الموضوع: استفسار حول السفر إلى لندن

السلام عليكم ورحمة الله وبركاته

أخواني وأخواتي

أبي مساعدة بالمعلومات وإذا في مجال للحجز

أنا من الإمارات وأبي أروح لندن

وما عندي فرصة إلا بعد 15 أو 18 يوم تقريبا

ألحين أنا عندي بس 7 أيام علشان أجهز فيها الفيزا وأي شي آخر والسبب إن المحرم ماراح يكون متواجد بعدها وماراح يقدر يسوي أي شي بالموضوع لارتباطه بالعمل

فعل راح تكفيني لو باشرت من راس الشهر يعني أول مايدخل شهر 8 في عمل هالإجراءات

كم يبيلنا في إجراءات الفيزا

ماهي خطوات الحجز اللي لازم نمر بها

شو المطلوب ووين نروح أبي أعرف كل شي

طيب وبعد أبي أسأل عن المصاريف اللي راح أتكبدها من طأطأ إلى السلام عليكم

القصد إني أبي أعرف هل هناك رسوم للفيزا بكم راح تقدر

وكم أسعار التذاكر للشخص الواحد على الدرجة السياحية إلى لندن

وما هي أفضل شركات الطيران أو شركة طيران زينة

يعني ماأبيها ماتنفع مووول ،، ولا أبيها هاي ديلوكس

لأن ميزانيتي لا تسمح بذلك

وإذا بغيت أقعد فيها 5 أيام

في رأيكم ،، كم المبلغ إللي بحتاجه للصرف هناك

؟؟

وشو الأوفر أخذ لي شقة ولا غرفة في فندق

نحن يمكن نكون شخصين أو ثلاثة إذا كثرنا

أرجو الإجابة ضروري

مواضيع عشوائيه ممكن تكون تعجبك اخترناها لك:

• برنامج سياحي لمدة اسبوع
• من لندن
• ابي اسماء وعناوين محلات للبدل والفساتين الراقيه غير هارودز؟؟
• ممكن تزويدي باحداثيات أفرب مزرعة فراولة لمانشستر
• استفساااااااااااااااااااارات الرجاء المسااااااعده
• رحلة عبر الزمن
• سفرتي للندن بشهر اكتوبر اتمنى تفيدوني
• بخصوص القطار بين لندن وامستردام
• رايكم بالفندق ضروري
• مدينة توركاي...امل مساعدة الاخوان انا مسافر الى توركاي للدراسة في معهد كابلان لمدة 4
• استفسار . ايهما افضل سياحياَ ايرلندا أم اسكتلندا
• استفسار عن السفر من مطار هيثرو إلى مدينة ليستر
• انا رديت وهذا تقريري عن لندن من الألف الى الياء
• بعض الاستفسارات الضرورية
• الى لندن من نص اكتوبر لنص نوفمبر
• أيام في الليك دستريك
• قطار البحيرات
• عاجل جداً عن اخذ المواعيد
• محتاج رايكم قبل ما يتأكد حجزي لهذا الفندق
• عناوين المطاعم الحلال في لندن

هلا فيج يا أختي العزيزه الامل

يشرفني أن أكون اول من يرد على مشاركتج وطبعاا باقي الاعضاء ما بيقصرون معااج
اول شي سعر الفيزا طبعا سعر الفيزا 405 وطبعا لازم صاحب الفيزا يكون متواجد في السفاره لاكمال اجراءات الفيزا واجراءات الفيزا ما اطول احتمال من يومين لين 5 ايام بصراحه فيزتي خذت يومين
ثاني شي بخصوص السكن طبعا معروف سعر السكن في موسم الصيف يرتفع فوق بس ارخص من الفندق ونصيحتي انج تاخذين شقه افضل وارخص وبالنسبه للمصاريف يعتمد على صرف الشخص نفسه والمده اللي بتكونين فيهاا في لندن يعني اذا بتكونين في لندن 5 ايام تقريبا من السكن لين الصرف لا يقل عن 10000 بس طبعا يختلف من شخص لين اخر
ثالثاا اسعار التذكره تقريبا 3000 وشوي وبالنسبه للطيران الاتحاد والامارات هم الافضل للسفر من الامارات

واذا احتجتي اي مساااعده نحن في الخدمه واعضاء المنتدى ما بيقصرون معاااج

آخر مره مجيكة طيران الاتحاد كان وايد رخيص بداية ال2000 درهم

الفيزا اتطلعينها من المكتب مجابل نادي النصر بالضبط
قد ماتقدرين روحي من وقت ، نحن 10 اشخاص الحمدلله بيومين طلعت فيزتنا بس ماتدرين بالظروف
حجز السكن دامكم ماتحتاجون غير غرفة أو غرفة+صاله فلاتحاتين بتحصلون ان شاالله بس انتي وين تبين تسكنين؟
وإذا انت تبين تطبخين فاخذي شقة، اذا ماتبين ترى فيه فنادق رخيصه
المبلغ اللي تحتاجينه هناك على حسب هل في هالايام بتطلعون برع لندن؟ شوبتستخدمون تكاسي ولا باصات واندرقراوند؟ الباصات أرخص شي
تذكرة أسبوع 13 باوند
تذكرة الاندرقراوند+ الباصات في الاسبوع 25 باوند
إذا تذكرة يوميه الباصات 4 باوند فاليوم
الاندرجراوند 6وشي باوند او 7

انصحج تاخذين يوميه لأن يمكن مب كل يوم بتسيرون مشاوير يمكن بس تتمشون فالجوار
طبعا التكاسي أغلى
اذا ايام بتطلعون برع لندن تذاكر القطار بعد محسوبه
والاكل كذلك (هل بتطبخون ولا مطاعم غاليه ولا رخيصه)

اذا شخصين اعتقد صرف يومي100 الى 150 باوند لداخل لندن لدخول الاماكن السياحيه والمطاعم والمواصلات" بدون المشتريات " ويمكن أقل : ) انتوا واقتصادكم

وعليكم السلام ورحمة الله وبركاته

ماشاءالله ماقصروا اهل الإمارات كالعاده :24:

يزاكم الله خير والله يا غريبة في الدنيا وفجر

بيض الله ويوهكم ما قصرتوا

وانت يا القطري عساك على القوة

يزاكم الله خير والله وايد وضحتولي شغلات ماكنت أعرفها

الصراحة أنا رايحة عند ناس مرضى ماعرف في أي منطقة هم بالضبط نسيت شو اسم المنطقة بس هي قريبة من الهايد بارك لأن دوم يروحون هناك تقريبًا

غير إن قالوا لي انهم في منطقة سكنات العرب والخليجيين ، وان حوالينهم وقريب منهم المستشفيات

أنا بروح لهم مفاجأة فما أبي أسألهم عن شي علشان ما يشكون يعني يوم بوصل المطار بنحاول ندبر عمرنا وبنتصل عليهم يوم نوصل

بالنسبة للاشخاص حاليا 2 ويمكن يكون ثالثنا ولد عمره 12 سنة
عندي استفسار

يعني بما إني متنقبة وما أعرف أشيل نقابي وما أقدر الصراحة أحس إني مابقدر أشيله شو ماصار

فهل عندي الحرية في هالشي ،، هل هالشي راح يكون سلس بالنسبة لي وبالنسبة لأي ظرف هناك

خصوصا إني قريت أخبار تسر عن بريطانيا بخصوص العاملات في المساجد والحجابات اللي وزعوها عليهم غير ان لبسهم الرسمي تنورة طويلة وقميص يعني الأمور طيبة بالنسبة للإسلام هناك

بس شو بالنسبة لتغطية الوجه
فقط طبعا الكفين ظاهرين والعباة عباة كتف بس سؤالي بالنسبة للنقاب أحسن ولا الغشوة ؟؟

بالنسبة للأكل احتمال يكون غالبا في السكن لو كان مسموح لأن يمكن نشيل أشياء خفيفة من البيت

والوجبات برع على حسب الحاجة مش دايما يمكن الطفل بس هو اللي يتطلب التغذية أكثر

بغيت أسأل فيه أشياء ممنوعة في المطار يعني شو طبيعة التفتيش غير السوائل والكريمات

لو شليت الكاميرات معاي؟ في الطيارة إز إت أوكي

هل فيه إجراءات تتعلق بانفلونزا الخنازير والا الأمور ماشية عادي؟؟

سامحوني غثيتكم

لكني عن جد وايد مستانسة على تعاونكم وشرحكم الوافي وفرتوا علي كثير أسئلة وفي ميزان حسناتكم

توصولون بالسلامة
بالنسبة للنقاب في لندن الامور طيبة ماشاءالله على المسلمين في لندن
في الدخول ممنوع الاكل بس والتفتيش على حسب المزاج مش اي واحد يتفتش وللعلم السنة الماضية جبت معاي رطب ومالح وبهارات وبعض الاشياء للمطبخ ولاحد كلمني
بالنسبة للسوائل في حالة الخروج فقط والكريمات تعتبر من السوائل ولكن في الشنطة مش ممنوع - فقط ممنوع في الهند باق داخل الطيارة
ولاتحاتون وايد الامور كلها طيبة

يزاك الله خير يا أخوي موادع ماقصرت رايتك بيضا

أبي أعرف أول إجراء شو لازم أسويه

1) أسير أتصور وأودي الجماعة حق الصور بعد؟
2) أرجو السفارة وأسوي إجراءات الفيزا
3) أروح أحجز التذاكر ؟
جي الترتيب ولا شلون
سامحوني أول مرة أروح وأول مرة بسوي هالأمور بروحي ،، وسامحوني على المغثة

المشاركة الأصلية كتبت بواسطة الأمل
http://www.arabtravelersforum.com/tr...0/#post3194900

يزاك الله خير يا أخوي موادع ماقصرت رايتك بيضا

أبي أعرف أول إجراء شو لازم أسويه

1) أسير أتصور وأودي الجماعة حق الصور بعد؟
2) أرجو السفارة وأسوي إجراءات الفيزا
3) أروح أحجز التذاكر ؟
جي الترتيب ولا شلون
سامحوني أول مرة أروح وأول مرة بسوي هالأمور بروحي ،، وسامحوني على المغثة



لاأتحاتين طال عمرج ومافي اي مغثه ابداااااااااااااااااااااا :24:

كل المطلوب صورتين شخصيه + الجواز + المبلغ + تعبئة الفورمه = توكلوا على الله وروحوا السفاره لتقديم الطلب ..

واي خدمه احنا في الخدمه

مطلوب في السفارة صورتين خلفية بيضاء + جواز السفر - خذو خدمة vip افضل يخلصونكم ويبصمنكم بروحكم بمبلغ 150 + تكلفة الفيزة وتاخذا تقريبا 2- 3 ايام حجزو وخلصو الفيزة
رحلة سعيدة

المشاركة الأصلية كتبت بواسطة القطري
http://www.arabtravelersforum.com/tr...3/#post3194963

لاأتحاتين طال عمرج ومافي اي مغثه ابداااااااااااااااااااااا :24:









المشاركة الأصلية كتبت بواسطة القطري
http://www.arabtravelersforum.com/tr...3/#post3194963

كل المطلوب صورتين شخصيه + الجواز + المبلغ + تعبئة الفورمه = توكلوا على الله وروحوا السفاره لتقديم الطلب ..

واي خدمه احنا في الخدمه

المشاركة الأصلية كتبت بواسطة موادع1
http://www.arabtravelersforum.com/tr...4/#post3195124

مطلوب في السفارة صورتين خلفية بيضاء + جواز السفر - خذو خدمة vip افضل يخلصونكم ويبصمنكم بروحكم بمبلغ 150 + تكلفة الفيزة وتاخذا تقريبا 2- 3 ايام حجزو وخلصو الفيزة

المشاركة الأصلية كتبت بواسطة موادع1
http://www.arabtravelersforum.com/tr...4/#post3195124

رحلة سعيدة

يزاكم الله خير أخواني القطري وموادع

بارك الله فيكم
كل شي الحين واضح
حسب ماقريت في الطلب انهم يبون رسالة من والدي الطفل اللي بشيله معاي لأنهم مابيطلعون معاي

إضافة إلى كشف حساب لآخر 6 أشهر

حسب هالموقع

http://www.ukvisas.gov.uk/en/howtoapply/vafs/

ونزلت هالطلب طبعا

http://www.ukvisas.gov.uk/resources/.../1903073/VAF1A

وراح أعبي 3 فورمات لنا نحن الثلاثة

-------------------------------------------------

هل ممكن الحجز من خلال الانترنت ،، علشان نضمن السكن.. أنا أحتاج شقة صغيرة
يكون فيها غرفة وصالة وحمام ومطبخ بس ، ما أحتاج أكثر
--------------------------------------------------

بالنسبة للفنادق الرخيصة // ممكن اسماء الفنادق وأسعارها للغرفة الواحدة او الاستوديو فيها؟

بالنسبة لكشف الحساب مايطلبونة على مواطنين دولة الامارات ولكن شلوة احتياط
بالنسبة للفنادق دشو على بوكينق
http://www.booking.com/landmark/gb/t...ml?aid=1329869?aid=358324
واذا فيه اي استفسار حاضرين

اشكرك أخوي موادع ماقصرت

راح أطلع على الموقع وإن شاء الله أعرف أكمل إجراءات البوكينج بسلالة
يعطيكم العافية

بيض الله ويوهكم أخواني وأخواتي

كم يساوي الباوند بالدرهم
ماهي أفضل أماكن الصرافة
الصرف من الإمارات أحسن ولا في لندن

كم المبلغ إللي بحتاجه كحد أدني في يدي لما أذهب

بالنسبة لبطاقات الفيزا وبطاقات دبي الإسلامي أو بوظبي الإسلامي
هل من السهل استخدام البطاقات ولا في أمور قد أتعطل فيها
وسامحوني على المغثة
ايوة كنت بسأل عن شغلة بعد

الحين بالنسبة للموقع

http://www.arabtravelersforum.com/re...london.ar.html

عطاني الفنادق الأقرب إلى 27 Tate Modern London

هل هذا المكان مناسب للأحياء اللي فيها الخليجيين وتحديدًا الإماراتيين

هل هو قريب من الهايد بارك ؟؟

وهل فيه مواقع اقدر أحجز فيها شقة
لأني هذي فيها فنادق بس
؟؟

الفترة المحتمل وجودي فيها هناك

هي من 16 إلى 23 أغسطس
يعني 7 ليالي بإذن الله

فيه مطار لندن
ولندن هيثرو

ولندن جاتويك
هل تفرق وايد
وإلا عادي أي مطار؟

الفيزا تطلع بسرعه
انا طلعت فيزتي بثلاث ايام

شكرا جواهر والله ييسر الأمور
هاليومين بنجهز الفورمات وكل المطلوب وبنروح المكتب الأحد علشان نسوي الفيز

المشاركة الأصلية كتبت بواسطة الأمل
http://www.arabtravelersforum.com/tr...3/#post3196823

فيه مطار لندن
ولندن هيثرو
ولندن جاتويك
هل تفرق وايد
وإلا عادي أي مطار؟



الأفضل هيثرو :24:

شكرا أخوي القطري
على فكرة رحت حجزت عن طريق النت من موقع طيران الإمارات بس الدفع بيكون عن طريق حوالة مصرفية

يصير ألغي الحجز بعدين وأحجز على موعد ثاني أو مطار ثاني أو مثلا لو في حد بيرافقنا وعلشان نكون مع بعض

لو لغيت وحجزت مرة ثانية يصير؟؟

على حسب شروط الألغاء ..

هل قريتي شروط الألغاء او حاولي تقرينها لأنهم يكتبونها عند الحجز ..

ولكن بما انكم مادفعتوا فالشور عندكم :24:

المشاركة الأصلية كتبت بواسطة الأمل
http://www.arabtravelersforum.com/tr...0/#post3198140

وحجزت على مطار لندن جاتويك

تنصحني أكنسل
أنا دورت على الوقت المناسب بالنسبة لنا في تاريخ المغادرة والعودة علشان نستفيد من أكبر قدر ممكن من الوقت ونحن رايحين لندن
لكن خروجنا من هناك بيكون مبكر بسبب ظروف السفر
بنرجع بدل من 23 اغسطس ،، 22 أغسطس يعني يوم واحد قبل



لا مافي داعي اتكنسلون إذا كان الوقت مناسب لكم :108:

المشاركة الأصلية كتبت بواسطة الأمل
http://www.arabtravelersforum.com/tr...8/#post3196708

كم يساوي الباوند بالدرهم
ماهي أفضل أماكن الصرافة
الصرف من الإمارات أحسن ولا في لندن
كم المبلغ إللي بحتاجه كحد أدني في يدي لما أذهب
بالنسبة لبطاقات الفيزا وبطاقات دبي الإسلامي أو بوظبي الإسلامي
هل من السهل استخدام البطاقات ولا في أمور قد أتعطل فيها
وسامحوني على المغثة
ايوة كنت بسأل عن شغلة بعد
الحين بالنسبة للموقع
http://www.arabtravelersforum.com/re...london.ar.html
عطاني الفنادق الأقرب إلى 27 tate modern london
هل هذا المكان مناسب للأحياء اللي فيها الخليجيين وتحديدًا الإماراتيين
هل هو قريب من الهايد بارك ؟؟
وهل فيه مواقع اقدر أحجز فيها شقة
لأني هذي فيها فنادق بس
؟؟



بالنسبه للصرف اصرفوا من بلادكم احسن :24:

البطاقات مافيها مشاكل بس إذا سحبتوا حاولوا اتققلون من السحب لأنهم ياخذون عموله على كل سحبه ..

الفندق مكانه بعيد فحالوا اتغيرونه ..

اهل الإمارات محتلين منطقة النايتس بريدج احتلال كامل ( المنطقه الي فيها هارودز )

أها يزاك الله خير والله

سويت فيني خير كبير

الحين بدور

بس للأسف الموقع اللي عطيتوه لي مافيه إلا فنادق

وقاعدة أدور على فنادق

أنا اشوف الفورم اللي مطلوب مني أعبيه وايد طالبين طلبات تعقيد

وأنا أبي أحجز لليلة وحدة أو ليلتين وبعدين يمكن نطلع من الفندق ونسكن في شقة قريبة من شققهم

هل بيسوون لي سالفة على هالشي

؟؟
في الفيزا أقصد

؟

سامحوني غثيتكم وياي بس أبي أضبط أموري حسب ميزانيتي ووقتي ووقت اللي معاي

هناك ندبر عمرنا عادي بس أهم شي الاجراءات هني تمر بسلام

وبعدين هناك لكل حادث حديث

بس لو تعرف مواقع للشقق اللي في المنطقة ذيج راح تعمل معروف كبير ماراح ننساه لك

الله يجزي الجميع خير ان شاءالله

وانتوا تامرون امر :24:

فيه واحد اسمه امير وواحد اسمه بوعبدالله عندهم شقق وارقامهم سلمتها الإداره تقدرون تطلبونها منهم عن طريق بوابة اللإقتراحات :24:

بالنسبه للفورمه اكتبوا عنوان الفندق بس وبعدها لاأتحاتون ..

حتى لوا سكنتوا في الفندق ليله وحده وباقي المده في الشقه مافي ااااااااااااي مشكله :24:

الاجراءات سهله فلاأتشيلون هم

مايامر عليك عدو ولا ظالم قول آمين
يزاك الله خير أخوي القطري
وبارك الله فيك
إن شاء الله بتواصل مع الإدارة لأخذ أرقامهم

زين انهم عرب أو من اسمهم يقول يتكلمون العربي وبالانجليزي نمشي حالنا ولله الحمد والمنة

السلام عليكم ورحمة الله وبركاته
أبشركم
حجزت حق 4 أشخاص عن طريق الأون لاين بس بعدني ما دفعت لهم

أبي أضمن الفيزا
حملت الطلبات وبعدني ملاقية صعوبة في تعبئة بعض المطاليب
أحس مادري شلون
وخذت موعد
ماحصلت يوم الإثنين إلا لشخص واحد
فحجزت حق يوم الأربعا للأفراد الأربعة

والله ييسر الأمور
بغيت أسأل في الفيزا الحين مكتوب حط علامة اكس للإجابة ذات الصلة
وأنا حطيت علامة صح في معظمهم
هل لازم أعيد طباعتها مرة أخرى ولا عادي مو مشكلة استكمالها بهالطريقة

فيه سؤال ثاني

الحين انا عندي أهل هناك
لكني مسوية فيزة سياحة هل أكتب عند السؤال المتعلق بالأهل
yes
or
no
??

هل ممكن تصير لي مشكلة لهذا السبب
أمر آخر
هل يسمح بأخذ اللابتوب وماهي العراقيل التي قد تواجهني بسبب اللابتوب؟؟

بالنسبة للبطاقات الفيزا
يشتغلا ولكن بعض الاماكن يجب ادخال الرقم السري للبطاقة
نعم يوجد فرق بين المطارات واغلب الطائرات من الامارات تهبط في مطار هيثرو
بالنسبة الى 27 Tate Modern London بعيد عن شارع العرب بجانب النهر
بالنسبة للصرف افضل في الامارات (الانصاري)
هذي شقة حلوة في شارع العرب خلف الهيلتون
http://www.citybaseapartments.com/uk...apartments.php
موقع بالعربي لحجز الشقق
http://www.london-house.com/contact_arabic.html
وممكن تطلبون رقم السماسرة من الادارة

المشاركة الأصلية كتبت بواسطة الأمل
http://www.arabtravelersforum.com/tr...4/#post3203254

السلام عليكم ورحمة الله وبركاته
أبشركم
حجزت حق 4 أشخاص عن طريق الأون لاين بس بعدني ما دفعت لهم

أبي أضمن الفيزا
حملت الطلبات وبعدني ملاقية صعوبة في تعبئة بعض المطاليب
أحس مادري شلون
وخذت موعد
ماحصلت يوم الإثنين إلا لشخص واحد
فحجزت حق يوم الأربعا للأفراد الأربعة

والله ييسر الأمور
بغيت أسأل في الفيزا الحين مكتوب حط علامة اكس للإجابة ذات الصلة
وأنا حطيت علامة صح في معظمهم
هل لازم أعيد طباعتها مرة أخرى ولا عادي مو مشكلة استكمالها بهالطريقة

فيه سؤال ثاني

الحين انا عندي أهل هناك
لكني مسوية فيزة سياحة هل أكتب عند السؤال المتعلق بالأهل
yes
or
no
??

هل ممكن تصير لي مشكلة لهذا السبب
أمر آخر
هل يسمح بأخذ اللابتوب وماهي العراقيل التي قد تواجهني بسبب اللابتوب؟؟



وعليكم السلام ورحمة الله وبركاته

لاأتحاتين اكس او صح كله ماااااااااشي :24: لأن المطلوب وصل

بالنسبه للأهل لاتكتبين انكم اتعرفون حد ( حطوا no ) لأنهم راح يطلبون عنوانهم وشغلات زياده إلا إذا اتحبون الكتابه زياده في الطلبات :109:

والاب توب اخذوه معاكم ولاأتحاتون ابداااااا :11_horror

واي خدمه احنا في الخدمه

ماتقصرون
موادع
القطري
يزاكم الله خير ، بيض الله ويوهكما للمثنى

طبعا اتكنسل الحجز لأني ما دفعت
بس خايفة الأسعار تغلى لين بعدين
لأن تفاجأت رحلات على نفس الدول بس تفرق من مطار هيثرو لين جاتويك لين العام
طلع هيثروا أغلى
وأسعار التذاكر فيها أغلى
لكن لو ماحصلت حجز لما تخلص التذكرة إلا عليها مضطرين نختارها هي

إن شاء الله تتيسر الأمور
خلاص بكتب نو حق الريلاتيف علشان مايسوون لنا حشرة ويولة
بس لو سألونا في السفارة نتفق إن مانعرف حد يعني
مشكلتنا ما نعرف نجذب
يعني عادي حد منا يقول هي والثاني يقول لا ، واخاف نطيح في سين وجيم
عسى خير
موعدنا ان شاء الله يوم الثلاثاء 4أغسطس

سؤال
يحتاي آخذ معاي لمكتب السفارة الأطفال دون سن الثامنة عشرة
واحد مواليد 98 والثانية مواليد 2000
ولا بس أودي أوراقهم
أنا خذت لهم مواعيد وقلت باجر بتصل أسأل إذا يحتاي أشيلهم ولا بنخلص إجراءاتنا بدونهم
قالوا ماياخذون منهم بصمة
بس قلت مافينا ندق درب لين دبي بدونهم وبعدين يقولون هاتوهم
مشكلة تصير
يزاكم الله خير وماقصرتوا
خذت الأرقام من الإدارة
وفتحت الموقع إللي عطاه لي موادع
وقلت بدق عليهم في أوقات عملهم
غير ان قررنا نستسلم ونخبر واحد من الأهل يحجز لنا هناك إذا تيسر الأمر
بس الصراحة 7000 درهم وايد على شقة خصوصا إن كل اللي بنقعدهم ست ليالي
وقالوا لي بعد الشقق غالبا مش نظيفة وفيها أشياء وايد تعبانة وفي الأخير ممكن نحن نتحاسب على خرابها
يعني ما نقدر ناخذ عمياني
وخبروني بعد إنهم ياخذون ضمان مادري تأمين على الشقق بحدود 8000 درهم تؤخذ مسبقا
لأني بصراحة سويتها يوم سافرت دولة ثانية
خذت شقة عمياني ويوم رحت هناك شفتها مش ولا بد
لكن قزرنا فيها لأن كان اسبوع وماخذوا عنا تأمين وكنت محصلة خصومات بسبب تدخل السفارة ولله الحمد
لكن هني الوضع شوي غير
وعسى خير
سامحوني أزعجتكم

بالنسبة للصغار فيه بصمة بنتي 2002 بصموها
بالنسبة للشقق اغلب شقق لندن زبالة وفيران ولكن الموقع اللي عطيتكم اياة اللي بجانب الهيلتون حلو ومابتندمون
رحلة سعيدة

الله يحفظها بنتك ويخليها لك ويقر عينك بها
وشكرا على المعلومات المفيدة بارك الله فيك
أخوي موادع
بيض الله ويهك

السلام عليكم ورحمة الله وبركاته
صباح الخير لكل من هو في دولة الإمارات وكل من هو موجود في الدول التي فيها الصباح صباح
ومساء الخير لمن عندهم مساء او ليل
الله يسلمكم قاعدة أزهب الأوراق المطلوبة وأتأكد من كل شي
لأننا اليوم ذاهبين إلى المكتب لتقديم طلبات الفيزا والانتهاء من الاجراءات المطلوبة من قبلهم
صورتين شخصيات ملونات بالمواصفات المطلوبة
+
صور من جوازات السفر + الجوازات الأصلية
فورمات الطلبات بعد التعبئة
كشف حسابي وحساب الشخص المرافق لي لمدة 6 أشهر
موعدنا إن شاء الله الساعة 1:40 و الساعة 1:50 في مكتبهم في دبي قريبا من سينما النصر على شارع عود ميثاء
على حد وصفهم

نلقاكم بعد الانتهاء من تلك الاجراءات

وعليكم السلاااااااااااااااااام ورحمة الله وبركاته

ماااااااااااااااااااااااااااازلنا في أنتظار نتيجة الزياره :8888:

أهلا أخوي القطري
أشكرك على الاهتمام
بكتب هني باختصار
لأنني ناوية على قنبلة لما أرد من السفر أو لما أكون في السفر حسب الوقت المتاح لي

قنبلة لمدة أسبوع مايستوي بس إن شاء الله أنا أسويها

عموما الله يسلمكم
رحنا إلى دبي (مكتب طلب التأشيرات البريطانية اللي كان في الطابق الثاني في بناية في شارع 2 من منطقة عود ميثاء
المكان مايضيع بس بالنسبة لشخص يروح أول مرة ممكن يعني يتوه شوي بسبب التحويلات في مدينة دبي والتطوير الدائم فيها ماشاء الله
أول ما ندخل طبعا في تفتيش عن طريق الجهاز
يخافون وايد

بس طبعا يسالون إذا ماكانت المرأة حامل أو لا
لأن الجهاز قد يضر بالجنين
يعني الحامل خل تقول انها حامل
بعد مو بعيدة يقولون لها ييبي اثبات انج حامل أو ماتدشين (مادري والله ما سألتهم)

عموما

خذوا بياناتنا نحن ال4 وعطوها رقم واحد للعايلة كلها
وانتظرنا دورنا

لما يا الدور رحت وعطيت الكواونتر أول شي وعطيتهم الطلبات ال4 وطابق البيانات وتأكد من الشغلات ان كل شي محلول
واللي مش محلول يفضل الواحد يعلم عليه ويخلي عليه no

مع إنه مكتوب مثلا في كل سؤال

هل عندك أطفال ؟ نعم - لا

فلو شخص قال لا بيقولون له في السؤال انتقل إلى السؤال مادري كم على أساس إنه مو لازم يمر على الأسئلة اللي تتعلق بالأطفال طالما هو ما عنده

لكن هو تم يعلم على أسئلتها

وقلت خل أسكت عنه
خذ الفورم كامل + كشف الحساب + جواز السفر الأصلي + صورة فوتوغرافية واحدة

وسالني وين تحبين تستلمين الفيزا والجواز هل على عنوان المكتب أو عنوان المنزل

قلت له عنوان المنزل
عطاني ورقة فيها فراغات

الإسم اللي أحب توصل به الرسالة
رقم الهاتف
العنوان بالتفصيل
رقم المبنى
اسم الشارع
الإمارة
ومن هالقبيل
عبيت البيانات وخذ الورقة
طبعا لما خلص تدقيق على بيانات الجواز وإعطاء كل طلب رقم خاص فيهم
حطهم في ملف أسود
وبعدين عطاني إيصال خاص بال4 طلبات
والرسوم كانت 1860 درهم مادري ليش انا كنت حاسبة حسبتي إنه 1720 درهم

لكن الحمدلله كنت شايلة بيزات زيادة

بعدها انتقلنا إلى الغرفة الثانية وهذيك طبعًا غرفة مغلقة

من وصلنا كان دورنا طايف لأن اللي قبلنا كان شخص واحد وخلص ولما وصل رقمنا طوفوا رقمنا لأن بعدنا في اجراءات سابقة
فدقوا على الرقم اللي بعدنا
وعلى طول من وصلنا ماقصرت الموظفة اللي قاعدة عند الباب
تعرف رقمنا مسكينة
فدخلتنا على طول
لكن ون باي ون على قولتها

يعني شخص شخص
دخل أخوي ، وخذ عشر دقايق تقريبا أو أقل شوي
عقبه دخلت أنا ،، طبعا أول شي طلبت مني أكشف ويهي علشان تتأكد من الشخصية وعلشان تكمل باقي الإجراءات
بعد ما تأكدت من تطابق بيانات الجواز مع تلك الموجودة في البرنامج على الكمبيوتر اللي عباها الموظف السابق
وسالتني إسمج ومواليد كم وهلم جرة

وبعد التأكد تعطي ورقة مثل الإيصال السابق ووقعت عليه وخذت الورقة
بعدها خذت البصمات
- طبعا بالنسبة للبصمات للعلم على حد قولهم إنهم ياخذون بصمات الأطفال من سن الخامسة فما فوق
غريبة أخوي موادع ماخذين بصمات بنتك الصغيرونة ربي يحفظها -

عموما
البصمات غير شوي عن بصمات بطاقة الهوية الإماراتية
يعني أهون شوي
هذي الله يسلمكم
أول شي اليد اليمنى الأربع أصابع تكون على الجهاز الالكتروني
بعدين اليدي اليسرى الأصابع الأربع نفسها
وبعد اعتمادهم
يكون الابهام الأيمن والابهام الأيسر
اثنين على الجهاز وتكمل السكان عليه
---------------------------

بعدها في كاميرا
يجلس الشخص بدون نظارة يعني اللي لابس نظارة يخلع
ويجلس جلسة مستقيمة في مستوى الكاميرا
ثم تلتقط له صورة ( )
كل هالإجراءات ذكرتي بوظيفتي السابقة كنت تقريبًا أتبع نفس الأسلوب مع العميل حسب إجراءات المؤسسة

يعني ما كان فيه مشاكل في هالموضوع

وبعدها قلت لها البقية أطفال
فأنا بتم في الغرفة
قالت مو مشكلة
ناديت الثالث وخصلت إجراءه
وبعدين ناديت الرابعة وخلصت الإجراءات معاها

وشكرتها وودعناهم
وطلعنا من الباب الخلفي
طبعا العملية بدت من الساعة 1:45 بعد الظهر إلى الساعة 2:35بعد الظهر

يعني تقريبًا ساعة إلا عشر

شكلي وايد اختصرت ( )

سوري سوري أخوي موادع
حسبالي بنتك الله يحفظها عمرها سنتين
يعني عمرها تقريبا 7 سنوات
يعني صح مثل ما قالوا من 5 وطالع وأظن 5 من ضمن اللي ما يبصمونهم حسب ما فهمت

اليوم باذن الله بروح مكتب الطيران بدفع مبلغ التذاكر
حاولت أوفر وبنفس الوقت أختار الأفضل
شفت طيران الاتحاد و البريطانية والامارات
فشفت أوفر شي الإمارات مع علمي مسبقًا بخدماتهم
وكل وحدة فيهم أحسن من الثانية

بس حسب ما وصلني إن افضل شي إلى بريطانيا هي البريطانية
بس فضلت الامارات
طلع مبلغ التذاكر ل4 أشخاص
2 بالغين و2 أطفال دون سن الثانية عشر = 11000 وكم أمية نسيت بس بقول لكم بعدين ان شاء الله
والحجز اللي حجزته مفتوح لين تاريخ 9 أغسطس 2009 يعني الحمدلله عندي فرصة
للعلم عطيتهم في مكتب الفيز رحلة الطيران اللي حجزتها مع انه ما سألني عنها بس يوم قلت له إنها موجودة
قال عطيني إياها
وعطيته

وإياكم يارب أخوي موادع
ويزاك الله خير
ولكم كذلك
بالنسبة لكل هالتفاصيل
ذكرتها وبذكرها بتفصيل أكثر إن الله راد لاحقًا
والسبب إن يمكن يكون فيه ناس مثلي عمرها ماراحت بريطانيا وما تعرف شو الإجراءات
بالنسبة للشخص إللي يروح دوم أو رايح قبل ممكن يحس انه شي عادي ومايحتاي هالتفصيل الممل
بس سبحان الله لعل حد يستفيد من المعلومات المذكورة
وبارك الله فيكم
للعلم كنت طابعة 3 فورمات زيادة والسبب قلت سبحان الله يمكن يطلع خلل في ورقة من الأرواق او مشكلة في البيانات
فقلت أفضل آخذهم معاي احتياط
وفعلا استفدت منهم في السيارة بسبب بعض الخلل وبعض النقص
وعلشان ما أتخربط حطيت كل جواز مع صورة شخصية مع الفورم مع الدكيومنتس المطلوبة في ظرف خاص بمقاس a4

والسلام عليكم ورحمة الله وبركاته

واليوم رحت ودفعت قيمة التذاكر اللي كنا حاجزينهم بتاريخ 31 /7/2009
والحمدلله صارت أمور وتعصلقت شوي معانا

بس الحمدلله رب العالمين قدرنا نتلافى الكوارث وعدلنا الوضع على طول
وزين اني انتبهت للموضوع قبل لا أطلع

التفاصيل لاحقًا
وشكرا على الحرص على التواجد والاهتمام
بارك الله فيكم
ودعواتكم لنا
شو الأجواء حاليا في لندن

برد حر
يعني ملابس صيفية ولا شتوية
طويلة قصيرة
بالنسبة للأطفال شو الاحتياطات اللازمة لهم في حدود ال10 و11 سنة؟؟

كللللللللللللوووووووووش

اوصلت :8888:







:8888:

ههههههههههههههه

ضحكتني

تسلم الله يبارك فيك
بس لسة الفيزا ما وصلت

إن شاء الله ماتتعطل الأمور في مطار لندن هيثرو

ماخبرتوني شو الأجواء الحالية في لندن

سمعت انه متقلب مرات فيه أمطار ومرات مشمس
شو الوضع بالضبط

هذي £100 على رمز اليورو ولا الباوند
والسموحة لأني ماعرف شي

هذا الباوند

وشخبار الفيزا اطلعت ولا بعدها ؟؟

شكرا أخوي القطري
لسة ما طلعت يا أخوي
مادري شو السالفة

من تاريخ 4 واليوم نحن 8 وطبعا عندهم إجازة
يعني باجر السالفة الأحد بتكمل 3 أيام عمل بالنسبة لهم

عسى خير يارب
-----------------------

متلعوزة في السكن
كلما أحجز تتعصلق السالفة وما يتم الحجز سواء من صوبهم أو صوبي
وآخر شي قررت أحجز فندق بدل الشقة على الأقل يوم واحد
ولما دخلت شفت comfprt inn edgware road
بس في ناس عرفوا وما مدحوه مادري ليش
قلت بدور في الجوجل مرة ثانية
دقيت في رقم العراقية لكني ما حصلتها وتركت رسالة علشان ترجع تتصل
ياخوفي عقب كل هذا ما تطلع الفيز ونتوهق
لأنهم قالوا لي عن كل تذكرة لازم ترجعين 1000 درهم لو كنسلتيهم لأن هذي ضمن العروض
الله المستعان

موفقين ان شاء الله

المشاركة الأصلية كتبت بواسطة الأمل
http://www.arabtravelersforum.com/tr...2/#post3228582

شكرا أخوي القطري
لسة ما طلعت يا أخوي
مادري شو السالفة

من تاريخ 4 واليوم نحن 8 وطبعا عندهم إجازة
يعني باجر السالفة الأحد بتكمل 3 أيام عمل بالنسبة لهم

عسى خير يارب
-----------------------

متلعوزة في السكن
كلما أحجز تتعصلق السالفة وما يتم الحجز سواء من صوبهم أو صوبي
وآخر شي قررت أحجز فندق بدل الشقة على الأقل يوم واحد
ولما دخلت شفت comfprt inn edgware road
بس في ناس عرفوا وما مدحوه مادري ليش
قلت بدور في الجوجل مرة ثانية
دقيت في رقم العراقية لكني ما حصلتها وتركت رسالة علشان ترجع تتصل
ياخوفي عقب كل هذا ما تطلع الفيز ونتوهق
لأنهم قالوا لي عن كل تذكرة لازم ترجعين 1000 درهم لو كنسلتيهم لأن هذي ضمن العروض
الله المستعان



خلوكم متفائلين

وعن نفسي متفائل واجد لكم :24:

يزاكم الله خير أخواني القطري وموادع
من طيب أصلكم
والله يوفقنا جميعا
الله يسلمكم كنسلت حجز COMFORT INN EDGWARE ROAD

وأخيرا توكلت على الله وحملت القوقل إرث وشفت الفنادق اللي موجودة على شارع الإدجوار رود وقريب من الأكسفور والهايد بارك

وحصلت فندق اسمه Thistle Marble Arch

في موقع استراتيجي بالنسبة للحي

وطبعا الغرف أقصاه لشخصين، حجزت غرفتين ل6 ليالي بمبلغ وقدره 1500 باوند تقريبا

ولأني تعودت من خلال المواقع إن كلهم لو كنسلت قبل 24 ساعة وبعضهم قبل 48 ساعة مو مشكلة
ماياخذون شي أما إذا ألغيت الحجز متأخر عن ذلك ياخذون نسبة معينة
بس تفاجأت هني بعد ما تأكد الحجز انكتب لي ماشي إلغاء مجاني
وإن لو لغينا الحجز راح ندفع مبلغ وقدره 4آلاف درهم ونصف
إن شاء الله ما نضطر للإلغاء
بانتظار اتصال مكتب السفارة فينا ، متأملة اتصالهم يأتينا في الغد

والله الموفق

خوووووووووش فندق ثيستل :24:

اختيار موفق

المشاركة الأصلية كتبت بواسطة القطري
http://www.arabtravelersforum.com/tr...9/#post3231179

خوووووووووش فندق ثيستل :24:

اختيار موفق



شكرًا أخوي :101: على رفع روحي معنويًا دائمًا
بارك الله بكم

المتعوس متعوس
يقولون انهم يتصلون ونحن ما نرد
ونحن ما وصلنا أي تلفون
وبالأخير قاعدين يتصلون بالرقم الخطأ
يعني أبي أفهم ليش عشرين مرة يطلبون أرقامنا في الطلبات وفي الأخير يصرون على طلب رقم واحد محد يرد عليه ما أعرف
أونه ردوه لنفس المبنى في دبي
حسبي الله ونعم الوكيل

طيب مش مشكله بس الفيزا خلصت ولا لا !!

ترا الفرقه قاعده اتسخن عشان الكللللوووووش !!

أسميك انت يا القطري
خلاص خلصت
وباجر بيروحون الجماعة ياخذونها من المكتب في دبي
لا وشوفوا الحظ
يعني اتصل بهم اليوم أبي أعرف شو يعني كرير اللي ماسك الفيز والجوازات عنده مايوصلهم عندنا
قلت يمكن يالس يطير بينحان من حديد علشان جي مايوصل
لين حصلت رقم مكتب الكرير ودقيت عليهم
قالولي اليوم هذي الشحنة رجعت للمكتب الرئيسي لأنكم ماتردون على التلفون
يعني خلصت بالسلامة خل توصل بس وساعتها لكل حادثً حديث

يعني انأجل الفرقه لين تستلمون الجوازات ولا انجيبهم الحين !!

بعدين غريبه لأنه المفروض يطلع لكم اوكي وانتوا اتشيكون عن طريق النت !!

وين ما أطقها عوية
كلما قلت فرجت اتعقدت زيادة

اليوم بنروح شخصيًا علشان نستلم الجوازات وبشوف
أحس الموضوع فيه شيء ،، ليش يتعقد
دقت علي مالت الشقق قالت حصلت لج اللي يناسبج بطلباتج
قلت لها بعد إيش خلاص أنا حجزت في فندق ثاني ولو كنسلت لازم أدفع لهم 4000 درهم يعني بتم في الفندق خلاص
ولا تروح علي بيزاتي وانا ما استفدت شي
هذا قبل لا نسافر وجي لو سافرنا شو بيستوي

سؤال
هل هناك احتياطات معينة نفعلها علشان فيروس h1n1

مانبي نقول انفلونزا الخنازير لأن الإسم مش علمي وخطأ انتشاره بهالطريقة
عموما هل فيه تطعيمات معينة ؟؟

الله يبارك في حياتك اخوي
الله يسلمك نحن 4 أشخاص وقلت له عن التفاصيل و4 شنط وحدة منهن كبيرة والباقي عاديات

وقال لي اطرش له إيميل
بالنسبة لي حتى لو غالي مقارنة باسعارهم لكنه مضمون
لأنه مال الفندق وبياخذنا من المطار إلى الفندق مباشرة
ونقدر نقوله في يوم العودة إلى البلاد انه يوصلنا بحكم انه عارف طريجه
بس قلت لو فيه مكان موثوق ومضمون بتوكل على الله وبشوف وإذا لأ بتوكل على الله وبطرشله إيميل يتعلق بالتفاصيل وبرحلتنا
وبنترياه
وكان الله غفورًا رحيمًا

هذا مضمون ومايطلب رقم فيزا والدفع عند التوصيل
وسعره 49 باوند من المطار لين الفندق
http://www.alphaminicab.com/index_main.php

ماشاء الله تبارك الرحمن
يزاكم الله خير أخوي
تم الحجز ووفرنا نصف المبلغ
من 70 إلى 35 يا بلاش الصراحة
الحمدلله رب العالمين
الله ييسر الأمور لين يوم الأحد