+ الرد على الموضوع
النتائج 1 إلى 8 من 8

الموضوع: مطلوب برنامج لاسبوع خبراء لبنان ساعدوني الله يجزاكم خير

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    مطلوب برنامج لاسبوع خبراء لبنان ساعدوني الله يجزاكم خير


    السلام عليكم ورحمة الله وبركاته
    اخوكم داخ وهو يقرأ بهالمواضيع ولاني ما اعرف بلبنان اي شي ولا اعرف الخريطه دخت مافهمت وش لون اسوي برنامج لرحله بعد يومبن يعني 30-1-2009 العصر بكون بلبنان تقريبا خمس الا
    وبرجع يوم 5-2-2009
    تكفوووون ابي برنامج سياحي يخليني ادعيلكم بالسفره وترا دعاء المسافر مستجاب :24:

    وابي تقولون لي ايهم احسن هولدي ان بالفردان ولا كراون بلازا بالحمراء من ناحية الاماكن اللي بزورها
    والخدمات قريبه ولا بعيده والسلدير ينفع لعوائل ولا كله شباب عشان اصرف الاهل واروح بروحي ولا اخذهم معاي هههههه
    ملاحظه : انا شخص اتبع التعليمات اي شي تكتبونه بسويه حتى لو قلتولي لازم تاكل وانت رافع يد ورجل ههههه يعني هلله هالله بالبرنامج بالتفصيل الممل
    :11ight:

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    هلا والله ..بالخوي انا اطير من الكويت 4 ..بنفس اليوم ..


    هوليدي ان احلى كمنظر ..
    والسولدير يصلح للعوايل عادي

    حبيبي شوف صعبه احد يحط لك جدول وتلتزم فيه لأن الرغبات تختلف ..من جدول سياحي الى جدول تسوق وجذي

    لكن شوف دامك العصر بتوصل ..خلك بيروت روح السولدير وتقهوى فيه عقب تمش على الكورنيش وشوف صخرة الروشه ..ولا جا الليل مر على مطعم البلد بالسولدير وادعيلي ..،،

    يوم الاحد طال عمرك روح صوب على متحف المشاهير بزوق مصبح وبنفس الطريق مر على مغارة جعيتا ..وارجع جونية اركب التلفيرك للجبل واستمتع بمنظر جونية من مقام السيدة حريصا ..عقب روح شارع المعاملتين بجونية وتغد بمنويلا ..وتمش عقب بجونية

    يوم الاحد نفس طريق جعيتا كمل وراح يوديك لمنطقة فاريا ..قمة التزلج واستمتع بالثلج خله من الضحى للعصر

    يوم الاثنين زيارة الشوف ..وهي تضم " مغارة كفر حيم وقصر موسى وبيت الدين "

    يوم الثلاثاء خلها شمالية ..اطلع على طرابلس ولاخلصت منها كمل على زغرتا ..وقبل زغرتا دش اسأل عن منطقة بخعون فيها قصر الاحلام خيالي ..


    الاربعاء زيارة صيدا وصور زيارة الجنوب ومطعم فضل شاكر بصيدا اسمه الحان ودش صيدا تشرى من ذيك القلوبات الحلوة والحلويات اللي يحبها قلبك


    بالتوفيق ان شاء الله مايقصورن وياك

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    الله يجزاكم خير اثنينكم على الرد
    ويا زين كلامك روعه وحلو احس اني صرت افهم وين اروح مع انها مغلمشه شوي
    بس شكلي بغير الفندق لانه فل حاجزينه قروبات اردنيه ومافي حجز نكبه
    شرايك في رمادا توني جاي من الديره تعرف مكاتب السفر الي ورا الكويتيه بدون ذكر اسماء لا يفصلونا من المنتدى
    مدحولي رمادا في السلدير بس واحد من الربع يقول لا مو حلو تحجز بالسلدير
    قلت استشيرك وياليت ترد على قبل الساعه اربع لان مافي وقت مثل ما انت عارف شكلي بغمض وبحجزه هههههه

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رجعت لك من جديد وشوية معلومات

    وسوؤال وبحث من يمين ويسار

    بعطيك معلومات عن كل فندق

    الكروان بلاز يقع بشارع الحمرا وفندق حلو وفخم لكن تكره عمرك من زحمه الحمرا ووهو شارع زحمه ولجه الصبح اكيد .،، قريب من الخدمات وفيه مطعم امريكي حلو اسمه رودستر لاصق بكراون بلاز وفيه مطعم ناندوز اللي اعرفه بالكويت امريكي اختصاص دجاج وشارع مزدحم وفيه محلات سوقه

    الهوليدي ان حلو وفيه مجمع داخل وقهاوي يعني مايأثر لو العرب بروحهم ينزلون ويروحون السوق لأنه تحت بالفندق وفيه قهاوي ومطاعم بالفندق ..ولاصق فيه مطعم ماكدنوالدز وقهوة بعد والمنطقة هادية وتصلح للعوائل ولافيها زحمه مثل الحمرا

    نصيحتي المتواضعه ..لك اخوي ترى مايبعدون من بعض 10 دقايق مر عليهم وادخل وشوف وان عجبك اخذه وريح بالك من النصايح والكلام ..،/

    بخصوص المجمعات ..اخوي عندك abc الاشرفية مجمع ..وعندك سيتي مول راح تحصله على طريق الدوره " اوستراد من بيروت الى جونية "


    الحين جا دور المطاعم " انا ذكرت لك تروح منطقة فاريا يوم الاحد للثلج وانت راد بالطريق نفس طريق الروحه بتحصل مطعم الادغال شكل ومضمون " اللي صور فيه راشد الماجد اغنية ويلي " ، مطعم Bay Rock بالروشه قدام ستار بكس ، بالسوليدير عندك مطعم البلد ، مطعم زمان السوليدر قريب من ساحة النجمة ، مقهى روتانا كافيه ، مطعم الجنه بفروعه بيت مري ، ولا الدامور ولا عالية ، مطعم منير بجبيل ، مطاعم برمانه بتعجبك وخصوصا للعشا لأن المنطقة تطل على بيروت من فوق

    وبالتوفيق واي شي تبيه لا تردد

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    طيب اي فندق جنب هولدي ان لانه مافي حجز عطني اي اسم بس يكون حلو

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    هلا اخوي اذا تبي بالفرادن وقريب من الهوليدي ان ديون عندك الشيراتون فوربوينت
    قريب حيل منه

    فندق شيراتون فور بيونت
    سيفتي بكس بالغرفة
    A.R.T و شوتايم
    مستوى النظافة 100%
    مستوى الخدمات 100%
    انترنت مجاني بالرسبشن
    انترنت مدفوع بالغرف بخيارين (بالساعة 3 دولار _ 24 ساعة 15 دولار )
    تمديد ساعة المغادرة الى 6 مساء
    للعائلات
    ( انصح فيه وبقووووة )


    وفي اي فندق في بيروت التعاملات المادية عند التشيك اوت ترغمك تراجع الفاتورة بدل المرة الف مرة واعتقد انها ميزة بكل فنادق بيروت بعد مراجعة الفاتورة انخصم منها وبدون مبالغة 176 دولار كانت مقابل خدمات غرفة وهمية

    رأي شخص مجرب للفندق

    http://www.booking.com/hotel/lb/four...18&aid=1329869

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    انا الصراحه ماعجبني زحمه على طول ....اذا تبين بنفس السعر واحلى منه بواااااااااااجد ..قريب حيل منه فندق لافاندوم تبعهم تبع نفس الشركة ....بس صج مو طبيعي ..

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    بصراحه انت قمه يازين ماشالله عليك شكلك دايم في بيروت

    فنادق عطلات


+ الرد على الموضوع

المواضيع المتشابهه

  1. بليييز خبراء امريكا ساعدوني الله يجزاكم الف خير امريكااااااا
    بواسطة Robot في المنتدى بوابة السفر الى امريكا الولايات المتحدة
    مشاركات: 23
    آخر مشاركة: 02-04-2015, 08:18 PM
  2. الله يجزاكم الجنة ساعدوني في برنامج شهر العسل
    بواسطة Robot في المنتدى اندونيسيا المسافرون العرب | تقارير الاماكن سياحيه استفسارات
    مشاركات: 3
    آخر مشاركة: 02-03-2015, 11:26 PM
  3. يا خبراء الله يجزاكم الف خير
    بواسطة Robot في المنتدى المسافرون العرب الفلبين Philippines بوابة السفر
    مشاركات: 4
    آخر مشاركة: 02-03-2015, 06:13 PM
  4. برنامج لاسبوع سياحي في مصر
    بواسطة Robot في المنتدى بوابة السفر إلى مصر Egypt
    مشاركات: 2
    آخر مشاركة: 01-30-2015, 09:10 PM
  5. الى خبراء سيرلانكا ساعدوني الله يجزاكم خير
    بواسطة Robot في المنتدى الهند المسافرون العرب و سيرلانكا دليلك السياحي
    مشاركات: 5
    آخر مشاركة: 01-15-2015, 07:18 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X