الموضوع: أسعار تذاكر الطيران الى ايطاليا

[quote=مدمن سفر وسياحه;4254765]يااخوان ترى اسعار الطيران ماهو ثابت ويخضع لامور كثير مثل مده التذكره وهل هى ترانزيت ام لا واسبقيت الحجز كل ماكان بدرى احيانا ينخفض الى النصف فى بعض الشركات عند الحجز قبل 6 أشهر والمواسم لها تأثير حيث بعض الشركات تخفض يصل الى 75فى المائه مثل ماحصل مع الخطوط السعوديه هالسنه كان فيه تخفيضات ايام اختبارات قبل نهايه السنه بدل من 3000 وشوى بيعت بالف وشوى وكذلك حسب الطيران الناقل انا رحت للصين على خطوط الكينيه بربع سعر الطيران الاماراتى مثلا بس الله يعينك على الرائحه وانت لك الخيار.

سعر التذكرة الى روما من الرياض وصلت الى مايقارب 1600 في هذا الوقت وقد يعزى الى قلة المسافرين

الاخ Deutsch Machine
اغلب شركات الطيران تطلق عروضها قبل الموعد بثلاثة الى اربعة اشهر وهذا لايمنع من المحاولة الان

انا حجزت من الحين لشهر جون ان شاء الله الرياض -ميلان -باريس- الرياض الخطوط السعوديه

2 كبار وطفل = 4800 ريال واشوفه سعر ممتاز جدا ...........

الخطوط السعوديه عندهم فترة التخفيض والله اعلم على حسب التجربه اللي مريت بها ....
نهايه شهر 11 وبدايه شهر 12 وثالث يوم من شهر 1لين تقريبا نص الشهر تزيد الاسعار تدريجيا ونص وبدايه شهر 2 حدود 5لين نص الشهر الاسعار تنزل وبعدين ترتفع تدريجيا وشهر 3 الاسعار متوسطه شهر 4ترتفع شهر 5 الاسعارنص الشهر تنخفض شوي وبعدين ترتفع وشهر 6-7-8 ترتفع بالتدريج لين قبل رمضان بيومين او يوم تنزل وشهر رمضان اللي هو اغسطس الاسعار نازله لين اخر يومين برمضان ترتفع وبدايه شوال مرتفعه اللي هو تقريبا سبتمبر شهر 9 وترتفع تدريجيا لين اول ثالث اسبوع من الدراسه تنخفض شوي وشهر 10 تقريبا متوسطه الى مرتفعه شوي شهر 11 اوله تنزل شوي وبعدين ترتفع علشان اجازه الحج...
اتمنى افدتكم لاني اقولكم من واقع التجارب اللي مريت بها ...
والحين النظام لاحجزت عن طريق النت توفر مابين 200 الى 300 ريال لان لو رحت للمكتب او اتصلت مباشره على الخطوط ترتفع الاسعار عن النت ....
اذا رحلتكم ضامنين ان شاء الله انكم بتروحون خوذو العرض التشجيعي اذا شاكين خوذو العرض الثاني طبعا زياده حدود 200 ريال طبعا الاول ماتقدر تاجل الرحله مثل طيران ناس تروح عليك اذا مارحت الثانيه تقدر تاجل الرحله والثالث اغلى مرات بحدود 500 ريال او اقل تقدر تسترجع فلوسك وتقدر تاجل ...
طبعا المكاتب والاتصال المباشر على الحجز مايعلمونك بس يعطونك العرض الثاني هو اللي انصح فيه اللي شاكين يروحون او ممكن ياجلون ....
وسلامتكم طولت عليكم بس حبيت اوضح لكم اكثر عن اسرار الحجز بالخطوط السعوديه....
ملاحظه تري هي ارخص من جميع الخطوط حتى ارخص من المصريه والاتحاد في بعض العروض

طبعا الكلام اللي كتبتلكم عنه بس على ايطاليا لاعلم لي بالدول الثانيه.....