الموضوع: شقراوي في استراليا بالصور الجزء الثاني

[align=center]بسم الله الرحمن الرحيم

هذا الجزء الثالث لرحلتي بصيف 2004

اول جزء كان في هونج كونج على اللنك هذا :
http://travel4arab.com/vb/showthread.php?t=18739

والجزء الثاني كان لسيدني على اللنك هذا:
http://travel4arab.com/vb/showthread.php?t=18916

*** ملاحظة الموضوع فيه صور كثيره ياليت تعطونها وقت علشان الدوان لود ***

والحين ببدا بالجزء الثالث

Melbourne ميلبورن

خريطه استراليا وفيها مدينه ميلبورن



التقل بين المدن الاستراليه اما بالسياره, طياره او القطار

بس افضل طريقه بالطياره علشان ما يضيع وقتك بالقطار بين سيدني و ميلبورن تقريبا من خلال موقعهم بالنت 10 ساعات اما بالطياره ساعه وربع"مش متأكد ناسي بصراحه"

والخطوط الي استخدمتها هي الخطوط الاسترالية "كوانتوس" qantas



ولمن تحجزون عليها خلوا المكتب يحط لكم سبيشل ميل واسم الوجبه مسلم لان بعض الرحلات يكون الاكل بس ساندويشات وفيها خنزير

موقعهم على الانترنت: http://www.qantas.com.au

والحين بتكلم عن المدينه والجو

هي مدينه في جنوب استراليا في ولاية فكتوريا ومن اكبر المدن الاستراليه و الجو كان فيها بارد مره اول يوم وصلنا فيه كانت درجه الحراره 7 درجات وغير كذا كان في هوا قوي ومطر و سواق الليموزين يقول ان الجو هذا ما قد جاهم من قبل 6 او 7 سنوات.

وصلنا الفندق تقريبا الساعه 5 وكان الفندق Novotel Melbourne on Collins في وسط المدينه حليو بس عيبه ان مدخله صغير واللوبي في الدور السادس صغير بعد بس و الغرف كويسه والموقع ممتاز. في فنادق ازين منه وانا اعجبني فندق كراون.

وبعد ما ارتحنا بالفندق شوي ما كان في شيء نقدر نروح له و درنا بالمنطقه الي جنب الفندق و تعشينا ونمنا.

اليوم الثاني
كان يوم الاحد و نصحتنا موظفه الفندق اننا نتمشى في المدينه لان في اسواق بس ليوم الاحد وقلنا اوكي و رحنا الى سوق اسمه

Queen Victoria Market

سوق بسطات ويبيعون فيه كل شيء من لحم و خضار وملابس وهدايا و و و و و و
يفتح كل الايام ما عدا الاثنين والاربعاء
تراه مثل اسواق لندن الي تصير بيوم الاحد



موقعه على الانترنت : http://www.qvm.com.au/

وبعد ما تمشينا بالسور رحنا الى منطقه اسمها

Williamstown

تقريبا نص ساعه بالقطار و فيها شاطيء و الجهه الثانيه فيها مارينا وجلسات ومطاعم وعلشان يوم الاحد كان فيها سوق الاحد بعد
المحطه الي مشينا منها اسمها Flinders St Station الى محطه اسمها Williamstown

صور لمحطه Flinders St Station





وتقدر تروح الى Williamstown عن طريق الفيري "العباره" من نهر اليارا

صوره من Williamstown



وبعد ما تمشينا فيها رجعنا الى وسط المدينه وتمشينا على

Yarra River

وكان برضوا في سوق بس يوم الاحد والحلو بالاسواق هذي ان اكثر البضايع شغل يدوي وفي مجموعه من المطاعم والقهاوي حلوه الواحد يتغدى فيها. وفي رحلات بالنهر للي يحب .





صوره للنهر و وراي اطول عماره في ميلبورن وتقدر تطلع تطلع العماره.



وبعد التمشيه الحلوه على النهر رحنا منطقه حلوه على البحر واسمها

ST KILDA

منطقه حلوه على البحر وفيها مطاعم وملاهي صغيره تنفع للاطفال وبرضوا فيها سوق على الرصيف لانه اليوم الاحد

وتقدر تستأجر سيكل تتمشى فيه





وبكذا انتهى اليوم الاول

اليوم الثاني

رحنا الى محطه القطار وكانت وجهتنا الى

Belgrave

وتبعد تقريبا ساعه او ساعه ونص من وسط المدينه وفي Belgrave محطه لقطار قديم اسمه

Puffing Billy

و انت تحدد المطقه الي تبي تنزل فيها واحنا اخذناه الى المحطه الثانيه وبعدها رجعنا الى محطه القطار لمدينه Belgrave بالباص علشان نرجع الى وسط المدينه. الحلو بالقطار هذا يمر من مناطقه طبيعيه ولا فيه درايش يعني برد



وتقدر تطلع سيقانك من القطار ركزوا على الي في القطار







وبعدها رجعنا الى وسط المدينه وفي ميلورن راح تلاقي ترام Tram مجاني يدور حول منطقه السنتر من الساعه 10 الصبح الى الساعه 6 المغرب واسمه

City Circle Tram



وهذي خريطه توضح الطريق الي يمشي فيه الترام "على فكره الترام زي القطار بس بالكهرب يمشي بالشوارع " عسى فهمتوا قصدي



والي يبي يشوف كل رقم وش فيه ومعلومات اكثر عن الترام : http://www.metlinkmelbourne.com.au/c...le/routes.html

وبعد اللفه الكامله بالترام درنا شوي بالشوارع و انتهى اليوم الثاني

وان شاء الله باقي التفاصيل بكتبها قريب وبكتب طريقة استخدام المواصلات العامه في ميلبورن.[/align]

مواضيع عشوائيه ممكن تكون تعجبك اخترناها لك:

• المساعدة
• احرص على عد اموالك في استراليا
• سيدني لخمسة ايام ؟؟
• ملكة ضفاف المحيط الهادئ استراليا
• مساعدتكم بترتيب رحلتي
• للنصح والارشاد
• استفسار مهم بخصوص فيز استراليا الجديدة
• استفسر عن طريقة التنقلات بين المدن كيف مثل برزبن او القولد كوست وسدني
• سوال البرادايس سنتر
• الأدوية والأعشاب في المطـــــــــــار؟
• اسئلة لسكان استراليا
• اليكم صور الفنادق في جولد كوست و عناوينهم
• ساعدونى ربن يكرمكم
• مساعده لرحلتي الى استراليا
• ممكن مساعدتي
• شرح استخراج الفيزا الاستراليه خطوه على النت
• أرشيف الاستفسارات السياحية في أستراليا
• نوروني
• الرجاء المساعدة اسئلة عن ؟
• أنا مسافر قريباً ومحتار بين أستراليا وماليزيا أيهما أفضل

العزيز/ fms

لقد امتعتنا بالتجول في سدنى....وبعدها توجهنا معك الى ميلبورن...مدينة التسوق الاولى في استراليا...

لكن خبرنى ان شاء الله انك مانسيت تلقط لك من الفواكة الى يبيعونها على جنبات الطرق؟؟

وفي انتظار البقية...

تحياتى لك

ابولمى

[align=center]

ما شاء الله تبارك الله يعطيك العافيه أخوي fms الحقيقة نقلتنا معاك بهالتقرير و الصور الجميله لأجواء أستراليا الرائعه بداية بسيدني ثم ملبورن و كلنا شوق للبقيه ,, فتحياتنا لك ..

و لعلك لاحظت على سكان ملبورن طريقتهم السريعه بالمشي
و الظاهر انه من شدة البرد يلجئون للسير السريع كنوع من التدفأه ..


تحياتي .......... [/align]

المشاركة الأصلية كتبت بواسطة الخواطـر


العزيز/ fms

لقد امتعتنا بالتجول في سدنى....وبعدها توجهنا معك الى ميلبورن...مدينة التسوق الاولى في استراليا...

لكن خبرنى ان شاء الله انك مانسيت تلقط لك من الفواكة الى يبيعونها على جنبات الطرق؟؟

وفي انتظار البقية...

تحياتى لك

ابولمى



تحياتي لك اخوي ابو لمى ويشرفني انك ترد على موضوعي

واحب اشكرك لانك احد الاشخاص الي استفدت من مواضيعه في بوابه استراليا

وبالنسبة للفاكهه للاسف والله ما تقضينا فاكهه المره الجايه ان شاء الله

المشاركة الأصلية كتبت بواسطة الباحثة


[align=center]

ما شاء الله تبارك الله يعطيك العافيه أخوي fms الحقيقة نقلتنا معاك بهالتقرير و الصور الجميله لأجواء أستراليا الرائعه بداية بسيدني ثم ملبورن و كلنا شوق للبقيه ,, فتحياتنا لك ..

و لعلك لاحظت على سكان ملبورن طريقتهم السريعه بالمشي
و الظاهر انه من شدة البرد يلجئون للسير السريع كنوع من التدفأه ..


تحياتي .......... [/align]



شكرا لك اختي الباحثه للمتابعه و الرحله و متعتة الرحله الحمد لله كانت بفضل الله ثم بفضل معلوماتك الي كانت طازه و استفدت منها كثير

ملبورن ذكرتني بلندن بكثره الهوم ليس والسكارى

وبخصوص انهم سريعين كنت اشوفهم لمن اروح الصبح بدري الى المحطه وهم عكسنا يوصلون الى وسط ملبورن لشغالهم بس كنا بعض الاحيان اسرع منهم نخاف يفوتنا القطار الي نبي نروح عليه

[align=center]بكمل الايام الباقيه لنا بالمدينه هذي

اليوم الرابع

قمنا الصبح بدري مره علشان ناوين نروح الى مدينه تبعد ساعتين بالقطار اسمها

Ballarat

هذي مدينه اشتهرت بالذهب و انهم لقوا فيها ذهب من زمان بس الحين ما عاد فيها شيء طبعا انا ما رحت علشان اتمشى بشوارع المدينه كان في مكان سياحي حلو وانا اعجبني واسمه

SOVEREIGN HILL

على فكره اول ما توصلون الى مدينه Ballarat اسالوا المحطه عن الباص الي يودي الى SOVEREIGN HILL لانها مهوب قريبه من محطه القطار ولمن توصلون شوف اوقات الباص الي يرجعكم الى المحطه يعني لازم تنسقون اوقات الباص مع القطار الي بترجعون فيه.

هذي عباره عن قريه صغيره وفيها الحياه قديما طريقة كشف الذهب و الشخص الي لقاه و البيوت القديمه وحتى البنك و المطاعم والمسارح وانت تتمشى فيها تلاقي ناس لابسين الملابس القديمه وتقدر تسولف معهم وتصور معهم و اول ما تدخل للقريه هذي راح يعطونك الخريطه وفيها اوقات العروض لا تفوتونها وهذي صور لي فيها

اول ما دخلنا الغيمه نحسبها تمثال من شمع وقامت تسلم علينا وقلنا ما راح نفشلك وبنصور معك

الـسلام عليــ ــ ـــــكم ...
اهليـــن اخوي fms
ويا هلا بـ الشقراوين كلــهم ==== شقراوي مثلك

ومشكور على طرحك الرائع واسلـوبـك الاروع وخاااصه الصور اعجبتني مرررررره
والله يعطييييييييك العافيه

عقباااال ما نشوف شقراء زي كذا =====خخخخخخ

اخوووووووك
THE_-_WOLF

المشاركة الأصلية كتبت بواسطة the_-_wolf


الـسلام عليــ ــ ـــــكم ...
اهليـــن اخوي fms
ويا هلا بـ الشقراوين كلــهم ==== شقراوي مثلك

ومشكور على طرحك الرائع واسلـوبـك الاروع وخاااصه الصور اعجبتني مرررررره
والله يعطييييييييك العافيه

عقباااال ما نشوف شقراء زي كذا =====خخخخخخ

اخوووووووك
THE_-_WOLF



وعليكم السلام

هلا والله فيك . والله يعافيك والحمد لله ان الموضوع اعجبك

واما نشوف شقراء زي كذا ان شاء الله

بس ان كانك شفت التلفون الي موجود بشقراء ما سلم كسروه و واحد من اخوياي ارسلي الصور وضاق صدري عليه

fms
موضوع حلو وشييييييييييييييييق

و الي جذبني عنوانه شقراوي و النعم احس من العنوان كانك صعيدي في استراليا

هههههههههههههههههههههههههههه

حلوه صعيدي

الحمد لله اعجبك الموضوع ويعطيك العافيه على الرد

ذكريات جميله والله تسلم على الصور الاكثر من رائعة

صراحه تصفح التقرير ممتع ورائع
أشكرك أخي الكريم على هذه الجوله الأستراليه

المشاركة الأصلية كتبت بواسطة مهاجر


صراحه تصفح التقرير ممتع ورائع
أشكرك أخي الكريم على هذه الجوله الأستراليه



عفوا اخوي مهاجر

والحمد لله ان الموضوع اعجبك

شكرا لك

الله يعطيك العافية عزيزى fms وكم أتحفتنا بكل ما يأسر العين والنظر وفعلا أستراليا بشكل عام جميلة وأنت رائع بتقاريرك عن المدن الكبرى فيها وعساك على القوه عزيزى ( فمس )

الله يعافيك اخوي الباب العالي والحمد لله ان الموضوع اعجبك وان شاء الله تستفيد منه

تحياتي لك fms وانا كنت انتظر الردود عشان تخلص واقول لك تسلم على التقرير والصور الرائعه ، ويسلمون اللي ردو عليك كلهم من اولهم الى آخرهم،،

تحياتي

رحله...العمر....ماشاء الله عليك تقرير حلووووو.


تسلم لنا الأيادي.


تحياتي.

[align=center]تقرير جميل ورائع

يعطيك العافيه اخوي شقراوي (fms)
وتسلم الايادي

ذكرتني بأحلى ايام عمري


تحياتي[/align]

ماشاء الله ، تقرير رائع ، حمستنا والله يا شقراوي، يالله لا تبطي علينا بتقرير برسبن

بالتوفيييييييييق.

موضوع رائع وماقصرت

تسلم يدينك اخوي علا الصوور الجميله

والله يوفقك انشالله تحياتي لك..!

السلام عليكم والله ياجماعه كلكم ماقصرتوا في استراليا كلتو كل شي لكن انا ابي اعرف
وين احسن فندق فيها ويكون موقعه حلو يعني فل اوبشنويكون في سدني وشرايكم في الفندق هذا Medina Grand Harbourside جيد ولا فيه احسن من حيث كل شي وانا رايح اخر الشهر الجاي
وهذا الدالنج هاربر شنو شارع ولا منطقه ولا ايش

ويعطيكم الاعافيه تحياتي لكم جميعنا بدون ذكر اسماء

الله يعطيكم العافيه

بخصوص تقرير برزبين كاتبته و تلاقيه في توقيعي


واما بالنسبة لفنادق سيدني انا جربت فندق جنب دريلنج هاربر اسمه شيرتون فور بوينت كويس و نظيف و الدريلنج هاربر هي منقطه فيها مجمعات مطاعم و جلسات حلوه
و في منطقه ثانيه الي هي جنب الهاربر و قريب من الجسر و دار الاوبرا على ما عتقد هناك الفور سيزن و شنجرلا واعتقد انهم ممتازين بحكم الاسم و السمعه.
والفندق الي تقول عنه بصراحه ما اعرفه.

تحياتي لكم

أخوي شقراوي ..
شكراً لك على التقرير الممتع .. و أتمنى تتحفنا بتقرير أروع عن الصين ثم إيطاليا بعد ما تروحها الشهر القادم إن شاء الله ..

سؤالي هو : ليه شايل وجهك من الصور ؟؟ غريبة !!

اخوي مسافر قطر فندق نوفوتيل اللي علي الدارلينغ هاربر وايد حلو وموقعه زين وفندق محترم ماراح اتحسف

المشاركة الأصلية كتبت بواسطة mhenaidy


أخوي شقراوي ..
شكراً لك على التقرير الممتع .. و أتمنى تتحفنا بتقرير أروع عن الصين ثم إيطاليا بعد ما تروحها الشهر القادم إن شاء الله ..

سؤالي هو : ليه شايل وجهك من الصور ؟؟ غريبة !!



هلا والله م هنيدي حبيبي البي

ان شاء الله هالسنه اسوي تقرير لايطاليا ان رحت لها على خير اما الصين ما فيها شيء

وبالنسبه للوجه متاثر بفلم "ذا رينج"

ويعطيك العافيه على الرد

اليوم ، استلمت بوابة أستراليا وبدأت أقرأ المواضيع المميزة وبصراحة أعجبت جدا بموضوعك عن هذة المدينة لأ،ني سبق وأن زرتها ، وطالما كانت تذكرني بلندن مع أن الجميع لم يتفق مع في ذلك ، الحمد لله أنصفتني ووجدت أخيرا من يقول بأنها تشترك مع لندن في شيء ما .
أشكرك فعلا على هذا التقرير الممتاز ، الذي أخذتني فيه إلى شوراع ملبورن واجتررت عبر صورك ذكريات جميلة .
إذن ننتظر منك تقرير بمثل هذا المستوى الراقي إن لم يكن أرقى عن إيطاليا، وتوصى فيه جيدا ، لأنني أحب هذا البلد كثيرا فقد قضيت فيه شهر العسل :106:

بارك الله فيك يالطيب على هالتقرير ..

والله يعطيك العافيه ..

بصراحه استفدت منه شغلات وايد :")

بالنسبه لشقراء انا ما عندي معلومات عنها ولا زرتها الا مره وحده و بعدين لو اكتب قد مواضيع المنتدى عن شقراء ما يكفيها



هلا والله بولد ديرتي :24:
والله بحق مازرتا شقراء الا مره وحده لا وفي الازمه بعد :110:
شكلي بمرك واطلعك من بيتكم وبوديك لشقراء وتشوف المعالم الجديده وتاكل من هرفي اللي توهم فاتحينه :109: :109:
بس صراحه احيي فيك انتمائك وحبك لشقراء شي يرفع الراس لانه فيه بعض الناس من شقراء اذا سألته انت من وين؟؟ يقولك انا من الرياض ياربيييه وش شقراء هذي :112:
المهم عندي سؤال صراحه شاغل بالي :114:
واتمنى انك تجاوب عليه ..
بحكم انك سافرت لاستراليا وامريكا بسألك عن الشعب الاسترالي وتعاملهم يعني هم فرندلي ويتعاشرون زي الامريكان :24: ...
لاني انشاالله الشهر الجاي رايح لملبورن بعثه ....
بس صراحة شايل هم هالاستراليين احس انهم ثقال دم وشايفين انفسهم وصعب تتعامل معهم ولهجتهم تجيب المرض احسهم زي البريطانيين ؟؟:114:

في انتظار جوابك اخوي :110:

المشاركة الأصلية كتبت بواسطة mo0oj
http://www.arabtravelersforum.com/tr...6/#post2033936

هلا والله بولد ديرتي :24:
والله بحق مازرتا شقراء الا مره وحده لا وفي الازمه بعد :110:
شكلي بمرك واطلعك من بيتكم وبوديك لشقراء وتشوف المعالم الجديده وتاكل من هرفي اللي توهم فاتحينه :109: :109:
بس صراحه احيي فيك انتمائك وحبك لشقراء شي يرفع الراس لانه فيه بعض الناس من شقراء اذا سألته انت من وين؟؟ يقولك انا من الرياض ياربيييه وش شقراء هذي :112:
المهم عندي سؤال صراحه شاغل بالي :114:
واتمنى انك تجاوب عليه ..
بحكم انك سافرت لاستراليا وامريكا بسألك عن الشعب الاسترالي وتعاملهم يعني هم فرندلي ويتعاشرون زي الامريكان :24: ...
لاني انشاالله الشهر الجاي رايح لملبورن بعثه ....
بس صراحة شايل هم هالاستراليين احس انهم ثقال دم وشايفين انفسهم وصعب تتعامل معهم ولهجتهم تجيب المرض احسهم زي البريطانيين ؟؟:114:

في انتظار جوابك اخوي :110:



هلا فيك والله

انا ما زرتها يمكن لاني من ساكن الشرقيه تعرف بعيده علينا اذكر كان في مجسم حلو حق التلفون بس خويي يقول خلاص شالوه

وبالنسبه للانتماء بقولك شي يمكن حقين الرياض يقصدون انهم من الرياض لانها ساكنين فيها. انا مثلا لو واحد قالي من وين بقوله الدمام و لكن لو قالي من وين اصلا بقوله شقراء. ما علينا

انا لمن زرت استراليا كانت تجربتي معهم مره حلوه و اذكر كانوا يساعدوني ولمن اسالهم شي يتحمسون. فيهم شوي من اوروبا ولكن فيهم طيبه الامريكان. الجو و طبيعة البلد الهاديه تخليهم شوي رايقيين.

والف مبروك على البعثه .. عقبال ما ترجع بالشهاده ان شاء الله.. انا حاليا ادرس في امريكا مدينه نيويورك تعال سير علي