سؤال للاشقاء في قطر الحبيبة

**ahmed2** · 01-20-2015, 01:23 PM

ندخل في الموضوع على طول خخخخخخخخخخخخخ

ياجماعة انا سافرت قطر من طريج بوحدرية وبعدها كسرت على الهفوف ومنها الى قطر والمشكله انك لازم تمر بمنتصف مدينه الهفوف هذا غير الطريق الخطر من الهفوف الى قطر

عندي استفسار اقدر اسافر من البحرين الى قطر عن طريق عباره او سفينه (( ودي اخذ سيارتي من البحرين الى قطر))

..

فكرت إني اسافر البحرين وبعدها عن طريق العباره اروح قطر

بخصوص قطر والبحرين مادري اذا كان فيه خط بحري و جم يكلف النقل من البحرين الى قطر
( شخصين وسيارة ) عن طريق عبارة

مواضيع عشوائيه ممكن تكون تعجبك اخترناها لك:

**alifun** · 01-20-2015, 01:24 PM

أنطر بعد ( 10 ) سنين ، راح يفتتحون ( جسر المحبــة ) الي يربط قطر مع البحريــن ،،

وإذا أنت مغامر ،، ترى في طريق من الخبر إلى سلوى الي هي الحدود مع قطر ،، وتختصر المسافة بنسبة 65% ،، ولا تمر لا على الحسا ولا غيرها ،،
بس الطريق بري ( يعني حصى ورمل ) يعني تبنشر لا قدر الله ، ولا تغرز ،، محد حواليــك غير الضبعان والذيابه هاهاها

مرة واحد من الشباب جربه مع مجموعة شباب ، يقول وصلنا البحرين في ساعتين إلا 10 دقايق ،، من الدوحة إلى البحرين !!!

مادري أصدقة او لا ،، بس ليش لا إذا بيختصر الدرب ( قطوووع ) ،،

أما عن طريق العبارة ، فأعتقد ان لين الحين مافي خط بحري يربط قطر بالبحرين ، أخبر كان في خط بحري يربط قطر بدبي ، لكن كنسلوه ، وكانت تقدر تشحن سيارتك بقيمة 750 ريال مع السيارة وكل شئ ،، وتحياتي لك

**ahmedgaper** · 01-20-2015, 01:24 PM

المشاركة الأصلية كتبت بواسطة rashed2002

هلا اخوي ليش ما تاجر لك سيارة في قطر و تفك عمرك ,

هلا فيك اخوي راشد

لاني رايح بسيارتي وحبيت اغير الخط قلت اسافر طبيعي بسيارتي للبحرين ومنها عن طريق عبارة الى قطر

على فكرة

( كان في عبارة موجوده في الكويت قبل الغزو تنقل اشخاص وسيارات باسعار رمزيه من جزيرة فيلكا الى الكويت والعكس )

وكنت متوقع هالشغله موجوده بين قطر والبحرين لانه المسافه بين الساحل البحريني والقطري صغيره

فقلت منها اتخلص من الدخول الى مدينه الهفوف لانه الخط الحالي يجبرك تدخلها الى مركزها وبين

ضواحيها غير جذي في خط صغير جدا حاره وحده وانت طالع منها وخطر والسبب الاكثر اهميه انك تمشي بعد خط الهفوف اكثر من 200 كم بدون ماتشوف محطة وقود او حتى استراحة بعكس بوحدريه الى كل 30 كم اتشوف استراحات ومحطات

**ahmedgaper** · 01-20-2015, 01:24 PM

المشاركة الأصلية كتبت بواسطة بومحمد

أنطر بعد ( 10 ) سنين ، راح يفتتحون ( جسر المحبــة ) الي يربط قطر مع البحريــن ،،

وإذا أنت مغامر ،، ترى في طريق من الخبر إلى سلوى الي هي الحدود مع قطر ،، وتختصر المسافة بنسبة 65% ،، ولا تمر لا على الحسا ولا غيرها ،،
بس الطريق بري ( يعني حصى ورمل ) يعني تبنشر لا قدر الله ، ولا تغرز ،، محد حواليــك غير الضبعان والذيابه هاهاها

مرة واحد من الشباب جربه مع مجموعة شباب ، يقول وصلنا البحرين في ساعتين إلا 10 دقايق ،، من الدوحة إلى البحرين !!!

مادري أصدقة او لا ،، بس ليش لا إذا بيختصر الدرب ( قطوووع ) ،،

أما عن طريق العبارة ، فأعتقد ان لين الحين مافي خط بحري يربط قطر بالبحرين ، أخبر كان في خط بحري يربط قطر بدبي ، لكن كنسلوه ، وكانت تقدر تشحن سيارتك بقيمة 750 ريال مع السيارة وكل شئ ،، وتحياتي لك

هههههههههههههههه ناوي على ابومحمد اسافر بطريج قطوع بس والله اختصار رهيب ساعتين

اتوقع انه الطريج الحالي بين البحرين وقطر يتجاوز الاربع ساعات مع انه المفروض في الاصل مايتجاوز اقل من ساعة لو كان الشارع ستريت مثل بوحدريه ...

اتصدق إني سافرت من الكويت للبحرين بثلاث ساعات ونص ومن قطر للبحرين باربع ساعات مع انه الكويت بعيده مقارنه في البعد الجغرافي بين قطر والبحرين بس المشكله مثل ماقلت انك مجبور تدخل الهفوف وتعابل فيها ساعه على ماتطلع غير الخط الى ماتقدر تمشي حتى 40 كم فيه الى يطلعك منها

طريج الهفوف بلاحمر

على طاري الشحن 750 ريال ماسوينا شي توقعت نفس الكويت قبل الغزو بالعبارة اعتقد كان مبلغ رمزي جدا مو متذكر والله لاني كنت صغير يومها

بالفعل هناك حاجة ماسة للجسر راح يختصر بشكل كبير يمكن ماتتعدي 15 دقيقة بين قطر والبحرين عن طريق الجسر حتى لو كانت رسومه 10 دنانير او 150 ريال شوي عليه

**ahmed1** · 01-20-2015, 01:24 PM

الاخوان راشد وبومحمد الف شكر لكم على المشاركة والتوضيح :d

**ahmedgaper** · 01-20-2015, 01:24 PM

حاضرين لك يالغالي ، وكان ودنا نفيدك أكثر ، لكن مابيلد حيليـه

**ahmed3** · 01-20-2015, 01:25 PM

المشاركة الأصلية كتبت بواسطة بومحمد

حاضرين لك يالغالي ، وكان ودنا نفيدك أكثر ، لكن مابيلد حيليـه

تسلم بومحمد ماقصرت والله ... ذخر يالغالي :d

**ahmed3** · 01-20-2015, 01:25 PM

المشاركة الأصلية كتبت بواسطة rashed2002

ايه و الله يا اخوان ناطرين الجسر ( هاللي مابيستوي) صار لهم سنين او اكثر يتكلمون عنه و كنه مستبشرين خير بس شكلنا بنردد ياليل مطولك لين يستوي , و بالفعل راح يختصر الجسر كثير و مو بس لقطر بعد حتى للي يبي يروح الامارات من البحرين راح يمر بقطر و بعدين الامارات يعني راح يختصر وقت كبير , و الخط مثل ماقلت مو مثل طريج بو حدرية اللي يوصل للكويت هذا صج مايضيع يعني من اول مرة رحته الحمدلله امسك الخط سيدة و توصله ما اتيودك من عقب ماتطلع من جسر الملك فهد ماتيودك الا الخفجي الحدود السعودية ووراها النويصيب حدود الكويت , و نفس الشي في الردة من تطلع من الكويت و تدخل الخفجي ما ايودك الا الجسر و فيه حدود السعودية و البحرين . و المحطات و الاستراحات كثيرة فيه بس لو يعدلون اشوي قبل الدمام الطريج اللي تكلمت عنه في احد المواضيع بكون خط لا يعلى عليه .

و بالنسبة لخط قطر و الامارات الحالي انا ماسافرت فيه بسيارتي لكن مريت فيه يوم صغير مع الاهل و الحقيقة خط بحاجة لخبرة و دراية و اعتقد انه متعب . و انشالله يعدلونه لانه اذا بنططر الجسر اعتقد بننطر وااايد .

نتمنى اخوي راشد انه الجسر يتحول الى واقع لانه بالفعل مهم جدا وبخصوص خط قطر الحالى من الهفوف سواء كنت جاي من السعودية او الكويت او البحرين لازم اتمر منه علشان تدخل قطر وهو بالفعل يحتاج الى اهتمام على الاقل من ناحية محطات الوقود ومثل ماقلت في جزء خطير جدا من خط الدمام يحتاج تعديل بس للامانه لاحضت انهم قاعد يشتغلون فيه بيخلون خط بوحدرية كله سايدين منفصلين من الكويت الى الخبر

بصراحة الله يعين الاخوان اللي يشتغلون بالطرق في المملكة على المساحات الشاسعة ومجهود يشكرون عليه