالدة
فيه منتدى في النت يقولون فيه سوريا صار فيها سرق ومشاكل للخليجيين والسعوديين خاصة
قالت لي رح قلهم تقول ام فلان
الـــــــــــــــــي يبــــــــــــــــــــي الـــــــــــــــــــــــــــدح لا يقـــــــــــــــــــــــــــــول اح : هذا مثل شعبي قديم
يعني لاتخلقون مشاكل من الاول علشان ماتجلسون تقولون سوريا فيها وسوريا مافيها
قلت لها يمه بس لو الواحد كان مؤدب بس جاه احد وبلاه بشره ونرفزه
قالت لي اذا خاطبك السفية فلا تجب فخيراٌ من اجابته السكـــــــــــــــــــــــــــــــــــوت
وابشركم الوالدة رضت ترجع للسعودية بس شرطت شرط
تقول لازم تودينا بالصيف لسوريا قلت لها ابشري سمعن وطاعة
وشكرآ لكممواضيع عشوائيه ممكن تكون تعجبك اخترناها لك:
- ساعات الساحات العامة في سوريا
- أحلى شلالات
- القائمة السوداء
- نرجو تحديد سعر السكن هام للسياح
- القبض على عصابة تضم عراقيين تسرق سيارات المواطنين
- «سما للطيران» تضيف بيروت وحلب إلى وجهاتها الدولية
- أين ستصلي التراويح هذا العام هـ تفضل مواقع مجموعه من الائمة في مدينة الرياض
- سفرتي السبت شكر وعرفااااان
- مواقف مؤلمة وعلــــــــــيكم الحــــــــذر
- رسااااااالة على الهواء مباشرة
- وبعد طوووووووووووول إنتظار
- كسبأم الطيوررأس البسيط سد بلوران تقرير مصور
- أنا في سوريا وكما وعدكم بنقل الاخبار السارة
- اللمة الحلوة
- اللاذقية وطرطوس جمال يأسر الألباب
- كل شئ عن دمشق أماكن سياحيه فنادق مطاعم بالمعلومات والصور
- فى طريق بحرى بين سوريا وتركيا
- السفر الى حلب
- ليلة وليلة بين بلاد الشام وتركيا والامارات كــتـاب
- انشدكم الله
رد مع اقتباس
المفضلات