الموضوع: بعد جهد جهيد هذا الجدول المفيد ممكن تشاركوني الراي ؟؟

:smile002:

أول شي السلام عليكم ورحمه الله ويركاته ..

أخواني وأخواتي الكرام .. مساكم الله بالخير للي ممسين :thumb_ico وصبحكم الله بالخير للي مصبحين ..

بعد أسبوعين من البحث والتحري لسفره في هالصيفيه :36_1_37: .. أول قرار ان السفره تكون لأيطاليا ..

ودخلت باب السفر الى ايطاليا .. اللي لولا الله ثم هالقسم كان رحت ايطاليا وأدربي دميجتي ولا أدري

وين أروح :36_1_47: .. لكن بعد ما غصت في أعماق هالقسم وقريت المواضيع اللي بتفيدني قررت الآتي :

لحظه لحظه .. قبل ما أسرد لكم جدولي أحب أشكر كل من افادني بمعلومه ولو كانت بسيطه

وحتى بهالموضوع انشالله أني بستفيد زياده وزياده لأنه من خلال اقتراحاتكم ممكن يتغير شي

بالجدول لان مالنا غنى عن نصايحكم ..
بحرين -- دوحه -- ميلان

العـــــــــــوده : تاريخ 11/07/2008

ميلان -- دوحه -- بحرين -- دمام


وتقسييم المدن :

4 أيام ميلان (( وضواحيها )) ------ ليلتين فنيسيا ------ 4 أيام ريتشوني (( وضواحيها )) ------ ميلاين ليله واحده ومنها الى أرض الوطن ..


ثالث شي الفنادق :

الحجز كان عن طريق موقع http://www.expedia.com/ أضغط عليها عشان يفتح الموقع

ميلان : starhotel rosa

أربع أيام + الليله الأخيره اللي بنرجع فيها من ريتشوني = 6158 ريال سعودي

فينيسيا : hotel dei dragomanni

ليلتين = 2568 ريال سعودي

ريتشوني : mediterraneo hotel

أربع أيام = 3650 ريال سعودي

مجموع أسعار الفنادق = 12376

رابع شي قطارات التنقل بين المدن :

عن طريق موقع http://www.raileurope.com/us/index.htm

أرعص على الموقع عشان يفتح معك ..

هذا موقع القطارات في أوروبا .. وبعد ما طلعت تكلفة الرحلات اللي بتنقل فيها بين المدن

طلعت تكلفتها درجه أولى 2500 ريال سعودي تقريبا ..

(( طبعا التنقل بين ميلان وفينيسيا وريتشوني والرجعه الى ميلان فقط ))

خامس شي الصرف اليومي :

أنا حطيت مبلغ 170 يورو للصرف اليومي ويكون شامل الاكل والشرب والتنقل في الباص والمترو ..

يعني 170 * 11 يوم = 1870 يورو

1870 يورو * 5.89 (( سعر صرف اليورو )) = 10846 ريال سعودي ..

يعني مجموع الرحله :

تذاكر السفر + الفنادق + التنقل بالقطار + الصرف اليومي

6168 + 12376 + 2500 + 10846 = 31890 ريال سعودي ..



وهذا هو تخطيطي للسفره ..

والباقي اني أشوف سلبيات و إيجابيات التخطيط .. لأني زي ما قلت مالي غنى عن نصايحكم ..

وأشكر مره أخرى كل من فادني ونصحني ومن سوف يفيدني وينصحني كل الشكر والعرفان ..

:smile001:



مع حبي وتقديري .. أخوكم أنــس ...

مواضيع عشوائيه ممكن تكون تعجبك اخترناها لك:

• روما بمطاعم هضابها الهادئة عاصمة الأكل البحري في إيطاليا
• مافيه موعد بالسفاره ايش الحل سفري في
• اخوي اطاليانو و الزعيمة و ابو طلال احتاجكم
• استفسار
• حجزت وتوهقت
• ايهما الافضل ؟
• شايل هم اقصد شايل شنقن
• استفسار يخص روما
• خبراء ايطاليا محتاج فزعتكم
• أسئلة حول روما
• اتمنى من اهل الخبرة الرد على سؤالي باسررررررع وقت تكفون
• استفسار عن فينيس
• التنقل من والى ميلانو
• اسئلة عن فلورنس لا هنتوا
• الليث او الزعيمه الرجاء المساعده
• فيرونا الايطاليه مدينة روميو وجوليت
• محتاج برنامج سياحي مقترح لمدة
• عدة أستفسارات عن ميلانويأهل ميلانو
• استفسار عن جو روما في
• تكفى يابو طلال ولا يهونون الباقيين

عشرة ايام خلها بروما وبس

جدول حلو وتوقيت حلو وحساباتك مضبوطة

توكل على الله ان شاء الله بالسلامة

ملاحطة : بالنسبة للقطار لاتحرص على الدرجة الاولى ترى ماتسوى مافيها اي فرق .

بالنسبة لميلان : اربع ايام حلوة (اذا مليتو منها يمديك تروح الى بحيرة لوقانو وترجع بنفس اليوم او الى فلورنس او الى بحيرة كومو او بحيرة ماجور او بحيرة سيرموني وكلها تبعد تقريبا على الساعتين وثلث وشف جدول القطارات )

بالتوفيق ان شاء الله


تحياتي...........

مرحبا أخوي الليث ..

شكرا لمرورك للموضوع ..

صحيح انا حاطلي جدول وانا بميلان أني أقسمها بين لوقانو وفلورانس ويوم خاص للزوجة العزيزه بالسوق

والأوت لوت .. بس عندي أستفسار حبيبي .. ودي أزور نادي يوفينتوس في مدينه تورين ..

خاصة ان المدينه قريبه جدا من ميلان .. بس هل النادي زيه زي نادي تشيلسي وأرسنال الأنجليزي

وبرشلونه الأسباني .. اللي يسوونلك جولة في النادي ؟؟

وشاكر لك وما نستغني طال عمرك ..

اهلين ..

أخوي الهلالي شكرا لمرورك .. ولا توصي حريص ..

أخوي بينانغ .. للأسف ما فهمت كلامك .. هذي هي أوروبا وهذي أسعارها

وش اللي ممكن أسويه ؟؟

أخوي الليث شاكر لك ,,

وعندي أستفسار ولا يهونون الأخوان الباقين .. الفندق اللي انا مختاره في فينيسيا ..

انا أخترته عشوائي .. فهل عندك أي فكره عنه ؟؟

وشاكر لك مره أخرى ..

هلا خوي

والله الفندق ماعندي خلفيه عنه

انا قد جربت فندق اسمه starhotel في فينيسيا وكان بالمرة حلوة ومريح وموقعه بين ساحة سان ماركو والريالتو

اي استفسار انا حاضر


تحياتي.................

المشاركة الأصلية كتبت بواسطة ANAS-BSF
http://www.arabtravelersforum.com/tr...7/#post1980677

أخوي الليث شاكر لك ,,

وعندي أستفسار ولا يهونون الأخوان الباقين .. الفندق اللي انا مختاره في فينيسيا ..

انا أخترته عشوائي .. فهل عندك أي فكره عنه ؟؟

وشاكر لك مره أخرى ..

يبعد عن ساحة سان ماركو تقريبا 600 متر

شكل الفندف ممتاز (4 نجوم ) مستوى رضى النزلاء 8.5 من 10 وكان السعر هو المؤثر الاكبر في انخفاضه والمبنى تاريخي من القرن السابع عشر والانترنت غير مجاني (الساعه بـ 5 يورو )

السعر اللي اخذته لـ الكلاسيك روم أو الديلوكس روم ؟ وهل يتضمن وجبة افطار وياليت تذكر التاريخي بالضبط



تحياتي

هذا رابط الفندق

http://www.booking.com/hotel/it/sple...r_month=2008-7


بالتوفيق ان شاء الله

تحياتي............ز

مراحب أخوي الليث ..

شاكر لك وما نستغنى وأنا بحاول أستفسر زياده ..

تحياتي ..

طيب يا شباب عندي أستفسار ..

خلال تدويري على الفنادق ..

لاحظت أن أسعار موقع booking أغلى بكثير من expedia .؟؟

وايش الموقع الأضمن .. الصراحه الفرق كبير .. خاصه بالفندق اللي

حاطه لي أخوي الليث سعر في booking أغلى من expedia

وش السبب وايش تنصحون فيه ؟؟

المشاركة الأصلية كتبت بواسطة ANAS-BSF
http://www.arabtravelersforum.com/tr...8/#post1982968

أخوي الهلالي ..


عفوا الغرفه مع Continental Breakfast

شاكر لك ..

السعر جيد مع اني لقيت عرض في موقع البوكنق نفس نوع غرفتك مع فطور بسعر أقل ، لكن الفرق لا يذكر







المشاركة الأصلية كتبت بواسطة ANAS-BSF
http://www.arabtravelersforum.com/tr...2/#post1982962

طيب يا شباب عندي أستفسار ..

خلال تدويري على الفنادق ..

لاحظت أن أسعار موقع booking أغلى بكثير من expedia .؟؟

وايش الموقع الأضمن .. الصراحه الفرق كبير .. خاصه بالفندق اللي

حاطه لي أخوي الليث سعر في booking أغلى من expedia

وش السبب وايش تنصحون فيه ؟؟

يختلف حسب الوقت والضغط والغرف المتاحه ... وبعض الاحيان يكون في عروض لكن تنتهي بسرعه

مشكوور أخوي الهلالي ..

الله لا يخلينا ..