الموضوع: هونج كونج اسوء تجربة في حياتي

السلام عليكم ورحمة الله و بركاته
اولا احب اهني المشرفين و الاعضاء على هذا الموقع الجميل الذي يخدم كل مسافر
و هذي اول مشاركة لي و ما انضميت بهالمنتدى الا من القهر اللي شفته و اللي ازال اشوفه و انا الآن بهونج كونج
نصيحتي لجميع من اراد السفر لهذي المنطقة
لاااااااااااااااااااااااااااااااااااااااااااااتروح ون
و هذا للاسباب التالية
اولا: معاملة الشعب
صراحة الشعب هينا مرة انذال و معاملتهم خشنة و اولها من اول مادخلت الفندق اول شيء قالو ترا مافي ترجيع فلوس و انا كنت ابي ابكر الحجز و اقولهم على الاقل غيرو الغرف او استبدلو الايام اللي باشيلها بافطار عشان ارجع بدري كل شيء لا لا لا,
و صارلي مواقف بلا مبالغة كل ما رحت مكان و كانو جنبي انجليز او من نفس السكان و ربي صارت في كل مكان اروح له يبدون يسوون حركات مقرفة يستفزوني و يبون يحرجوني و طبعا انا طناااااااااااش غير ان البعض يسب بالانجلش عن حجابي و لبسي و لا في اي احد يساعد في مرة كنت قبل يومين ابي اسال راعي الباص و انا كنت بملاهي اوشن بارك مسكر القزاز و اطق على القزاز و يقرا الجرايد و ماشر على يده انه مايبي يتعامل معي,
المرة الثانية و هي اليوم و انا بالليدي ماركت اسال البائعة اللي بالمحل بكل طلاقة do you spake engllish?
و ترد على الاخت بكل طلاقة, no sorry i cant
ثمن الاقيها تسولف مع صاحباتها بالانجلش
طبعا ناهيتكم عن لزقة البائعيين بالمحلات و لو ماشريت منهم انواع السب و الشتم مدري هم متوقعيين الخليجين و العرب لااااازم قانونا يشترون اي سلعة
يوم دخلت المترو وكنت جديدة على النظام ابي اعرف كيف ادخل الكرت كلهم من الزحمة متجمعين ورا و يسبون بالعرب انهم متخلفين و همجييين و لا احد فكر من الواقفين انه يجي و يصرف نفسه و يوريني الطريقة عشان يمشي السرا,و السب بالنجلش -يعني يا جارة اسمعيني-
(الله يرحم ايام تركيا و كوريا اللي يتطاقون عشان يساعدون و لو شافو معي خريطة كلهم يتجمعون)
ثانيا : الزححححححححححححححممة
طبعا انا بهالوقت بالاجازة الصيفية عندنا و عند الصين فالمترو مرة زحمة و ملاهي اوشن بارك كمان غير متحف الشمع اللي ماتهنيت اصور فيه سرا على التمثال و على فكرة الزحمة هاذي مو من شعبهم بس زحمة من السياح الانجليز و العرب غير الشعب
غير انهم يحبون العجلة و ما فيهم صبر يعني انا بالمترو واقفة و فتح الباب انواع الدف و انا بالطيارة قبل الوصول تلاقيهم فاكيين الاحزمة وواقفين عشان السرا و تجي المضيفة -من نفس جنسهم و تقوللهم ارجعو اجلسو - و نفس النظام بالباص و التكسي يطييييييييييير فيك تحس انك بتسابق الريح
ثالثا اسعار المعيشة:
صراحة لاحظت ان الاكل غالي -بالنسبة مقارنتا بكوريا و تركيا- يعني الخبز اول مرة شريته كان ب 23 دولاو هونج كونج يعمي حول ال 11 ريال و لما لقيت بقالة 7/11 لقيت ارخص شيء عنهم ب 4 ريال و هذا يشابه سعر الكولا كمان و انصدمت ان الوجبات في ماكدونلد اطلب ماك تشكن تقوللي احنا نبيع البرغر لو تبين اطلبي البطاطس و المشروب لحال -بس وجبة سبايسي عادي كلهم سو!!مدري شكله هاذا انظام عندهم
و تذاكر متحف الشمع انا و عيلتي حول 500 ريال
و احنا 5 بالغين و طفلين
رابعا : قلة الاماكن السياحية
يعني انا اشوف حتا هينا بالمنتدى بس كاتبين :
دزني و انصدمت فيها مقارنة بدزني لندن لان مافيها العاب خطيرة و اغلبها مخصصة للاطفال و للتفرج
اوشن بارك
ليدي ماركت
جزيرة مكاو اللي مارحت لها مع اني شفت مواضيع عنها بس لما سالت الشعب يقولون انا فيا اكبر برج للقمار و مافيها شيء ولا تناسب ديانتي
اكبر معبد للبوذا اللي مارحت له بحكم اللسبب نفسه
فيكتوريا بيك- متحف الشمع منطقة الpickوهي فوق الجبل
التايم سكوير اللي كل يوم الصبح اروح له
حتا لما اسمع الشعب اسال البعض مايقولون الا هالاماكن
صراحة نا اكلمكم و انا لسا موجودة و بقالي حول ال5ايام و كان ودي ارجع بدري بس للاسف حجزي اسبوعين و الفندق مرة مو متعاونين
صراحة انا كتبت موضوعي بهالمنتدى ابي نصحكم و مساعدتكم و رأيكم لاني صراحة انا و عيلتي فكرنا بقية الايام نجلس بالفندق بس من الطفش
و اللي عنده اماكن ياريت ما يبخل علي و يعلمني و اللي عنده تجربة ثانية ياريت يغير فكرتي عنهم لاني مرة كارهة السفرة هاذي و احب اعلم الاعضاء اني يوم اقارن قارنت بكوريا و بتركيا و بدبي و بويلز ببريطانيا -بس كانت زمان يعني ممكن قبل 13 سنة - مدري صراحة عن معاملتهم الآن
اتمنى انكم تفيديوني و تساعدوني و تشاركوني أرآئكم

مواضيع عشوائيه ممكن تكون تعجبك اخترناها لك:

• التقرير الثالث من رحلة هونج كونج
• بعض الاسئله لخبراء هونج كونج
• الـى اي شخص سافر الى الصين
• انا الحين في قوانزو وطااايره عيووني
• استفسار ضروري بخصوص بكين
• السفر في فبراير
• طالب من الصين إلى جيلين
• فندق فـ هونج كونج
• افضل وسيلة تنقل من الى
• من عنده خبره في تجارة الصين إذا ممكن يدخل
• مطعم تآهآر الصيني في شنغهآي
• الصين يااهل الصين ارجو مساعدتي بــ
• بكين وماحولها تكن قريبه ؟
• أيـن أجــد كتــالوج مطعــم سبـأ ؟؟
• استفسار عن
• هل تنصحوني الذهاب الى كوانزو الان
• ترتيب الجدول السياحي إلى هونغ كونغ ارجو الافاده
• تصميم وفرش المعارض التجارية
• خبراء الصين ارجو الدخول
• اطلب مساعدتكم بسرعه

الله يكون في عونكم

له له له ليش كذا
رحنا وطي ههههه يوم السبت راح اكون بهونج كونج ان شاء الله
الله يكون بعونك هذا وانا لغتي اي كلام اجل عز الله رحت فيها
تساهيل ان شاء الله

معليش أختي يمكن صارت هذي الامور صدفه او شي من هذا القبيل.

انا قبل اسبوعين كنت في هونج كونج كانوا مره طيبين و متعاونيين . كنت ساكن في هاربور بلازا و غيرت الغرفه مرتين و لا حصلت منهم الا كل خير. الباعه دائما مبتسمين و يحاولون يساعدونك في اختيارك. الشي الممل فيهم هم الهنود الي على طول يبي يبيعك بضاعه تقليد. يعني لو يشوفك 10 مرات في اليوم على طول يسأل تبي حاجات تقليد.

انا اقول لك يمكن ما توفقت في هذي الرحله ان شاء الله الجايات افضل .

المشاركة الأصلية كتبت بواسطة تمويل
http://www.arabtravelersforum.com/tr...6/#post4084446

هههههههاااااي ماعيك منهم الحجاب أغلب المسلمات مغطيات
الوجه حتى الصيينييات انفسهم بالنسبه للسرعه فهم يبغون كل شي بسرعه
يعني انا مشبهم مثل أهل مكه عندنا هههههه بس العرب يحبون يناظرون في الناس
وهم يكرهون هذا الشي لذلك يسبون حاولي قللي من نظراتك لهم
وبالنسبه لتغيير الغرفه اذا ماعجبتك تغيرينها وغصب عنه ولو قلتيلهم بوليس
راح يغيرها لان السائح فوق كل شي . وانا ضد اللي يحجزون بالنت
اول شي غالي وبعدين ماتشوف الغرفة على الطبيعة
روحي فندق في tasig yi اسمه rambler garden hotel
سعره حوالي 480 دولار هونك كونجي اطلي بالمترو حوالي 7 دولا
وانزلي في محطة tasing yi ولاعليك في أكبر واحد فيهم
واذا ودكم تروحوا كوانزوا فيه فنادق 3 نجوم ممتازة جدا
سعرها 55 ريال سعودي تقريبا
واحلى بكثير من هونك كونك
نتمنى لكم التوفيق



السلام عليكم
ممكن يالغالى تعلمنى وشهو الفندق هذا لان اناا درس بكوانجو ةعلى ماادور شقة يبيلى وقت لان سكن الجامعة فل مافى مكان فاضى
قالو لى دور لك سكن برا ابى اسكن بفندق الين مالقى لى شقة

زسعي صدرك اختي وانبسطي عادي جدا
شكلك انتي مو حابه هونغ كونغ من الأساس انا الان موجوده فيها ومبهوره فيها ؟؟ بس معاك حق مافيهم فزعه وحب تقديم المساعده المترو الحمدلله حتا تعلمنا بهدوء بدون مساعده احد ؟؟ ورحت كذا مره مع قروبات اوروبيه وعادي جدا ما لاحظت فرق بالمعامله ؟؟ وانا عبايه سوداء وغطاء وجه كأني بالسعوديه وبدزني الناس كذا اسره طلبت مني اصور معهم ؟؟
وانتي شكلك حابه كوريا ؟؟