الموضوع: ♣ ♣ ♣ طريقة طلب الفيزا بالصور ♣ ♣ ♣ ♣ ♣

♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣



السلام عليكم و رحمة الله و بركاته
شلونكم :101:
هذا اول موضوع لي في البوابه الحبيبه بوابة بريطانيا :115: حدي مستانسه
و ان شاء الله ما راح يكون اخر موضوع ...
انا ان شاء الله رايحه في يوم 18/4/2009 ل بريطانيا للعلاج ... و ما راح أتكلم عن العلاج لانه ممنوع مواضيع العلاج بالمنتدى
بس شفت كثير يسألون عن الفيزا و طريقتها و شروطها ....
راح أقولكم طريقة الفيزا العلاجيه ... و أكيد السياحيه و الدراسيه تشبه لها
و طبعا راح أشرح بالصور ....

الاوراق المطلوبه للفيزا ...

اذا رايحين علاج نفسنا ... لازم تأخذون ورقة الموعد من ادارة العلاج بالخارج ... هذي هي :



و بعد هذي الورقه ... ورقة طلب فيزا :



و طبعا الجوازات : أو صور عنها ..



و صور شخصيه خلفيتها بيضه ... نفس حجم صور الجواز .. 4 6x
بالحجاب ... لا أحد يقط حجابه

كشف حساب من البنك لآخر 6 أشهر

و شهادة راتب ... تبين شكثر معاشك


جهزتوا الطلبات !! ألحين نروح ل المركز البريطاني للتأشيرات :
يفتح من الصبح يمكن الساعه 9 و يسكر الساعه 4 العصر





مكانه عند البنك المركزي :



لما توصلون ل المركز ... طبعا يقولون لكم حطوا التلفونات صامت ... و يفتشونكم قبل تدخلون
بعدين يعطونكم استمار تعبونها ....

تعبئة استمارة طلب الفيزا :



و الله الاستماره تخرع ... كأنها امتحان .. ألف صفحه و كلها انجليزي ... انا الحمدلله زينه بالانجليزي بس فيها اشياء مو مفهومه ... و كان باقي نص ساعه و يسكرون ... قلت للموظف اللي هناك عبيها لنا قال ممنوع :110:
قعدنا انا و زوجي نعبيها و اللي ما عرفناه خليناه ... و ردينا للموظف ... لقينا الهندي اللي عنده يعبي ل ناس :112:
يوم شاف اننا شفناهم ... عبى لنا الورقه :24:
و طبعا نص الكلام اللي كتبناه غلط :109: أكيد قال عننا هذول مو كفو يروحون لندن :109:

و بعد ما عبى لنا الورقه ... عطانا رقم و نطرنا دورنا ...
و لما جى دورنا ... عطيناهم الاوراق المطلوبه و كل شي
و دفعنا الفلوس ... 30 دينار للشخص
يعني انا و زوجي ب 60 دينار
لمدة 6 شهور
قلت ما فيه اكثر من 6 شهور :114:
قال العلاج لهم فقط 6 شهور
و بعدين رحنا ل غرفه مسكره ... أخذوا مننا بصمة العين و بصمة الاصابع
و قالوا بعد 3 أيام تجون تأخذون الفيزا ... و عطونا وصل عشان لما نجي نأخذ الفيزا
و فعلا 3 أيام بالضبط و خلصت الفيزا :24:
و هذي هي :



و نفس ما شايفين ... مبين فيها تاريخ بداية و انتهاء الفيزا ...
احنا طلبنا انها تبدأ من 18/4/2009 ... يوم السفر ان شاء الله

و بعد ما طلعت الفيزا ... رحنا حجزنا التذاكر ...



و الاسعار ناااااااااااااار :112:
الله يخلي لي امي الغاليه ... حجزتهم من وراي :106:

و ما بقى الا اننا نسافر .. ان شاء الله
نسيت اقولكم ... سألت من ورى امي عن اسعار التذاكر ... و طلعت التذكره الوحده = 185 دينار :110:
ان شاء الله ما اكون نسيت شي ...
و ان شاء الله راح أتواصل معاكم من هناك قد ما اقدر ... و اكتب لكم تقارير عن اي مكان نزوره :101:
على قولة زوجي ... الاخت رايحه سياحه مو علاج :109:
أدعوا لنا نروح و نرجع بالسلامه ...
و ادعوا لنا بالذريه الصالحه
ربي هب لي من لدنك ذريه طيبه انك سميع الدعاء
ربي لا تذرني فردا و انت خير الوارثين

مواضيع عشوائيه ممكن تكون تعجبك اخترناها لك:

• استفسار بخصوص عروض الاماكن السياحية
• فنادق اسكتلندا
• اول سفره لى لبريطانيا ساعدونى ؟؟؟؟
• الهايد بارك صور
• يورك من تجميعي
• مساعده تكفون الله يعافيكم
• برنامج لندني ايام ارجوا التقييم من الخبراء
• ابي شقق نظيفة وسعرها زين بلندن
• استفسار لندن وباريس
• ساعدوني في رحلة لندنية
• الاجواء في لندن في ابريل ؟؟
• استفسار بخصوص أرياف لندن
• مدينة بورنموث
• بخصوص تأمين الغرف في لندن ؟؟
• هل شهر يعتبر موسم لندن؟ لان الفنادق غالية بشكل غريب
• عادي لو تاريخ حجز الطيارة يكون سابق موعد المقابلة في السفارة ؟
• الله يسعد الى يرد علي والي مايرد
• استفسارات حول الفيزا البريطانية بالسعودية
• استفسار مهم وعاجل عن الفيزا ودعوة للي بيساعدني
• البحيرات جلاسكو لندن مانشستر

الله يشفيك ويعافيك وترجعين بالسلامة انشاء الله اختي المرام موضوع ممتاز ويحتاجة الجميع وشكرا لك

المشاركة الأصلية كتبت بواسطة ahmad598
http://www.arabtravelersforum.com/tr...7/#post2811577

الله يشفيك ويعافيك وترجعين بالسلامة انشاء الله اختي المرام موضوع ممتاز ويحتاجة الجميع وشكرا لك



جزاك الله خير اخوي احمد
و مشكور على مرورك :24:

السلام عليكم ورحمة الله وبركاته

من زماااااااااااان كان عندي يقين أنج من المبدعين بس متحفظه على الأبداع :114:

ماشاءالله تبارك الله ..

سهلتي الاجراءات ووضحتيها بشكل مصور ..

وان شاءالله هالموضوع راح أيكون مرجع للكثير وكلهم في ميزان حسناتكم ان شاءالله ..

والصراحه الوالده كثر خيرها ماقصرت ..وحركتها حلوه ..أثرت فيني واااااجد حركتها ..

الله ايخليها لكم وايخليكم لها ..

والله يرزقكم بلي خاطركم فيه وترجعون من هناك والأبتسامات على وجيهكم ..اللهم امين :101:

تدرين !!

شجعتيني اشرح تعبئة الفورمه وحطها للمنتدى :114:

ان شاءالله اقرب فرصه احاول اسويها ..

والله ايحفظكم في سفركم ويستر عليكم وايوفقكم ولاأيفرقكم ..

الله يعطيج العافية اختي المرام على المجهود الرائع،تحياتي

المشاركة الأصلية كتبت بواسطة القطري
http://www.arabtravelersforum.com/tr...5/#post2811765

السلام عليكم ورحمة الله وبركاته

من زماااااااااااان كان عندي يقين أنج من المبدعين بس متحفظه على الأبداع :114:

ماشاءالله تبارك الله ..

سهلتي الاجراءات ووضحتيها بشكل مصور ..

وان شاءالله هالموضوع راح أيكون مرجع للكثير وكلهم في ميزان حسناتكم ان شاءالله ..

والصراحه الوالده كثر خيرها ماقصرت ..وحركتها حلوه ..أثرت فيني واااااجد حركتها ..

الله ايخليها لكم وايخليكم لها ..

والله يرزقكم بلي خاطركم فيه وترجعون من هناك والأبتسامات على وجيهكم ..اللهم امين :101:

تدرين !!

شجعتيني اشرح تعبئة الفورمه وحطها للمنتدى :114:

ان شاءالله اقرب فرصه احاول اسويها ..

والله ايحفظكم في سفركم ويستر عليكم وايوفقكم ولاأيفرقكم ..



يا هلا والله بخبيرنا القطري :115:
تسلم على مرورك و الكلام الطيب
و نورت الموضوع
اي والله ... اذا تقدر سوي تقرير تعبئة الفورم ... لانه صعب :110:
و جزاك الله خير







المشاركة الأصلية كتبت بواسطة بيت التعريج
http://www.arabtravelersforum.com/tr...5/#post2811845

الله يعطيج العافية اختي المرام على المجهود الرائع،تحياتي



الله يعافيك اخوي
تسلم على مرورك

الله يعطيج العافية المرام...وتروحون وترجعون بالسلامة...والله يوفقكم بالعلاج ويسهل اموركم....

المشاركة الأصلية كتبت بواسطة il bambino
http://www.arabtravelersforum.com/tr...0/#post2814380

الله يعطيج العافية المرام...وتروحون وترجعون بالسلامة...والله يوفقكم بالعلاج ويسهل اموركم....



هلا والله :106:
شلونك
الله يعافيك
تسلم على مرورك

الله يعطيك الصحه والعافيه ياربي ويرزقك كل ماتبينه

وترجعين بالسلامة ان شاءالله

يعطيج العااافيه يا حبوبه وماااقصرتي كفيتي ووفيتي

ويااارب تروحين وترجعين بالسلامه ويااارب يرزقج كل شي تبينه:101:

عليكم الرب حاااافظ

ننتظر مواضيعج عن لندن:24:

المشاركة الأصلية كتبت بواسطة v!p
http://www.arabtravelersforum.com/tr...3/#post2814753

الله يشفيك ويعافيك

وتروحين وترجعين بالسلامة أختي



الله يسلمك
جزاك الله خير







المشاركة الأصلية كتبت بواسطة yone
http://www.arabtravelersforum.com/tr...5/#post2814795

الله يعطيك الصحه والعافيه ياربي ويرزقك كل ماتبينه

وترجعين بالسلامة ان شاءالله



الله يسلمك و يعافيك
جزاك الله خير







المشاركة الأصلية كتبت بواسطة غريبه في الدنيا
http://www.arabtravelersforum.com/tr...4/#post2814854

يعطيج العااافيه يا حبوبه وماااقصرتي كفيتي ووفيتي

ويااارب تروحين وترجعين بالسلامه ويااارب يرزقج كل شي تبينه:101:

عليكم الرب حاااافظ

ننتظر مواضيعج عن لندن:24:



:115: ابشري بالمواضيع اللي تعجبج ان شاء الله
جزاج الله خير

الــســـلام عـــلـــيـــكــم ورحــــمـــة الـــلــه وبــــركــــاتـــه

أشــــلـــونـــج أخـــتــــي الــــغـــالـــيـــه الــــــمــــــرام قــــربـــت الــــســـفــــره أنـــشـــاءالـــلــه أحـــنــا

25-5-2009 حـــجـــزتـــو فـــنــــدق او للــحـــين لازم نـــتــــعــــرف عـــلـــيــكــم هـــنــــاك فـــى لـــنـــدن


واذا حـــجـــزتـــو شـــقــه عـــطـــيــنى خـــبــــر

مرام
تروحين و تردين بالسلامه ان شاء الله
بنفقدج ابـ بوابة الكويت : )

و الله يرزقكم الذرية الصالحه..
و يوفقكم ابروحتكم اهناك ^.^

والله راح نفقدك

تروحين وترجعين بالسلامه


والله يرزقك الذرية الصالحة

المشاركة الأصلية كتبت بواسطة الــمزعـج
http://www.arabtravelersforum.com/tr...7/#post2815827

الــســـلام عـــلـــيـــكــم ورحــــمـــة الـــلــه وبــــركــــاتـــه

أشــــلـــونـــج أخـــتــــي الــــغـــالـــيـــه الــــــمــــــرام قــــربـــت الــــســـفــــره أنـــشـــاءالـــلــه أحـــنــا

25-5-2009 حـــجـــزتـــو فـــنــــدق او للــحـــين لازم نـــتــــعــــرف عـــلـــيــكــم هـــنــــاك فـــى لـــنـــدن


واذا حـــجـــزتـــو شـــقــه عـــطـــيــنى خـــبــــر



:115: هلا والله ابو افنان
اي اكيد ان شاء الله كل شي بأقوله لكم
الفندق حجزت أول 3 أيام بالنت
في فندق : عنوانه:

Hotel Shaftesbury Metropolis London Hyde Park
Address: 78-84 Sussex Gardens
London, W2 1UH
United Kingdom
احسن شي انه سعره مناسب و عند الهايد بارك
و ان شاء الله تشوفون التقرير عنه
و نشوف افنان و امها







المشاركة الأصلية كتبت بواسطة Hambka Q8
http://www.arabtravelersforum.com/tr...5/#post2816185

مرام
تروحين و تردين بالسلامه ان شاء الله
بنفقدج ابـ بوابة الكويت : )

و الله يرزقكم الذرية الصالحه..
و يوفقكم ابروحتكم اهناك ^.^



يا قلبي :110:
جزاج الله خير .... والله ما يهون علي اخلي الكويت و البوابه بس هالشي غصب عننا







المشاركة الأصلية كتبت بواسطة المتفائل جدا
http://www.arabtravelersforum.com/tr...8/#post2816428

والله راح نفقدك

تروحين وترجعين بالسلامه


والله يرزقك الذرية الصالحة



الله يسلمك و جزاك الله خير :101:

السلام عليكم

بالبداية ماتشوفون شر اختي المرام ومشكورة عالتقرير


سمعت السفارة البريطانية ماتطلب لاتقرير راتب ولا كشف حساب فعلا هالكلام بس يبون صورة خلفية بيضة وتعبين الطلب ياليت تفيدينا اكثر

وشكر

هـــلا أخـــتــــي الــــمــــرام أنـــا رحــــت الــــيـــوم الـــســـفــاره وأخـــذت الـــنـــمــوذج بــــصــــراحــه

زحـــمـــه الـــيــوم يـــعــنـــي بـــس كـــنــــت بـــا خــذ طـــلــب نـــمــوذج لازم أصـــف بالـــدور زحــمــه

أنـــا كـــلــمـــت مـــنـــدوب يـــا خـــذ 10 دنـــانــير كـــل جـــواز أحـــسن مــن أنـــتـــظـــر بالــزحــمــه

قـــالــــى الـــمــنـــدوب أنـــا أســوى كـــل شـــئ اذا وصـــلـــت الــدور حــــق الــــبــصــمــه أتــصــل عــلــيك

الله يعطيك الصحه والعافيه ياربي ويرزقك كل ماتبينه

وترجعين بالسلامة ان شاءالله...

والله يرزقك الذرية الصالحة

المشاركة الأصلية كتبت بواسطة kuwaiti-man
http://www.arabtravelersforum.com/tr...3/#post2817613

السلام عليكم

بالبداية ماتشوفون شر اختي المرام ومشكورة عالتقرير


سمعت السفارة البريطانية ماتطلب لاتقرير راتب ولا كشف حساب فعلا هالكلام بس يبون صورة خلفية بيضة وتعبين الطلب ياليت تفيدينا اكثر

وشكر



الشر ما يجيك
والله اعتقد مو لازم ... يمكن لقانا جايبينهم قال خليني اخذهم :101:
الاحسن تتأكد منهم







المشاركة الأصلية كتبت بواسطة الــمزعـج
http://www.arabtravelersforum.com/tr...3/#post2817933

هـــلا أخـــتــــي الــــمــــرام أنـــا رحــــت الــــيـــوم الـــســـفــاره وأخـــذت الـــنـــمــوذج بــــصــــراحــه

زحـــمـــه الـــيــوم يـــعــنـــي بـــس كـــنــــت بـــا خــذ طـــلــب نـــمــوذج لازم أصـــف بالـــدور زحــمــه

أنـــا كـــلــمـــت مـــنـــدوب يـــا خـــذ 10 دنـــانــير كـــل جـــواز أحـــسن مــن أنـــتـــظـــر بالــزحــمــه

قـــالــــى الـــمــنـــدوب أنـــا أســوى كـــل شـــئ اذا وصـــلـــت الــدور حــــق الــــبــصــمــه أتــصــل عــلــيك



هلا والله ابو افنان
احنا لما رحنا ما طولنا ... بس طولنا ب تعبئة النموذج
يا ليت تعلمنا شهادة الراتب و كشف الحساب ضروري ولا مو لازم :114:
و طمنونا عليكم أول بأول







المشاركة الأصلية كتبت بواسطة lمذهل
http://www.arabtravelersforum.com/tr...7/#post2818127

الله يعطيك الصحه والعافيه ياربي ويرزقك كل ماتبينه

وترجعين بالسلامة ان شاءالله...

والله يرزقك الذرية الصالحة



جزاك الله خير

تروحون وترجعون بالسلامة
اللهم بأسمك الاعظم أنك ترزقهم الذرية الصالحة وتمتعهم بالصحة الدائمة أنك سميع الدعاء
بالتووووووووفيق ان شاااااء الله

اسئل الله العظيم رب العرش العظيم ان يشفيكم

ويرزقكم الذرية الصالحة

واكثروا من الاستغفار والدعاء فالمسافر مستجاب الدعاء .

أشـــلـــونــج أخـــتـــي الـــمـــرام مــمــكن أعـــرف بــكــم ســـعـــر الـــفــنـــدق

وأبـــيــج تــــعـــطــيــنى خـــبـــر عــــن مـــســـتـــوى الـــفـــنــــدق

جزاكم الله خير
هلا والله ابو افنان ... الغرفه تقريبا ب 30 دينار من موقع بوكينج
و ان شاء الله تشوف تقاريري
تابعوني

أبشركم
الحمدلله وصلنا اليوم ل لندن
راح اتكلم عن كل شي بالتفصيل
بس ب تقرير مستقل عن قريب
الجو رووووووووووعه مايل للبروده

هـــلا بــأ خـــتــــي الـــغــالـــيــه الــــمــــرام الـــحـــمــدالــلــه عـــلــى الـــســـلامــــه أشــــلـــون

الـــفــنـــدق تـــنـــصــحــينى فـــى أخــــذ الــفـــنــدق أو عـــلى مــــلاحـــظــات

أرجـــــو الــــرد

فديتك يا مرام بس كان خليتينا نشوف وجهك في الجواز تدرين نسيت اقولك جوازاتكم يا الكويته على قولت المصري كشخه بس مو احلى من الا خضر فديته والله وفديت الشرح الحلووووووووووووو

شكرا ويعطيج العافيه على هالتقرير المتميز ونصيحتي لج أختي ألتزمي الاستغفار يوميا ، في ناس انحرموا من الذريه سنين ولما الزموا الاستغفار بأشهر الله سبحانه رزقهم وهم موقنين فيه و راضين ابقضاء الله وقدره ، هذا بالاضافه الى بذل الاسباب والعلم الحديث.
جاء رجلُ إلى الحسن البصري يشكو إليه الجذب والقحط فأجابه قائلاً : " استغفر الله " ، ثم جاءه رجلُ آخر يشكو الحاجة والفقر فقال له : " استغفر الله " ، ثم جاءه ثالثُ يشكو قلة الولد فقال له : " استغفر الله " ،
فعجب القوم من إجابته فأرشدهم إلى الفقه الإيماني والفهم القرآني والهدي النبوي وتلا قول الحق جل وعلا :
{ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموالِ وبنين يجعل لكم جناتِ ويجعل لكم أنهاراً } .
الله يرزقج الذريه الصالحه السليمه المعافاة يارب يارب يارب

جزاكم الله خير
شلونك ابو افنان
الفندق حلو و موقعه يجنن جنب الاجورور و قريب مننا الماربل ارش .. و محطة الماربل ارش .. بس يبيلها شوية مشي
و حتى الهايد بارك
و قلنا نبي نفر على يوم الاجورود ندور شقه ... ان لقيت اعلمكم
المهم الفندق حلو لكن الغرف صغيره
انا ما يهمني حجم الغرف ... لاننا بس ننام وقت الراحه ... المهم الموقع
صورت كلللللل شي
لكن بس القى الوصله احط لكم التقرير
انتظروني

السلااااااااااااااااااااااااااااااااااام عليكم

الحمدالله علا السلاااااااااااااااااااااااااااااااااااااامه

نورت بريطانيا بوجودكم :24:

وان شاءالله ماتعبتوافي السفر !!

وكيف انطباعج الأولي عن لندن !!

وهل فيه رهبه قبل السفر ولا لا !!

وكيف لرهبه بعد ماشفتي لندن !!

هــــلا بــأخــتـــي الـــمــــرام أي أبــي رقــم صـــاحــب الــتـــاكـــسى الـــمــشــكــلــه مـــا أعــرف عـــلــى

الــمــوقــع أشـــلــون الــحــجــز أخــوج مـــا يــعـــرف أنجــلــيزى

أنــــا صـــارلــى أســبـــوع أنـــتــظــر تـــفــعـــيــل الـــرســائــل الـــخــاصــه بــــس الأخ فـــهــد مـــديــــر


الــمــنــتـــدى يـــقــول بخصوص الرسائل الخاصة ... نحن الآن نعمل على آليه بخصوص هذا الأمر ... وبإذن الله ينتهي قريبًا ..

فهد©

والــلــحــين قـــاعــد أنــتـــظــــر

تروحين وترجعين بالسلامة أختي ....

هلا والله بمشرفتنتا الغالية ( المرام ) صباحج كله عسل وصباحج كله ورد وياسمين ،،، اليوم الأثنين موافق 20/04/2009

وان شالله كل اموركم تسهلت من السكن والمصروف اليومى والاهم بلشتوا بمراجعات المستشفي يارب يسهل عليج امر يارب يسهل عليج امر ولا يعسرة يارب

يارب تفرحين بالخبر السعيد اللي يطفي النار في قلبج ويارب يجعلة لج من الذرية الصالحة وبارين لوالديهم يارب العالمين والله انى اكتبلج يااختى المرام وقلبي مقطعنى عليج والله جنى اعرفج من زمان والله ان ربي شاهد واحبك في الله واحبك الاخت لي في الاسلام يارب يسهل عليج امر يارررب العالمين ان ترجعين الي بيتج سالمة غااااااااانمة يارب

أسأل الله العظيم ربي العرش العظيم أن يشفيها
أسأل الله العظيم ربي العرش العظيم أن يشفيها
أسأل الله العظيم ربي العرش العظيم أن يشفيها
أسأل الله العظيم ربي العرش العظيم أن يشفيها

يا عمري
جزاج الله خير على سؤالج
و انتي بعد غاليه وما قصرتي
الموعد باجر ان شاء الله
و السكن للحين ندور

waaaaaaaaaaw

ذكرتيني يوم اعبي الاستماره حق رفيجتي

صج كأنها كتاب ..

مليون سؤال وسؤال ..

الله يسهل دربكم يارب .. وتبشرينه بالأمومه

ربي يجعل لكي في كل خطوه سلامة وان شالله ربي يحقق لك مرادك وكل ماتتمنين في الدنيا والاخرة.....امين

جزاكم الله خير

.’.’.’.



جعل الله ما أصاب والدتكـ كفارة لهــا ..


ترجعون بالسلامــة ::.



.’.’.’.

جزاك الله خير

طيب اختي

ماطلبو منكم اثناء تعبئه الفيزه ...صوره للحجز تبعكم ((حجز السكن ))


!!!!!

صحيح نسيت اتشكرك على الموضوع

وترجعين بالسلامه ..وربي يرزقك بالذريه الصالحه ان شاء الله

تسلمين على مرورج
لا
ما طلبوا مننا صورة حجز السكن

اختى المرام ان شاء الله يتمم عافيته عليكم ويرزقج بالذرية الصالحة ان شاء الله اختى انتى متاكدة انه الفيزة الوحدة 30 خبرى انها 2007 (36.5 ) وكلماها ترتفع شلون انزل سعرها انتى متاكدة او انى غلطانه وناسيه من كثر مايرفعون اسعارهم الله يرحم ايام زمان كنا نروح بدون فيزا

أخــتـــي الـــفـــاضـــلـــه βνĹĂĢŔĨ-q8 الـــســعــــر الـــحـــيــن 29 ديـــنـــار كويــتــي أمـــس مــســوى

الـــفــيــزا وفـــى خـــدمـــه الـــممــيــزه vip ســـعـــر الـــخــدمــه كـــل جــواز 21 ديــنـــار غــيــر الــرســوم

المشاركة الأصلية كتبت بواسطة βνĹĂĢŔĨ-q8
http://www.arabtravelersforum.com/tr...6/#post2860156

اختى المرام انشاء الله يتمم عافيته عليكم ويرزقج بالذرية الصالحة ان شاء الله اختى انتى متاكدة انه الفيزة الوحدة 30 خبرى انها 2007 (36.5 ) وكلماها ترتفع شلون انزل سعرها انتى متاكدة او انى غلطانه وناسيه من كثر مايرفعون اسعارهم الله يرحم ايام زمان كنا نروح بدون فيزا



هلا فيج اختي
نفس ما قال ابو افنان ... ب 29 دينار
احنا عطيناهم 60 لنا احنا الاثنين بس ما ردوا لنا ولا فلس ... ف توقعت انهم رفعوها من 29 الى 30 دينار :101:

مشكوين فعلا امس ايصلت على مكتب التاشيرة وقالى السعر انها 29 واستغربت لنهم بالعادة كل فترة يرفعون سعرها لما بغينا نفيز طلعت انفلونزا الخنازير الله يستر.

اي والله الله يستر
احنا لو جايين سياحه كان اخذنا فوق تحت و ردينا بيتنا
لكن احنا جايين علاج
الله يستر

تعقيب سريع :
السلام عليكم ورحمة الله وبركاته
نتمنى لكم رحلة علاجية وسياحية موفقة وبعيدة عن الاذى وان تعودوا لوطنكم سالمين غانمين

ملاحظة بسيطة : شاهدت التوقيع وفيه الدعاء :

ربي هب لي من لدنك ذرية طيبة إنك سميع الدعاء
رَبِّ لَا تَذَرْنِي فَرْداًوَأَنتَ خَيْرُ الْوَارِثِينَ
ربنا هب لنا من ازواجنا وذرياتنا قرة اعين واجعلنا للمتقين اماما

============
ونحن نقول اللهم ارزقنا وارزق المسلمين الذرية الصالحة
ولكن عليكم بالاستغفار فإنه علاج ناجح 100% في الرزق بالذرية الصالحة
ومصداق ذلك

قال الله تعالى: {فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا}


ولعلي أطرح لك هذا السؤال ( الفتوى ) الموجه لأحد المشائخ :

في سورة نوح ورد فضل الاستغفار، ما هي كيفية الاستغفار الصحيحة - حفظكم الله - ؟ وهناك تجربة إن صح التعبير لزميل لي في العمل حيث إنه لم يرزق بالذرية بعد مضي عام ونصف تقريبا، وبعد ذلك داوم على الاستغفار ولازمه في جميع أوقاته وأحواله بعد ترك فضول الكلام وتحري الحلال في جميع حوائجه ولم يكمل الشهر وإذا به - بحمد الله - يبشَّر بأن زوجته أصبحت حبلى، حفظ الله هذا الزميل وحفظ ذريته وأهله. فسبحان الله هل ينطبق هذا المثال على من أراد الأموال والجنات ؟

وهنا كانت الاجابة في موقع طريق الاسلام
http://www.islamway.com/?iw_s=Fatawa...&fatwa_id=3675

===========

رزقنا الله واياكم الذرية الصالحة واعتذر عن خروجي للموضوع فقط أردت الفائدة

جزاك الله خير اخوي ابو نواف
ما قصرت

الله يرزقكم بالذرية الصالحة يارب

وكل الشكر على وضع كيفية استخراج الفيزا

تسلم على مرورك

ان شاء الله يا اخت مرام ترجعي وانتي حامله الاخبار الساره واهم شي انك تتذكري انو العلاج الشافي بيدك قبل كل شي طبعا بعد رب العالمين

جزاك الله خير اخوي فراس

اختي المرام يعطيج العافيه

انا والله رحت بالبدايه قلت بعبي الفورمه بنفسي قعدت مسكت القلم

الصفحه الاولى عدت على خير

الصفحات الباجيه صراحه ماقدرت ,,

نزلت دفعت 3 دنانير وعبولي الفورمه كامله

المشاركة الأصلية كتبت بواسطة βνĹĂĢŔĨ-q8
http://www.arabtravelersforum.com/tr...8/#post2864258

مشكوين فعلا امس ايصلت على مكتب التاشيرة وقالى السعر انها 29 واستغربت لنهم بالعادة كل فترة يرفعون سعرها لما بغينا نفيز طلعت انفلونزا الخنازير الله يستر.




يوم الاربعا اللي طاف مقدم الطلب والسبت استلمت فيزتي
ودفعت للشخص الواحد 34 دينار كويتي

يمكن الاختلاف بالسعر على حسب النوع

سياحيه ولا دراسه ولا طبيه
وممكن بعد الفتره

الله يعافيك
بس ليش ما خليت الموظف يعبيها لك ببلاش؟
احنا ما قدرنا نكملها و عبالها لنا ... بس يمكن كان عندهم زحمه
و يمكن رفعوا سعر الفيزا عشان الصيف !!
حياك الله بلندن
تجي بالسلامه

المشاركة الأصلية كتبت بواسطة المرام
http://www.arabtravelersforum.com/tr...6/#post2811539

♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣





الاوراق المطلوبه للفيزا ...



و طبعا الجوازات : أو صور عنها ..







اخت مرام هل ممكن اطلع الفيزا البريطانية بصوره من الجواز؟؟ (جوازي في السفارة الكندية)

ويعطيك الف عافية.....

هلا فيك اخوي ....
اي اكيد يصير بصور الجواز
احنا اخذنا الجوازات بس ما طلبوهم ... طلبوا الصور
حياكم الله

مشكور اختي المرام بس اتوقع انه مطبق عندكم بس في الكويت ... يمكن النظام في السعودية يختلف... سألت أكثر من واحد يقول لي ما يصلح لازم اصل الجواز....

و الله مدري اخوي ....
الله يسهل عليكم و تجون
حياكم الله بلندن

الفين شكر لج اختي