الموضوع: تقاريري عن مطاعم ومقاهي قطر

السلام عليكم ورحمة الله وبركاته


بما أنني دائم الزيارة للمطاعم .. فرأيت أن أضع هذا الموضوع البسيط عن بعض المطاعم التي زرتها .. وهو موضوع متجدد .. فكلما زرت مطعم جديد .. سأحاول أن أضع بعض الصور في هذا الموضوع

سأحاول أن أضع معظم المعلومات عن أي مطعم قمت بزيارته
وسيكون عن المطاعم من مختلف الأنواع .. فمرة مطعم غالي في فندق .. ومرة مطعم شعبي جداً

وتذكروا .. أني سأضع رأيي الشخصي .. والأذواق والآراء قد تختلف من شخص لآخر



فانتظروني

:smile125:

مواضيع عشوائيه ممكن تكون تعجبك اخترناها لك:

• اريد افضل فندق قريب من اللؤلؤة في قطر
• موقع خاص بالسياحة بدولـة قطـر
• صور من افتتاح اسياد
• الخطوط القطرية ترفع عدد رحلاتها لمصر إلى
• برنامج سياحي للحبيبة قطر
• حد يرتب لي جدول لزيارة قطر ليومين
• هل فيه زحمة ياهل قطر وزوار قطر
• تغطية الالعاب النارية ديسمبر اليوم الوطني
• أستفسار عن قطر ايام العيد
• جاي لقطر لأول مره لاتخلوني
• تكفون ياأهل قطر الافاده؟؟؟؟؟
• أحبائي لا تبخلوا ، بآرائكم القيمة و المستعجلة
• مساعده عاجلة اخواني
• الخطوط البريطانية وهيئة السياحة البريطانية تتعاونان لتعزيز حركة السياحة من قطر
• أهــل الوكـــره حياكــم كشتتنا صوبكـــم بعدسة أوتـالحزنـار
• ما الأفضل فندق انتركونتيننتال أو فندق انتركونتيننتال سيتي
• جـــدولي ســـيـــاحـــي في الــــدوحـــه
• أرجو الإفادة من الإخوة المصريين قطر
• عاااااااااااااااااااااااااااااااجل
• منطقة القاف دولة قطر

هلا وغلا ،،

اول رد ، ،،

عاد لعبتي المطاعم


بانتظاااااااااااااااااااااااااااااااااارك





موفق

سأبدأ بهذا المطعم


مطعم الحصباه

ت: 4960600 (رقم نادي الدانة، اطلب تحويلك للمطعم)

الموقع: نادي الدانة - بالقرب من الكورنيش

هذا المطعم يقدم مأكولات ايطالية وأوروبية وعربية وصينية (يعني بالعربي كل شي)

عندهم بوفيه للغداء كل يوم جمعة
وكل اثنين عندهم بوفيه للمكرونة pasta buffet
وآخر يوم اربعاء من كل شهر عندهم بوفيه صيني

بالإضافة طبعا للطلب من القائمة a la cart

مايميز المطعم هو اطلالته على بركة السباحة

زيارتي للمطعم كانت يوم الاثنين .. يعني يوم بوفيه الباستا


أحد ممرات نادي الدانة .. في طريقنا للمطعم


طلعنا على بركة السباحة


هذا هو المطعم


الحصباه


داخل المطعم


اطلالة المطعم






الطاولات


ديكورات بسيطة


السلطات في البوفيه


كلهم 4 أنواع من السلطة


لازانيا


في بس 3 أنواع من المكرونة







طلبنا بعد مصقعة يونانية .. أنا عجبتني (أحسها نفس طبخ البيت)

اللي يميز المطعم هو أسعاره .. اشوفها مش غالية مثل ماكنت متخيل .. يعني الطبق الرئيسي مايزيد عن 80 ريال
احنا كنا شخصين .. واحد من البوفيه والثاني طلب عادي .. طلع الحساب 190 ريال

بس من عيوب المطعم ان ماعنده طاولات فيها خصوصية للعائلات
بس ترى المطعم مافيه زحمة

السلام عليكم ورحمة الله وبركاته

موضوع رائع...وفيه افادة كبيرة...

متابعين ان شاء الله

يعطيك الصحة


تحياتي

ايوب

رائع جدا ابهجني الموضوع كثير
وسجنلني من اوائل المتابعين

كفيت ووفيت وبانتظار المزيد ...... بالعافيه

ما دام الموضوع عن المطاعم أنا اسجل حضوري ومتابعتي لموضوعك لأنه موضوع يهمني وايد!!!!!!

المشاركة الأصلية كتبت بواسطة ساره2007
http://www.arabtravelersforum.com/tr...9/#post2482619

هلا وغلا ،،

اول رد ، ،،

عاد لعبتي المطاعم


بانتظاااااااااااااااااااااااااااااااااارك


:smile125:


موفق



مرحبتين
يشرفني تواجدج في التقرير






المشاركة الأصلية كتبت بواسطة planazur
http://www.arabtravelersforum.com/tr...2/#post2482672

السلام عليكم ورحمة الله وبركاته

موضوع رائع...وفيه افادة كبيرة...

متابعين ان شاء الله

يعطيك الصحة


تحياتي

ايوب



أشكرك اخوي
وتشرفني






المشاركة الأصلية كتبت بواسطة qatar2007
http://www.arabtravelersforum.com/tr...3/#post2483083

رائع جدا ابهجني الموضوع كثير
وسجنلني من اوائل المتابعين



هلا بمشرفتنا
وشرفتي الموضوع






المشاركة الأصلية كتبت بواسطة alrashid
http://www.arabtravelersforum.com/tr...7/#post2483607

كفيت ووفيت وبانتظار المزيد ...... بالعافيه



الله يعافيك






المشاركة الأصلية كتبت بواسطة ساره2007
http://www.arabtravelersforum.com/tr...3/#post2483903

رائع ، ،


متابعينكـ



وجودج هو اللي اروع







المشاركة الأصلية كتبت بواسطة مضيع جواازه
http://www.arabtravelersforum.com/tr...4/#post2483954

موضوع رائع .. تحياتي لك



الله يحييك






المشاركة الأصلية كتبت بواسطة ابو سلطانه
http://www.arabtravelersforum.com/tr...0/#post2484400

رائع جدا ونحن من المتابعين

ومشكور على جهدك اللي بذلته

ولك التقدير



تشرفني ابو سلطانه






المشاركة الأصلية كتبت بواسطة أم دليم
http://www.arabtravelersforum.com/tr...3/#post2484413

ما دام الموضوع عن المطاعم أنا اسجل حضوري ومتابعتي لموضوعك لأنه موضوع يهمني وايد!!!!!!



تشرفين التقرير اختي ام دليم
وان شاء الله يفيدج

شغل مرتب اخوي ..

ان شاء الله بزور قطر نهاية ديسمبر ( و لاول مره )


فبتابع معك ان شاء الله

مازلت متابعه موضوعك وبقوة .

المشاركة الأصلية كتبت بواسطة The Watcher
http://www.arabtravelersforum.com/tr...5/#post2485905


الله يعافيج ويسلمج

بس ترى مش كل الاختيارات بنفس المستوى


ويشرفني جداً تواجدج




حلاتــــــــــــه مب راقي ،،

يالله المره اليايه مطعم عادي ، ،

انا احب التنويع

اليوم تعشى في شارع الكهربا ولا كافتريا النعيمي

تحياتي لك

عاش الافغاني ،،

متابعين وبالعافيه

المشاركة الأصلية كتبت بواسطة il bambino
http://www.arabtravelersforum.com/tr...9/#post2487839

موضوع ممتع

يعطيك العافية



الله يعافيك ويسلمك






المشاركة الأصلية كتبت بواسطة °¨·.‏_ღ_‏.·¨°
http://www.arabtravelersforum.com/tr...1/#post2488141

موضوع جدا مميز


ومتابعين معاك



العفو
وتشرفني متابعتك






المشاركة الأصلية كتبت بواسطة ساره2007
http://www.arabtravelersforum.com/tr...1/#post2489681

عاش الافغاني ،،

متابعين وبالعافيه




الله يعافيج
بس لازم تجربونه

كافتيريا النعيمي


أصبحت كافتيريا النعيمي جزء من الثقافة القطرية
فلا تجد أحداً لا يعرف أو لم يجرب الشاي المشهور لديهم

الشاي لديهم له خلطة خاصة .. ويسمى "كرك"
الكرك اصبح مصطلح معروف للشاي المصنوع بطريقة معينة
بصراحة بحثت عن اصل هذه الكلمة .. كنت أظن أن اصلها هندي .. ولكني وجدت الهنود لايعرفون عنها شيئاً

بعضهم يصنع الكرك بإضافة الهيل
وبعضهم يضيفون "بسكوت" الى الشاي وهو يغلي

ولكن حتى الآن لم يستطع أي من المنافسين أن يصنع كرك شبيه بما عند كافتيريا النعيمي
وان كان بعضهم قد تميز بكرك من نوع آخر .. ولكن يظل للنعيمي تميزه

واستغربت ان شهرة هذا الكرك وصلت للدول المجاورة .. وقد رأيت الكثير من الزوار يحرصون على تذوق الكرك عند زيارتهم للدوحة


توجد عدة فروع لكافتيريا النعيمي
منها في السد
وفي الغرافة
ومحطة البترول خلف اللاند مارك
ومحة بترول الخيسة



كافتيريا النعيمي من الخارج


الكرك الشهير

موفق خير متابعين معك

السلام عليكم
رائع

الله يواليك العافيه
ومتابع معاك

ودمت بود

مشكور ويعطيك العافية

مـطـعـم الـلـيـوان

الموقع: فندق فريج شرق ريتز كارلتون

ت: 4256666

رحت مع ربعي نتعشى في مطعم الليوان في فندق فريج شرق
المطعم عندهم بوفيه يومي للغداء والعشاء
عندهم اكلات لبنانية .. وعندهم بعض الاكلات العالمية



عند الدخول




في جلسات وايد حلوة




قسم السلطات والمقبلات




الأطباق الرئيسية




قسم البحري والمشاوي
تختار اللي تبيه والشيف يسويلك اياه قدامك
(لا يفوتكم الربيان المشوي :36_1_11




الحلويات




طاولتنا




بصراحة المطعم وايد حلو
وفيه جلسات داخلية وخارجية

بس عيبهم ان اسعارهم اشوفها مبالغ فيها شوي

سعر البوفيه للشخص في العشاء 205 ريال
والغداء أيام الأسبوع 193 ريال .. بس في نهاية الأسبوع (الجمعة والسبت) 234 ريال

ما شاء الله شهتني بالكل الله يسامحك


الحين لازم تعزمني ف كل مطاعم قطر خخخخخخخخ اعسب اتفلس

حلو المطعم مره .. بس السعر غالي !! الظاهر قطر صارت اغلا من دبي !!

انا حاجزه في هالفندق .. وش رايك فيه اخوي؟؟ اثق بذوقك ...




تحياتي ...

المشاركة الأصلية كتبت بواسطة ربووش
http://www.arabtravelersforum.com/tr...8/#post2502368

ما شاء الله شهتني بالكل الله يسامحك


الحين لازم تعزمني ف كل مطاعم قطر خخخخخخخخ اعسب اتفلس




افا عليك حاضرين
مايردك الا بطنك :109:







المشاركة الأصلية كتبت بواسطة mzoon
http://www.arabtravelersforum.com/tr...8/#post2502608

حلو المطعم مره .. بس السعر غالي !! الظاهر قطر صارت اغلا من دبي !!

انا حاجزه في هالفندق .. وش رايك فيه اخوي؟؟ اثق بذوقك ...




تحياتي ...



هو ترى فعلاً قطر اغلى من دبي
لأن دبي فيها اختيارات كثيرة
(عدد فنادق الخمس نجوم في قطر كلها مايزيد عن 8 فنادق .. اللي هو اقل من ربع عدد الفنادق في شارع الشيخ زايد بس)

عالعموم هالفندق هو افضل فندق في قطر حالياً
جديد وفخم وحلو

أنا سويت تقرير عنه .. بس الصور مش وايد واضحة لأنها من الجوال
http://www.arabtravelersforum.com/travel237297/

وأشكرج على ثقتج بذوقي (يارب يعجبج)

المشاركة الأصلية كتبت بواسطة mzoon
http://www.arabtravelersforum.com/tr...4/#post2504204

شكله فيه شي غلط ... كم ريتز عندكم ؟؟ انا حاجزه في واحد اكيد اكيد له اكثر من ٤ سنوات .. الظاهر مو هذا



السلام عليكم

اسمحيلي بالمداخله

عندنا الله يسلمك فندق الريتزكارلتون واحد فقط منذ اربع سنين تقريبا
بالقرب من جزيرة اللؤلؤه

اما فندق شرق ( جديد ) بإدارة مجموعه الريتزكارلتون

وعندنا فندق اسمه الريجز ممكن الواحد يغلط ويسكنه هههههههههههههه

راااااااااائع والله يعطيك العافية
الصراحة خاطري ازور قطر الله يكتب لنا زيارة قريب
كافيتريا النعيمي ذكرني بكافيتريا رجب عندنا في الامارات مشهور في الكرك

المشاركة الأصلية كتبت بواسطة mzoon
http://www.arabtravelersforum.com/tr...4/#post2504204

شكله فيه شي غلط ... كم ريتز عندكم ؟؟ انا حاجزه في واحد اكيد اكيد له اكثر من ٤ سنوات .. الظاهر مو هذا



في اثنين في الدوحة
هذا القديم
http://www.ritzcarlton.com/en/Proper...ha/Default.htm


وهذا الجديد
http://www.ritzcarlton.com/en/Proper...ge/Default.htm


وهذا هو الفندق اللي يقصده اخونا الدولار
http://www.rydges.com/hotel/0/RODOHA...Plaza-Doha.htm
بس هذا 4 نجوم ..


اللي انتوا حاجزين فيه حلو بعد وفخم







المشاركة الأصلية كتبت بواسطة اليازي-UAE
http://www.arabtravelersforum.com/tr...0/#post2504300

موضوع رائع كعادتك

ومفيد للكل

من احلى المطاعم اللي جربتها في الدوحه المطعم الايطالي في الفورسيزن رائع واكله لايعلى عليه

بس تحسفت اني مارحت سوق واقف لليوم!!

ومبين مطاعمه حلوه وقعداته احلى :114:

ان شاء الله الزياره الجايه للدوحه

:101:




شرفتي الموضوع اليازي

انا للأسف ماجربت الايطالي
بس لازم اجربه قريب

ونتمنى تشرفينا بزيارة ثانية للدوحة .. ولاااازم تزورين سوق واقف .. بس اهم شي مايكون ويكند .. لأنه يصير زحمة وماراح ترتاحون فيه






المشاركة الأصلية كتبت بواسطة الإمـ بنت ـارات
http://www.arabtravelersforum.com/tr...5/#post2504455

راااااااااائع والله يعطيك العافية
الصراحة خاطري ازور قطر الله يكتب لنا زيارة قريب
كافيتريا النعيمي ذكرني بكافيتريا رجب عندنا في الامارات مشهور في الكرك



شرفتي الموضوع اختي الإمـ بنت ـارات .. واتمنى تشرفونا بزيارة للدوحة .. وجربي الكرك .. ترى عندنا احسن :24:

ايه انا حاجزه بالقديم و لا ادري و الله هو زين و لا شين ... و لا حتى سألت .. بس علشان فيه زواج بنحضره ما فكرت بغيره ..

يعطييك العااااااااااااااااااااااااااااااااافية

تقرير حلو ورائع وشاااااااااااااامل

وواجهة مشرفة لبلادنا

وبالنسبة للاخت اللي تسال عن الريتز

الفندق حلو وراقي ولا تشيلين همة ..

تقرير اكثر من رائع يخدم زوارقطر

المشاركة الأصلية كتبت بواسطة بنت الدوحه ~
http://www.arabtravelersforum.com/tr...3/#post2505663

يعطييك العااااااااااااااااااااااااااااااااافية

تقرير حلو ورائع وشاااااااااااااامل

وواجهة مشرفة لبلادنا

وبالنسبة للاخت اللي تسال عن الريتز

الفندق حلو وراقي ولا تشيلين همة ..



شرفتي التقرير اختي






المشاركة الأصلية كتبت بواسطة قمر2004
http://www.arabtravelersforum.com/tr...5/#post2505075

يسلمو لك كثير على التقارير الحلوه
دايم ارووووح قطر انااااا
ان شاء الله ازورهم
امممممممممم
المطعم بسوق واقف ماقلت لنااا اسعااااااره كيف
ياليت تقول لننا الا سعار
عشان نشووف الميزانيه
خخخخخخخخخخخ

ويسلمو لك



هلا اختي
المطاعم في سوق واقف بشكل عام اسعارها شوي مرتفعة .. بس مش لدرجة ان الواحد لازم يرتب الميزانية
يعني القهوة مش اكثر 15 ريال بالكثير
ونورتي التقرير






المشاركة الأصلية كتبت بواسطة mzoon
http://www.arabtravelersforum.com/tr...3/#post2505013

ايه انا حاجزه بالقديم و لا ادري و الله هو زين و لا شين ... و لا حتى سألت .. بس علشان فيه زواج بنحضره ما فكرت بغيره ..



لا لا تحاتين .. وايد حلو
وحلو انكم تسكنون في نفس مكان العرس .. عشان ماتتوهقون في المواصلات





المشاركة الأصلية كتبت بواسطة شآدن آلخبر
http://www.arabtravelersforum.com/tr...9/#post2504839

هلآلآلآ بك آخووووي ...

مآشآء آلله تبآرك آلله وفييت وكفييييت ...واذا جينآآآ قطر ان شااااء الله راااح نستعيين بتقريرك...

وآن شآآآء آلله بتكووون لنآ زيآرهـ قريبهـ لقطــر...:106:

حبييت آشكرك ع التقرير مرره مرره روعه وكمآن مفييد ...

آختكـ:
شـــــــآدن



هلا اختي
اتمنى انكم تشرفونا بزيارة قريبة لقطر قريب







المشاركة الأصلية كتبت بواسطة nsonge
http://www.arabtravelersforum.com/tr...2/#post2505752

تقرير اكثر من رائع يخدم زوارقطر



العفووو

مطعم بيروت


هذا المطعم يعتبر من اقدم وأشهر المطاعم في قطر على الإطلاق
فلن تجد احدأ في قطر لا يعرفه
ولن تجد من لم يجربه

بس ستجد ان اغلب الناس في قطر لديهم ذكريات جميلة مع هذا المطعم .. وخصوصاً بعد صلاة الفجر .. حيث يتوافد الناس .. بجميع طبقاتهم (الوزراء والتجار والموظفين والعمال) .. وبجميع الأعمار .. يتوافدون على هذا المطعم لتناول الفطور .. في هذا المطعم الشعبي الصغير الذي لا يبيع سوى الفول والفلافل والحمص والمسبحة


افتتح هذا المطعم في عام 1960
وحتى كتابة هذا التقرير .. لا يزال الفرع القديم بشارع الكهرباء قائماً حتى الآن .. ولكن للأسف ستتم ازالته قريباً للبدء في تطوير تلك المنطقة القديمة من الدوحة

ومؤخراً افتتح مطعم بيروت فرعه الجديد بسوق واقف


للأسف لم أستطع أن اصور سوى هذه الصورتين .. نظراً للزحمة الشديدة





مطعم بيروت .. الفرع الرئيسي بشارع الكهرباء




من داخل فرع سوق واقف (يشبه الفرع الرئيسي)

مطاعم وحلويات القدس


الموقع: شارع النجمة - بالقرب من سينما الخليج


هذا المطعم يسوي افضل كنافة في الدوحة (حسب تجربتي)

طبعاً هالمطعم اصلا متخصص في الكنافة والحلويات .. ماجربت عنده اي شي ثاني
ومافيه اي طاولات او جلسات

بس طلبات خارجية



هذي صورة المطعم من الخارج


الكنافة اللذيذة

مطعم مشوار الخليج

Tel: 4876685

الموقع: يقع هذا المطعم في شارع الوفاء - مدينة خليفة الجنوبية

هذا مطعم ومطابخ شعبية
عنده ألذ مجبوس (كبسة) وبرياني مطبوخ على الطريقة القطرية

وعندهم بعد أكلات شعبية ثانية مثل الهريس والمضروبة والمرقوقة
وعندهم طبخات سمك .. بس انا مش وايد احب السمج فماجربت

كل يوم الظهر تصير عنده زحمة غير طبيعية .. لدرجة ان بعض الناس يجيبون جدورهم ويخلون المطعم يحطلهم

(اغلب اللي يسوون حركة الجدور هذي هم الحريم .. لدرجة اني توقعت انهم يقصون على ازواجهم ويقولون ترى احنا اللي طبخنا :109: )



عيب المطعم انه داخل فريج قديم .. وماعنده جلسات داخلية

بس صراحة أكله وااااااايد روعة

يسلمو لك من جديد
اممممم
ياليت نشوف تقرير البعض المطاعم الايرانيه
زرتها اكثر من مره وعجبتني

الشاطر عباااس - السندباد - بروسلي هههههه قديم بس اكله حلو
بعد في مطعم شعبي صغير مره يمكن متر في متر بس عنده كباااب مع اوصاااااال تكه خيااااااال
في منطقة قديمة مره دواعيس خخخ ناسيه اسمه بس دايم نروح ناخذ مه ونروح على الكورنيش هههههههه تقريبا اسمه غلوم خخخخ كذا

احلى شئ معكم البوفيهات الي مقابلين الكورنيش الهنود بصوانيهم يجووك من تووقف خخخخخ
جنب وزراه الداخليه مدري الخارجيه هنااااااك كم بوفيه خخخخخ
يعطيك العاافيه

المشاركة الأصلية كتبت بواسطة Arabi traveller
http://www.arabtravelersforum.com/tr...4/#post2521604

أخي ذا واتشر

ليس هناك مشكلة أن يكون المطعم وسط حي قديم
المشكلة
اذا كان يجمع الى ذلك سوء النظافة




والله عن تجربتي فهالمطعم نظيف
ماشفت عليه اي شي

The Watcher

تسلم يمناااك على هالمرجع المهم والاضافات الرائعه من الاعضاء بعد

عطيتنا فكره ممتازه عن المطاعم الزينه..ان شاءالله لنا زياره للدوحه.. و اكيد هالتقرير في المفضله على طووووول..

عيدك مبارك

يعطيييك الف عاافيه على التقارير المميزه..

حبيت اسأل عن مطعم يفضل يكون في فندق ..على البحر وتكون جلساته رايقه للفطور .. واذا طلب مب بوفيه بعد احسن

وشكرااا

تقرير اكثر من رائع الله يجعلة في ميزان حسناتك
بغيت احلى مطعم للفطاير مع تحديد المكان اخي :24:

المشاركة الأصلية كتبت بواسطة كشموشة
http://www.arabtravelersforum.com/tr...8/#post2551718

تقرير اكثر من رائع الله يجعلة في ميزان حسناتك
بغيت احلى مطعم للفطاير مع تحديد المكان اخي :24:



في وايد مطاعم فطاير في قطر
عن نفسي أنا أفضل فطاير الخليج .. أعتقد عندهم أكثر من فرع
اللي أعرفه في شارع اللقطة .. في محطة بترول المدينة .. بجانب مبنى الجوازات

المشاركة الأصلية كتبت بواسطة The Watcher
http://www.arabtravelersforum.com/tr...9/#post2506719

مطعم بيروت


هذا المطعم يعتبر من اقدم وأشهر المطاعم في قطر على الإطلاق
فلن تجد احدأ في قطر لا يعرفه
ولن تجد من لم يجربه

بس ستجد ان اغلب الناس في قطر لديهم ذكريات جميلة مع هذا المطعم .. وخصوصاً بعد صلاة الفجر .. حيث يتوافد الناس .. بجميع طبقاتهم (الوزراء والتجار والموظفين والعمال) .. وبجميع الأعمار .. يتوافدون على هذا المطعم لتناول الفطور .. في هذا المطعم الشعبي الصغير الذي لا يبيع سوى الفول والفلافل والحمص والمسبحة


افتتح هذا المطعم في عام 1960
وحتى كتابة هذا التقرير .. لا يزال الفرع القديم بشارع الكهرباء قائماً حتى الآن .. ولكن للأسف ستتم ازالته قريباً للبدء في تطوير تلك المنطقة القديمة من الدوحة

ومؤخراً افتتح مطعم بيروت فرعه الجديد بسوق واقف


للأسف لم أستطع أن اصور سوى هذه الصورتين .. نظراً للزحمة الشديدة





مطعم بيروت .. الفرع الرئيسي بشارع الكهرباء




من داخل فرع سوق واقف (يشبه الفرع الرئيسي)



بالكويت عندنا بعد مطعم اسمه "مطعم بيروت" ونظامه نفس هذا المطعم بالضبط
وقديم حيل ما اذكر متى فتح
وحاط له شعار عبارة عن مجسم طائرة
بس مكانه الله لا يوريكم بين كراجات تصليح السيارات بمنطقة شويخ الصناعية

المشاركة الأصلية كتبت بواسطة The Watcher
http://www.arabtravelersforum.com/tr...0/#post2497060

كافتيريا النعيمي


أصبحت كافتيريا النعيمي جزء من الثقافة القطرية
فلا تجد أحداً لا يعرف أو لم يجرب الشاي المشهور لديهم

الشاي لديهم له خلطة خاصة .. ويسمى "كرك"
الكرك اصبح مصطلح معروف للشاي المصنوع بطريقة معينة
بصراحة بحثت عن اصل هذه الكلمة .. كنت أظن أن اصلها هندي .. ولكني وجدت الهنود لايعرفون عنها شيئاً

بعضهم يصنع الكرك بإضافة الهيل
وبعضهم يضيفون "بسكوت" الى الشاي وهو يغلي

ولكن حتى الآن لم يستطع أي من المنافسين أن يصنع كرك شبيه بما عند كافتيريا النعيمي
وان كان بعضهم قد تميز بكرك من نوع آخر .. ولكن يظل للنعيمي تميزه

واستغربت ان شهرة هذا الكرك وصلت للدول المجاورة .. وقد رأيت الكثير من الزوار يحرصون على تذوق الكرك عند زيارتهم للدوحة


توجد عدة فروع لكافتيريا النعيمي
منها في السد
وفي الغرافة
ومحطة البترول خلف اللاند مارك
ومحة بترول الخيسة



كافتيريا النعيمي من الخارج


الكرك الشهير



امس رحت للمطعم عقب ما شفت هالتقرير عن شاي الكرك
بس اخوي انا شفت ان طعمه عادي شاي + حليب
ما في شي غير اعتيادي
وسامحني على صراحتي

المشاركة الأصلية كتبت بواسطة The Watcher
http://www.arabtravelersforum.com/tr...0/#post2547610

مطعم الطواش

Tel: 4982002

الموقع: سوق واقف

هذا المطعم يعتبر احد افضل وأكبر المطاعم في سوق واقف
وهو يقدم المأكولات القطرية الشعبية
بالإضافة لبعض المأكولات الأخرى




لوحة المطعم




المدخل




الطاولة




توجد ستائر بين الطاولات لمزيد من الخصوصية




هذا الزر تضغط عليه اذا بتطلب اي شي (اول مطعم اشوفه في قطر يحط هالجهاز .. مع انه منتشر في بكثرة في دبي)




الطاولات



أنصحك بالربيان المشوي بالخلطة الحارة :24:








مطعم راااائع..

جربناه من يومين .. الاكل لذيذ و الجلسه حلوه ..


و السوق كله خيال و ما ينشبع منه ..

يمكن اللي سوالك الكرك كان زعلان ولا شي
لأن مش كل يوم يضبطونه
بس أعتقد انك لاحظت زحمة الشباب عليه (اذا كنت رحتله في الليل)
وشرفتنا في قطر



الله يزيدك شرف ويعلي من شأنك
نعم لاحظت الزحمة عليه
وعلى فكرة انا تابعت الموضوع عمليا
وجربت مندي اخوان الأفغاني
صراحة روعة لدرجة يومين تغديت عنه
وفطاير الخليج قمة
بس بضيف شي
انا جربت مطعم الاعظمية العراقي الي بسوق واقف
جربت الكباب فقط وللعلم كبابه حلو بس مو عراقي
وجربت عند مطعم الطواش المرقوقة وكانت لذيذة جدا
بس ما خرب الطعم الا الجرسون التعبان الي شلع قلبنا بسوء خدمته
وبس
على فكرة انا ما كنت متوقع اني بستانس بقطر
صراحة الله يهنيكم بديرتكم ويزيدكم أمن آمان والله لا يغير عليكم لا للزينة

المشاركة الأصلية كتبت بواسطة qatar2007
http://www.arabtravelersforum.com/tr...0/#post2570350

فعلا البتراء من افضل مطاعم الفلافل في قطر


بعد فلافل حسن اللي في شارع الريان (لكن للاسف سكر ماعرف وين راح اذا احد يعرف عنه شيء يعلمنا )


وخبزهم وطريقة تقديمهم متمييزة

شكرا لك على الاختيار



للأسف ما اعرف وايد مطاعم للفلافل
بس يبيلنا نجربه هذا اللي في شارع الريان






المشاركة الأصلية كتبت بواسطة bu-fatoma
http://www.arabtravelersforum.com/tr...2/#post2571202

الله يزيدك شرف ويعلي من شأنك
نعم لاحظت الزحمة عليه
وعلى فكرة انا تابعت الموضوع عمليا
وجربت مندي اخوان الأفغاني
صراحة روعة لدرجة يومين تغديت عنه
وفطاير الخليج قمة
بس بضيف شي
انا جربت مطعم الاعظمية العراقي الي بسوق واقف
جربت الكباب فقط وللعلم كبابه حلو بس مو عراقي
وجربت عند مطعم الطواش المرقوقة وكانت لذيذة جدا
بس ما خرب الطعم الا الجرسون التعبان الي شلع قلبنا بسوء خدمته
وبس
على فكرة انا ما كنت متوقع اني بستانس بقطر
صراحة الله يهنيكم بديرتكم ويزيدكم أمن آمان والله لا يغير عليكم لا للزينة



شي طيب انك تاخذ بمواضيعي
وللأسف للحين ماجربت مطعم الأعظمية
بس بحاول اروحله قريب

ونورت الديرة






المشاركة الأصلية كتبت بواسطة بكرة احلى
http://www.arabtravelersforum.com/tr...1/#post2581451

واييييييييييييي حرام عليك جوعتني وايد حلو تقريرك وعساك عالقوة



الله يسلمك
ومشكور على المرور

هالمطعم ماعمري جربته ..


عاد تصدق .. مره كنت في البحرين في السيف .. و مريت جنبه .. لقيت عنده طابور شباب قطريين !!! قلت يمكن يحبونه و مو موجود عندهم .. عادي تصير لنا دايم .. زي احنا بالشرقيه مع نينو في البحرين .. اتاريه عندكم هههههه بس ماشاءالله اكيد كسبان ..

مرجع مهم كثييــر لـ زوار قطر

ألــف شكر لك اخوي : )

المشاركة الأصلية كتبت بواسطة mzoon
http://www.arabtravelersforum.com/tr...5/#post2596045

هالمطعم ماعمري جربته ..


عاد تصدق .. مره كنت في البحرين في السيف .. و مريت جنبه .. لقيت عنده طابور شباب قطريين !!! قلت يمكن يحبونه و مو موجود عندهم .. عادي تصير لنا دايم .. زي احنا بالشرقيه مع نينو في البحرين .. اتاريه عندكم هههههه بس ماشاءالله اكيد كسبان ..



عاد عندنا دايما زحمة .. احيانا نكون رايحين للمطعم .. ولما نشوف الزحمة .. نغير ونروح مطعم ثاني
اشكرج على المرور






المشاركة الأصلية كتبت بواسطة إسبـآنيه
http://www.arabtravelersforum.com/tr...3/#post2596153

مرجع مهم كثييــر لـ زوار قطر

ألــف شكر لك اخوي : )





العفو اخوي
شرفتي الموضوع






المشاركة الأصلية كتبت بواسطة Hapkido
http://www.arabtravelersforum.com/tr...0/#post2596350

أفا يالحبيب وين مطعم شبستان الايراني بشارع السد ؟!

ما عمري ذقت مطعم ايراني بالخليج شراته ؟



معقولة؟
بإذن الله اذا رحتله بسوي عنه تقرير لخاطر عيونك






المشاركة الأصلية كتبت بواسطة MiSS DoHa
http://www.arabtravelersforum.com/tr...3/#post2602843

فى الانتظاااااااااااااااااار
وينك



بالدووووووووور ياجماعة

عاد مب كل يوم اروح مطعم جديد :101:

اليوم جايبلكم مطعم شعبي شوي

مطعم جرس المذاق
Tel: 4838575

هالمطعم في الدفنة .. في محطة بترول الخليج الغربي

هذا مطعم هندي .. بس اكله عجيييييييييب .. بس هو مستواه وايد عادي .. كأنه معصرة او كافتيريا









أنصحكم تجربون:
- صالونة دجاج بالزبدة
- صالونه دجاج تكا
- البرياني .. الللحم او الدجاج


وعندهم خدمة توصيل الطلبات للمنازل

وفيه العااااااافية

السلام عليكم

ممكن سؤال؟


فندق بخارا اسعاره شلون؟؟

غالي لا مناسب؟؟

لان فيه خصوصيه بخاطري اعزم الربع هههههههههههههههههه


بأنتضاركـ


ومشكورة اخوي على الموضوع

الله يوفقك ان شاء الله

اليوم جايبلكم كوفي شوب هاااادي

بلس Plus

الموقع
داخل المركز (السنتر) .. ويوجد له مدخل من الخلف


من الخارج (صورته في الليل)


من الداخل


عندهم كيكة حلوة اسمها German Cake

تسلم الله يعطيك العافيه تقرير مرتب

المشاركة الأصلية كتبت بواسطة رحـال قـطـر
http://www.arabtravelersforum.com/tr...4/#post2680354

ما شاء الله عليك والله

لازم هالتقرير كامل ينضاف الى المواضيع الي يجب زيارتها دون ردود
شكلك من النوع الي يفتر بالدوحه يدور خخخخخ اتغشمر

هاي وانا باسوي رجيم لكن عقب تقريرك هونت هههه

من المطاعم المفضله لدي الي حطيتها

بخارى سابقاً لكن مستواه أشوفه طاح جداً من قبل وحالياً رويال تندوري وتنجور ونجمه الهند
يتصدرون المطاعم الهنديه في الدوحه

بخصوص مطعمي المفضل حالياً يلو كاب من أجمل البيتزاهات الي أكلتها في حياتي
وهو مطعم أمريكي وصاحب المحل بـ قطر قطري ماخذ الوكاله يستحق عليها الشكر
كل يوم هـ المطعم يزيدون زباينه بشكل كبير
وإنصحك تجرب الباستا الي عنده حلوه وايد انت تقوله شنو تبي فيها وهي يسويها الفريدو باستا
والبيتزا المفضله هي مانهاتن ميت لوفرز
لكن إتوقع بيتزا إكسبرس أحلى لأن من كم يوم رحت الي في الستي
وجربت البوفيه والبيتزا كم قطعه بصراحه شي خيالي

تقريرك مميز مثل راعيه



أشكرك على تواجدك
أنا سمعت كلامك وخذت بيتزا مانهاتن مبت لوفرز ... وااااايد روعة

يعطيك العافية






المشاركة الأصلية كتبت بواسطة vip-534
http://www.arabtravelersforum.com/tr...2/#post2681402

--------------------------------------------------------------------------------

مشاء الله عليك تصويرك ممتاز صراحه صور توسع الخاطر
تصلح اعلان سياحي لقطر : )



اشكرك على تواجدك .. لو يحطوني مسؤول عن السياحة في قطر بتشوف شي ثاني :109:

المندرين


هذا واحد من افضل الاماكن اللي تبيع العصائر الطازجة
وعندهم بعض السندويشات الخفيفة

وعندهم فروع كثيرة
- طريق سلوى (بجانب مكتبة جرير)
- الوكرة
- الريان
- سيتي سنتر
- سوق واقف


زرت فرعهم في سوق واقف





الجلسات (اهم شي غرشة الفلفل :109


اسماء غريبة عجيبة للعصائر


عصير حمد (مانجو وافوكادو وفراولة ) .. وسندويش دجاج فاهيتا (لايفوتكم)

ماشاء الله ...دائما نترقب جديدك

ماشاء الله دايم انتظر جديدك

مشالله عليك
مادرى بس حبيت اسال عن المطعم اليديد اللى فتح بالكورنيش شسمه
ويقدم اكلات شنوو بالضبط
من عنده معلووومه يفيدنا
واتمنى تزوووره وتصووور لنا فيه

فرايديز حبي الابدي ..


يعطيك العافيه

ما رديتوا علي؟؟

المشاركة الأصلية كتبت بواسطة qatar2007
http://www.arabtravelersforum.com/tr...1/#post2724531

ماشاء الله دايم انتظر جديدك



أشكرج على تشريفج الدائم للموضوع






المشاركة الأصلية كتبت بواسطة MiSS DoHa
http://www.arabtravelersforum.com/tr...0/#post2732810

مشالله عليك
مادرى بس حبيت اسال عن المطعم اليديد اللى فتح بالكورنيش شسمه
ويقدم اكلات شنوو بالضبط
من عنده معلووومه يفيدنا
واتمنى تزوووره وتصووور لنا فيه



ما اعرف ان في مطعم جديد .. المطعم الوحيد اللي اعرفه هو بلهمبار .. وهو بوفيه .. سعر الشخص 100 ريال .. هو عبارة عن اكل شعبي .. والحلو فيه ان ارباحه تروح للأسر الفقيرة في قطر






المشاركة الأصلية كتبت بواسطة mzoon
http://www.arabtravelersforum.com/tr...9/#post2733569

فرايديز حبي الابدي ..


يعطيك العافيه



اغلب البنات يحبون فرايدايز .. مادري ليش .. هو صح اكله حلو .. بس انا ما احب اروحله وايد

ذي منغوليان باربكيو

الموقع: شارع السد


هذا المطعم فيه شغلة جديدة .. وهي انك تختار المكونات بنفسك وطريقة الطبخ .. وهم يسوون الاكل امامك

سعر الوجبة 55 ريال .. وهي تتكون من طبق رئيسي وشوربة وسلطة


المطعم من الخارج




جانب من الجلسات في المطعم




بوفيه السلطة




الشوربة والسلطة




من هنا تختار المكونات الرئيسية .. لحم، دجاج، ربيان، خثاق (حبار) ..



تختار الخضروات اللي تنتطبخ مع الطبق الرئيسي




تختار نوعين من الـ sauce




كل شي تلاقي اسمه مكتوب فوقه



هذي بعض الوصفات الجاهزة .. او اذا انت حبيت تخبص شوي بكيفك




اختياراتي (خبصت بكيفي .. لحم على دجاج على مادري شنو .. الله يستر)




هنا يكتبون اسمك .. وطريقة الطبخ .. في طريقتين للطبخ .. اما بالرز او بالـ Noodles


يطبخ طلباتنا


انا طلبت بالنودلز



صاحبي طلب بالرز


مع اني خبصت وشكلت .. الا ان الاكل طلع وايد حلو والحمدلله
تجربة رائعة .. طلعت اعرف في الطبخ :113:

Pool Grill

Brazilian Barbecue Night

الموقع: فندق فورسيزونز الدوحة


هذا المطعم عنده جلسات خارجية فقط .. ويطل على البحر
وهو كل يوم يكون عندهم طلبيات عادية a la carte

في في بعض المواسم (غالباً بداية الشتاء ونهاية الشتاء) .. وفي أيام الثلاثاء والأربعاء فقط .. يكون عنده مشاوي برازيلية
وهي نظام شوي مختلف .. يكون في بوفيه للسلطة والشوربة .. ويجيبولك على الطاوبة صحن ربيان مشوي .. وبعدين كل مايشوون شي يجيبونلك اياه .. اذا تبي يعطونك كم قطعة .. واذا ماتبي .. تنتظر الشي اللي بعده
ممكن يجيبلولك لحم غنم او بقر او دجاج او طيور فري (الطيور الصغيرة اللي مثل الحمام .. اعتقد اسمها فري ..صح؟!)




بوفيه السلطة والشوربة .. صغير .. انا ماعجبني




هذي القطعة .. اذا حطيت الاخضر فوق .. معناه انك جوعان وممكن تستقبل المشاوي اللي هم يجيبونها .. واذا حطيتها على الاحمر .. معناه انك خلاص شبعت وماتبي شي




الربيان .. مع 3 انواع من الـ sauce




كل شوي واحد يجيبلك المشاوي بهالطريقة .. اذا تبي يقطعلك




هاي الصحن اللي فيه الليمون عشان تغسل يدك




الحلو آخر شي


سعر الشخص 280 ريال من غير المشروبات



ملاحظات:
- بعض المشاوي اللي يجيبونها ماتكون مشوية عدل (غير ناضجة 100%) .. ممكن تطلبون منهم يخلونها اكثر على النار .. بتكون الذ واحلى
- هذا المطعم يقدم الخمور .. خليك حريص وانت تطلب المشروبات من منيو المشروبات
- هذا المطعم يقدم الشيشة (بس مش في كل الطاولات بتلاقي شيشة .. لأن اغلب اللي يجون اجانب .. يالله يالله تلاقي طاولة او ثنتين)



لا تفوتكم ريش الغنم .. وايد لذيذة وطرية (العادة نتهاوش مع الريش)