الموضوع: محتاجه مشورتكم في رحلتي بليز

السلام عليكم
هذااول موضوع لي في هالساحه وانشالله ما تقصرون معي
اولا احنا ناوين السنه الجايه على اوربا بدايه من لندن وبعدين باريس وبعدين ايطاليا
ميلانو وفينيسيا
ابغى نصيحتكم في ترتيب الرحله
هل بدايتها من لندن ونهايتها في ميلانو مناسب ولا اخليه العكس
كل مدينه كم يكفيها
لندن طبعا المواصلات راح تكون عامه
لكن باريس وايطاليا راح نستاجر سياره
مع العلم ان احنا عائله مكونه من 5 افراد كبار اصغرهم 12 سنه
المده 18 يوم او 16
الميزانيه 80 الف ريال تكفي للرحله من كل شي ولا شويه
محتاجه رايكم ضروري عشان ابدا من اللحين اسوي الحجوزات
مع العلم ان السفره راح تكون السنه الجايه في شهر 9يعني بعد العيد
انتظركم على احر من الجمر

مواضيع عشوائيه ممكن تكون تعجبك اخترناها لك:

• تقرير مختصر لرحلتي الى لندن
• ابحث عن شقة في لندن لمدة عشرة ايام
• استفسار عن الاسعار
• صور من ويلز
• ارجو المساعده ضروري 😥😥
• مساعدة بطلب في قطر لاهنتوا
• اول مره اروح لندن
• لندنية من الطراز الإماراتي في أسبوع
• دراسه اللغه في ايرلندا
• انا اول مره اروح للندن ممكن تساعدوني
• عااااجل استفسار عن تأمين السفر والفيزة
• بريطانيا ويلز اسكتلندا
• في احد يعرف بوتيكات بلندن لفساتين السهره الفخمة
• تقرير مختصر عن لندن ديسمبر
• سؤال بخصوص الغاء الحجز من بوكينج
• بنتي في شتاء لندن
• مجموعة استفسارات مانشستر التون تاور
• عاااجل جداً لاصحاب الخبرة لندن عين لندن
• التجهيز للحلم
• مــوســوعـــه مــتــكامــلـة لـكـل المسافرين لمانشستــر

انا من رأيي تبدو من ميلان وتنتهو في لندن
لأن الأحلى دايما يكون في الأخير والفرق بين ميلان ولندن فرق السما والارض
ميلان من يومين لثلاثة
فينيسيا من يومين لثلاثة
جنيف من ثلاثة لأربعة
باريس من ثلاثة لأربعة
لندن من خمسة ايام لأسبوع
بكذا تقريبا قسمنا ايام اجازتكم على المدن اللي تيغو تزوروها

بالنسبة للميزانية لو فرضنا انكم حجزتم واشتريتو التذاكر ب 4000 ريال للشخص يعني 20 الف تذاكر
ولو اعطينا 2000 ريال للسكن في اليوم لمدة 18 بوم لخمسة اشخاص يعني 36 الف هذي 56 الف ريال سكن وتذاكر يبقى 24 الف مصاريف لكم
(التذاكر بإمكانكم تشتروها بأسعار حدا ورخيصة لو اشتريتوها من بدري يعني خلال الثلاثة شهور القادمة بالكثير ممكن تكلفككم كلكم حوالي من 14 الى 15 الف لأن موعد سفرتكم بعد سنة وشهر من الان)
والسكن لو اخذتو شقق فندقية من غرفتين وحمامين ومن بدري برضو حتلاقوها بأسعار حلوة

(الاسعار والترتيب للسفر حطيتها بنظرتي و رأيي ومو شرط تكون تعجب غيري او تكون صحيحة )

الاسعار انا حطيتها كمتوسط يعني

السنه اليايه شهر 9 يعني بعد سنه من الان قصدج؟

the skil
مشكور والله يعطيك العافيه
وفعلا ما جا في بالي اني اخلي لندن في الاخير
ايه اختي كويتيه السنه الجايه انشالله لاني انا توني جايه من سويسرا
وابغامن اللحين احجز التذكر عشان نستفيد من الاسعار
انتظر شور باقي الاعضاء

اختي حيل حيل تو الناس
يا من يعيش لكم طوله العمر

ليلحين التذاكر مانفتحت للحجز لي شهر 9 السنه اليايه
تو الناس

الله يسامحكم
مدري ليش التطنيش

السالفه مو سالفه تفرغ اختي . السالفه سالفه تو الناس جدا
ممكن تخلون الوصول بميلانو .. و تخلون 4 ايام لميلانو و فينيسيا
و بعدين طيران اقتصادي الي باريس تقعدون فيها 3-4 ايام .. و بالقطار تردون لندن و تمون فيها ال9-8 ايام الباقيه و الرده تكون من لندن

بس اذا انتو مجموعه ووياكم اغراض وايد بيكون وايد تعب عليهم
الطيران .. و التنقل من ميلانو الي فينيسيا بالجناط .. بعدين باريس و القطار الي لندن
يعني لوووويه خاصه مع اطفال و جناط وايد و المده مو وايد طويله

ممكن تخلونها لندن و باريس بس .. تروحون لندن و تقعدون جم يوم و تخلون اغراضكم بالفندق او الشقه بالمخزن و تروحون باريس بالقطار و تاخذون معاكم بس الاغراض اللي تحتاجونها حق 3-4 ايام و تردون لندن بعدين
وفرتو جهد ووقت

وممكن ايضا تاخذون من لندن طيران اقتصادي الي ميلانو و تردون لندن
لان وايد بتتعبون مع الاطفال و الجناط اذا 3 دول بكل الشنط معاكم و بتروح عليكم الايام و الجهد

و 80 الف ل5 اشخاص و كل هالدول و السكن و وقت الذروه شهر 7 لو تزيدونها افضل
و لو تتمون علي شهر 9 هم افضل .. شهر 7 بيكون قمه الزحمه و خاصه ان بيكون فيه رمضان اخره ان شاء الله يعني شهر 9 وايد اروق و اوفر

و الراي لكم