الجــــــــــــــزء الثــــــــــــاني
اليـــــــــ LONDON ـــــــوم الأول
اليوم راح نغادر انشالله من مطار الملك خالد الدولي بالرياض ووجهتنا إلى باريس
الناس عاقله ومحترمه .. كل واحد بمكانه ... يوم بدت كفرات الطياره ترجع على ورا أعلن الكابتن عن مسابقة اسرع واحد يرمي غطاته (لثمه , نقاب , برقع , طاقيه خخخ :109: )
الا وماتشوف أحد متغطي ( كله نفرات يرمي اشيائه ) .. الا من رحم ربي ..
وش علينا من الناس .. المهم وننطلق الساعه اربع ونص تماما الفجر وناصل إلى مطار شارل ديجول بباريس الساعه 10.30 بتوقيت السعودية أي الساعه 9.30 صباحاً بتوقيت باريس
يعني مابين الرياض وباريس الا فرق ساعه
أخذنا العفش وتوكلنا باتجاه محطة جاردينورد الساعة 10.50 صباحا وكانت التكلفة للمترو للشخص 8.40 يورو للشخص الواحد .. وصلنا للمحطة الساعه 11.20 صباحاً
المسار السابق كان كالتالي (( شارل ديجول - الخط الازرق - RER جاردينورد - رقم المحطة 11 ))
وهذي محطة الجاردينورد .. لاحظوا اليورستار اللي باللون الاصفر بالوجه موقف
هذا أنا على بالي
طبعاً التذكره حقت اليوروستار حجزتها عن طريق الموقع
http://www.eurostar.com وعلى فكره كل ماحجزت من بدري
كل ماكان أرخص بكثييير وفي الغالب الذهاب والعودة أرخص من الذهاب فقط .. والوقت الصباح يختلف عن المساء
يعني ادخل وتنقى على كيفك .. وضبط امورك .. أنا حجزت من قبلها بشهر تقريبا وكان السعر 53.50 باوند أي مايقارب 400 ريال للذهاب فقط والعوده راح اتكلم عنها في ساحة فرنسا .. بس السعر كان حلو مره لان فيه مكتب سمعته كبييييره مره .. دقيت عليهم بعد ماحجزت عن طريق النت قلت ابي على اليورو ستار من باريس للندن وعطيته التاريخ قال الشخص الواحد 1800 ريال ذهاب وعوده قلت وش دعوه انا التذكرتين كلها ذهاب وعوده قاصها بـ 1300 ريال شوفوا كم وفرت .. حوالي 2300 ريال .. يقول حنا عندنا نظام خاص باليوروستار .. اتصال مباشر بهم ( كلالالالام فااااضي ) .. وهذا اللي خلاني اقول حاولوا تتجنبون المكاتب قدر الإمكان .
هذي تذكرة الذهاب .. يلزمك تجيب معاك نفس البطاقة الإئتمانية اللي حجزت فيها عن طريق النت ( ضرررووري تكون نفسها )
وتدخلها في مكينه زي الصرافه في محطة اليوروستار في باريس أو لندن وتكتب رقم حجزك بالاحرف الانجليزية ثم تسوي طباعه
يطبع لك البوردينق مثل الصورة
الآن مشى القطـــار باتجاه لندن
السحاب خطير .. وهذي شكلها محمية جون
طبعا امطرت مطر قوي مررره يوم انتصف الطريق لكن للأسف ماصورتش المنظر
رغم ان الطريق كله خضار بس ماطاح لكم الحظ الا على هالصوره
تمت المغادرة من محطة جاردينورد اللي فيها اليورو ستار الساعه 2.15 ظهراً بتوقيت باريس
وتم الوصول لمحطة KING'S CROSS ST. PANCRAS في لندن وهي ايضا المحطة اللي فيها اليوروستار الساعة 3.25 ظهراً بتوقيت لندن
** الفارق بين لندن وباريس ساعه .. وبين لندن والرياض ساعتين على سبيل المثال الساعه الآن ست بالرياض يعني خمس بباريس واربع بلندن
الساعه اربع وربع وصلنا ولله الحمد إلى الاوتيل بلندن بعد مااخذنا قطار من محطة KING'S CROSS ST. PANCRAS اللي وقف فيها اليوروستار بلندن واتجهنا لمحطة البادنقتون اللي تبعد ثلاث امتار ونص عن الاوتيل وكانت التكلفة للشخص الواحد 4 باوند .
صور الفندق تم وضعها في الجزء الأول غير أني اكتفي بالممر لان ودي آخذكم للغرفه اوريكم وش فيها
تعالوا .. تعالوا
تذكرووووون يوم اقولكم كان معانا شنطتين الثانيه حطينا فيها معلبات ..
تعالوا نفتح الدالوب
حركات وبركات
خلصنا من البساكيت نجي للمعلبات
لاتفوتكم رولة التغليف بس فاتت اصور مفك المربى
الشابوره كان لها نصيب
طيب وين الخبز .... دقيقه بروح اشتري من برا
طبعاً (الصامولي) حلوه صامولي احس وانا اكتبها انها جايه غلط .. عموما هذا ثمان حبات قيمته 2.30 باوند بس يسوى بصراحه يعني حوالي 17 ريال
وعندهم توست بـ 1.60 باوند يعني بـ 12 ريال تقريبا .. ترى أنا اتكلم عن الميني ماركت اللي قدام الفندق .. ممكن تحصلون ارخص .. بس هذا المعدل
اشتريت بطاقة نومي للاتصال وكانت فارغه بسعر 2 باوند وشحنتها بـ 5 باوند .. مع العلم ان السعر للبطاقه وهي فارغه في اغلب المحلات بخمسه باوند
بعد هالحوسة اللي فوق كنا تعبانين صراحه .. مجهود كبير .. بس حصل لنا غطيطه (نومه خفيفه) في القطار ريحتنا شوي
لم يتبقى من اليوم الأول الكثير خصوصا انا تعبانين .. فقررنا ان نكتفي بالهايدبارك
معلومات بسيطه لمن لم يسمع بالهايدبارك
هي حديقة تتوسط لندن وهي من أكبر الحدائق التي في وسط العاصمة البريطانية بمساحة 4 أميال
يقسم الشارع الذي يمر بوسطها إلى قسمين .. الأول : الهايد بارك والثاني : كنزنجتون حيث يقع قصر الأميرة ديانا في هذا القسم
يوجد زاوية للمتحدثين للتعبير عن آرائهم بحريه
كيفية الوصول للهايدبارك
يمكن الوصول بواسطة الأندرقراوند عن طريق أحد المحطات التالية :
هايد بارك كورنر , ماربل آرش , ساوث كنزنقتون , كوينز وي
رسوم الدخول
مجاناً لمن هم دون سن الثلاثين أما من هم أكبر من ذلك فهي برضه مجاناً (FREE)
هذي الهايدبارك (العصير)
وهالكتاكيت قاعدين يتمشون
بس الجلسه هنا غير
ريحنا هونيك ... إلين اظلم الليل ثم تمشينا شوي في شارع الكوينز وي .. ثم رجعنا للاوتيل للنوم وانتهى يومنا الأول :36_1_39:
وباتسر وراكم اماكن أحلى .. بس الصراحه كنت فاقد القهوه
-- يتبع في اليوم الثاني :36_3_16: --
المفضلات