الموضوع: تساؤلات عن استراليا لو سمحتوا

السلام عليكم و رحمة الله و بركاته

هذي اول مشاركه لي في هذا المنتدى، اكتشفت ان الواحد ماله غناة عن منتدى بهذا الكم الهائل من المعلومات..و لاحظت ان الاعضاء ما يقصرون يساعدون باللي يقدرون عليه من المعلومات الي يعرفونها و يقترحون اقتراحات حلوه و مفيده و تكون عن سابق تجربه :113: . انا ان شاء الله مسافره مع عائلتي في الصيف القادم الى استراليا و حابه اخذ رايكم في كم نقطه :

اولا : خط السير
الرياض-3 ايام هونج كونج-6ايام سدني-4 ايام برسبن -10ايام جولد كوست- 5 ايام ميلبورن-4 ايام كوالالمبور- الرياض

ثانيا: ماهو افضل فندق في سدني من ناحية الموقع و الفخامه .. ستار سيتي - نوفيتيل- شيراتون ان ذا بارك ؟ :114:

ثالثا: ابي اسأل عن فندق مريديان ميلبورن.... حلو و الا لا ؟؟ لان عندي عضويه في كل فنادق ميرديان بس للاسف اكتشفت ان مافي مريديان في استراليا الا واحد الي هو في ميلبورن... اتمنى تعلموني اذا يوجد فندق مريديان في باقي مدن استراليا عشان استفيد من عضويتي

رابعا: ايش تقترحون لي فندق للسكن في بريسبن ؟؟ اهم شئ يكون الموقع ممتاز

انا داريه اني طولت عليكم بس والله محتاجه اعرف من بدري عشان بدينا نحجز من الان
مع جزيل الشكر

مواضيع عشوائيه ممكن تكون تعجبك اخترناها لك:

• افضل برنامج لزياره استراليا
• افكرة السفر بالقطار
• استفسار عن الادوية
• حجز طيران عن طريق موقع الاتحاد او
• شاركوني في القرارات الاخيره
• اريد اختيار استراليا للايفاد في الدراسة ب جامعات استراليا
• ياليت تتكرمون بنصيحتي
• اختكم طالبة المساعدة عاجل
• عدت من بلاد الكوالا وإليكم الموجز و آخر الأخبار ماك مهوب حلال
• ترانزيت الاماراتيه
• اســــتــــر اليــــ للخبراء ومحبي استراليا ــــــــا
• تأشيرات استراليا
• نداء فتى الشرقية وأصدقائي بالمنتدى
• طيران الامارات فى مطار برزبن
• اتمنى افادتي
• ارجوا المساعدة عن المطارات والطيران الداخلي ؟
• تنظيم رحله؟؟
• بداية رحلتي إلى نيوزلندا
• وسائل الانتقال من جولد كوست الى سدني هل معلومات
• المطعم الحلال في تقرير خاص

هلا وغلا فيك....انا بحاول اجاوب على الى اقدر عليه.....

بالنسبه لخط السير متعب جدا جدا وهذي وجهة نظر شخصية.... لان سفرتي كانت الرياض-دبي-سانغفور
سدني-قولد كوست-سانغفور-دبي-الرياض........

انا سكنت في سدني في منطقة السيركلن كوي(فندق الفور سيزون) كانت ممتاز ولكن موقع ستار ستي افضل
واقرب من الاماكن السياحية....

هذا الى قدرة اجاوبه واسمحلي على القصور

ماجد

هلا اخوي The_Dream
شكرا على ردك .. بس والله فاجأتني لما قلت لي ان خط السيرصعب جدا لاني احسه سهل وغير كذا السفره اصلا مو دايركت يعني لازم تتقسم فقلت بدال ما ننزل في بلد وحده في الروحه و الرجعه نجرب هونج كونج في الروحه و كوالالمبور في الرجعه ..لكن بما انك جربت فانت ادرى بالوضع .. على العموم مشكور و ما قصرت
و اتمنى من باقي الاعضاء يساعدوني اذا يقدرون

مشكووووووووووووووووووووووووور :107:

[align=center]مرحبا بالاخت Desert Rose

هذه اول مشاركه بالنسبه لي ايضا والصراحه الاعضاء ما قصروا ولهم الفضل بعد الله في ترتيب رحلتي الرائعه لاستراليا الصيف الماضي.

بالنسبه لفنادق سدني انا سكنت بفندق فور بوينت شيراتون و موقعه ممتاز في منطقه اسمها دارلينج هاربر Darling Harbour
وفي نفس المنطقه تقع فنادق ستار سيتي - نوفيتيل

الفنادق الثلاثه زينه من ناحية الفخامه وتصنيفها 4 نجوم ديلوكس يعني بين الـ 4 والـ 5 نجوم
يعيب فندق ستار سيتي انه فيه كازينو يعني ازعاج طول الليل
انا افضل فندق نوفوتيل لانه جديد و واجهته احلى على الهاربر والمدينه

ومثل ما قال الاخ The_Dream
الموقع رهيب وقريب من الاماكن السياحيه مثل الكواريوم Sydney Aquarium ومجمع Cockle Bay Wharf وفيه مطاعم ومقهي رايقه
وعندك سينما آي ماكس The IMAX Theatre أكبر شاشه سينما في استراليا
وغيرها من الاماكن السياحيه المشهوره

اتمنى اني افدتكم ولو بشي بسيط

مع تحياتي

فتى الشرقيه[/align][/align][/align]

ما ودك تمر نيوزلاندا ما دامك وصلت

اخوي العزيز.. فتى الشرقيه

شكرا لردك على تساؤلاتي والله ما قصرت كفيت و وفيت

انا شلت فندق شيراتون ان ذا بارك من بالي و بقى ستار سيتي و نوفيتيل و لما شفت كلامك و كلام الاعضاء و عملت مقارنه مع مواقع ثانيه شفت ان الكفه ترجح لصالح النوفتيل

كنت اتمنى احصل شقق فندقيه و فيها غساله للملابس و تكون راقيه و في الدارلنج هاربر بس للاسف ما حصلت شئ..اذا احد يعرف شئ حلو فاتمنى انه ما يبخل علي بالمساعده

تحياتي لك

هلا والله المايسترو

والله نيوزلاندا كانت بالبال بس كنسلناها لان الوالد عنده شغل في استراليا و الوقت ما يسمح باننا نزورها ،، لكن في مشروع فتح موضوع نيوزلاندا مره ثانيه خصوصا اننا شلنا هونج كونج من بالنا

شكرا على مرورك

اهلا بك ديزرت روس :106:
انا ايضا عضو جديد في هالمنتدى الرائع، وسبق وسافرت شهر عسل في استراليا، وانصحك ان تسكني في فندق فور بوينت شيراتون في سيدني الي على الدارلينق هاربور، وانصحك ايضا تخلي سيدني 4 ايام فقط والباقي تحطيه في قولد كوست لانها مدينه رائعة وما ينمل منها واذا كنتي مخططة تروحين للدريم وورلد وسي وورلد وموفي وورلد كل وحده يبغالها يوم كامل، وفيه الرحلات البريه والحريه كثيييير مره ويبغى لكل وحده نهار كامل تقريبا، عشان كذا حاولي تكثري الوقت الي بتجلسيه في قولد كوست عشان يمديك تنبسطي واما برسبن ما انصحك تطولي فيها اكثر من 3 ايام لانها ممله نوعا ما وفيها منطقة حلوه لا تفوتك في نص المدينه اسمها ويست بانك فيها جلسات ومقاهي حلوه وتطل على النهر الي مسط برسبن ،
في جولد كوست انا انصح بالسكن في فندق ليجندز فندق ممتاز ومطل على البحر من احد اركانه وغرفه مررره واسعه وفيه بلكونات حلوه،
اي مساعده ثانيه انا جاهز :115:

اخوي ......... قولد كوست

شكرا على المعلومات الي اعطيتني اياها و انا فعلا حاسه اني حطيت ايام اكثر من اللازم في سدني و برسبن بس عاد وش نسوي الحجوزات سويناها من زمان و ما بقى لنا الا حجز الفنادق و معرفة الاماكن السياحيه الي ما تتفوت

بس انا هالفتره مركزه على الفنادق لاننا لسه ما حجزنا

طبعا حطوا في بالكم اننا عائله كبيره ما شاء الله و مكونه من 7 اشخاص يعني ما ابغى فنادق حقت معاريس ... ابغى شئ يناسب العوائل الكبيره

احب اوضح لكم ان خط سيرنا تغير حطينا كوالامبور مكان هونج كونج لان الخطوط السعوديه ما توصل لهونج كونج و احنا لازم نروح على الخطوط السعوديه ..... بس والله ضاق خلقي كنت مأمله اشوف ديزني لاند حقت هونج كونج

شكرا اخوي قولد كوست على مرورك و ردك المفيد

و اتمنى من باقي الاعضاء يساعدوني اذا يقدرون

ياجماعه ايش الي يعيب شيرتون ذا بارك الي بسدني مع اني اشوفه حلو وراقي
http://www.spghoneymoons.com/locations/australia.html
وهذا رابط موقع الشرتون
بصراحه النوفتيل ماعجبني كثير والستار ستي غرفه مو شي مو راقي

والله احترت

اهلين اختي ana_3alea

مشكله شيراتون ان ذا بارك الموقع .... يعني يعتبر بعيد عن الدارلنج هاربر هذا الي انا فاهمته .... اذا عندك راي ثاني شاركينا فيه

Desert Rose هلا بك اختي والله انا ماراحت استراليا ولا اعرف الفنادق وقربها من المناطق السياحيه
بس الي قريت عنه وشفته بالموقع عن الفندق انه افضل من الستار ستي والنوفتيل من حيث الفخامه والغرف
هذا الي قصدته
ونحتاج مشوره من الخبراء وبصراحه بعد حياه رجنسي حلوو

سلااااااااااام
بالنسبه للفندق روعه و ممتاز زي ماقالت dezert rose بس اهم شي المكان، خذوها قاعده ياجماعة حاولوا تسكنوا في منطقة الدارلنق هاربور في سيدني وفي منطقة سيرفربرادايس في قولد كوست، لان الواحد اذا نزل من الفندق في الاماكن هذي بيشوف كل شي وبيمديه يوصل لكل شي اضافة الى ان مكانه روعه.
تحياتي