الصراحه ان سجلت علشان هذا الموضوع
اسوء طيران هو الطيران القطري سيء جداا
سوء بالتنظيم وسوء بالتعامل وسوء بالمطار وسوء بالاتصال
بس شاطرين يأخذون فلوس
انا بالنسبة لي سافرت على لامريكا بطيران القطرية (اول واخر مره بإذن الله)
انغريت يوم شفت الدعاية قالو ايش قالو خمس نجوم
المهم قصتي هي وانا راجع من امريكا تأخرت الطياره هناك ساعتين ما اعرف ليه لاني اول ما ركبت الطيارة نمت
ووصلت قبل اقلاع الطياره المتجهه للسعودية ب 25 دقيقه بس دخلت مره ثانيه تفتيش بالمطار وهذا اغرب شيء من جد العاده الترانزليت مافيه تفتيش ثاني المهم وشو نسوي وصلت البوابه باقي 15 دقيقه وقالت لي الموظفة ان الطياره راحت
قلت لها وشو بكيفكم قالت تأخرت وكتبت لي في البورد gate no show
طبعا بغيت اصفقها قالت رح كلم المكتب حق الترانسفير
يعني الطيران القوي والمعتمد واذا صارت فيه مشكله زي كذا يحاول يرضي العميل باي شكل
هذول انه يقول لي انا ما ادري لو ادري وقفت الطياره بس انت جيت متأخر واني انا المتسبب علما اني جيت بطيارتهم وقال لي ابي اعطيك الي في الساعه 1:05 وابي اساعدك ؟؟؟؟!!!
وشو تساعدني ترى دافع فلوس
صار لي نفس الموقف مع الاتحاد وانا راجع من لندن ووقفو الطياره الين جيت وقالو لنا بسرعه بس نبي نحط شنطكم وتمشون
وهذا يقول لي ابي اساعدك وراح احطك بالي في الساعه وحده يعني من الساعه 20:25 الين 1:05
لا ويبي يرضيني بعد عطاني عشا وربي الله يكرم النعمه بس سيييييييييييييييييئييين
طيران ثاني ومحترم كان عطاني عشا في خمس نجوم قلت له على الاقل عطني ادخل الصاله حقة التميز وربي كنت تعبان اصلا
قال ما فيه لك رحلة الساعه وحده وبس
عمركم شفتو طيران بهذا السوء ؟؟؟
وانا انصحك يا أختي انك ما تختارين هذا الطيران شوفي طيران ثاني احسن منه الاتحاد افضل بكثير يمكن اغلى شوي بس على الاقل ناس فاهمه
رد مع اقتباس
المشاركة الأصلية كتبت بواسطة القطري
المفضلات