الموضوع: استفسار عاجل ساعات في مطار الدوحة

مساكم الله بالخير

عندي استفسار بالنسبة لمطار الدوحة

عندي رحلة انا وعائلتي على الخطوط القطرية يوم الخميس الساعة 4 عصرا من الرياض الى الدوحة وبنتظر


لمدة 6 ساعات تقريبا في مطار الدوحة لانه عندي رحلة الساعة 1 ليلا من الدوحة الى المالديف

في اماكن في مطار الدوحة ممكن ارتاح فيها او اضيع وقت ال 6 ساعات فيها

لا خلا ولا عدم

وشاكر ومقدر تعاونكم

مواضيع عشوائيه ممكن تكون تعجبك اخترناها لك:

• مسافر قطر وابيكم شوي
• العيد بالدوحه رائع والسكن ب بفندق دونيس سيء جدا
• افضل شاليهات
• الخطوط القطرية تزيد من رحلاتها لدبي
• القرية التراثية بهجة للاطفال ومتعة للكبار
• استفسار ل عن قطر اشياء بسيطة
• مجموعة استفسارات الله لا يهينكم
• عندي أستفسار
• هل من موقع لمعرفة مخالفات المرور ؟
• اريد برنامج زيارة لمده يومين
• ياليت برنامج سياحي شامل الأماكن السياحية والفنادق لمدة ثلاث ليالي
• دولة قطر
• الفزعة يا عيال قطر
• استفسار عن بطاقة الاحوال
• شقق شنو رايكم فيهم
• شقق فندقية بالدوحة
• كانت جزيرة النخيل
• مساعده من أهل قطر والبحرين
• ضيوف عليكم
• رساله الى الغاليه الحبيبه قطر

مساك الله بالنور والسرور يالغالي

الله يسلمك مطار الدوحة صغير لكنه فخم ومزدحم

يمكن تقدر ترتاح داخل صالة البريميم لو تذكرتك درجة

رجال الأعمال أو أولى أو عندك بطاقة القطرية الفضية أو الذهبية

في مكان ثاني ألا وهو صالة المها مستواه أقل تدخله

برسوم غالية شوي ماتسوى برأيي (200 ريال للشخص) إلا إذا عندك

بطاقة من بطاقات الكرديت كارد اللي فيها ميزة الدخول المجاني

ممكن بعد تتسوق في السوق الحرة


رحلة سعيدة


:: بوفهد80 ::

:101:

اخوي عائلتك كم شخص ؟؟
عند 6 ساعات يمديك تقص البوردنق وتاخذ تكسي وتروح احد اسواق الدوحه
ستي سنتر او فلاجيو او سوق واقف التراثي خذ لك في احدها ساعتين وارجع المطار مره ثانيه
بينهم وبين المطار مايتعدى نص ساعه بالكثيييييييييييييير

المشاركة الأصلية كتبت بواسطة بوفهد80
http://www.arabtravelersforum.com/tr...3/#post2253708

أخوي العزيز مجرم سفر

ما أقصد أعارضك.. بالعكس فكرت نفس تفكيرك

وقلت فرصة حلوة دام كل الأمكان قريبة من مطار الدوحة

بس رايي أن الوقت الصيف صعب ياخذ له فرة سريعة

ويرجع المطار مرتاح مب متلعوز من الحر والرطوبة خاصة لو مع عائلة

ولا بالعكس فرصة..

والله أعلم


:: بوفهد80 ::

:101:

يعطيك العافيه فهد80

توضيحك لسهوله سفر اخونا الغالي مصبر الموعود كافيه و وافيه

وحتى اخونا مجرم سفر يعطيك العافيه

على انك حبيت اتخلي الريال انه يشوف اسواق قطر عشان ايطير الوقت

ماقصرتو والله يعجبني تعاونكم

روحو سيتي سسنتر نصيحتي لان الفتره طويله ٦ ساعات مو شوي والديوتي فري صغير ماياخذ نص ساعه حتى..حرام اتمون في المطار وسوق واقف المحلات تسكر ٩ وبس اتم المطاعم والسوق اساسا هالوقت ماينفع لانه حررررررررررررررررررررررررررررر ورطوووووووووووووبه
نصيحه الستي سنتر وفيه محلين للعطور مشاهدين بعض في الدور الثاني...وفي محلات ملابس ولو معاكم يهال في سكيتنغ وفي العاب اطفال وفي سينما وبعد مايسكرون ممكن تروحون واحد من المطاعم المنتشره هناك وافضل شي ريشو لان فيه اماكن خاصه للنساء وبعد فيه اماكن خاصه للعايلات ومسكره لو تبون وبعد اكلهم لذيييذ

شكرا ام ياسمينا
لا خلا ولا عدم