الموضوع: الى اهل دولة قطر الكرام؟ افيدوني

مساء الخير جميعا

يا ليت من الاخوان اللى فى قطر يفيدوني عن بعض الاسئلة؟

انا بجي فى نهاية الاسبوع يوم الاربعاء لقطر علشان اشتري سيارة من المعارض؟

وين بحصل معارض قطر اللى فيها السيارات؟

هل اجراءات المرور فى قطر سريعة ؟ يعني فى امكانية ا ني اخلص منها فى صباح الخميس او العصر ااذا شريت السيارة؟

وهل فيه سكن قريب من المعارض شقق نظيفة او غرف نظيفة؟ لان المهمة بتاخذ مني يومين بس الاربعاء والخميس بس

واكون شاكر لجميع الاخوان فى المنتدى.

مواضيع عشوائيه ممكن تكون تعجبك اخترناها لك:

• جسر قطر البحرين المحبة ؟؟؟؟؟
• سؤال محلات بيع الحلوى القطرية ؟
• سؤال لاهل قطر بخصوص الفنادق في قطر
• تيم هورتنز
• وين يقدر الواحد يروح في قطر الصباح ؟؟ ترانزيت
• قطر تنتظر مليون مسافر سنوياً عبر مطار الدوحة الدولي بحلول
• هل منفذ قطر يختم الجواز؟؟
• اهل الـــــــــــخــــــــــــــبرة ؟؟؟
• سؤال عن النوظيف
• نصايحكم بخصوص الفنادق؟
• اعلانات فندق كوم غيرصحيحه
• الى اهالي قطر الحلوووووووووووين ساعدوني
• جزر المالديف
• أهل قطر بليز الدخول اجباري
• استفسار عن جزيرة اللولوة
• نار يا حبيبي الأسعار نار
• طلب خاص لاهل قطر
• سؤال لأهل قطر الكرام
• استفسار من شباب قطر المحترمين
• زيارتنا العائليه الأولى إلى قطر

مساك الله بالنور أخوي الغالي

المعارض تحصلها في طريق سلوى

أول ماتدخل قطر ، تحصل دوار القلعة ،

تكمل سيده ،، وراح تحصل السيارة

أو أنك تاخذ الدوار ( دوار القلعة ) وتروح يمين ،، وأنت جاي من طريق بوسمرة طبعاً ،،

بتجيك وكالة ال bmw وهي في المنطقة الصناعية ،،

روح لشارع رقم (10) وهو شارع بيع وشراء السيارات المستعملة ،،

وراح تحصل معارض في الصناعية ،،

بس تحمل لا ينصبون عليك ،، لأن الشريطية واجد اهناك

شئ ثالث ،، راح تحصل المعارض الي فيها سيارات حلوه مثل معرض النسور ومعرض الخليفي ، بجنب المتحف ،، وبجنب فندق موفنبيــك ،، خلفة تماماً ،،

مرسيدسات بورشات وغيرها من السيارات الفخمة ،،

أما عن المرور ،، راح تاخذ منك 3 ساعات على أكثر تقدير ،، وكل ماتروح بدري تخلص بدري ، لأن الزحمة الشديد ماوصفها لــك ،، بس توصل عند الشرطي راح يخلصك في اقل من 10 دقايق ،، بس اهم شئ عندهم الدور ، وبالأرقام الالكترونية تاخذها من كونتر رقم (5)

تحياتي لك وموفق اخوي ،،

تسلم والله يبو محمد والله يعطيك العافيه يالغالي

الله يعيني على الشريطية وان شاء الله اسلم منهم. وبالنسبة للسيارة فهي جيب لاندكروزر وان شاء الله اني اخلص ا موري فى نفس اليوم الله يسهلها.

وماقصرت يبو محمد على المعلومات

موديل كم تبيها ؟؟

ترى الوكالة عاملة عرض حلو عليها

Gx قير عادي ،، موديل 2004 ،، بليته 2004 ،، مكيفين ثلاجة فتحه ،، بسعر ( 118.000) ريال فقط !!

تخيل ،،

أصفااار من الوكالــة

ألحق ماتلحق الكمية محدودة ،،

( الوكالة هي : وكالة عبدالغنــي )

والمواتر برع الوكالة المستعملين ،، تحصلهم في حدود 108.000 و 110.000 ريال

تحياتي

يا هلا وغلا يبو محمد والله ما قصرت الله يعطيك العافية

ابو محمد اانا بجي ان شاء الله الاربعاء الليل او الخميس الفجر بمشي من السعودية علشان اكون الصباح فى المعارض وبصراحه انا ادور على
gx من 2001 الى 2002 يكون اوتوماتيك افضل واذا ما حصلت خذيت عادي ويكون فتحة واللون يكون ابيض او فضي او بيج.

يعني رحلتي لقطر بتكون صد و رد بس الله يعيني والاقي لي موتر نظيف واخلص وارجع بنفس اليوم .

ابو محمد هل الوكالات مثل وكالة عبدالغني عندهم سيارات مستعملة يعني من 2001 الى 2002 ؟

الله يعيني على شارع 10 فى الصناعية اذا ما حصلت فى المعارض ؟


وتسلم لي يالغالي