الموضوع: شركات سياحية لمنطقة البحيرات بانجلترا

رحلات سياحية الى منطقة البحيرات
District Lake

السلام عليكم ورحمة الله وبركاته ..

اخواني واخواتي في منتدى المسافرون العرب

في موضوعي سأتطرق لثلاثة أمور رئيسية بخصوص منطقة البحيرات وهي كالتالي :

1. شرح بسيط عن منطقة البحيرات و توضيح موقعها و خرائطها و روابط لها .
2. روابط للشركات السياحية لمنطقة البحيرات .
3. صور منوعة للمنطقة بشكل عام .

1. شرح بسيط عن منطقة البحيرات .

تقع منطقة البحيرات في شمال غرب بريطانيا وهي تتبع لولايه انجلترا

وهي شي خيالي .. فيها مناظر سبحان الله تسحر القلوب قبل العيون

ولهذا خصصت موضوعي هذا فقط عن هذه المنطقة عن غيرها ..

وخصوصا بعد اطلاعي على التقرير المصور للأخ mr_thamer ورحلة الشيقة لهذه المنطقة

وهذي بعض خرائطها اللي توضح موقعها و مافيها من عدة بحيرات

http://www.craigasquith.co.uk/resour...e+district.jpg

http://www.lakedistricts.co.uk/maps/...strict-map.gif

ولمحبين التعرف على مافيها بالاسم وبالتحديد وبالصور لكل ما تحتويه من قرى وجبال وبحيرات وخرائط وتصوير من جوجل ارث وغيره

يستطيع الدخول على هذا الرابط للحصول على كل ما سبق

http://english-lake-district.info/index.html

وهذه الخريطة روعة بمعني الكلمة لمحبين الاطلاع على تفاصيل المكان بدقة وبالصور

http://english-lake-district.info/ma...rmere-map.html

وبامكانك اضافة الصور عالخريطة السابقة عن طريق وضع علامة صح على يسار الخريطة بخانة
panaramio

وبامكانك الحصول على شرح للمكان المحدد عن طريق وضع علانة صح على يسار الخريطة بخانة
Wikipedia

وعلى نفس الخريطة بامكانك الحصول على أفضل الأماكن الممتعة بالتحديد عن طريق وضع علانة صح على يسار الخريطة بخانة
points of interest

2. الشركات السياحية لمنطقة البحيرات District lake .

والحين وصلنا لشركات السياحية اللي تعمل رحلات سياحية لمنطقة البحيرات

وخصوصا ان في من هذه الرحلات رحلات فردية او عائلية

ومنها ماهو جماعي أي يكون بصحبة مجموعة من الناس

ومنها رحلات تكون مع مرشد مرافق

وهو يرافقك سيرا على الأقدام وبذلك تكون هناك مغامرات جميلة وخصوصا للشباب ومحبين الاستكشافات

وغيرها من الرحلات المنوعة التي منها يأخذ نص يوم أو يوم كامل أو عدة أيام

وهذا يعتمد على حسب اختيار الشخص لنوع الرحلة التي يفضلها ...

والحين ما عليك الا انك تدخل الرابط ( السايت ) وتقرأ اللي فيه بهدوء و ترتيب علشان توصل للي تبيه باذن الله ..

1. http://www.parktours.co.uk/

اما الجزء الخاص بمطقة البحيرات في هذا السايت هو

http://www.parktours.co.uk/Ldist.htm

2. http://www.ramblers.com/

أما هذه الشركة فتوفر رحلات سياحية لمنطقة البحيرات سيرا على الأقدام ( شغل مرتب )

وهذا هو الجزء الخاص بمنطقة البحيرات هو

http://www.ramblers.com/itin_lake1.shtml

3. http://www.klmtravel.co.uk/

4. http://www.backroadstouring.co.uk/

وهذا الجزء الخاص بمنطقة البحيرات مع هذه الشركة

http://www.backroadstouring.co.uk/to...?TourCode=LAKE

5. http://www.viator.com/

وهذا الجزء الخاص بمنطقة البحيرات مع هذه الشركة

http://www.viator.com/Lake-District/d822-ttd

6. http://www.laketours.co.uk/

وهذه الشركة تختص بالرحلات عن طريق الباصات ( ميني باص ) وهي تأخذ بحد أقصى 11 شخص في كل رحلة

وهذا الرابط فيه انواع الرحلات المتوفره فيها لمنطقة البحيرات

http://www.laketours.co.uk/bus_tours/

7. http://www.lakedistricttours.co.uk/E...ct%20Tours.pdf

اما هذا هو برشور لشركة سياحية تودي منطقة البحيرات ومكتوب كل شي فيه عن طريق نقاط بسيطة وممكن تكبير بروشور للقراءة بشكل أفضل

هذا بالاضافة الى ان بامكانكم قلب لبرشور وقراءته من الجهة الأخرى لأنه عبارة عن صفحتين

وعلى فكرة كل رحلة فيه تختلف عن الأخرى والصراحة انا شخصيا اعجبتي رحلاتهم

وهذا رقم هاتف هالشركة :

Tel : 0845 094 4658

3. صور منوعة لمنطقة البحيرات .

هذي بعض الصور من هذه المنطقة الواسعة للبحيرات

وبجذي انتهى الموضوع و ان شاء الله تلاقونه مفيد وينفعكم

مشاركاتي ...

http://www.arabtravelersforum.com/travel294603/
http://www.arabtravelersforum.com/travel253136/
http://www.arabtravelersforum.com/travel283106/ ........ http://www.arabtravelersforum.com/travel247373/
http://www.arabtravelersforum.com/travel199276/ ....... http://www.arabtravelersforum.com/travel235741/ ....... http://www.arabtravelersforum.com/travel248985/
http://www.arabtravelersforum.com/travel234650/ ..... http://www.arabtravelersforum.com/travel247694/ ..... http://www.arabtravelersforum.com/travel222528/ ..... http://www.arabtravelersforum.com/travel226492/
http://www.arabtravelersforum.com/travel243625/ ...... http://www.arabtravelersforum.com/travel244617/ ...... http://www.arabtravelersforum.com/travel228674-3/ ...... http://www.arabtravelersforum.com/tr...0/#post2639549

مواضيع عشوائيه ممكن تكون تعجبك اخترناها لك:

• تذكرة الدخول إلى متحف الشمع ولندن آي
• فزعتكم محتاج مساعدة اول سفرة إلى لندن
• ابي معلومات عن شقق
• من مانشستر الى برايتون
• عاااجل جدا فزعتكم ياخبراء لندن وماحولها الله يخليكم
• ساعه في مانشستر
• اسعفوني ياخوان
• الوجهه بريطانيا
• تغطية خاصة لأفضل محل صابون في العالم صابونات في اشكال كيك او سيارة وغيرها
• توزيعات للزواج والولادة في لندن
• رحلتي الى اسكتلندا وابغى ازور لندن
• زيارة السفارة السعودية في لندن
• يعني اشلون الحين
• قصر هنري الثامن
• مساعدة
• استفسار لأصحاب الخبرة عن افضل شقق عائلية في لندن
• تقرير رحلتي الدراسية تاريخ الى بريطانيا
• استفسار عن الفنادق في لندن
• ضروري بخصوص الفيزا البريطانية موعدي غداً تكفون ضروري
• استفسارات لندن

مشكوور الله يعطيك العافيه

بس بسألك يكفي لو نروح لها من الصباح للمغرب او العصر مثلا ؟؟

وكم هي المده بين لندن و بينها؟

جزاك الله الجنة عزيزتي..

والله احرااااج.. تدرين اني دخلت موضوعك وكنت فاتحة بنفس الوقت على قسم التقارير المثبت القديمة..


فعاد قريته وكان ببالي انه قديم .. وشفتك تتكلمين عن الشركات السياحية فرحت كتبت موضوع كااااامل.. (( وانا وحدة عجازة ماحب اكتب المواضيع..)) عشان اسال عن هالشركات..


مادريت ان موضوعك توه فريش ونقدر نسال فيه.. :101:



لذلك عزيزتي.. ابسألك فيه شركات سياحية جوا وندرمير ...؟؟


واللي اقصده هنا :


http://www.arabtravelersforum.com/travel304244/

الله يعافيك اخوي N


الله يسلمك هي تبعد تقريبا 436 كيلومتر من لندن لمنطقة Windermere وهي تعتبر منطقة بوسط البحيرات تقريبا


أما بالقطار الانطلاق يكون من وسط لندن من محطة Euston Station

تاخذ الرحلة من 5 الى 6 ساعات ونص ..



أما بالنسبة لسؤالك بخصوص تحديد زيارتك لمنطقة البحيرات بيوم واحد فهو ممكن

لأن في شركات توديك هناك من الصبح عالساعة 9 او غيره وتردك بنص اليوم او بوقت اشوي متأخر باليل

على حسب الرحلة اللي انت تختارها نص يوم او يوم كامل

وطبعا يكونون حاطين لك شغلات محددة لك بسوونها بالرحلة وبس


لكنك لو زرت المنطقة لأكثر من يوم طبعا بتكون فرصتك احسن لأن هالمنطقة وايد حلوه وكبيرة فيبيلها اكثر من يوم ان حبيت


وحياك الله




مشاركاتي ...

http://www.arabtravelersforum.com/travel294603/

http://www.arabtravelersforum.com/travel283106/ ..... http://www.arabtravelersforum.com/tr...0/#post2639549.... http://www.arabtravelersforum.com/travel222528/ ..... http://www.arabtravelersforum.com/travel228674-3/ ..... http://www.arabtravelersforum.com/travel234650/

يا هلا اختي mah 1


في سايت لشركة حلو

http://www.europe-cities.com/en/754/...dermere/tours/

بس بالأول انتي حددي نوع الرحلة اللي تبينها بالخانه الموجودة عندك فوق بالصفحة بتلاقينه بوسط الصفحة


حددي نوع الرحلة سواءا كانت ليوم كامل او نص يوم او على حسب السعر اذا تبين رحلات رخيصة بالمبلغ او غاليه وجذي


وهو راح يعرض لج الرحلات اللي يوفرها للسواح من منطقة Windermere وما في داخلها أو الى مناطق حولها وخارجها



وان شاء الله تلاقين السايت مفيد وحياج الله

مشاركاتي ...

http://www.arabtravelersforum.com/travel294603/

http://www.arabtravelersforum.com/travel253136/
http://www.arabtravelersforum.com/travel199276/ ....... http://www.arabtravelersforum.com/travel222528/ ....... http://www.arabtravelersforum.com/travel226492/

جزاك الله الجنة يالغالية .. الموقع حلو مرة... ماقصرتي بصراحة..


بس عندي سؤال بعد اذا مافيه كلافة عليك..


هاللحين وش الفرق بين ويندرمير وبين Bowness-on-Windermere



لان نسخت اسم فندق كانوا حاطينه بالسايت اللي عطيتيني وكتبته بالبوكينج طلعلي انه موجود بمنطقة هذي باونيس ويندرمير مدري وشو..؟؟



وش الفرق بينهم ..!!!

ايه بعد عزيزتي .. السايت لما ابي احط على براوس تورس يطلعلي ايرور كل شوي لييييه..!!!


تكفين جربيه وعلميني يطلع لك ولا بس انا...!

المشاركة الأصلية كتبت بواسطة mah1
http://www.arabtravelersforum.com/tr...8/#post3157748

جزاك الله الجنة يالغالية .. الموقع حلو مرة... ماقصرتي بصراحة..


بس عندي سؤال بعد اذا مافيه كلافة عليك..


هاللحين وش الفرق بين ويندرمير وبين Bowness-on-Windermere



لان نسخت اسم فندق كانوا حاطينه بالسايت اللي عطيتيني وكتبته بالبوكينج طلعلي انه موجود بمنطقة هذي باونيس ويندرمير مدري وشو..؟؟



وش الفرق بينهم ..!!!





الله يسلمك حبوبه ومشكورة على دعوتج الطيبة

وانا راح أساعدج ان شاء الله باللي أقدر عليه


اختي هذه منطقة ثانية وهي قريبة من Windermere انتبهي هي مو نفسها

في بحيرة تفصل بين منطقة Windermere ومنطقة Bowness-on-Windermere

منطقة Windermere على يسار البحيرة ومنطقة Bowness-on-Windermere على يمين البحيرة

حبوبة ضغطي على هالنك وراح تلاقينها هي مع المنطقة الثانيه وفاصله بينهم بحيرة

http://maps.google.com/maps?q=Bownes...N&hl=ar&tab=wl

مشاركاتي ...

http://www.arabtravelersforum.com/travel294603/

http://www.arabtravelersforum.com/travel199276/ ....... http://www.arabtravelersforum.com/travel243625/ ...... http://www.arabtravelersforum.com/travel244617/ ...... http://www.arabtravelersforum.com/travel228674-3/ ...... http://www.arabtravelersforum.com/tr...0/#post2639549

ياعمري يام ريووم .. والله انك راعية خير ماشاء الله عليك.. وانا شكلي غثيتك .. (( مايسوى عليك هالموضوع اللي كتبتيه..ههههه ))


.
.
بس اوعدك اخر سؤال (( مالي وجه اصلا ))



هاللحين مادام ان هالقرية تطل بعد على بحيرة ويندرمير.. وشرايك فيها.. هل تصلح للسكن .. من ناحية الامان خاصة..يعني فيها حركة وكذا ولا منعزلة..

لأن بصراحة بالبوكينج شفت فيها اوتيل يجنن خمس نجوم وانيييق بصراحة مالقيت مثله بوندرمير..!!



ايه ترا بخصوص الرابط الثاني .. شوا فتح معي مشكوووووووووورة مرة الله يجزاك خير يااارب..اللهم آمين.

شاكرتلك عالكلام الطيب والحمد الله ان الرابط فتح معاج


بس بهذا السؤال للأسف ما أقدر افيدك اسمحيلي ماعندي عنه أي فكرة والله


بس تدرين منو ممكن يفيدك فيه


اخوي ثامر وموضوعه عن البحيرات نفسهم موجود باللسته مع مواضيع التقارير المصورة


اكتبيله السؤال بموضوعه وهو ما يقصر ان شاء الله


ودام انه آخر سؤال على قولتك ما يندرى ( أتغشمر )

تصبحين على خير حبوبه

مشاركاتي ...

http://www.arabtravelersforum.com/travel294603/
http://www.arabtravelersforum.com/travel253136/
http://www.arabtravelersforum.com/travel247373/ ..... http://www.arabtravelersforum.com/travel222528/ ..... http://www.arabtravelersforum.com/travel226492/

المشاركة الأصلية كتبت بواسطة ام ريوم
http://www.arabtravelersforum.com/tr...4/#post3157784


اختي هذه منطقة ثانية وهي قريبة من Windermere انتبهي هي مو نفسها

في بحيرة تفصل بين منطقة Windermere ومنطقة Bowness-on-Windermere

منطقة Windermere على يسار البحيرة ومنطقة Bowness-on-Windermere على يمين البحيرة

حبوبة ضغطي على هالنك وراح تلاقينها هي مع المنطقة الثانيه وفاصله بينهم بحيرة

http://maps.google.com/maps?q=Bownes...N&hl=ar&tab=wl









اختي mah1


بخصوص الكلام اللي ذكرته لج امس بخصوص منطقة Windermere ومنطقة Bowness-on-Windermere

أعتقد انه مو صحيح اعذريني


لأني لاحظت اليوم بالخريطة ان عن يمين ويسار البحيرة كلا مكتوب منطقة Windermere


فممكن هي اليسار واليمين هي نفس المنطقة بس فاصله بينهم البحيرة


ماعليه عطيني وقت اتاكد من الموضوع ورد عليج بالخير الصحيح ان شاء الله

مشاركاتي ...

http://www.arabtravelersforum.com/travel304423/

http://www.arabtravelersforum.com/travel199276/ .... http://www.arabtravelersforum.com/travel234650/ .... http://www.arabtravelersforum.com/travel243625/ .... http://www.arabtravelersforum.com/tr...0/#post2639549

8
8
8

هلا وغلا ام ريوم... ياعمري يالغالية.. ماقصرتي متعبة عمرك معي.. بس ترا خلاص.. انا عجبتني المنطقة هذي وحجزت فيها الاوتيل امس عقب ماتكلت على الله طبعا..حسيت انها قريبة يعني فنادقها تبعد عن سنتر ويندرمير نص كيلو كذا..

.
.

ادعيللي ان ربي يحفظنا فيها تكفين..


على قولة المثل(ياويلي منه وياويلي عليه)


مشتهيتها مرررة وخايفة بعد ^_^


.
.

ويلا .. مشكوووورة مررة وعسى ربي يحفظلك ويحفظلك ريوم..آمين

.’.’.’.




مصدر معلومات رائع وغني ..


أشكر لك جهدكـ ::.




.’.’.’.

بارك الله فيك اخيتى ام ريوم
لاول مرة اسمع واشاهد عنها حقا رائعة
جزيت الخير على تعريفنا باحد جنات الله فى الارض

المشاركة الأصلية كتبت بواسطة × كراش ×
http://www.arabtravelersforum.com/tr...5/#post3181955

.’.’.’.




مصدر معلومات رائع وغني ..


أشكر لك جهدكـ ::.




.’.’.’.




الله يسلمك اخوي كراش

يسعدني ثنائك عالموضوع .. وحياك الله




مشاركاتي ...
http://www.arabtravelersforum.com/travel310295/
http://www.arabtravelersforum.com/travel304423/ ........ http://www.arabtravelersforum.com/travel247373/

ابداع .... بل امتاع .. ام ريوم يعطيك العافية
وانا سبق زرتها العام الماضي كنت ادرس لغة انجلزية عند عائلة في قرية صغيرة بجوار وندرمير اسمها باث
بصراحة من امتع ايام حياتي ...
الف شكر ويسلموا عالمعلومات

المشاركة الأصلية كتبت بواسطة tanya
http://www.arabtravelersforum.com/tr...9/#post3200929

شـكــ وبارك الله فيك ـــرا لك ... لك مني أجمل تحية .






الله يسلمج

وحياج الله

شكرا على الموضوع الحلو..أنا السنة سافرت اسكوتلندا ومن هناك سرت ويندرمير..المنطقة وايد حلوةوتمنيت لو بت فيها ..انصح الناس اللي طالعين من لندن انهم يباتون فيها لأن الوقت ما بيكفيهم..ما اتخيل 5 ساعات في السيرة و5 ساعات في الردة..أكيد هلاك!!

المشاركة الأصلية كتبت بواسطة ملاك العمر
http://www.arabtravelersforum.com/tr...3/#post3209213

بارك الله فيك اخيتى ام ريوم
لاول مرة اسمع واشاهد عنها حقا رائعة
جزيت الخير على تعريفنا باحد جنات الله فى الارض








والله يبارك فيج اختي ملاك العمر

نورتينا بمرورج و يسعدني انج استفدتي من الموضوع




مشاركاتي ...

http://www.arabtravelersforum.com/travel310295/

http://www.arabtravelersforum.com/travel283106/

http://www.arabtravelersforum.com/travel250710/

أم ريوم مساك فل وياسمين
ودي اسألك يالغالية عن عناوين شركات سياحية من لتدن الى منطقة البحيرات لاني ان شاء الله مسافر بعد يومين
وشدتني الصور
ياليت تكون الشركات تكون مسؤله عن كل شي غير الاكل
عشان افتك من سالفة احجز سكن لاتحجز
وتقبلي تحياتي

المشاركة الأصلية كتبت بواسطة H . E . R . O
http://www.arabtravelersforum.com/tr...3/#post3305793

أم ريوم مساك فل وياسمين
ودي اسألك يالغالية عن عناوين شركات سياحية من لتدن الى منطقة البحيرات لاني ان شاء الله مسافر بعد يومين
وشدتني الصور
ياليت تكون الشركات تكون مسؤله عن كل شي غير الاكل
عشان افتك من سالفة احجز سكن لاتحجز
وتقبلي تحياتي






يا هلا اخوي hero

الله يسلمك في شركة سياحية اسمها Evan Evan Tours تاخذك من لندن الى منطقة البحيرات lake district

يلاقونك بعد ما تحجز معاهم بمحطة ( Euston Station )

بمكان معين راح تعرفه منهم لي حجزت باذن الله و هم هناك بيعطونك تذاكر القطار ويعلمونك اي قطار تاخذ

و بعدها بتروح بالقطار لمنطقة إلى ( Oxenholme ) من منطقة البحيرات


وهناك باذن الله لي وصلت لمنطقة البحيرات بتلاقي مرشد سياحي وهو اللي بوديك من مكان لي مكان حسب خطة الرحلة .

رقم هالرحلة هو 40 .. والرقم هو فقط علشان يميزون هالرحلة عن غيرها من الرحلات اللي عندهم فيحطون لها رقم وبس



ومضمون الرحلة باختصار كالتالي :


1. ذهاب واياب بالقطار ( من محطة Euston Station ) من لندن الى منطقة البحيرات والعكس .

2. رحلة بحرية بالكروز في منطقة البحيرات ببيحيرة اسمها ( Lake Coniston ) .

3. زيارة لقرية من العصور الوسطى Medieval Hawkshead Village .

4. زيارة لأعلى تل ( منزل Beatrix Potter ) .

5. جولة عبر الوديان الخلابة Langdale .

6. زيارة قصر Wray وهو انبني عام 1840 لرؤية المناظر الخلابة لبحيرة Windermere .

7. قضاء بعض الوقت بالظهيرة لشرب الشاي في فندق The Lindeth Howe Counttry Hotel
فندق 3 نجوم وهو كان بالسابق منزل الكاتب المعروف Beatrix Potter للي حقق بزمانه أعلى نسبة مبيعات لقصص الأطفال
حيث انه كان يضع فيها صور للحيوانات ومن أشهرها الأرنب بيتر Peter Rabbit .



وفي عدة ايام ممكن انك تختار منها علشان تروح للبحيرات وهم :

الاثنين ، الثلاثاء , الاربعاء , والخميس من
وهالرحلة متوفرة فقط من تاريخ ( 1 ابريل الى 31 اكتوبر )

تكلفة الرحلة كلها للكبير 150 باوند / و للطفل 140 باوند


لكن ان حبيت انك تقعد بالقطار بكراسي الدرجة الأولى
فهني لازم تدفع لهم زيادة على سعر الرحلة اللي ذكرته لك
وهالزيادة اللي بتدفعها كالتالي :

58 باوند للكبير / و 65 للطفل .. و لاحظ ان سعر الياهل أغلى من سعر لكبير عاد ليش مادري

الرحلة بتاخذ منك 48 ساعة يعني يومين

وبتكون الاقامة بفندق 3 نجوم وشامل الريوق

وقت اقلاع القطار الساعة 9:25 ووقت الرجوع الى لندن الساعة 9:25

وعلى فكرة الرحلة لي حجزتها من النت او من اي مكان ترى فلوسك خلاص غير قابلة للاسترجاع
فتأكد قبل الحجز من كل شي ابالك محتاج اي توضيح


للحجز عن طريق التلفون : 02079501777
واذا تبي تحجز عن طريق النت او تتعرف بنفسك على الرحلة وتفاصيلها فهذا هو الرابط
http://www.evanevanstours.co.uk/lake-district.htm



وهذا رابط الشركة
http://www.evanevanstours.co.uk


وهذا رابط الفندق ان حبيت اتشوفه
http://www.lindeth-howe.co.uk/



وعلى فكرة : الحجز عن طريق النت يكون بانك تمشي بالخطوات اللي يقولها لك السايت وتدخل البيانات المطلوبة منك

وبعدها لي خلصت اطبع نسخة من الحجز وخله معاك وحافظ عليه لأنه الحين هو يعتبر تذكرة الحجز مع الرحلة

ولما تروح لمحطة القطار باليوم الفولاني اللي حجزت فيه روح مبجر يعين تحسبا للطوارئ بنص ساعة عالأقل

علشان لي لاقيت الناس اللي ناطرتك اهناك اتسلمهم الورقة ( نسخة حجزك للرحلة عن طريق النت )

وهم على طول بعاملونك عادي و حالك حال اي واحد حاجز الرحلة من مكتبهم



اخوي Hero دق عليهم تلفون أو راسلهم بايميل واسألهم افضل لك

هل الاقامة لليلة واحدة بالفندق مشمولة معاك ضمن بسعر الرحلة ولا لأ ؟

الفندق سعره بروح والرحلة لها سعر بروح ؟ ولا لأ ؟


لأني لقيت بالبروشور الخاص بالشركة عندي شغله وحدة مختلفة ومالقيها مذكورة بسايتهم

وهي ان سعر الغرفة المزدوجة بالفندق مشمولة مع الفطور بسعر 199 للكبار وللصغار 179

ولكن اذا حبيت تاخذ غرفة سنجل Single فعليك ان تدفع زيادة للشركة مبلغ 30 باوند

( ماني عارفة هم ليش كتبوا السعر بس علشان يعطونك خبر انهم وفروا عليك هذا المبلغ وانت ماراح تدفعه وبس راح تدفع سعر الرحلة وبس!!

ولا هم راح يحسبونه عليك زيادة فوق سعر الرحلة !!


اتصل عالشركة وعطهم رقم الرحلة 40 وهذا رقمها المتجهه للبحيرات

وعلى طول بس اسالهم عن الفندق هل مشمول مع سعر الرحلة وخالص ولا لأ .. لا توهق

أو راسلهم اكتب لهم رسالة ان كان هذا اريحلك واكتب فيها هالسؤال :

Is the price of the trip also includes the price of hotel accommodation
؟


وبهذه الصفحة الخاصة بالشركة بتلاقي ايميلهم اللي بلندن تقدر تكتب فيه أي استفسار لهم

http://www.evanevanstours.co.uk/contact.htm



وحياك الله






مشاركاتي ...
http://www.arabtravelersforum.com/travel310295/

http://www.arabtravelersforum.com/travel283106/

http://www.arabtravelersforum.com/travel244617/

http://www.arabtravelersforum.com/travel324514/

المشاركة الأصلية كتبت بواسطة الصيت الحسن
http://www.arabtravelersforum.com/tr...6/#post3220856

ابداع .... بل امتاع .. ام ريوم يعطيك العافية
وانا سبق زرتها العام الماضي كنت ادرس لغة انجلزية عند عائلة في قرية صغيرة بجوار وندرمير اسمها باث
بصراحة من امتع ايام حياتي ...
الف شكر ويسلموا عالمعلومات



يا هلا اخوي .. شاكرتلك ثنائك وكلماتك الجميلة عالموضوع
لكن مثل ما قال اخوي ثامر يمكن اخوي تقصد منطقة اخرى لأن فعلا منطقة باث منطقة مشهورة وهي تقع غرب لندن .. وهي منطقة تخلو من السائحين العرب وجميلة



مشاركاتي ...

http://www.arabtravelersforum.com/travel310295/
http://www.arabtravelersforum.com/travel247694/ ..... http://www.arabtravelersforum.com/travel199276/ ..... http://www.arabtravelersforum.com/travel294603/

رووووووووووووووووووعه تسلم الايادي

موضوع رائع وانا شخصيا محتاجه له حيل
اتمني من الاخوان اللي جرب الرحلات السياحيه من لندن الي ويندرمير يزودنا بالتفاصيل عن جودة الرحله ونوعية الفنادق
لاني اتمني اسكن بكوخ صغير علي بحيره لمدة يومين وليس بفندق فأذا موجود دلوني علي الرحله مشكورين..

الف شكر يام ريوم

يالله الجنه مناظر رائعه

الله يعطيك العافية ابغى شركة تودي من لندن الى البحيرات لمده 2-3 ايام
وجدت هالشركة ممكن تقولين لي رايك فيها
حسيت انها وله برية عن طريق باص اعتقد

http://www.backroadstouring.co.uk/to...-lake-district

انتظر رايك شكرا جزيلا

المشاركة الأصلية كتبت بواسطة DR.BRILLIANT2
http://www.arabtravelersforum.com/tr...1/#post3895361

الف شكر يام ريوم

يالله الجنه مناظر رائعه

الله يعطيك العافية ابغى شركة تودي من لندن الى البحيرات لمده 2-3 ايام
وجدت هالشركة ممكن تقولين لي رايك فيها
حسيت انها وله برية عن طريق باص اعتقد

http://www.backroadstouring.co.uk/to...-lake-district

انتظر رايك شكرا جزيلا



يا هلا اخوي

انا اطلعت على السايت اللي تركته لي .. بس والله ما عندي وقت علشان ادخل بتفاصيله وايد لاني مشغوله هالايام

بس انا يبت لك سايت لشركة سياحيه تودي من لندن الى البحيرات لمده 3 ايام و 4 ايام

http://www.viator.com/Lake-District/...f=02&aid=g1246

اطلع عليها وادخل بتفاصيلها واذا ما اعجبتك انا بعد يومين ان شاء الله بدخل على الموضوع من يديد
وادورلك على شركات ثانيه

وحياك الله

مشاركاتي ...

http://www.arabtravelersforum.com/travel199276/ .... http://www.arabtravelersforum.com/travel234650/ .... http://www.arabtravelersforum.com/travel243625/ .... http://www.arabtravelersforum.com/tr...0/#post2639549

طيب سؤال ...ليش ما نستأجر سيارة ونروح لها ممكن او السواقة صعبة في لندن ...لانه سوينها انا وزوجي واولادي في المانيا وسويسرا وفرنسا ...لفيناهم لف ...هل ممكن نستاجر سيارة او صعب ؟؟

اختي ام ريوم جزاك الله خير على هذا الموضوع بس بسالك اختي هذي المنطقه كم تبعد عن غلاسكو او ادنبره علشان انا ناويه اروح لها ان شاء الله

المشاركة الأصلية كتبت بواسطة omkoko20
http://www.arabtravelersforum.com/tr...7/#post4032537

طيب سؤال ...ليش ما نستأجر سيارة ونروح لها ممكن او السواقة صعبة في لندن ...لانه سوينها انا وزوجي واولادي في المانيا وسويسرا وفرنسا ...لفيناهم لف ...هل ممكن نستاجر سيارة او صعب ؟؟




مافي شي صعب حبوبه

اجروا سيارة وتوكلوا على الله ان حابين تستخدمونها بالسفر

انا بالنسبه لي القطار افضل




مشاركاتي ...

http://www.arabtravelersforum.com/travel310295/

http://www.arabtravelersforum.com/travel253136/

المشاركة الأصلية كتبت بواسطة ام رواف
http://www.arabtravelersforum.com/tr...9/#post4106349

اختي ام ريوم جزاك الله خير على هذا الموضوع بس بسالك اختي هذي المنطقه كم تبعد عن غلاسكو او ادنبره علشان انا ناويه اروح لها ان شاء الله





والله حبوبه ما عندي فكرة

ممكن تسوين بحث عن المسافه بجوجل وبتعرفين اللي تبينه




مشاركاتي ...

http://www.arabtravelersforum.com/travel310295/

http://www.arabtravelersforum.com/travel199276/ ..... http://www.arabtravelersforum.com/travel294603/ ..... http://www.arabtravelersforum.com/tr...0/#post2639549