ساعدوووني بسفرتي

**alifun** · 01-20-2015, 11:33 PM

السلااام

ياجماعه انا ودي اسافر على ايطاليا بشعر اغسطس

ايش تنصحوني و ايش اجمل المناطق اللي تنصحوني ازورها بايطاليا

وكيف يكون الطقس عندهم هناك بشهر اغسطس ؟؟

ومتى تبدء اجازه الايطالين ؟؟

وهل اتوجه بالاول الى ايطاليا ثم انتقل الى سويسرا او النمسا

او اتوجه بالاول الى ايطاليا ثم سويسرا

وايش اجمل المناطق بسويسرا والنمسا اللي تنصحوني ازورها بسفرتيييي

افيدووووني :114:

مواضيع عشوائيه ممكن تكون تعجبك اخترناها لك:

**ahmedali** · 01-20-2015, 11:33 PM

و عليكم السلام و رحمة الله و بركاته

اخوي اختيار المدن و الاماكن حسب اللي يحبه الشخص نفسه

اصعب شي ان الواحد يرتب لشخص ثاني رحلة وهو ما يعرف وش اللي يحبه وش اللي يكرهه

عموما

اجازة الايطاليين من 15 اوقست الى 15 سبتمبر .. لكن مو كل المحلات تقفل يقال ان المحلات الصغيرة تقفل بس الكبيرة لا

اذا نيتك تسوق .. انصحك تبدأ الرحلة بسويسرا او النمسا وتنهيها بايطاليا لانها اكثر اسواق والخيارات فيها اكثر فعشان ما تثقل على نفسك بالعفش اثناء التنقل

الجو بشهر 8 بايطاليا حار جدا مقارنه بالنمسا و سويسرا فاذا كنت ما تبي الجو الحار تخلي ايامك اقلها في ايطاليا والاكثر في سويسرا او النمسا

اذا حاب تبدأ بسويسرا

جنيف - لوزان - منترو - انترلاكن - لوقانو

اذا حاب تبدأ بالنمسا

فيينا - سالزبيرغ - زيلامسي

وفيه غيرهم كثير ممكن يفيدونك في البوابة السويسرية والنمساويه

لكن بالأول خذ لك جوله على التقايرير والمواضيع واختار المدن الي تعجبك واللي ترتاح لها وعلى اساسها رتب الخطه

شي ثاني الفيزا تحتاج 3 اسابيع تقريبا عشان تطلع فلازم تقدم عليها اللحين

شي ثالث اذا ماكنت حاجز طيران احجز اللحين لانه صعب

واخيرا .. فيه قسم خاص للاستفسارات بالبوابة يُفضل انك تكتب استفسارك هناك

رحلة سعيدة و موفقه ان شاءالله

**ahmedali** · 01-20-2015, 11:33 PM

اخي الكريم حسب علمي انه لابد ان تمر اولا على البلد الذي اصدرت لك تأشيرة الشنغن قبل ان تنطلق الى دولة اوربية اخرى بمعنى لو كانت تأشيرتك صدرت من سفارة ايطاليا لابد ان يكون سفرك اولا من ايطاليا

بالنسبة لبرنامج الرحلة يعتمد على ميزانيتك واستعدادك للتنقل إضافة الى خط سير الطيران لأنك قد تبدأ رحلتك من ايطاليا وتنتهي في النمسا وسفرك كان على الخطوط السعودية هنا لامشكلة لأن للخطوط طيران على ايطاليا والنمسا واذا سافرت على طيران الاتحاد لابد ان تعود الى ميلان لأنه لايوجد للاتحاد محطة على النمسا وهكذا
ايطاليا بلد تستحق فعلا الزيارة قضيت انا بها اكثر من ( 18 ) يوم ولم امل منها ولم اعد سوى فجر اليوم وتنقلت بين ميلان كومو فيرونا فينسيا فلورنس بيزا روما ميلان لوغانو ولا اعتقد ان الوقت كان يسمح بزيارة دولة اوربية اخرى
الأماكن السياحية في ايطاليا عديدة وتقارير الاخوان المنشورة ببوابة ايطاليا تغطي ما ذكر