الموضوع: رحلتي لقطر بالصور

السلام عليكم الاسبوع إلي طاف رحت قطر ثلاث ايام اغير جو

37 دقيقه بس بالطياره من بوظبي الي الدوحه
ايجار السياراه 270 كامري 2008 غالي شوي
التكاسي نادره وغاليه شوي
الشوارع تضيع وايد وايد وضيقه وزحمه وخاصه لاني ما اعرف الدرب

امممممممممم بصراحه بدون زعل
اذا قطر قادره انها تسوي اولمبياد واسياد
الامـــــــارات قادره على انها تسوي كل بطولات العالم بدون مبالغه

شعب قطر طيب لابعد الحدود وخاصه انهم يحبون الاماراتين وطبعا لازم وانت تتمشي في مول ولا مكان
تحصل كم كلمه حلوه من بعيد اي حد يمر عليك يقولوك هلا بعيال زايد

حضرت هناك مباراه قطر والريان وتاهل فيها قطر الي المربع الذهبي وتلاقيت مع الكابتن فهد مسعود
رحب فيني كانه يعرفني من زمااان وما قصر وعماد الحوسني سجل هاتريك

عدد الصور 40 انتظروا التحميل شوي


طيارتي طبعا الساعه 10 الصبح يوم الجمعه
قلت بروح المطار شوي بوقت اتمشى في السوق الحره واتريق








هاي طيارتي
اخترت طيران الاتحاد - سعر التذكره 1010 - ارخص من القطريه بوايد


وصلت الفندق
وهو فندق موفنبيك تــــــــاورز ( نفس مال المنتخب لووول ) خمس نجوم على كورنيش قطر مقابل الفور سيزون اكبر فندق في قطر سعر الليله 890 طبعا هالسعر خاص لانه عن طريق شركة

اول شي دخلت هالغرفه من الدور الخامس قلت لا اريد مكان اعلى عطوني في 15








هالعماره ساكن فيها ( الســــــــــــاحر كريمي لاعب نادي قطر)


منظر عام من الغرفه مثل ما تشوفون قطر شغاله












اهنيه تحت الفندق في كوفي داخل وبرع




مدخل الفندق




طبعا لازم الواحد يروح استاد خليفه في الدوحه عند برج الاولميباد في هناك مول يديد اسمه فيلاجيو
احسن مول هناك

اصلا ماشي مولات غير الستي سنتر وهو قديم شوي بس فيه حركه حلو
وفيلاجيو مول على الطراز الايطالي في نص المول في نهر وقوراب
ولاند مارك مول عائلي فيه سنيما وكارفور وهادي وبعيد شوي










مدخل المول



اهنيه المبني إلي خلف البرج هو مبني اكادميه اسباير






اهنيه رجعت الفندق وبعض الصور من طريق الكورنيش






شيراتون الدوحه على البحر مباشره


انا اهنيه في هالبرج ساكن



مسبح الفندق في الدور 26




منظر من الدور 26


هذا فندق الفور سيزون



طبعا اليلسه في الجاكوزي اكيده وخاصه بعد تعب السفر وتخيل انك مستري وتشوف منظر من الدور 26


طبعا رحبوا فيني وحلقوني بعد لووووووووول
وكله في الدور 26


واهنيه الجم وطبعا مالي خص في هالسوالف


مدخل الغرف


ثلاث ايام حلوه مرت وجعت البلاد بالسلامه والحمدالله

اتمنى ما اكون طولت عليك واي استفار حاضرين

سوري لو في اخطاء املائيه لاني ما رجعت النصوص
تحياتي


والله اني مواطن


اشوفكم ع خير

مواضيع عشوائيه ممكن تكون تعجبك اخترناها لك:

• التسوق في الدوحه
• استفسار
• حجز المبلغ من موقع فندق
• الصراع يشتد في طواف قطر للدراجات الهوائية
• هل احتاج تأشيرة دخول للعاملة التي بصحبتي
• ياشباب قطر وين احسن الخياطين عندكم
• مقتطفات عن رحلتي الى الدوحة أجازة الربيع مارس
• اخواننا بقطر ما يقصرون
• عطوني معلومات عن الحبيبة قطر جايك ياقطر
• فزعتكم يا أهل قطر
• شعله اهل الكرم في طريقها الى الوطن
• ايش رأيكم
• زيارة لقطر
• عدسة شوقي في قطر
• الرتز كالرتون الدوحه بليز
• رحلتي لقطر الجميله
• الخطوط القطرية
• شقق شنو رايكم فيهم
• اسفسار بخصوص الافطار ومشاهدة المباريات
• مساعده قطر

:108:





المشاركة الأصلية كتبت بواسطة الموعود1
http://www.arabtravelersforum.com/tr...2/#post1956061

السلام عليكم الاسبوع إلي طاف رحت قطر ثلاث ايام اغير جو


حياك الله وعسى غيرت جو

37 دقيقه بس بالطياره من بوظبي الي الدوحه
ايجار السياراه 270 كامري 2008 غالي شوي

انت تتكلم عن 2008 يعني سيارة جديدة:24: طبعا بيكون هالشكل سعرها وكنت اجرت سيارة اقل منها موديل 2006

التكاسي نادره وغاليه شوي

غريبة انها غالية كروة بالعداد وسعرة جدا نفس شكرة المواصلات اللي في الامارات :114:


الشوارع تضيع وايد وايد وضيقه وزحمه وخاصه لاني ما اعرف الدرب

اكيد هذا السبب اللي خلاك تشوف الشوارع ضيقة وتضيع لانك ماتعرف الدرب :101:


امممممممممم بصراحه بدون زعل
اذا قطر قادره انها تسوي اولمبياد واسياد
الامـــــــارات قادره على انها تسوي كل بطولات العالم بدون مبالغه


ماشاء الله وليش نزعل اي انجاز لدولة خليجية انجاز لنا كلنا وموفقين ياهل دار بوخليفة :24:

شعب قطر طيب لابعد الحدود وخاصه انهم يحبون الاماراتين وطبعا لازم وانت تتمشي في مول ولا مكان
تحصل كم كلمه حلوه من بعيد اي حد يمر عليك يقولوك هلا بعيال زايد

اهل قطر يحبون كل اهل الخليج :113:

حضرت هناك مباراه قطر والريان وتاهل فيها قطر الي المربع الذهبي وتلاقيت مع الكابتن فهد مسعود
رحب فيني كانه يعرفني من زمااان وما قصر وعماد الحوسني سجل هاتريك


هذا طبع اهل قطر :113:

وصلت الفندق
وهو فندق موفنبيك تــــــــاورز ( نفس مال المنتخب لووول ) خمس نجوم على كورنيش قطر مقابل الفور سيزون اكبر فندق في قطر سعر الليله 890 طبعا هالسعر خاص لانه عن طريق شركة

طبعا هو يعد من اكبر الفنادق لان في فنادق كثيرة وكبيرة في قطر



طبعا لازم الواحد يروح استاد خليفه في الدوعه عند برج الاولميباد في هناك مول يديد اسمه فيلاجيو
احسن مول هناك

اصلا ماشي مولات غير الستي سنتر وهو قديم شوي بس فيه حركه حلو
وفياجلاو مول على الطراز الايطيالي في نص المول في نهر وقوراب
ولاند مارك مول عائلي فيه سنيما وكارفور وهادي وبعيد شوي

غريبة ان ماااافي مولات صج تعجبت ....:108:
يعني كل هالاسواق اللي بقطر ومافي :114:طيب وين اللاند مارك وين رويال بلازا وين المول وين الاسواق الشعبية وين سوق واقف وين حياة بلازا وين سنتر بوينت وين وووين وين محلات شارع السد كلها وين مركز امبوريوم وين اسوق السنتر وين مجمع السلام وين مركز الفردان وماخفي اعظم


ثلاث ايام حلوه مرت وجعت البلاد بالسلامه والحمدالله

:24:الحمدلله انها مرت حلوة



اشوفكم ع خير

وحياك الله في ديار ابومشعل

مرحبا ملايين ولا يسدن

وان جان سدن فلا باس

الغالي

اهم شي استانست في قطر

ولو تعرف حد جان استانست اكثر

والمره اليايه

عطنا خبر

وعن الصور

تراها طرر

والزوايا اللي خذت منها الصور احلى واحلى

يعني انته لك مستقبل في التصوير



وحياك الله مره ثانيه


اخوك
القـــطــــــري

انا منحرج منكم شباب

احس اني خبصت بالكلام

بس اسمحولي خاني التعبير

السلام عليكم ورحمة الله وبركاته

موضوع اعجبني وحسيت اني لازم اشارك فيه...

مرحبا بك يا ولد البلاد..
تبغي سيارة موديل 2007 رخيصه خذلك سمارت والا كورولا وعلى فكره شكلك ما اجرت سيارة في البلاد عشان تعرف ان السيايير عدنا غاليه بواااااااااااايد من قطر
أولاً: بالعافية عليك الكوفي اللي شربته والشي اللي كان في الصحن الظاهر انه عيبك وااااايد عشان جيه الصحن مغسووول هههههههه :109:

ثانياً: الفندق اللي سكنت فيه فضييييييييييييع.... وهذا ان دل فيدل على التطور الملحووظ اللي تشهده قطر في عهد ابو مشعل الشيخ حمد الله يطول عمره.

ثالثاً: (منظر عام من الغرفه مثل ما تشوفون قطر شغاله بس في نظري كل شي غلط لانه مافي اساس) تعليقي على هالجملة ودي اعرف اي اساس اللي غلط وهل انت مهندس معماري؟ او قدرت في 3 ايام تعاين المباني؟ يعني يا اخويه احس ان هالجملة مالها معنى.. :108:

رابعاً: قطر فيها مولات واااااااااااااااااااااااااااااايد بس كلامك يدل انك ما عندك علم بمولات قطر اللي احس انها راااااااااااائعه كفاية ان كل مول تدخله تحس بالبلاد اللي انت فيها لان الطابع القطري يغلب عليها مب مولاتنا اللي نحس انا في بلاد غربيه وهويتنا معدوومه فيها... وبعدين عندي سؤال بوظبي مع احترامي للعاصمة شو عندها من المولات؟؟؟ راس مداكم مولين بس والباقي كله كارفوووور...

خامساً: (امممممممممم بصراحه بدون زعل اذا قطر قادره انها تسوي اولمبياد واسياد الامـــــــارات قادره على انها تسوي كل بطولات العالم بدون مبالغه) تعليقي على هالجملة اكيد تقصد ان دبي قادرة تسوي الاولمبياد واسياد الامارات... بس صدقني قطر ما قصرت رفعت روسنا كخليجيين في هالحدث الكبير... ولنا الشرف ان قطر كانت تمثلنا كخليجيين... كلامك ما فيه زعل بس فيه قلة معرفة وقله ادراك للمستوى اللي وصلت له قطر بفضل الله وفضل الشيخ حمد الله يطول عمره لان لو حسبتها بتعرف ان قطر تطورت تطور كبير في فترة بسييييييييييييييييييييييييييطه وااايد وهذا انجاااز عظيم..
( وهذا الميدان يا حميدان) يلا خل الامارات تتشطر وتسوي الاولمبياد واحنا كشعب وياها وانا متأكده ان قطر بعد بتكوون ويانا وبتشجعنا حكومة وشعب.
سادسأً: (شعب قطر طيب لابعد الحدود وخاصه انهم يحبون الاماراتين ) :x1: هذي احسن جملة كتبتها في هالموضوع وازيد على كلامك ان اذا هم يحبونا فإحنا بعد نحبهم وما نرضى عليهم كله ولا قطر وشيخها وشعبها لو يبون عمارنا نعطيهم وما نتردد... لا تستغرب من كلامي بس انا لقيت في اهل قطر شي ما لقيته في الناس كلها طيبه و كرم واصل ومايرضون بالغلط... أكرمكم الله يا أهل قطر مثل ما تكرمون ضيفكم وما تقصرون فيه... الله يحفظ بلادكم الحبيبة وامير البلاد الشيخ حمد آل ثاني ويحفظ الشيخة موزة المسند ويحفظ الشعب الكريم..

والسموحه لو بدى مني اي قصووور...:101:

المشاركة الأصلية كتبت بواسطة قـــطــــــري
http://www.arabtravelersforum.com/tr...6/#post1957366

ياجماعة الخير

لاتشردون الريال

الريال حب يعبر عن اللي في خاطره

ومثل ماوضح

خانه التعبير

ولو انا كقطري عارف ان مستوى بلادي فوق

ليش اتضايق من كلام الناس ولا من كلام اخويه الموعود

كلامه عادي

اخويه الموعود

اقولها لك مره ثانيه حياااك الله في دوحة الجميع

واذا ردود الجماعة كانت قويه

صدقني هي حب للوطن ومحد يرضى على بلاده كلمه حتى لو مافي البلد الا هو

وعين الملاك

عل الملايكه يحرسونج من عيون الناس



وحياكم الله في دوحة الجميع

بلاد ابومشعل راس المعزة

هلا والله اخوي قطري
بالعكس محد شرد احد
الكل حب يوضح له ويفسر له
ويســــــــــــــــال عن وجهه نظرة
وكذلك الكل رحب فيه ويتمنى انه يزور قطر مرة ثانية
:24:

حياك الله اخوي العزيز

اولا

الف الحمد لله على السلامة

ثانيا

ان شاء الله تكرر الزيارة في الفترة القادمة

ثالثا

الف شكر لك على تقريرك المصور السريع

بالفعل صور حلوه

رابعـا

أنـت أبـديـت رأيـك بالدوحه وأحنـا بطبيعة الحال نحتـرم الرأي الأخـر بدون شـك00

ولكن تمنيت أنـك ماسويت مقارنه بين دولتين شقيقتين00وعلى شنو00على استضافة بطولات00!!

يعطيك العافية

وفالك طيب

تقرير رائع جدا أخوي

وصور روعه..


............................

إعتذارك .. يدل على نبل أخلاقك

............................



حضرت هناك مباراه قطر والريان وتاهل فيها قطر الي المربع الذهبي وتلاقيت مع الكابتن فهد مسعود
رحب فيني كانه يعرفني من زمااان وما قصر وعماد الحوسني سجل هاتريك


هذا طبع اهل قطر.


ملاحظة/

فهد مسعود إماراتي
عماد الحوسني عماني

تستاهل السلامه اخوي

ونورت قطر بقدومك يا لغالي

ونشالله لاتقاطعنا بزيارتك

وتحياتي لك . . .

يعطيك العافيه اخوي الموعود 1
وخلاص المره الجايه زور الأماكن اللي مازرتها
وأكيد تعرفت عليها من رد الأعضاء
بس التصوير مرتب ، لكن ماخفت وانت فالطابق ال26
ههههههههههههههههههههههههههههههه
وبخصوص سعر السيارة والله اشوفه معقول مقارنة بأسعار البحرين ودبي
يعني 270 على 2008 جداً معقول

حياك الله في قطر باي وقت

تقرير رائع جدا أخوي

وصور روعه..


بس ليش ماصورت الرتز كارتون كان نفسى اشوفة من داخل

اشكرك اخوية على التقرير الحلو.............ونعترف نحنا نحب قطر ونحب اهلها وناسها وحكومتها.......ماشفنا منكم الى كل خير......وسبحان الله كل زيارتنا وسفراتنا لنا وجهات نظر مختلفة والقصد منها المحبة لهذي البلد الغالية ونتمنالها كل التقدم والرقي باذن الله.....مهما كانت فأنها وجهات نظر ولايتطلب منا المقارنة ايضا....عالعموم حبيت اقولك انا اموت في قطر وفي اهلها الغالللين..........وعسى داركم دايما في تقدم ورقي وفي امان..........ربي يحفظكم من كل مكروه...واشكرك على التقرير وع الصور الحلوه..وانا لي راي ليس التطور بس بالعمران والبنيان والطابوق والاسمنت....التطور والتنمية بالعقل والعلم والفكر......جزاكم الله خير


بنت الامارات

صوووووووووووووووووور رائعه
وياك الله اخوي في قطر

بس ليش ماجيت بالقطرية؟؟؟؟:114:

تقرير جميل
واحنا ابناء الخليج لافرق الله بيننا