المشاركة الأصلية كتبت بواسطة alhana.kullah
http://www.arabtravelersforum.com/tr...3/#post4148913
[size[CENTER]="3"]
وعليكم السلام ورحمة الله وبركاته
حيا الله ولد بلادي .... الخيماوي
الله يسلمك انا من مدة رادة من جوانزو وسكنت في فندق دونج فانج الفندق حلو وايد وفيه حديقة حلوة وهو من فئة الخمس نجوم والغرفة مافيها لاب توب .....يعني النت بفلوس
وبعد
ماعداله مطعم ...وانته بتكون صايم .. يعني بيكون تعب عليك وبعد فيه عيب ان العرب نادر ما يسكنون فيه يعني مب حلو حق رمضان
بس تقدر تسكن في فندق new mainland
الشهير عند اهل التكاسي بشندادي هوتيل فندق اربع نجوم ... وبعد هذا سكنت فيه وكل التجار العرب والمسلمين يسكنون فيه 
تدري ما بتحس بالغربة ... صحيح انه مستهلك شوي بس الامن فيه عالي جدا جدا وتعامل الموظفين جدا راقي ........ لا وبعد
في كل غرفة كمبيوتر ونت مجاني يعني (كل يوم كنت ادخل المنتدى وادور ارقام المطاعم واتصل عليهم ... وبعد اقرا التقارير واستفيد منها يهني بيواحيلك تقرا تقرير هداوة والباجين عشان تتشرا عدل وما يقصون عليك )
والحلو ان عداله مطعم شنجاني مسلم ... اكله حلو ... تقول طبيخ بيت .. وجدامه بياعين متجولين يبيعون الفواكة الطازجة
بس لاتشتري من المحل اللي على يسار الفندق لان فاكهته جديمة وغالي بعد
هيه وتقدر تتصل في المطاعم يوصلون لك لين الفندق
مطعم البيت الشامي ت/ 83553012-83553091
اكلة جيد - الكبة المقلية لذيذة ويوصل للفندق
مطعم ومخبز سبأ
ت / 83568786
مطعم البسبور ت/ 83563578 ........ اكلة كلة روووووعة بصراحة احلى اكل كلته في الصين وعقبه ايي مطعم السلطان
لحظة .... لحظة
في فندق Bicheng hotel سعرة وايد حلو ورخيص اربع نجوم - غرفة كبيرة وواسعة.... اطلب الطابق الرابع او السادس لانه
مجددينه مقابلنه مطعم الباشا اردني بس تعبر جسر المشاة وتمشي شوي توصله .....وممكن تتصل على المطاعم وييبونلك
بس احجز من النت ارخص لهذا الفندق
[b]
[color="purple"]اما فندق شندادي فنفس السعر من النت او حتى لو ما حجزت وسرت على طول هناك نفس السعر
اتمنى اني افدتك
وسفرة موفقه ... في حفظ الله واي استفسار انا حاضرة 
الله يسامحك يا أخوي يا ريت ردك كان قبل ساعة
كان ماحجزت على فندق الدونج فانج لليلتين ب 148 دولار 
يزاك الله خير على المعلومة الطيبة وارقام المطاعم بس يا ريت تفيدني عن مترجم انته تعاملت معاه؟ وأسعاره؟ ومكتب الشحن البحري لاني ريح لمواد بناء وتأثيث فما رأيد أتوهق
[/CENTER]
وقرأة وايد من تقارير الاخوان جزاهم الله خير على معلوماتهم الي في الموقع من الاسعار والاسواق واستفد والحمد لله بس عندي كم سؤال للاخوان
أتمنى احد يفيدني من الاخوان الاماراتين الي شحنوا عن طريق البحر كم كانت الاسعار ؟وكيف الطريقة من جوانزو الى الامارات؟ وهل الى دبي وأبوظبي فقط مع العلم بأني من رأس الخيمة وايش الطريقة مع المكتب؟ واتمنى أحد يدلني على مكتب جيد ومجرب ويفكني من هذه المشكلة ؟ مع العلم قمت بالاتصال بالمترجم الاخ يوسف الصيني الي بعض الاخوان ذكروه في تقاريرهم فياريت أحد من الاخوان الامارتين أو غيرهم يفيدون بهذا الامر...
رد مع اقتباس
المشاركة الأصلية كتبت بواسطة الساهر 30
ذكرتني بالذي مضى ..... 
المفضلات