الموضوع: الرحلة الأوروبية نقل حي ومباشر

السلام عليكم جميعا وتحياتي لجميع الأعضاء

أخوكم هالحين متسدح بفينيسيا واللي يبي خدمة أنا حاضر:surf.

وصلنا يوم الأحد اللي فات الى روما وسكنا بفندق Ambasciatori Palace والفندق جيدجدا وموقعه على شارع Via Veneto وتعامل الفندق جدا راقي :24: واستلمنا الغرفة حول عشر ونص الصباح بدون أي مشاكل وكان سعر الفندق 213 يورو لشخصين وطفل مع الفطور لكن الفطور وسسسسسسسسسسسسسسسسسع صدرك ولو فاتك لا يضيق صدرك:112:.

وبعدها رحنا الى فلورنس وسكنا بفندق Grand Baglioni Hotel Florence والفندق قريب جدا من محطة القطار الرئيسية (خمس دقابق مشي) وفي نفق من داخل المحطة يطلعك عند الفندق والفندق جيد وتعاملهم جيد وغرفه جيدة وسعر الغرفة لشخصين وطفل مع الفطور 151 يورو.

والان حنا بفينيسيا وسكنا بفندق Concordia وسعر الغرفة لشخصين وطفل مع الفطور 190 يورو والفندق غرفه صغيرة وعادية لكن موقعه رائعععععععععععععععععععععععععععععععععع جدا :24: يعني Grand Canal دقيقتين مشي وساحة San Marco تحت الفندق يعني دقيقة مشي.


واللي يحتاج أي خدمة أنا حاضر وطالع يوم 19 يوليو الى ميلانو وبعدها انترلاكن، جنيف، باريس وأخير روما ان شاء الله.


أطيب تحياتي

أبو ضي

مواضيع عشوائيه ممكن تكون تعجبك اخترناها لك:

• عاجل بخصوص فينيسيا
• ممكن رأيكم في هذا الفندق
• الذهاب من ميلان الى لوغانو
• النجدة ترتيب الرحلة
• ايطاليا شهر فبراير ارجو المساعده
• الله يسعدكم محتاجه مساعدتكم ضروري
• لذوي الاهتمامات العلميه
• محتاره بين اوتيلين بروما وابي فزعتكم
• أول مرة الى ايطاليا ... احتاج مساعدة
• أرجو المساعده من أهل الخبره فندق مناسب لشهر العسل في فينيس ؟؟
• سؤال لاخي الهلالي
• شقق فندقية في فينيسيا ميلانو
• إستفسار عن برنامج لإيطاليا
• اريد المساعده في حجز القطارات
• متى سوف تفتح السفارة الايطالية باب حجز المواعيد؟
• سوال عن التامين الصحي
• استفسار عن ايطاليا في شهر محرم وعن الخطوط السعودية
• الاخوان اللي عندهم خبرة في ميلانو انا رايح احضر مباراة
• الأخ والأخت المتــــسكـعة شرايكم بجدولي لرحلة ميلان؟
• طلب مساعده لمسافر جديد لايطاليا

رحله سعيده ان شاء الله

المشاركة الأصلية كتبت بواسطة mzoon
http://www.arabtravelersforum.com/tr...9/#post2174839

رحله سعيده ان شاء الله





شكرا جزيلا أختي والله يعطيك العافية

المشاركة الأصلية كتبت بواسطة taki
http://www.arabtravelersforum.com/tr...1/#post2175021

و عليكم السلام و رحمة الله و بركاته

رحله سعيده ان شاءالله

كيف الجو في فينيسا ؟



والله احمالا الجوهنا حلو حدا واليوم كان في مطر بس الجو رائع

المشاركة الأصلية كتبت بواسطة خزامى الثلج
http://www.arabtravelersforum.com/tr...7/#post2175497

كيف الجو العام في ايطاليا

العظمى كم توصل ؟؟

والصغرى

وموفقين ونتمنى لكم رحله سعيده



الجو بفينيسيا أفضل يعني بالليل الجو بارد حول 14 وبالنهار يمكن حول 25 او 27 بالنسبة لروما الجو يمكن أكثر حرارة شوي لكن لطيف وفلورنس حول روما وبشكل عام العظمى بحدود 25 الى 28 والصغرى 15 الى 18 الله يذكر جو الرياض بالخير :109:

اول شي الله يهنيكم يارب

كيف انطباعك عن فلورانس حلوه وفيها اسواق ورخيصه والا لا؟

والخدمه اللي انا ابيها وبتفرج علي باذن الله ان جاوبتني


ودي اسأل عن اسعار النظارات الشمسيه بايطاليه كيف اسعارها ؟ارخص من هنا ولا لا؟

ابي تشوف لي فيرغامو وفندي وديور وشانيل وفوغ؟

طبعا الكوليكشن الجديد

هنا الاسعار كل مالها بازدياد بصراحه وانا قد سمعت ان النظارات بايطاليا حلو سعرها


فاذا الخبر صحيح ماراح اشتري من الرياض واذا رحت لايطاليا باشتريها من هناك...واذا


الاسعار مثلنا والا اغلى باشتريها من هنا؟

بانتظارك

المشاركة الأصلية كتبت بواسطة *ستار*
http://www.arabtravelersforum.com/tr...1/#post2177511

اول شي الله يهنيكم يارب

كيف انطباعك عن فلورانس حلوه وفيها اسواق ورخيصه والا لا؟

والخدمه اللي انا ابيها وبتفرج علي باذن الله ان جاوبتني


ودي اسأل عن اسعار النظارات الشمسيه بايطاليه كيف اسعارها ؟ارخص من هنا ولا لا؟

ابي تشوف لي فيرغامو وفندي وديور وشانيل وفوغ؟

طبعا الكوليكشن الجديد

هنا الاسعار كل مالها بازدياد بصراحه وانا قد سمعت ان النظارات بايطاليا حلو سعرها


فاذا الخبر صحيح ماراح اشتري من الرياض واذا رحت لايطاليا باشتريها من هناك...واذا


الاسعار مثلنا والا اغلى باشتريها من هنا؟

بانتظارك



الله يجزاك خير ويهنيك بحياتك.
فلورنس حلوة وهادية وتستاهل الزيارة وأظن يومين يكفيها وبالنسبة للأسواق بصراحة مارحت هناك لأسواق فما عندي فكرة واضحة.

أما النظارات الشمسية فأسعارها تتراوح، انا الان بميلان واليوم زوجتي اشترت نظارات نسائية من جوتشي والمجموعة الجديدة من شارع Montenapoleone من محل جوتشي نفسه والأسعار من 200 يورو أما بالنسبة لديور فأسعاره تبدأ من حول 180 يورو وتوصل الى 600 يورو. أبحاول بكرة أجيب بعض الأسعار عن باقي الماركات اذا أتيحت فرصة.

أطيب تحياتي

أبو ضي

رحله سعيده .. و بالتوفيق

كلمنا اكثر عن ميلان .. حاجزه فيها 6 ايام .. بس الاراء في المنتدى تقول تكفيها 3 ايام


شرايك اخوي .. كلمنا عنها اكثر

السلام عليكم جميعا

السوم هو اخر يوم بميلانو وعندي بعض النقاط اللي أحب ان أشاركها معاكم.
1- اجمالا جميع المحلات عندهم تخفيضات تترواح من 20% الى 70% ما عدا البضاعة الجديدة
2- منطقة الدومو والشوارع المحيطة فيها هي الأنسب للتسوق للي يرغب شراء ماركات عالمية
3- شارع بوينس ايرس مناسب للي يبحث عن بضائع جيدة بأسعار معقولة لكن ليست ماركات عالمية
4- الحرص وكل الحرص من السرقة، اليوم الظهر نازل انا وزوجتي وبنتي في محطة المترو اللي بنص الدومو وثلاث أشخاص مع الأسف أظنهم من المغرب حاولوا يسروقوني جهارا نهارا على السلم الكهربائي وبشكل احترافي، اثنين كانوا قدامي وواحد كان خلفي، الأول تظاهر ان تذكرته طاحت على السلام والثاني اللي أمامي مباشرة تظاهر انه كان بيطيح واللي خلفي مد يده على جيوبي لكن الله سلم وانتبهت ومسكت جيوبي بقوة وقدرت أتعامل مع الموقف. لكن تحذير للجميع ولو بتستخدم المترو لا تنزل اخر واحد وخلك على طول وسط الناس ولا تستخدم المترو في أوقات متأخرة.
5- سكنت في فندق بيرنا Berna والفندق جيد وغرفه جيده غرقه سوبيريور 123 يورو مع الفطار والميني بار كل اللي فيه مجاني مع امكانية بوفيه مصغر مجاني من 4 العصر اللى 12 باللليل. والفندق قريب من محطة القطار وبالمترو أربع توقفات وانت في الدومو لكن مع الأسف الشارع اخر الليل يصير فيه " مثل المنطقة الحمرا بجنبف" يعني بنات الشوارع أو بنات الهوى بشكل علني وللأسف بعضهم من جنسيات عربية.

مع تحياتي للجميع

أبو ضي

المشاركة الأصلية كتبت بواسطة Exciter
http://www.arabtravelersforum.com/tr...5/#post2174540

السلام عليكم جميعا وتحياتي لجميع الأعضاء


والان حنا بفينيسيا وسكنا بفندق Concordia وسعر الغرفة لشخصين وطفل مع الفطور 190 يورو والفندق غرفه صغيرة وعادية لكن موقعه رائعععععععععععععععععععععععععععععععععع جدا



لسلام عليكم رحله سعيده ان شاءالله

خساره وصلت متأخر كان بودي اسالك عن مواقف السيارات بفينيس

وين مكانه!!!!

وعلى فكره ناوي ان شاءالله احجز نفس الفندقك

ب173يورو عن طريق بوكنك

هلا ستار .. قمت اوسوس عن سالفة السرقات مثلج !!

وعن سالفة الـ 6 ايام قلت لزوجي انها كثير بس قال خلااااااااص كفايه تنقلات

وحجز الـ 6 ايام الباقيه كلها ميلان ..

مدري شلون اضبط جدولي هناك !!

على فكره انا الحين في مطار الدوحه ننتظر وقت صعودنا للطائره للاقلاع الى ميونخ

المشاركة الأصلية كتبت بواسطة *ستار*
http://www.arabtravelersforum.com/tr...5/#post2184915

مشكور ياابو ضي جزاك الله كل خير

ماشفت لنا اسعار النظارات اليوم ؟؟

ذكرت ان الجديد ماعليه تخفيض تقصد البضاعه الشتويه والا صيفيه؟

بالنسبه للسرقه بصراحه مخوفني هاالموضوع واحد قريبتي انسرقت كل فلوسهم
وبطاقاتهم؟؟
وواحده تقول ماانسرقت الا بميلان من خلال الفيزا واحده من الموظفات باحد المحلات
سددت التزاماتها بفيزتها !!
يعني وش يسوي الواحد الفيزا تخوف والكاش يخوف بصراحه قهر يعني الواحد يصير
على اعصابه 24 ساعه؟
طيب رحت للأوت لت ولا لا؟
سيرفالي يمدحونه اذا تقدر تروح له والا رح للفوكس تاون اللي بلوقانو برضه يمدحونه


عاد علمنا عن انترلاكن حاجزين فيها 5 ايام وفيه ناس قالوا لنا كثيره عليها بتطفشون !!

كاس عسل ليش خليتوا ميلان 6 ايام اتوقع مره كثير عليها خليها 3 ايام افضل وروحوا
لفلورانس والا فينيسيا والا كلهم بالثلاث ايام الباقيه...




والله مع الأسف ما قدرت أشوف الأسعار. لكن على أي حال التخفيض على الملابس الصيفية لأن أغلب اللي نازل خريف وشتاء 2008. والسرقات والله مشكلة وتكلمت مع عدة أشخاص بميلانو وقالوا عااااااااااااااااااادي جدا. وما رحت لمحلات الأوت لت وفوكس تاون لأني سألت وقالوا كل اللي عندهم قديم حق موسمين أو ثلاثة مضت.

أنا الان بانترلاكن والجو بااااااااااااااااااااااااااااااااااااااااااااااااا ااااااارد جدا والمكان حلو جدااا.


أطيب تحياتي

أبو ضي

المشاركة الأصلية كتبت بواسطة *ستار*
http://www.arabtravelersforum.com/tr...1/#post2193821

ابو ضي كيف بارد الجو؟

يعني وش تلبسون ناخذ شتوي والا ربيعي والا الصيفي يمشي؟



هلا ستار

شوف حبيبي انترلاكن كانت باردة جدا رحنا ما كان معانا أي شي شتوي ورحنا تقضينا ملابس شتوية من جديد. بالنهار الجو بارد بس الى حد ما يطاق لكن بالليل وفي الأماكن اللي يكون فيها ظل يصير الجو بارد.

أطيب التحيات

أبو ضي

السلام عليكم جميعا

أعتذر للجميع لعدم تمكني من التواصل خلال الفترة الماضية.

أحبتي عندي العديد والعديد من الصور الرائعة عن المناطق اللي زرتها وودي أنزلها بالموضوع لكن مع الأسف ما أدري وشلون أنزلها. اللي يعرف لا يبخل علي الله يعافيكم.

واليوم وصلنا روما من باريس ويوم الأحد راجعين الرياض ان شاء الله. واللي يحتاج أي معلومة أنا بالخدمة.

أطيب تحياتي

أبو ضي

حبيت اسال تنقلاتكم من القطار او السياره .. ؟

وش احسن وسيله بالنسبه للعائله ؟

وشكراا على التقرير .

المشاركة الأصلية كتبت بواسطة Exciter
http://www.arabtravelersforum.com/tr...6/#post2220626

السلام عليكم جميعا

أعتذر للجميع لعدم تمكني من التواصل خلال الفترة الماضية.

أحبتي عندي العديد والعديد من الصور الرائعة عن المناطق اللي زرتها وودي أنزلها بالموضوع لكن مع الأسف ما أدري وشلون أنزلها. اللي يعرف لا يبخل علي الله يعافيكم.

واليوم وصلنا روما من باريس ويوم الأحد راجعين الرياض ان شاء الله. واللي يحتاج أي معلومة أنا بالخدمة.

أطيب تحياتي

أبو ضي




تفضل اخوي هذا الموضوع راح يفيدك

http://www.arabtravelersforum.com/travel124283/

المشاركة الأصلية كتبت بواسطة miss mimi
http://www.arabtravelersforum.com/tr...2/#post2220772

حبيت اسال تنقلاتكم من القطار او السياره .. ؟

وش احسن وسيله بالنسبه للعائله ؟

وشكراا على التقرير .



والله يااختي التنقلات كانت كنت كلها بالقطارات

روما-فلورنس
فلورنس-بيزا-فلورنس
فلورنس-فينيسيا
فينيسيا-ميلانو
ميلانو-انترلاكن (سويسرا) والحجز لهم كلهم درجة ثانية

انترلاكن-جنيف
جنيف-باريس (والحجز لهم كلهم درجة أولى)

باريس-جنيف (طيران اقتصادي اسمة Vueling Airlines والصراحة كان مريح جدا وسعر التذكرة 110 يورو على الشخص بينما الخطوط الثاتية مثل الايطالية والفرنسية حوالي 350-400 يورو على الشخص

وبشكل عام كانت القطارات مريحة وكنا ثلاثة( انا زوزجتي وبنتي عمرها اربع سنين ونص الله يحفظهم).

بالنسبة للعائلة يعتمد اذا العدد كثير الأفضل الباص أو السيارة لأن الشناط بتطلع عيونكم بالقطارات وبصراحة ما شفت عوائل كبيرة بالقطارات ثلاثة أو أربعة بالكثير. ومة ناحية ثانثة السيارة بتكون أفضل في عملية التنقلات وأرحم من التكاسي.

بشكل عام القطارات والطيارة كلفت حوالي 1200 يورو وأظن لو الواحد يزود عليها شوي يقدر يستأجر سيارة. المرة الجاية ناوي استأجر سيارة ان شاء الله.

تحياتي

أبو ضي

المشاركة الأصلية كتبت بواسطة ~ كاس عسل ~
http://www.arabtravelersforum.com/tr...5/#post2220785

تفضل اخوي هذا الموضوع راح يفيدك

http://www.arabtravelersforum.com/travel124283/




جراتسي سنيوري :24:

رحلة سعيدة وموفقة
وبالسلامة ان شاء الله

المشاركة الأصلية كتبت بواسطة akr
http://www.arabtravelersforum.com/tr...5/#post2222165

رحلة سعيدة وموفقة
وبالسلامة ان شاء الله




الله يسعدك ويسلمك

أبو ضي

مرحبا اخوي exciter
ممكن اذا ما فيها ازعاج تجاوبني على استفساري
انت نصحت في احد ردودك في موضوع احد الاعضاء ان يحجز عن طريق هذا الموقع Compare Hotel Prices from Top Hotel Reservation Sites
وانا دخلته والصراحه اسعاره وايد اوكي بالمقارنه مع اسعار السفريات اللي حجزت منها السنه لرحلتي انترلاكن باريس وبون لكن هل الموقع مضمون وهل جربته او تعرف ناس جربوه لاني وايد متخوفه من هالناحيه

المشاركة الأصلية كتبت بواسطة سويتي
http://www.arabtravelersforum.com/tr...7/#post2231307

مرحبا اخوي exciter
ممكن اذا ما فيها ازعاج تجاوبني على استفساري
انت نصحت في احد ردودك في موضوع احد الاعضاء ان يحجز عن طريق هذا الموقع Compare Hotel Prices from Top Hotel Reservation Sites
وانا دخلته والصراحه اسعاره وايد اوكي بالمقارنه مع اسعار السفريات اللي حجزت منها السنه لرحلتي انترلاكن باريس وبون لكن هل الموقع مضمون وهل جربته او تعرف ناس جربوه لاني وايد متخوفه من هالناحيه



السلام عليكم

والله يا اختي انا حجزت من خلال الموقع هذا كل رحلتي هذا الصيف في ثمان فنادق بين روما، فلورنس، فينيسيا، ميلانو، انترلاكن، جنيف وباريس والحمدلله ما واجهات أي مشكلة. المهم تأكدي عند الحجز من التالي:
1- نوع الغرفة
2- هل شامل الضرائب والفطور
3- هل حجز امكانية تأكيد الحجز ماشرة أو تنتظري لمدة 24 ساعة او 48 ساعة.

بالتوفيق ان شاء الله واذا في شي أنا حاضر

أطيب تحياتي

أبو ضي

السلام عليكم جميعا

بعد العودة بحمدالله حبيت اشرككم بعض الصور اللي التقطتها بالسفر وان شاء الله تعجبكم. أول شي خلينا نسمي بالله ونبدأ بمدينة روما وبعدين اذا عجبتكم الصور ان شاء الله أبنزل صور عن فلورنس، فينيسيا، ميلان، انترلاكن، جنيف وباريس.




هذي صورة نافورة فونتانا



وهذي صورة بعد زيادة. وفي اعتقاد عند الايطاليين يقول اذا عطيت ظهرك للنافورة ورميت العملة المعدنية فمعناها انك تتوقع انك ترجع مرة ثانية.



وهذي صورة من المدرج الأسباني أو درج العشاق. والنافورة اللي تحت بالنص بنيتي ضي الله يحفطها شافت الناس تشرب منها وشربنا ولا أدري وش هالموي’، لكن والله انها كانت باردة



وهذي صورة للفاتيكان وحنا بالباص السياحي. وبصراحة هالباص ممتع جدا ويخليك تشوف كل شي بروما خلال ساعتين وتكلفت بسيطة حوالي 12 يورو والطفل أقل من6 سنوات ببلاش.



وهذا لا أحد يحرجني ويسأل ايش لأني نسيت اسمه لكن موجود خلف المدرج الأسباني



وهذي صورة جانبية للكولوسيو

أتمنى ان شاء الله تعجبكم الصور

أطيب تحياتي أبو ضي

السلام عليكم جميعا

وهذي بعض الصور لمدينة فلورنس. والمدينة بصراحة هادية وجميلة ومنها ممكن تروح مدينة Pisa وترجع بنفس اليوم.



هذي الصورة للنهر ويظهر قصر بالصورة يقع على النهر مباشرة



ميزة النهر هذا انه يقسم المدينة لجزئين وكل جزء له ميزات والأفضل ان الواحد ياخذ الباص السياحي وبيشوف كل معالم المدينة.



هذي الصورة من فوق جسر ويوتضح الصورة كبف ان النهر يقسم المدينة الى جزئين



هذي الصورة من جبل يطل على مدينة فلورنس وبالتحديد من المنطقة اللي فيها تمثال ميكل أنجلو



الساحة اللي فيها تمثال مايكل أنجلو



هذي صورة لجسر الذهب من نفس المنطقة السابقة والجسر هذا أشهر معلم في فلورنس. وبالمناسبة في العديد من الأفلام تم تصويرها بهالمدينة ولازم يظهر فيها الجسر






الصورتين اللي فوق لكنيسة ما أدري وش اسمها طبعا. لكن الفن المعماري فيها رائع.


أتمنى تكون عجبتكم الصور واللي عند أي استفسار أنا حاضر.

أطيب التحيات

أبو ضي

رحله موفقه وصور جدا رااائعه
اخى حبيت اسألك هل القطار من ميلان الى انتر لاكن دايركت بدون توقفات وبكم كانت التذكره

المشاركة الأصلية كتبت بواسطة الهلالي
http://www.arabtravelersforum.com/tr...1/#post2295131

يعطيك العافية ابو ضي

تقرير جميل والصور كذلك



شهادة أعتز فيها مشرفنا الغالي.

أطيب تحياتي

أبو ضي

شرايكم انامحدد 4 ايام لميلانو للتسوق



هل هي كافية ؟؟؟

المشاركة الأصلية كتبت بواسطة for_EvEr
http://www.arabtravelersforum.com/tr...2/#post2297242

شرايكم انامحدد 4 ايام لميلانو للتسوق



هل هي كافية ؟؟؟



ميلانو ما فيها شي يسوى غير التسوق (من وجهة نظري) وأربع أيام كافية لأن أغلب الماركات التجارية والمحلات اللي عليه الكلام حول بعض. اذا النية تسوق كثير مرة أربع أيام كافية لكن لو تسوق عادي أتوقع يومين كافية وانتبهوا من السرقات شوفوا اللي صار لي بميلان الصيف هذا وللكثير من الأعضاء.

أطيب تحياتي

أبو ضي

المشاركة الأصلية كتبت بواسطة الرباطي
http://www.arabtravelersforum.com/tr...1/#post2350731

يعطيك العافيه
وجهد تشكر عليه

وتقبل تحياتي



شكرا على مرورك

أطيب تحياتي

أبو ضي