بسم الله الرحمن الرحيم
اخواني انا بحكي لكم تجربتي المريره جدا جدا جدا في ابراج لي ميريديان مكه الله عند نفق الملك عسى ان تستفيدو ولا تواجهو نفس المشكله
في البدايه انا حجزت عن طريق مكتب قبل اسبوعين جناح دبلوماسي في ابراج الميريدان واخذت الفاوتشر من المكتب بعد ما دفعت المبلغ التشيك ان يوم الاربعاء 18اغسطس والتشيك اوت 20 اغسطس
كانت رحلتي عالخطوط السعودية الكئيبه يزم الاربعاء الساعه 15, 11مساء وكالعاده تاخرت للساعه حوالي 1 صباحا وهذا شي مو مستغرب وتعودنا عليه
المهم وصلت مكه واستاجرت سياره ورحت لمكه وخلصت عمره الساعه 9 صباحا يوم الخميس 19 اغسطس يعني راح على حجزي يوم
رحت الفندق والقى بزرين في الاستقبال مايدرون وين الله حاطهم اعطيتهم الفاوتشر وقالي مالك حجز لانك المفروض تجي امس وانت تاخرت يوم والغينا حجزك قلتله ياخي انا دافع المبلغ لكم مو شغلكم اجي الاربعاء ولا الخميس في الاخير قالي لا الحجز الغيناه لان المكتب اللي دفعت له ما حول لنا المبلغ واكلم المكتب قالي محول لهم المبلغ قبل اسبوعين وعندي صوره من الحواله قلت ارسلها لي عالفاكس
عالعموم هبلو بي اقولهم وين المدير يقولون مايجي الاى الساعه 11 صباحا قلت عطوني رقمه قالو مانقدر قلت لهم معي حرمه كبيره واش اسوي قالو انتظر للساعه 3 اذا طلع احد من المستاجرين حطيناك مكانه بعد ماتدفع
المهم مابقى احد منهم الا تلاعنت معه لانهم حتى اسلوبهم في التعامل سيى تقول كنه يصرف عليك من جيبه
المهم خذت نسخه من الحواله اللي حولها المكتب للفندق ورحت لادارتهم قالي معليش الغلط من عندنا والحواله واصله قبل اسبوعين بس المشكله عند المحاسب والان روح الاستقبال تحصل غرفتك جاهزه هذا الكلام الساعه 15و 11الظهر
طبعا الكذب خيبه والحقيقه انهم عوضوني بيوم مجانا بس لاني نشبت بحلوقم وخليتم مايشتغلون لانو ماتاخذ حقك الا كذا
ملاحظات ومقتطفات::::\
طبعا بما اني كنت مسنتر عن الاستقبال لا حظت ان كل الناس عندهم مشاكل مافيه ولا احد راضي مثلا( واحده من الساكنات تسب الفندق وتلعنه وتقول فيه رجالين دخلو علي بالغرفه انتم معطينهم كروت بالغلط) (وكثار جو بيدخلون الفندق لقو وقت الدخول الساعه 3 العصر وامتلا اللوبي من العالم اللي نايمين باحراماتهم)(الادهى والامر مديرهم الله يخلف عليه والله مدري كيف يدير بيته شخص غير مرتب يشوف الاستقبال يخدمون العملاء يجي ويزاعق عليهم قدام الناس ويعطل العملاء حتى الناس تسب فيه واذكر واحد يقوله ((( ياخي ضف وجهك وخل الموظف يخلصني لاتشغله
في النهايه انا كتبت معاناتي ويعلم الله اني مازليت في كلمه واحده فقط لكي لاتتكرر معاناتي مع ناس اخرين
تحياتي
رد مع اقتباس
المشاركة الأصلية كتبت بواسطة ابو اسعيد
المفضلات