الموضوع: تقرير زيارة سريعة لقطر

زيارة سريعة لقطر

الجزء الأول



من فترة و أنا أدور لي خوي يروح وياي قطر ... كان هدفي أزور بعض أصدقاء الدراسة في أمريكا و كذلك أشوف التطور اللي حصل في قطر من بعد اخر زيارة و اللي كانت سنة 2002 ...


أخيرا احد الأصدقاء اقتنع يوم الاربعاء و كان الاتفاق على انه السفر يكون في الويكند ... يعني عندي ليلة أضبط فيها الحجوزات !!!!!



الحجوزات


دخلت بوابة قطر و اشكركم على كل المعلومات اللي موجودة هنيه و مشاركتي هاذي رد لجميلكم و لتعم الاستفادة على الجميع ..


نصيحة ما اقدر ااخرها ... احجز قبل لا تسافر قطر بفترة طويلة لانه كل الفنادق مليانه ..


مهرجانات و بطولات ما تخلص في قطر .. في وقت زيارتي كان مهرجان الدوحة الثقافي و بعد كان بطولة الدراجات موتر جي بي ..



اتصلت على .. فورسيزون - ريتز - ريدجز - الانتر - الشيراتون - ماريوت

ها الفنادق كلها ما حصلت فيها حجز .. ولما سألت عن اسعار بعضهم 2000 ريال وفوق




بعدها كان مصير الرحلة الالغاء ... حتى كان الانقاذ من فندق و ابراج موفنبيك ..

اتصلت عليهم و حصلت غرفة ب 1450 شاملة الضرايب .. بس لما حجزت اخذ اسمي و بس ..


انا شكيت في الموضوع . قلت خلني ادخل على موقعهم دخلت خصلت غرف موجودة بسعر 1250 شاملة الضرايب .. قلت اجرب احجز معهم اونلاين بس ما عندي فيزا .. بس فيزا الكترون ..
جرب ياعمي و احط لهم الرقم و يمشي الحجز ووصلني رقم تأكيد الحجز على الايميل ..


يعني اللي يبغي يسكن عندهم يحجز من الموقع اسعاره اقل ..



انطلاق الرحلة


مكان انطلاق الرحلة : أبوظبي


تاريح الانطلاق : 6 - 3- 2008


وقت الانطلاق : 11:30 صباحا


المسافة الى مركز حدود الغويفات : 350 كم حط في بالك 3 ساعات .. و عن السرعة :24:


اجراءات مركز الغويفات و مركز البطحاء كانت سريعة جدا لانه ما صادفنا زحمه .. التأمين لمدة اسبوع .


السفر كان باستخدام بطاقة الهوية الجديدة و دخلنابها السعودية و قطر ..


بعد مركز البطحاء أول محطة بترول ساسكو أستراحة .. و بترول و ياعيني على الاسعار .. الله يديمها عليكم

و يصبرنا على الاسعار عندنا .. بس اكل المطعم ما عجبني مع انه له ذكريات قديمة في كل سفراتي لازم

امر عليه ..


المسافة من البطحاء الى مركز سلوى 150 كم .. (المسافات شوي تقريبية مش بالضبط !)


بعد الاجراءات هنيه و في مركز بوسمرة كانت سريعة ..


الخروج من مركز بوسمرة الساعة 4:15 بتوقيت الامارات .. 3:15 بتوقيت قطر ..


اللوحة على الشارع تقول الدوحة 90 كم ... يعني أقل من ساعة (المنطق)


الواقع ... التحويلات كانت من بوسمرة الى تقاطع الصناعية الجسر الجديد يعني تقريبا كل الطريق الى

الدوحة تحويلات .. الحذر الحذر لانه فيه تحويلات خطرة وشفنا حادث على الطريق .. الحذر بعد من الرادارات

الكثيرة على ها الطريق و في كل قطر ..



أقولكم بس كتابة .. انتظر ردودكم عشان نكمل بقية التقرير


اقول للاعضاء اللي ينتظرون صور يعذروني .. ما ركزت على التصوير بس بعد فيه صور لكم في الجزء القادم

مواضيع عشوائيه ممكن تكون تعجبك اخترناها لك:

• حصرياً صور فندق فورسيــزن الدوحـــة والمباني المجاورة لـه
• ساعدوني بشقق
• رتاج ريزدنس فزعتكم يالخبراء
• قطر تخطط لتنظيم معرضا عالميا سياحيا العام القادم
• موعد إفتتاح حلال قطر
• فندق قريب من المطار
• هل معقول
• أجنحة وريزيدنس كمبينسكي
• جو ثاني في دار آل ثاني
• افضل كفي شوب لمشاهدة المباريات في قطر
• فزعتكم يااهل قطر
• خطة لتطوير السياحية القطرية ب مليار دولار
• مساعدتكم الله يعافيكم بخصوص منطقة السد
• قطر تعتزم شراء فنادق مايبورن البريطانية بمليار إسترليني
• حبايبي يا اهل قطر عندي ترانزيت ساعه و ساعه فصلو لي جدول مرتب على ذوقكم
• صور مطار حمد الدولي الجديد
• مسافرين لقطر هل من مساعدة ؟؟
• محتار في السكن
• هل يوجد دبابات بحرية وبتشيات للايجار بقطر وبكم اسعارها
• شاطئ فويرط في قطر

مرحبا فيك اخوي في الدووحه

حي الله أهـل دار زايـد

نورتونا بهالطلـة وبداية مشجعـة

وفعلا كلامك صحيح بالنسبة للحجوزات لازم تكون بدري شـوية

ودائمـاً وأبـداً نـقـول الحجز عبر النت افضل

وأن شـاء الله من المتابعين معك

ولو في صور افضل (طلب وليس امر)

فالك طيب

تقرير بدايته رائعه

ولكن ياليت تضع لنا صور في الجزء القادم

الله يعطيك العافية

مرحبا بك يا looklook في بلدك الثاني قطر :113:
اشوف الدوحه منوره :101:

المشاركة الأصلية كتبت بواسطة الراايق
http://www.arabtravelersforum.com/tr...3/#post1879143

مرحبا فيك اخوي في الدووحه

حي الله أهـل دار زايـد

نورتونا بهالطلـة وبداية مشجعـة

وفعلا كلامك صحيح بالنسبة للحجوزات لازم تكون بدري شـوية

ودائمـاً وأبـداً نـقـول الحجز عبر النت افضل

وأن شـاء الله من المتابعين معك

ولو في صور افضل (طلب وليس امر)

فالك طيب




هلا والله باخوي الرايق

و الله انه الدار منوره باهلها اللي ما قصروا ويانا ..

عندي شوية صور بس بحطهم لك ولا يهمك

خلك من المتابعين :24:

المشاركة الأصلية كتبت بواسطة mzoon
http://www.arabtravelersforum.com/tr...3/#post1879393

سجلني متابعه ..

من زمان ودي اشوف تقرير عن قطر



خليش متابعة

تحياتي

المشاركة الأصلية كتبت بواسطة قـــطــــــري
http://www.arabtravelersforum.com/tr...9/#post1879489

مرحبااااااااااااا الساع في ذمتيه

مرحبااا ملايين ولا يسدن وان جان سدن فلا باس






الله يحييك ويبجيك ..

و النعم فيك و في هل قطر .. اشهد انهم ما قصروا

حياك و يانا في السيارة .. :109: بس ترانا ما نسرع :109:

المشاركة الأصلية كتبت بواسطة The Watcher
http://www.arabtravelersforum.com/tr...7/#post1879847

حياك الله اخوي في بلادك وبين واخوانك

وناطرين باقي التقرير




هلا بك اخوي ..

خلك متابعنا

تحياتي

المشاركة الأصلية كتبت بواسطة اليازي-UAE
http://www.arabtravelersforum.com/tr...3/#post1880173

وانا سجلني من المتابعيييين

:101:




مشرفتنا العزيزة ... حياش و الله

تحياتي

سجلنى متاااابعه

شو مشكلة المنتدى

كله network error

حتى مركز تحميل الصور نفس الشي

انا ها الموضوع كم مرة كتبته و كل مرة ينمسح و الصور تعبتني

اسمحولي على التاخير

المشاركة الأصلية كتبت بواسطة qatar2007
http://www.arabtravelersforum.com/tr...8/#post1881248

ابشر وانا اختك قطر 2007:106:

السموحة منش اختي :55654:

العتب على النظر :114:

المشاركة الأصلية كتبت بواسطة قـــطــــــري
http://www.arabtravelersforum.com/tr...0/#post1881260

شو قصدك يعني

اوونه هل قطر مخبل كل طايرين في السما شو :11ight:

هههههههه

ياحييك والله

نتريا باجي التقرير

:101:



ياريال ها الكلام كنت شايفنه قبل كم من سنه ..

بصراحة النقاط السود و الرادارات الثابتة و المتحركة نجحت في انه الشباب يخفون السرعة

لا و الجميع ملتزم بحزام الامان ..

قلت للشباب ما تيوون الا بالعين الحمرا ... :109:

المشاركة الأصلية كتبت بواسطة الراايق
http://www.arabtravelersforum.com/tr...8/#post1889618

مرحبا اخووووي

والله خووووش جولة

تقرير وصور رووووعه

يسلموه هالاديات

واي خدمه احنا تحت الامر

فالك طيب




هلا بيك اخوي الرايق

مشاركتك أسعدتني ..

فالك ما يخيب

تحياتي

http://www.arabsys.net/pic/index.php
على هالتقرير

المشاركة الأصلية كتبت بواسطة foooz.mf
http://www.arabtravelersforum.com/tr...3/#post1892063

يسلموووووووووووووو اخوي لوك لوك

تقرير حلو وننتظر المزيد

تحياتي




أشكرك على مشاركتك و انتظر الجزء الأخير

تحياتي

المشاركة الأصلية كتبت بواسطة الربيش
http://www.arabtravelersforum.com/tr...6/#post1893266

سجلني من المتابعين

http://www.arabsys.net/pic/index.php




حياك ويانا في الرحلة ..

تحياتي

الله يعطيك العافيه
وبانتظار التكمله

الجزء الثالث و الأخير


صباح يوم الجمعة


الجو حلو شو رايكم نتمشى على الكورنيش :24:

تراه اقولكم كورنيش الدوحة غير لا تفوتوه ..


خذت لكم ها الصورة من على كورنيش الدوحة






بعد الجولة رحنا سيتي سينتر و للعلم هو يقع خلف فندقنا مسافة دقيقتين بالسيارة


كوفي ستار بكس و بعدها الى صلاة الجمعة ..


غدانا كان في بيت واحد من الربع و اشهد انه ما قصر :113:


العصر رحنا نزور صديق لنا في منطقة الوكرة ..


بعد ما ضيفنا خذنا في جولة في منطقة الوكرة و شفنا الشغل في ميناء الوكرة و المكان اللي بيكون في المستقبل كورنيش الوكرة ..


بعدها رحنا صوب المنطقة التراثية و اللي فيها كثير مقتنيات و الشغل قايم فيها على اساس تطويرها بنفس

ستايل سوق واقف .. بصراحة انا احب المناطق التراثية و اتوقع هذا المشروع راح يكون احد معالم قطر في

المستقبل


تعالوا الوقت يمر و لا رحنا فيلاجيو مول .. انا شايف الصور و ابغي اشوفه على الحقيقة


المول كان صدج زحمة بس ديكوراته تنسيك كل شي ..

ذكرني بمولات و فنادق لاس فيجاس و الله ايام :110:

خذت لكم ها الصورتين ان شاء الله يعجبوكم








قعدنا في الكوفي اللي فوق القناة المائية .. مكانه روعة الصراحة


طلعنا من المول و خذنا جولة ليلية في الدوحة


يا جماعة نبغي عشا .. قالو بنوديك المطعم الايراني من احسن مطاعم الدوحة .. قلتلهم ياينه قبل

نبغي مطعم دايم تروحون له ....


ودونا مطعم صغير بس اكله ما عليه كلام تخصصه سي فود .. المطعم صوب محلات الموبايلات في سوق الغرافة


طلعنا من المطعم و كملنا سهرتنا في واحد من المقاهي


ودعنا الشباب اللي اشهد انهم ما قصروا معنا وربي يقدرنا نرد لهم جميلهم لما يزورزنا في الامارات ..


الحين الساعة 2 نص الليل شو رايكم نمشي على كورنيش الدوحة .. انا صرت من عشاق الكورنيش :101:


خذت لكم ها الصورة لفندق الشيراتون






صباح السبت اليوم الاخير في قطر



هاي صورة من غرفتنا و تبين لكم الابراج اللي يطل عليها الفندق





صورة لفندق رتاج الريان اللي تكلموا عنه في البوابة و شكله ممتاز و موقعه حلو مجاور لفندقنا موفنبيك





و هاي صورة لفندق الفورسيزونز المواجه لفندق الموفنبيك






طلعنا و مرينا سيتي سينتر على السريع و بعدها وينك يا بو سمرة


زيارة كانت سريعة بس ماشاء الله ما خلينا مكان ..


الاماكن اللي ابغي اشوفها في زيارتي القادمة


منطقة الوكرة التراثية

المتحف الاسلامي

اكاديمية اسباير

و احضر مبارة في ملعب السد ( تراني ما اشجع السد بس الملعب :109


تحياتي لاهل دار التميمي و كل من شارك في الموضوع برد او حتى بزيارة


اتمنى اني قدمت شي بفيد زوار بوابة قطر

المشاركة الأصلية كتبت بواسطة MiSS DoHa
http://www.arabtravelersforum.com/tr...2/#post1903952

الله يعطيك العافيه
وبانتظار التكمله




شكرا على تواجدش و ان شاء الله عجبش الموضوع :101:

المشاركة الأصلية كتبت بواسطة Qa Eye
http://www.arabtravelersforum.com/tr...2/#post1937722

أهم شي إعجبتك قطـر ..

بس إنت ظلمت زحمت دبـي مع سالك مافي زحمة ..

إسباير لازم تدخلها أو تمشي في الممشى جوها عجيب ..

سوف واقف عن نفسي أحس يبغيله تجزئة جزء مشترى وجزء قهاوي وجزء مطاعم ..

وإذا بتجي مرة ثانية قطـر خبرنا .. :d




زجمة دبي لا يفيد وياها سالك و لا هالك :109:

اكيد زحمة قطر ما تسوى شي عند زحمة دبي .


اكيد المرة القادمة لازم ادخل اسباير


و عن سوق واقف انا اشوفه شيه اجسن :24:


تحياتي لك

looklook

تقرير ممتع

وجهد تشكر عليه

ويامرحبا فيك
بقطرنا