الموضوع: مساعده لشهر عسل في استراليا

انا ناوي اسافر شهر العسل في شهر فبراير لاستراليــا وهذي اول مره ازورها فاحاب منكم المســاعده اذا تقدرون تساعدوني في ترتيب السفر وش ترشحون لي الاماكن السياحيه في استراليا.اتمنى لو احد يساعدني يسوي لي بكج من اماكن وفنادق واسواق ورحلات سياحيه مثل الحدايق او اجبال او البحر وطلعات او مطاعم وكوفي شوبات. تحياتي لكم

مواضيع عشوائيه ممكن تكون تعجبك اخترناها لك:

• جندباي مدينه الثلج
• انتهيت ولله الحمد من ترتيب جدول رحلتي وأبغى رايكم
• افضل خط طيران
• عاااااجل للتصويت بعدم منع الحجاب في استراليا
• أي خدمة أنا في سدني الآن
• ملابس الأطفال الماركات في جولد كوست
• سؤال
• استراليا غاليه ولا رخيصة ؟
• بسافر في اغسطس بالعائله شورتكم
• الفنادق
• ماهى افضل اماكن ومطاعم واسواق
• الى خبراء أستـــــــــــراليا؟؟
• أرجو المساعدة لمن يملك المعلومات
• المناطق السياحية في مدينة برزبن الاسترالية
• تقرير عن السياحة في استراليا واهم الاماكن السياحية فيها...لمحة عن التأشيرة السياحية
• سعودية في استراليا
• معلومات للمهاجر و تحديدا الى بيرث و ضواحيها
• استفسارات عن سيدني والمصاريف
• رحلة الرحالة لقارة الاحلام
• تعتقد كافي لسيدني ؟

اخي الكريم ...


اولا حياك الله بين اخوانك واخواتك في البوابة الاسترالية ... وانصحك بالقراءة في المنتدى وخصوصا التقارير المثبتة ... وعلى ضوئها ستتبلور الافكار لديك ... وبعدها اذا احتجت اي مساعدة لاتتردد في وضعها وابشر بسعدك ...


تحياتي ...

مبروك مقدما

بدخل في الموضوع مباشرة

انا توي جاي من استراليا شهر عسل


وبصراحة الاخوان هنا كانو رائعين في تعاونهم معاي

واستانست بشكل مو طبيعي في استراليا

انا قعدت 22 يوم بالتمام والكمال على طيران الاتحاد كانت البداية

خط السير

الرياض - ابوظبي - سيدني - جزيرة هاملتون - قولدكوست - سنغافورة - ابوظبي - الرياض


سيدني 5 ليال -- استمتعت كثير وكان ودي اني طولتها 7 ايام

هاملتون 5 ليال -- هالجزيرة بالذات غير طبيعية ولو اوصف لك الى بكرة ماراح اوفيها حقها

مدري ليه حبيتها بزيادة وشهر العسل فيها غير :24: انصحك بقووووة تروحلها

فيها نشاطات كثيرة وتقدر تسبح انت والمدام ولو تطلع بس تمشي فيها بيكون المشي متعة

قولد كوست 12 ليلة -- بصراحة هالمدينة حليوة بس مو على قد ماتوقعتها

يعني كثرت المدة فيها وهي احسها مدينة شباب اكثر من انها تكون لعرسان جدد

وكنت اتمنى اني خليتها بس 7 ليال كافية وزيادة .

سنغافورة - بصراحة بس قعدنا ترانزيت فيها لمدة ساعة ونصف وتحسفت بقوووة اني ماقعدت فيها عالاقل

3 ليال لانه بصراحة لو اقعد بس في المطار حقهم 3 ايام فهو متعة بحد ذاته واجواء تكون مختلفة عن

استراليا وفيها ميزة كبيرة لو قعدت فيها وهي انها بنصف المسافة بين برزبن وبين ابوظبي يعني سبع ساعات من استراليا

وسبع ساعات الى ابوظبي

طبعا في حال عجبك الجدول ممكن اعطيك الفنادق اللي انصح فيها

وبالتوفيق

المشاركة الأصلية كتبت بواسطة al3asheg1
http://www.arabtravelersforum.com/tr...9/#post2566209

المعذرة وآسف عالتأخير

بس انا ماادخل بصفة يومية لكن عموما

تبي شور اخوك

انت مجموع الليالي عندك 20 ليلة

6 ليالي سدني

5 ليالي هاملتون

6 ليالي قولدكوست

2 ليلة سنغافورة او اي ديرة تمر فيها خطوط الطيران حقتك وتكون بشرق آسيا

منها تريح لك شوي ومنها تشوف بلد ثاني وفيزتها تاخذها من المطار

بس اهم شي لاتصير مثلي تحمست على قولد كوست واخذت فيها بلحالها 11 ليلة


قولد كوست حلوة شباب وحلوة للي عندهم اطفال لكن شهر عسل اتوقع 6 ليال كافية وزيادة

وبالنسبة للجو هناك باكتوبر كان ربيعي ومائل للبرودة ببعض الايام

برودة حلوة لكن بالوقت اللي بتروحله بيكون الجو احلى


ومبروك مقدما



بالبدايه الله يبارك بعمرك


ثانياً هذا خط سير الرحله مادري وش رايكم فيه السؤال للجميع؟ " الرحله راح تكون على الخطوط الاتحاد"
سيدني3 ايام بعدها جزيرة هاملتون 5 ايام بعدها قولد كوست 7 ايام ومن ثم الرجوع لسيدني 4 ايام ومنها المغادره للبحرين والمكوث في البحرين يومين قبل الرجوع " السعوديه". سؤالي الاخيره وش الطيران اللي استخدمته "يالعاشق1" لتنقل من بين المدن المذكوره بحكم اني راح ازور الاماكن اللي انت قد زرتها تحياتي لك

المشاركة الأصلية كتبت بواسطة knight_11
http://www.arabtravelersforum.com/tr...8/#post2569208

بالبدايه الله يبارك بعمرك


ثانياً هذا خط سير الرحله مادري وش رايكم فيه السؤال للجميع؟ " الرحله راح تكون على الخطوط الاتحاد"
سيدني3 ايام بعدها جزيرة هاملتون 5 ايام بعدها قولد كوست 7 ايام ومن ثم الرجوع لسيدني 4 ايام ومنها المغادره للبحرين والمكوث في البحرين يومين قبل الرجوع " السعوديه". سؤالي الاخيره وش الطيران اللي استخدمته "يالعاشق1" لتنقل من بين المدن المذكوره بحكم اني راح ازور الاماكن اللي انت قد زرتها تحياتي لك



عزيزي انا بعد سافرت على طيران الاتحاد على الأفق

وكان اول مره اجربه وبصراحه كان راائع وماراح تندم عالاختيار

وخط السير كان

الرياض - ابوظبي - سيدني هذا عالاتحاد (تقعد في ابوظبي تقريبا 3 ساعات)

سيدني - هاملتون - برسبن ومنها على قولد قوست هذا الجت ستار JetStar

حلو جت ستار بس مشكلته مافيه دايركت من هاملتون لقولد كوست وانا انلعب علي بالتاكسي من مطار برسبن الى قولد كوست واخذ مني 250 دولار وهو سعره تقريبا 180 دولار

بس اللي حمسني للجت ستار عن الفيرجن بلو هو اوقات الرحلات عندهم جدا مناسبة بحيث انك توصل للمدينة اللي بتروحلها سواء هاملتون او برسبن بعد الساعة 2 ظهرا

لكن الخيار يرجع لك اخوي

وبعدين

برسبن - سنغافورة - ابوظبي ( تقعد بسنغافورة تقريبا ساعتين )

بس بصراحة المطار ماودك تطلع منه وعلى فكرة بتكمل لابوظبي بننفس الطيارة ويعطونك كروت للصالة التابعة لطيران الاتحاد في مطار سنغافورة بس انا عني مارحتلها وقعدت ادور بالمطار

وبعدين توصل لابوظبي الساعة 11 بالليل


نصيحة:

البحرين لاتحرص عليها خلها ويك إند دامها بس يومين واغتنم كل الايام باستراليا دامك ضارب كل هالمشوار وعلى فكرة انا رحت للبحرين قبل فترة واقل فندق 5 نجوم بتلاقيه بـ 1350 ريال

وبصراحة اشوف ان هاليومين الزايدين لو قعدت في سنغافورة بتكون ضربت عصفوين بحجر

الأول انك متوقف بسنغافورة موقف يعني مافيه تكلفة زايد هذا اولا (يعي برسبن سنغافورة 7 ساعات) وتقعد ترتاحلك يومين وبعدها سنغافورة - ابوظبي 7 ساعات كمان يعني بالتفصيل في النص

الثاني تشوف ديرة جديدة واحس ان حقها يومين بس لاني عن نفسي مااتوقع باخذ في يوم اجازة أسبوعين واضرب مشوار عشان اروح لسنغافورة وهي مساحتها صغيرة

بما إن وقت الرحله يوافق أشهر الصيف من رأيي تجمع ما بين

(صخب المدن و التسوق) استراليا

سيدني قولد كوست هاميلتون

(الطبيعه و الهدوء) و نيوزلاندا

أوكلاند كوينزتاون

بون فوياج

المشاركة الأصلية كتبت بواسطة THE IMMIGRANT
http://www.arabtravelersforum.com/tr...2/#post2573462

حبيب قلبي ...

اقصد الوصول يكون على مالبورن والعودة عن طريق سيدني ... الامارتية والكاثي باسيفك والماليزية توفر رحلات من كلا المدينتين ... ومو متاكد من طيران الاتحاد ...

واما من ناحية هل مالبورن تستاهل ولا لا ... انا شخصيا لا تستهويني مالبورن لاسيما وصخب المدينة فيها مقارب الى سيدني مع وجود بعض الاختلافات... ولكن هناك اعضاء يعشقونها ... ومازلت اكرر لو كنت مكانك لاضفت مدينة كوينز تاون النيوزلاندية بدلا من مالبورن ... ولكن عدد 5 ليالي في هاميلتون اعتقد انه كثير !!!!


تحياتي ...



اخوي THE IMMIGRANT مادري اذا ممكن ترتب لي خط السير من البحرين الى استراليا وش ابتدي فيه وانتهي منه(سيدني+جزيرة هاملتون+قولد كوست+ كوينز تاون النيوزلاندية) اذا ممكن اقرب مسافه بين استراليا و مدينة كوينز تاون النيوزلاندية وكم تستغرق من الوقت؟ مهم الوقت النسبه لي تحياتي لك