الموضوع: رحلتي الى ام الدنيالندن

السلام عليكم ورحمة الله وبركاته



صباح الخير/مساء الخير لجميع اعضاء وزوار منتدى العرب المسافرون


اود ان اشكر جميع الاعضاء اللي شاركوا بقسم المملكه المتحده لاني صراحه استفدت


فايده عظما من كتابتهم عن لندن وشرحهم لرحلاتهم الكافي والوافي


نبدا بسم الله


الرحله:

التاريخ:23/مارس/2009

المده:7 ايام

الفندق:حجز من الرياض عن طريق مكتب لمدة 7 ايام اسمه الكمبرلاند وكان ممتاز جدا بحكم قربه من الاوكسفورد ستريت

و الادجوار رود والهايد بارك والبيكاديلي بالباص 5 دقايق

واليوم 180 باوند مع الافطار غرفه مزدوجه


المواصلات: عن طريق الباص وانصح الجميع استخدامه لانه ممتع وارخص من التكاسي اللي بتاكلك اكل

ولها بطاقه ب13 باوند تستخدم الباص فيها على مدى 7 ايام


الخطوط: السعوديه وكان عليها تخفيض وخذيت التذكره ب1750 ريال

الرياض/جده/لندن

العوده;لندن/الرياض على طول


الاعضاء;شخصين انا وزميلي


ارجو ان ينال الموضوع على اعجابكم


والصور راح انزلها باذن الله في الحلقات القادمه

مواضيع عشوائيه ممكن تكون تعجبك اخترناها لك:

• بريميوم ايكونومي كلاس بريتيش ايرلاين
• مطلوب احداثيات بريطاينا
• شارع ريجينت شارع اكسفورد
• محبي لندن
• ما راح اتقصرون ولكم الأجر
• بلييييييييييييييز مساعدتكم يالنشامى ؟
• ممكن لو سمحتوا ؟
• عاجل و ضروووري .. التقديم على فيزة بريطانيا
• ما هي اماكن التسوق في هاودز و ويست فيلد و الاكسفورد
• ساعدوني ابي اسافر بريطانيا انا واسرتي
• ابحث عن مصور او مصورة للاطفال في اماكن خارجية بلندن
• كيف الاندرجراوند في لندن من ناحية الامان؟
• شقه او فندق في شهر اكتوبر قريب من الاكسفورد ستريت
• استفسار عاجل كيف أحجز لمسريحة لاين كينق بالانتر نت ؟
• استفسار عن مواقع محلات في لندن
• لندن بلاكبول
• فنادق جلاسكوووو
• اقتراحاتكم لفندق في لندن
• نوع فيزا الخادمة الى بريطانيا
• انا رايح لـ ايرلنداا و بعدين لندن عندي كم استفسار

وبعض الصور المتفرقه على اساس








من امام الفندق ويظهر البقاله اللي قروشناه كل شوي وحنا عنده العامل كان هندي






شارع الاكسفورد ليلا فقدتك والله






هوم ليس بس صراحه ماهم واجد








الهارودز من بعيد ويظهر العلم المصري




الباقي في الحلقات القادمة ان شاء الله

الحمد لله على السلامة
وفي انتظار تقريرك

ksa223


ياهلا والله وابشر بالتقرير

الحلقه الاولى


السلام عليكم ورحمة الله وبركاته



اسف على التاخير بسبب ظروف سفري للمنطقه الشرقيه



نبدا بسم الله:

اول ماوصلنا المطار صراحه كان الجو بارد مرررررررررررررررررررررره

وكان علي كنزه وحلعتها وعطيتها زميلي لانه يمرض من البرد بسرعه

واخوكم في الله هو اللي كلها

عموما كانت الاجراءات بسيطه جدا وماشفنا ولا رجل امن ولاتفتيش ولا حاجه

ماكان فيه الا البنات اللي على الكاونتر تسال وش عندك تقول سياحه

تقول تفضل بكل بساطه ولله الحمد



يوم جينا بنطلع من المطار وصلنا البوابه لقينا التكاسي واقفه وطلعنا مع واحد منهم


وخذ منا رزمة فلوس تقريبا 70 باوند الى ماربل ارش ماكنت ادري عن الباص اللي يطلع من المطار


وصلنا للفندق وكان في انتظارنا الاستقبال وكانت معاملتهم راقيه

وكملو الاوراق وعطونا البطاقات وصعدنا للغرفه
وكانت الساعه8 غرينيتش

ونووووووووووووووووووووووووم الى 2 غرينتش

وبعده نزلنا نتمشى بالاكسفورد والادجوار روود والهايد بارك


وياحلوها من تمشيه وكان ماعندي كاميرا قلت اروووح اشتري ليش لا


ورحت انا وخويي لمحل في الادجوار رود حق الكترونيات واللي يبيع ينقالي


المهم قعد يوريني الكاميرات لاكن اللي اختار خويي اللي هي سوني 10.1 بكسل


وصلنا للسعر قلنا له بكم قال ب750 وحنا اللي نظامنا بطحاء قعدنا نكاسره هع هع هع هع هع هع


وحنا نفاصله كنا نكلمه انقليزي جاء ابو بنقل جاب العيد

وقل لنا: بالعربي وين ياصديق اهنا في بطهاء انا بغيت اموت من الضحك عليه


قلت وش عرفك بالبطحاء شف القهر طلع كان يشتغل فيها هههههههههههههههههههههه


من البطحاء الى لندن الله يالدنيا المهم طلع نظامه نظام البطحاء وخلاها ب650ريال


وخذيناها ورحنا نتغدى في بيتزا هت اللي قدام المطعم وخذنا جبن على اساس


مافيه لحم ورحنا نريح شوي اهاااااااااااااااااااااااااااااااااااااااا


خوي قال انا تعبان شوي ابنام ساعه اوساعتين قلت ok


وخذت الكاميرا ورحت اتمشى بالاكسفورد والشوارع اللي حوله وخذيت لكم كم صوره








مجسم موجود باللوبي








الاكسفورد بالليل ياسلاااااااااااااااام





الناس بالاكسفورد رايحه جايه









الادجوار روود وانواع الارقيلات اللي عليه








مقهى مغربي على الادجوار رووود








محلات خضار اظن اصحابها ايرانيين


ترقبوا الحلقه القادمه الهارودز ومعرض الرسومات المدهش

عيد 824

ياهلا والله


وابشر بالصور

وكل عام وانت بمليون خير

تقرير رائع الله يعطيك العافية بانتظار باقي التقرير وياليت لو في صورة للغرفة ودي اشوف حجمها شكرا مرة اخرى

الله يعطيك العافية
في انتظار البقية

ننتظر البقية


:101:



اختك

التقرير شدني من بدايته والصور وااايد جميلة ....بالانتظار

شكرا لكم

ولكن اين البقيه

تقرير حلو ومرتب بانتظار البقيه

ما شاء الله تقريرك رائع يالغلا، وفي إنتظار التكملة.

دمت بود.

يالله اخوي كمل عاد انا غرامي هارودز ودي افرش عندهم وانام هناك خخخخخخخخخخخ

السلام عليكم ورحمة الله وبركاته

انا اسف جدا جدا عن التاخير اللي حصل وهو الانشغال بالدوام والتعب اللي يجي منه

لاكن لعيونكم نكمل

الحلقة الثانيه


كالعادة صحينا الصباح الساعه 7 جرينتش طبعا محدثكم اول من يقوم واصحي خويي

نلبس ونصلي الفجروالله ياقومت الصبح اشيل همها من البرد اللي نواجهه اللي يسمونه ربيع عندهم


واللي يقهرك اغلب البنات الانجليزيات لابسه تنوره قصيره وهيلا هوب على اساس انها مغطيه رجليها والمشكله

شفاف (شينة وقوية عين) لعنبوها هذي كيف تتحمل البرد وبصراحه الشعب الانجليزي غير جميل العرب احلى بوااااجد


عموما وحنا نفطر انا مطيح على الكورن فليكس مع حليب بارد وفواكه مقشره وجاهزه بس تعال كل

وياحبهم للحم عالفطور مورتديلا ولحوم ثانيه شوفتها تضيق الصدر وتوجع البطن ~~~هع هع هع هع


بعد الفطور على طول عالرسبشن نسالهم عن الاشياء اللي نقدر نزورها في الصباح

اعطانا المتحف البريطاني وذا تاور اوف لندن والهارودز


قررنا نروح للهارودز اللي نسمع عنه وحنا في السعوديه ان فيه اغلى الماركات في العالم


طلعنا برا الفندق وامتطين صهوة الباص الاحمر ابو دورين اللي اشوف انه اسرع وارخص وامتع واسهل وسيلة مواصلات

في لندن بس تحتاج خريطة للندن لاجل تعرف الاماكن السياحيه باي منطقه وكم رقم الباص


اللي يروح للمكان اللي تبي المهم وصلنا للهارودز

اهاااااااااااااااااا تشوف من بعيد تقول عماره سكنية كبيره وقديمه بس القرانيت الاصفر مطلع


شكله جديد شوي والا العماره شكلها موجوده من سنة السبلة----مسوي شايب


المهم خشينا ونلقا المكان مزحوم عالم وناس اللي يشوفهم يقول الهارودز يوزع ببلاش-------ايه هين يسوونها


المهم بغينا نطلع لاكن خويي مسكة معه الا يشتري سترة شتويه ياورع اقعد ماينفع معه------مسوي ابوه هع هع هع هع


قعدنا نلف ونلف لما لقينا الماركه اسمها ذا نورث فيس ويفكله ستره ب450 ريال


بالنسبه للي جاي للندن معه المدام عطها اي تصريفه قلها الهارودز افلس سكروه البلديه اي شي


لانك اذا زرته صدقني بتشتري اشياء ماجت على البال ولا عالخاطر وبتطفرك المدام

بعض الاخوان والاخوات مايدري وش الهارودز ماهو محل الهارودز سوق من اربع ادوار الدور الواحد تطرد فيه الخيل


وتضيع فيه زي السلام عليكم وفيه موظفين موجود ين خصيصا على شان يدللك للاماكن اللي تبيها


وانحشنا من الهارودز بعد اللي شرينا على اقرب باص نتمشى فيه بلندن


بعد التمشيه نزلنا بالادجوار روود (شارع العرب)

وتغدينا مشاوي يحبها قلبكم في مطعم عربي بعد الغداء رحنا على رجولنا للفندق بحكم قربه


وصلينا الظهر والعصر واخذنا قيلوله صغيرونه

صحينا على الساعه 4 العصر وتقهوينا في كوفي تحت الفندف مشهور بس نسيت اسمه

رحنا انتمشى بالهايد بارك اللي بوابتها على طول في وجه الفندق اللي ساكنين فيه

جاء الليل قلنا وين نروح وش رايكم وين نروح ؟





صح عليكم السينما ونختار فيلم لوحده اسمها الظاهر انيستون لان صور فيلمها في كل مكان قلنا بس هو اطلق شي


وطلعت القصه عن كلبهم اللي مدري وش صار فيه الى الحين

لاني في نص الفيلم صكيتها نومه وماصحيت الا على شارة النهايه يصحيني خويي يقول انت منت كفو سينما


والله ياجو السينما نوووووووووووووووم مطفين اللمبات هدوء المكان دافي بعد النومه طلعنا خويي راح ينام

وان رحت للادجوار رووود لقيت واحد قطري وتكيت انا وياه على الكوفي سوالف وتعارف من سكان الدوحه

بعدها رحت للفندق ونومه.


موعدنا مع الحلقه القادمه وابحاول انزل صور باذن الله.

وش دعوى ولا رد ماكتبنا الا لفايدتكم ترى

بانتظار التكملة ~