الموضوع: شقراوي في استراليا سيدني بالصور

[align=center]بسم الله الرحمن الرحيم

الشقراوي الي هو انا "يا ملحك طيب" بس تراني ما رحت شقراء الا مره وحده

مثل ما كتبت في موضوع هونج كونج ان الصيف هذا رحت الى استراليا والصين. والي ما قرا وشاف صور هونج كونج يلاقيه على اللنك هذا :
http://www.travel4arab.com/vb/showthread.php?p=151529

انا زرت في استراليا 4 مدن وراح انزل على كل مدينه موضوع لوحده علشان اقولكم وين ترحون و الاشياء الحلوه في كل مدينه والاشياء الي رحت لها.

اول المدن هي سيدني.

المسافه بين هونج كونج الى سيدني تقريبا 9 ساعات. pb093

بس قبل ما اتكلم عن سديني ابي اوضح لكم نقطه مهم عن استراليا وهي انهم يمنعون اشياء كثيره تدخلها لبلدهم يقولون احنا بعيدين عن العالم ولا نبي تجيبون بلاوي العالم لنا و يركزون على اشياء منها:
- ممنوع دخول الاكل المطبوخ والي مهوب مطبوخ و الفاكهه والخضروات والحبوب الجافه
-ممنوع دخول الحيوانات او المنتجات الي يدخل فيها الحيوانات من جلد وصوف وغيرها
-ممنوع دخول الرمل و حتى لمن تدخل جزم رياضه وانتم بكرامه تقولهم او معدات رحلات
-ممنوع دخول الادويه او المخدرات

طبعا هي ممنوعه واذا جبتها لازم تكتب في ورقه الدخول الى استراليا ويشوفنها واذا ما قلت لهم يا ويلك يرمونها لو شافوها و يدققون عليك

علشان كذا الي عندك اكتبه و ورهم الاشياء الي معك

في ناس زاروا استراليا اكثر من مره يقولون احمدوا ربكم هالسنه وش حليلهم مهوب يشددون زي اول ولا شفتوا الكلابه الي يجيبونها جنبنا - يقولون اول لمن تاخذ عفشك يجيبون الكلب يشم العفش ويا ويلك لو صرخ على شنطتك

بس الحمد لله احنا سمعنا صوت كلابه ولا شفناها. اهلي بغوا يهونون ما يدخلون استراليا يوم سمعوا الكلاب.

----------------------------
بالنسبه للمطار كان حليو ازين من مطارنا اكيد بس مهوب احلى من مطار هونج كونج.

الجوازات كانت زحمه والسبب ان اكثر من طياره وصلت بنفس الوقت. والي اخرنا زياده ان جوزاتنا الممغنطه ما انقرت من اول مره و حولنا الى مكتب ثاني علشان يتأكدون منها.

والحين بتكلم عن

ســـــــــــــــــــيــــــــــــــــــــــدنـــــ ـــــــــــــــــــــي

- في طريقتين الى اعرفهم من المطار الى الفندق وهي انا تاكسي وتقريبا ياخذ 30 $ استرالي او باص صغير ب 9 دولار للشخص الواحد

- سكنا في فندق "فور بوينت شيرتون" الفندق حليو والاحلى موقعه وهو في منطقه اسمها درلينج هاربر Darling Harbour



اول ما وصلنا الفندق نمنا الى الظاهر وطلعنا نتمشى بالمنطقه الي جنبنا وكان في قطار يدور على جزء صغير من سيدني. سعر التذكره 4$. وتقدر تدور فيه لين تقول بس.



والمحطات الي يوقف فيها تكون قريبه من متحف او مكان سياحي.

والحين راح اكتب عن اهم الاشياء في Darling Harbour

[size=2]Darling Harbour[/size]

- sydney aquarium

حلو الي يحب يشوف الاسماك وعالم البحر والاطفال بينبسطون عليه.



موقعهم على الانترنت:http://www.sydneyaquarium.com.au/

-Cockle Bay Wharf

مجمع مطاعم واحلى وقت للجلسه فيه بالليل بعد ما تقفل الاماكن السياحيه والاسواق.





- harbourside هاربر سايد

مجمع تجاري فيه مجموعه من محلات الملابس و مطاعم وقهاوي
موقعه على الانترنت :http://www.harbourside.com.au/

-The IMAX Theatre Sydney

سينما يعرضون فيها افلام ثلاثيه الابعاد و برضوا حلوه للاطفال.



موقعهم على الانترنت: http://www.imax.com.au/home.asp

-Outback Center
معرض لوحات و يبيعون اشياء يستخدمونها السكان الاصليين لاستراليا وفيه عرض يجي واحد يعزف في اله قديمه.

-Chinese Garden

حديقة صينيه صغيره. طبعا لازم الصينيين يحطون راسهم في كل مكان وحتى استراليا مليانه صينيين.

وفي متاحف بس لاني ما احب المتاحف ما راح اكتب عنها

الحين خلصت من دريلنج هاربر وهالاشياء كلها قريبه من بعض يعني تقدر تتمشى عليها بيوم واحد.

وبعد ما تمشينا في المنطقه هذي رحنا الى برج سيدني.

Sydney Tower



هو المبنى الطويل

و في برج سيدني تقدر تشوف سيدني 360 درجه و فيه كل نص ساعه تجي وحده تشرح لكم فكرت البرج وكم كلفهم و الاشياء الامهمه في استراليا بكل الجهات.

و في كافي شوب للي حاب يتقهوى هناك

ولمن تخلص من البرج تنزل تحت وتدخل الى سكاي تو و في التور هذا يعطونك معلومات عن استراليا و يقدمونها لك بطريقة عرض حلو واخر شيء يدخلون الى سينما تتحرك الكراسي فيها و فكرتهم حلوه

موقعه على الانترنت:http://www.sydneyskytour.com.au/intro.html

وبعد ما خلصنا من سيدني تاور تمشينا بالشوارع الين وصلنا الى Circular Quay

وبالمنطقه هذي نقدر نشوف الاوبرا الي مشهوره فيها سيدني



و نشوف جسر هاربر سيدني والحلو في الجسر هذا انك تقدر تطلع فوق الجسر والي يبي تفاصيل اكثر عن التجربه هذي الموقع هذا بيساعده: http://www.bridgeclimb.com

وهذي صوره من موقعهم :


وكذا انتهى اليوم الاول[/align]

مواضيع عشوائيه ممكن تكون تعجبك اخترناها لك:

• افضل طيران من السعودية الى استراليا
• ياهو يا ناس غلا تعالوا شوفوا اهم الاحداث
• كيف أنزل الصور على الموقع
• الهدايا يا أستراليين
• عاجل لوسمحتو
• مخطط استراليا اغسطس عام
• استراليا بشهر يناير
• فنادق سيدنيماهو المطل على البحر والأوبرا؟؟؟
• محتاجه اجابتكم باسرع وقت
• سؤال حول الحجاب و النقاب في استراليا
• استفسار بخصوص التقديم على الفيزا اون لاين
• ارجوا الرد على سؤالى
• تاشيرة السفر
• طلب مساعدة
• بليز محتاجة ترشيحكم في ملبورن قولد كوست وسيدني
• استفسار عن الجو بنوفمبر وديسمبر ؟؟؟
• من يقدر يساعدني؟؟؟
• سؤال عن متوسط دخل الفرد في استراليا وأشياء أخرى
• السفر الى استراليا بصحبة اللاب توب
• لعيون بوابة استراليا

[align=center]

أخيراً أخي fms ما بقينا نشوف الموضوع ..

أولا .. الحمد لله على سلامتك وسلامة الأسره الكريمه

ثانيا ... ما شاء الله تبارك الله يعطيك العافيه على هالتقرير الجميل والوافي و الصور الحلوه ..

ثالثا ... جددت الشوق فينى لسيدني و للدارلنغ هاربر بالذات و للتمشي على الجسر و حوالين المارينا و الي نختمها لابد بالقعده الحلوه على هالمطاعم والكوفي شوبات ..
فشرايك باجواء سيدني و بشكل عام ؟؟؟

على فكره شسويتوا مع البرد يقولون البرد بسيدني زاد ودرجة الحراره ما تتجاوز 13 درجه ...


تحياتي ..........[/align]

اول شيء يشرفني انك تردين على موضوعي اختي الباحثه

الله يسلمك ويخليك والحمد لله كانت الرحله حلوه الحمد لله والي خلاني افكر ازور سيدني مواضيعكم الي في المنتدى هذا ولا ما كان في بالنا نروح استراليا السنه هذي.

بالنسبه للدرالنج هاربر كنت اتذكر كلامك لاختنا طيف ولمن تقولين لها الهوت شوكليت وقلت لاهلي اسمعوا كلام الباحثه و اشربوا هوت شوكليت حتى كلهم طلبوا هوت شوكليت و حلو ان المطاعم والمقاهي تفتح لوقت متاخر بعكس الاسواق والرحلات الي تنتهي بدري على المغرب.

بالنسبه لسدني كانت حلووووه مره مرتبه اكثر من ميلبورن و نظيفه والي يميزها و يميز استراليا الحمد لله الامان كانت امان ولا فيها مضايقات ابدا وطيبه الشعب الاسترالي

بس ما افكر ازور استراليا الا بعد ما تزوج ويجوني عيال"ان شاء الله" لانها حلوه للي عنده اطفال بينبسطون فيها.

وبالنسبة للجو كان الجو حليو بالنهار وفي الليل صدق برد بس كنا مستعدين جايبين معنا شتوي موصي اهلي يجيبون شتوي قلت لهم تراه شتاء.

وان شاء الله تزورين استراليا مره ثانية و تنبسطين فيها اكثر.

ياسلام صور رائعه

اكيد بتكون سيدني حلوه لانها كفايه باستراليا وننتظر الاجزاء الثانيه
اما انا مريحه نفسي من ناحية الذكريات والله يعينا على اللي جاي

[align=center]


اهم شي انك شربت الهوت شوكلت و هذا هو المطلوب ...

سبحان الله يا كثر هالمشاريب بالديره بس هناك لها طعم ثاني مع هالبرد والأجواء الحلوه

وان شاء الله , الله يوفقك ببنت الحلال ويرزقك بالذرية الصالحه وتوديهم استراليا وما تخلون مكان الا و تروحون له ..
و الله يسمع منك واروح لها أنا بعد مره ثانية ..

والله يعين الجميع يا غموض .


تحياتي .....................[/align]

حياك الله fms

وحمدلله على السلامة

تقرير جميل ورائع من بدايته

بانتظار طلتك الحلوة ...

المشاركة الأصلية كتبت بواسطة غموض الغد


ياسلام صور رائعه

اكيد بتكون سيدني حلوه لانها كفايه باستراليا وننتظر الاجزاء الثانيه
اما انا مريحه نفسي من ناحية الذكريات والله يعينا على اللي جاي



شكرا على الرد وان شاء الله اليوم بحط الجزء الثاني من زيارتي لسيدني

المشاركة الأصلية كتبت بواسطة الباحثة


[align=center]


اهم شي انك شربت الهوت شوكلت و هذا هو المطلوب ...

سبحان الله يا كثر هالمشاريب بالديره بس هناك لها طعم ثاني مع هالبرد والأجواء الحلوه

وان شاء الله , الله يوفقك ببنت الحلال ويرزقك بالذرية الصالحه وتوديهم استراليا وما تخلون مكان الا و تروحون له ..
و الله يسمع منك واروح لها أنا بعد مره ثانية ..

والله يعين الجميع يا غموض .


تحياتي .....................[/align]



يعطيك الف عافيه على الدعوه الحلوه والله يوفق الجميع

المشاركة الأصلية كتبت بواسطة أبو ريان


حياك الله fms

وحمدلله على السلامة

تقرير جميل ورائع من بدايته

بانتظار طلتك الحلوة ...



الله يسلمك اخوي أبو ريان

و الجميل ردك و تشجيعك لي

المشاركة الأصلية كتبت بواسطة SaudiMfls


هلا بيك اخوي شقراوي



والف حمد الله على السلامة

وننتظر باقي المدن وتقبل الشكر مقدما




ان شاء الله المره الجايه امرك الرياض ونروح شقراء لاني ما ادل فيها شيء

و كان فيها مجسم تلفون قديم و يقولون هدموه اكيد اهل أوشيقر هم السبب

[align=center]بعد ما نمنا وارتحنا

قمنا الصبح بدري ونزلنا الى الهاربر وافطرنا في احد الكافي شوب وبعدها مشينا الى Circular Quay وكان هناك في محظة باص وعل فكره الانفورميشن عندهم ممتاز ويساعدونك في كل شيء تبيه و يتحمسون علشان يساعدون الناس

المهم كنا ناوين نروح للبحر واسم البحر الي نبيه

Bondi Beach

ورحنا للبحر الحلو ان فيه جزء مزرع تقدرون تجلسون فيه بدال الرمل الى عند البحر المهم جلسنا ورحت انا اشتري شيبس و كوكا و تعرفت على صاحب السوبرماركت لبناني وقالي خذ المقاضي ببلاش قلت لا ما ينفع المهم اعطيته دراهمه و سوا لي تخفيض ما قصر.

المشكله بالصوره كلها راز خشتي فيها بس بحطها pb024



وفي جنب الشاطىء ممر يودك الى شواطىء ثانية وهذي صوره ثانية لي pb024



وبعد ما ارتحنا وتمددنا على البحر رجعنا مره ثانية الى Circular Quay و قريب من محطه الباص منطقه اسمها

The Rocks

المنطقه هذي تتميز بالمباني القديمه و الي فهمته ان بدايه سيدني كان من المنطقه هذي. وفيها قهاوي ومطاعم بس ما ادري ليش يقفلون بدري!! تجيهم بعد الساعه 6 تقريبا كلهم مقفلين وبعد ما شفنا المنطقه هذي جعنا و بدينا نتمشى في شارع

George Street

الشارع هذا من اهم الشوارع والي يمر بنص سيدني وفيه محلات تجاريه و بنوك وفندق الفور سيزن كان على نفس الشارع هذا. الزبده كنا مشتهي بيتزا هوت المشكله ما كنا ندري هو في اول الشارع ولا اخره وكل شوي تقول هانت لان الوالده تعبت من المشي وهنا نمشي نشوف اشياء جديده و يوم قربنا من بيتزا هوت لقينا قبله مطعم عربي اسمه علي بابا والي يشتغلون فيه لبنانيين وكان عشانا وغدانا. وبعدها رحنا ارتحنا بالفندق ونمنا.

اليوم الثالث

قمنا الصبح وافطرنا في الفندق وانا من خلال قراتي على الدليل السياحي حق سيدني شفت شاطيء ثاني ومكتوب انه من احلى الشواطيء في سيدني وعلشان نروح له لازم نستخدم الفيري"عباره" ومحطه الفيري الرئيسيه كانت في منطقه Circular Quay ومشينا لها و قصينا تذاكر والحلو في الاستراليين يساعدون الواحد وينصحونه كنا بناخذ تذكره رتين يعني نروح و نرجع بس قالنا لو تاخذون يوم كامل ازين لكم وتقدرون تستخدون الفيري والباصات الى الساعه 4 الفجر على كيفكم ولا فيه فرق بالسعر قلنا له طيب تذكره يوم كامل

والي يحب يعرف اكثر عن اسعار المواصلات العامه بسيدني هذا موقعهم :http://www.sydneybuses.nsw.gov.au/

Manly Beaches

و ركبنا الفيري الي بيروح الى Manly Beaches وكانت مدة الرحله ساعه تقريبا والحلو ان كل نص ساعه في فيري يروح للManly Beaches وهذي صوره وانا بالفيري و وراي الاوبرا والجسر



و اول ما تطلع من المحطه راح تلاقي انفورميشن و تقدر تستفسر منهم لو ضيعت لان البيش مهوب قريب من المحطه لازم مشتي يمكن 5 دقايق في شارع The Corso وبالشارع هذا مطاعم و سوبرماركت لو حبيتوا تاخذون معك شبس و كوكاكولا تاكلونها على البحر. والبحر هذا ازين من الي قبله حق امس واكبر و فيه زحمه.


الصوره مش واضحه لانها مقصوصه من صوره فيها اهلي

وبعد ما درنا وشفنا البحر رجعنا الى محطه الفيري الرئيسه وقمنا نشوف وين بتروح الفيري الثانيه و نركب نبي نحلل قيمه التذكره pb034 وشفنا بنفس اليوم

Double Bay
Rose Bay

بس ما نزلاهم ما فيهم رمل وجلسات.

وفي اخر شيء رحنا George Street واكلنا بيتزا هت هالمره. وشفنا بالطريق سوق مشهور عندهم اسمه Queen Victoria Building

ورجعنا تمشينا بالمنطقه الي جنب الفندق و نمنا.

اليوم الرابع
حجزنا قبل بيوم رحله و مرنا الصبح الباص وبعدين ركبونا رحله بالفيري واستقبنا نفس السواق من محطه ثانيه وبعدها ودانا الى حديقة حيوانات صغيره وفيها الكنغر والكولا الي تشتهر فيهم استراليا







بعد ما شفنا الحيوانات ركبنا الباص نكمل الرحل و مرينا من جنب الاستاذ الي كان فيه حفل افتتاح اولمبياد سيدني عام 2000

واخيرا وصلنا الى منطقه

بلو ماونت Blue Mountains

انا ما انبسطت فيها كثير والسبب الجو بارد مرررره وهذي صوره للمنطقه



و بعدين رحنا الى مكان فيه تلفريك و عربه تنزلك "مثل قطار الموت " انا جربتها وكان تجربه حلوه خصوصا انهم مسوين الممر داخل جبل حقيقي و كان منحدر .

ولمن ننزل تحت في ممر تمشي فيه و يورنك كيف كانوا يعشون بالمنطقه معرض صغير و معلومات عن بعض الاشجار الموجوده.

والحين علشان نطلع فوق ركبنا الكيبل كار وعاد القروبات الصينيه والشرق الاسيويين مسوين زحمه.

و تغدينا وزعوا علينا علب فيها سندويش ومارس وعصير وتفاحه بس ما تهنينا بالاكل ما في مكان ناكل فيه الا بالبرد والصندوق يطير والسندويشه بيد يعني اعمال شاقه مهوب غدا

ورجعنا للباص والحين يودينا الى منتزه طبيعي وهذي صوره له



و صار يقول لنا السواق اجلسوا ربع ساعه بعد 5 دقايق كلنا نرجع من البرد و حتى قالنا اجل بوديك مكان ثاني لان معنا وقت ورحنا بعد الى منتزه طبيعي ثاني ولا طولنا وحتى ناس ما نزلوا من الباص من البرد تقولون مغصوبين على الرحله

و في الاخير رجعنا المغرب الى سيدني و تقريبا كل الباص نام ما عدا واحد قدام جالس يسولف مع السواق نزلوا عند فندقنا وارتحنا وبعدها تمشينا بالهاربر وتعشينا ونمنا

اليوم الخامس

كان يوم تمشيه على سيدني الاسواق و الشوارع الي فيها الاسواق ورحنا القريه الصينيه" شاينا تاون" وبس

اليوم السادس رحنا الى المطار وكانت رحلتنا الظهر الساعه 12 الى ميلبورن

و موضوع ملبورن راح يكون مستقل ان شاء الله [/align]

الله يسلمك اختي غموض

وكويس عجبتكم الصور لان بعض الصور اقصها من صور فيها خشتي او فيها احد من اهلي

وعليكم السلام ورحمة الله وبركاتة

مشاء الله تبارك الله ...لقد ضربت على الوتر الحساس لدي...نعم انها ( سدني ) المدينة النابظة بالحياة ومن اجمل المدن الاسترالية...

اخي العزيز /fms

لقد ابدعت فسلمت يمينك في الوصف...تحياتى لك

اخوك

ابولمى

المشاركة الأصلية كتبت بواسطة الخواطـر


وعليكم السلام ورحمة الله وبركاتة

مشاء الله تبارك الله ...لقد ضربت على الوتر الحساس لدي...نعم انها ( سدني ) المدينة النابظة بالحياة ومن اجمل المدن الاسترالية...

اخي العزيز /fms

لقد ابدعت فسلمت يمينك في الوصف...تحياتى لك

اخوك

ابولمى



الله يسلمك اخوي ابو لمى وصحيح سدني من احلى المدن و الي يميزها الامان الموجود فيها

وتسلم على الرد الي شرف موضوعي

الحمد لله على سلامة الوصول اخي الكريم و شكرا على الموضوع

صورك رائعة شوقتنا كثيراً للسفر لها و سأضم هذا الموضوع مع موسوعتي الخاصة باستراليا



تحياتي لك و للجميع

ماشاءلله عليك أخوى fms لقطاتك جميلة والموضوع جميل والاحلى الصور
بس فى شى ناقص ولا أكمت الطبخه مو مبن وجه الحلو اللى بالصوره أكيد خايف من الحسد ولا ...... (نتشاقا على قولت أخوننا العراقين )

المشاركة الأصلية كتبت بواسطة الباب العالي


ماشاءلله عليك أخوى fms لقطاتك جميلة والموضوع جميل والاحلى الصور
بس فى شى ناقص ولا أكمت الطبخه مو مبن وجه الحلو اللى بالصوره أكيد خايف من الحسد ولا ...... (نتشاقا على قولت أخوننا العراقين )



هههههههههههههههههههههههههههههه

هلا والله اخوي الباب العالي

منور الموضوع والنقص الي كان موجود بالموضوع اكتمل بردك بالموضوع

لا انا خفت احط صورت وجهي ولا احد يرد

شكرا لك اخوي على الرد

تحياتي لك fms وانا كنت انتظر الردود عشان تخلص واقول لك تسلم على التقرير والصور الرائعه ، ويسلمون اللي ردو عليك كلهم من اولهم الى آخرهم،،

تحياتي

المشاركة الأصلية كتبت بواسطة آخر الفرسان


تحياتي لك fms وانا كنت انتظر الردود عشان تخلص واقول لك تسلم على التقرير والصور الرائعه ، ويسلمون اللي ردو عليك كلهم من اولهم الى آخرهم،،

تحياتي



الله يسلمك اخوي اخر الفرسان

اي والله انك صادق يسلمون كل الي ردوا والي قروا الموضوع ولا ردوا

تحياتي

المشاركة الأصلية كتبت بواسطة NAWAF1


مشكور اخوي Fms رحله جميله



عفوا اخوي نواف

واتمنى انك تزور استراليا وتنبسط فيها

تحياتي

رحلة رائعة وجميلة
نعم إنها سدني من أروع المدن

ماشالله روعه الله يوفقك بكل رحله انشالله

سدني حلوووه...بس الأكيد مو أحلى منك ومن تقرير الغاية في الروووعه.


تحياتي.

thaaaaaaaaaaaaaaank u

حلووووووووووووووه الصور

تسلم على الموضوع الحلو والشيق بس بغيت اسال عن الحجاب يعني اللثام او النقاب وهل فيه احد كثير متغطي ولا يتعرض لمضايقات ودمتم سالمين

يعطيكم العافيه على التشجيع

بخصوص الحجاب الاهل كلهم متحجبين ولا تعرض لنا احد ولا قال لنا شيء بالعكس محترمين جدا.

ماشاالله التصوير حلو وواضح .. تسلم اخوي

راااااااااااااااااااااااااااااااااااااائع

ان شاء الله المره الجايه امرك الرياض ونروح شقراء لاني ما ادل فيها شيء

و كان فيها مجسم تلفون قديم و يقولون هدموه اكيد اهل أوشيقر هم السبب
__________________________________________________
السلام عليكم ورحمة الله وبركاته
تقريرك رائع جدا عن سدني وبالفعل هي مدينة ما يعرفها الا الي يروح لمها ويشوفها.
الله يهديك بس يا اخوي fms بالعكس لو نشوف احد يهد التمثال كان نوقفه عند حده ونأدبه - الي يرشكم بالماء نرشه بالدم - اهل شقراء جيران وغالين علينا.
انا رحت سدني عام 2001 وكانت احلى ايام حياتي هناك, بالفعل مدينه آمنة ورائعه وخصوصا الجلسه في منطقة الدارلنغ هاربر.
اخوك سامي - أشيقر -

الله يعطيك العافيه على التقرير...ولو انه بعد سنتين او اكثر من كتابته...لكن من روعته ما قدرت امسك نفسي

وبالنسبه لشقراء......يا رجال ما عاد صارت مثل اول....لا عاد تروح لها مره ثانيه....امتلت من البدو والقرى اللي جنبها

مشكور اخوي Fms رحله جميله
تحياتي

أنا مهتمة شلوان بأجر سيارة وأنا رايحة سدني في أغسطس أرجو رد وأفادة بأسرع وقت

يسلموووووووووووووو ع التقرير الرائع ...

الله الله علييييييييييييييييييييييييييك..

مشكووووووووووووووووووووووووووووووور

شكرا على التقرير الجميل

شكرا على هذا التقرير الجميل

تقرير رائع .. شكراً لك .

تقرير جدا رائــع .. ولكن هناك سؤال يعني شلون ممنوع دخول الأدوية .. يعني لازم نييب معانا احتياطاتنا من بندول من شغلات ثانية .. فنتولين بخاخ للتنك .. ؟؟ شلون طريقتهم .. ؟؟ .. ..

ولا أروع يالشقراوي
هذولا اهل شقراء مشهود عنهم الكرم والطيبة

أهلا يالشقراوااي ..


ما شاء الله تبارك الله الصوور تفووق الوصف والمعلومات اللي حطيتها مررة حلووة ومفيدة ..

ننتظر بقية تقريرك ..

ولاتنسى شقراء من تقاريرك ..واذاتبي مساعدة عن شقراء لايردك الا الكيبود..

يعطيكم الف عافيه والله انبسط لمن شفته في الصفحه الاولى رحلتي كانت قبل 4 سنوات تقريبا عام 2008

بالنسبه لشقراء انا ما عندي معلومات عنها ولا زرتها الا مره وحده و بعدين لو اكتب قد مواضيع المنتدى عن شقراء ما يكفيها

بالنسبه للتكمله في موضوع ثاني عن ملبورن و ثالث عن برزبين.

يعطيك الله العافية على الصور الجميلة

بالنسبه لشقراء انا ما عندي معلومات عنها ولا زرتها الا مره وحده



والله مالك حق لو تزورها سحرتك والله معاد تخليها لو في ال4 شهور مرة موب لازم دايم
خلك من زحمة هالرياض اللي تجيب الهم هالحين وتعال شم هواء يرد الروح







و بعدين لو اكتب قد مواضيع المنتدى عن شقراء ما يكفيها



كفو ياالشقراوي

شكرآآآآآآآآآآآآآآ

المشاركة الأصلية كتبت بواسطة fms
http://www.arabtravelersforum.com/tr...1/#post1934801

يعطيكم الف عافيه والله انبسط لمن شفته في الصفحه الاولى رحلتي كانت قبل 4 سنوات تقريبا عام 2008

بالنسبه لشقراء انا ما عندي معلومات عنها ولا زرتها الا مره وحده و بعدين لو اكتب قد مواضيع المنتدى عن شقراء ما يكفيها

بالنسبه للتكمله في موضوع ثاني عن ملبورن و ثالث عن برزبين.



يعطيك الف عافية يا ابن العم وتقريرك يستاهل يرفع ببساطة لانه رائع :113::113::113::113::113::113::113:

جهد تشكر عليه

مشكووووووور

يعطيكم الف عافيه .. طلعوا الشقراويين

انا ما زرت شقرا كثير لاني من سكان الشرقيه وان شاء الله بزروها لمن ارجع السعوديه بس ابيكم تمشوني ...

يعطيكم الف عافيه كل واحد رد و اتمنى اانكم تزورون سيدني لانها مدينه تستاهل الزياره.

استراليااااااااا يووه مره نفسي اروح لها
ماما كانت رايحه لها من زمان تقوول تججنن

لازم نروووووووووووووح لهااا
لانها هي مقرره ع صين
انت ايش رايك

استراليا احلى بفرق صح؟؟

المشاركة الأصلية كتبت بواسطة مها الفهد
http://www.arabtravelersforum.com/tr...6/#post2057726

استراليااااااااا يووه مره نفسي اروح لها
ماما كانت رايحه لها من زمان تقوول تججنن

لازم نروووووووووووووح لهااا
لانها هي مقرره ع صين
انت ايش رايك

استراليا احلى بفرق صح؟؟



اكيد استراليا افضل بكثر عن الصين. انظف والجو حلو صحيح بارد بس معقول نسبيا .. و حتى من ناحيه الاكل بتتعبون بالصين و غير كذا لو بتروحون بكين اتوقع بتصير غاليه هالسنه لان فيها الالعاب الاولومبية ..

--------------------------------------------------------------------------------



( رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ )

تقرير جميل
شكرا لك أخي

شكرا على التقرير الرائع .... لما شفت صور دريلنج هاربر تذكرت سفرتي لسيدني المكان وايد حلو وصار لنا هناك موقف كان الجو صافي والشمس ساطعة واحنا مستانسين ونتمشى ونتصور .. وفجأة غيمت وهطلت الأمطار وكل الناس قاموا وشردوا وصار زحمة :104: وطبعاً من الصدمة والزحمة ضاع ولدي وقمنا ندور عليه ، الناس واقفة تحت المظلات وأنا أدور على حمودي وتبللت .. وبعد ما لقيته طبعاً رحنا الفندق .. وبعد ساعات صادنا برد ومرضنا .......:11ld:
بس بصراحة استراليا أحلى بلد زرتها .......

المشاركة الأصلية كتبت بواسطة فلج
http://www.arabtravelersforum.com/tr...2/#post2110892

تقرير جميل
شكرا لك أخي



عفوا .. و اتمنى انك استفدت منه ...

المشاركة الأصلية كتبت بواسطة sma-QATAR
http://www.arabtravelersforum.com/tr...2/#post2112342

شكرا على التقرير الرائع .... لما شفت صور دريلنج هاربر تذكرت سفرتي لسيدني المكان وايد حلو وصار لنا هناك موقف كان الجو صافي والشمس ساطعة واحنا مستانسين ونتمشى ونتصور .. وفجأة غيمت وهطلت الأمطار وكل الناس قاموا وشردوا وصار زحمة :104: وطبعاً من الصدمة والزحمة ضاع ولدي وقمنا ندور عليه ، الناس واقفة تحت المظلات وأنا أدور على حمودي وتبللت .. وبعد ما لقيته طبعاً رحنا الفندق .. وبعد ساعات صادنا برد ومرضنا .......:11ld:
بس بصراحة استراليا أحلى بلد زرتها .......



حمد لله على سلامة حمودي .. بالنسبة لدريلنج هاربر من احلى الاماكن في سيدني .. خصوصا لمن الواحد يجلس في احد المطاعم و الكافي و الجو بارد ..

الجو برا الخليج الواحد ما يعرف له يطلع شمس وبعدها امطار و ثواني تطلع الشمس .. والمشكله الواحد يشيل هم شيل المظله ..

رحلة استراليا كان من احلى رحلاتي .. بس ياليت زرتها بالصيف علشان انبسط بالبحر ...

خوووش مووضووع يريت الصور طالعه