الموضوع: سكن عائليمدرسه اجنبيةفيزا شغاله

السلام عليكم

اكتب لك بمعرف زوجي علشان ما تصير لخبطه بعدين


انا بحرينية..وزوجي وقع عقد عمل في قطر في كاتلوم


بعد شهر زوجي بينتقل للعيش في قطر... وراح نستقر فيها:106:

من المفترض ان نكون معاه..بس مشكلتنا ان البيوت المخصصه للموظفين اما في مسعيد او الوكرة...زارهم زوجي يقول فلل امسيعيد واسعه بس المنطقه مو حلوة وكل اجانب.... وفلل الوكرة قديمة


طلب بدل سكن وعطوه تقريبا 14200 ريال

في باله ان ناخذ اجار في الدوحه...حتى تكون الحياة اسهل في العاصمة..وهو بيتحمل المسافه الى مقر العمل في مسيعيد..


بس محتارين..هل نحصل فيلا بهذا المبلغ؟؟؟؟ احنا 3 افراد وشغاله
وين افضل المناطق المناسبه لنا كعائله وقريبه للخدمات مولات مطاعم ترفيه وغيره.؟؟؟

عندي بنوته عمرها 4 سنوات..الللحين هي تدرس في مدرسة اجنبية...ابغي ادخلها مدرسة الشويفات بس مدري هي موقعها وين ؟؟؟ وشنو المدارس البديله في مستوى الشويفات؟؟؟؟


طبعا عندي شغاله اندونيسيه.... عادي اخذها معاي..وشلون عن اقامتها.... وعن مرورها السعودية لو ودنا نروح ونجي البحرين بالبر؟؟؟؟؟


وشنو نصايحكم.. بما ان احنا راح نستقر في قطر ..وان شالله يستوي جسر المحبة وتصير روحتنا البحرين ورجعتنا سهله
انتظر منكم الرد

مواضيع عشوائيه ممكن تكون تعجبك اخترناها لك:

• سؤال لاهل قطر اللي سافروا ايـران
• جميع ماتبحث عنه سوف تجده هناخريطة قطر
• العقال القطري
• اهل قطر بغيت فزعتكم بكره رايح
• مساعده شهر في قطر ؟
• الفزعه يا اهل قطر عندي ثلاث استفسارات
• عاجل ابي افادة عن اسعار الشقق المفروشة بقطر وارقامهم
• السينما في الدوحة ؟؟
• مطعم تصويري الرتز كارتون قطر
• الطريق البري
• استفسارات فندق
• مولات الدوحة الجديدة
• سؤال هام عن التأشيرة
• مركز خدمة العملاء كيوتلفودافون لكل زوار قطر
• اول مرة لقطر
• كم تحتاج قطر من عدد ايام للسياحة بها
• معجم الطبوغرافيا يسجل ذاكرة قطر
• مسافر للدوحة بوحدي نصايحكم حبايبي
• بخصوص سينما في قطر
• أسأل عن شاليهات للاستئجار اليومي

ليه ماتسكنون في المجمعات السكنيه الموجوده عند مجمع المول علشان يكون الطريق أقرب لزوجج انه يطلع من خط المطار على الوكره وانتو بعد كل شي بيكون قريب منكم

والفلل اللي في المجمعات السكنيه مريحه كأنج في منتجع يكون فيها ملعب ومكان حق العاب الأطفال ومسبح إخذوا فيلا صغيره على قدكم وانشالله بتلقون بحدود السعر المطلوب

وفي مجمعات سكنيه روووووووووعه عند فيلاجيو بس أكيد غاليه وبعدين بعيده وايد عن مكان شغل زوجج

اممممم وبعد في مجمعات سكنيه في الغرافه وفي مجمع سكني في الغرافه مقابل مدرسه انجليزيه على طول يعني بنتج تطلع من باب الفيلا مشي خطوتين تدخل على باب المدرسه يعني مايبي لها سياره أبدن الشغاله توصلها وترجع

المدرسه ماتضيع بس اذا اعتمدتي علي بضيعج ههههه إسئلي عن مكانها اسمها مدرسة الخليج الإنجليزيه عاد هالمدرسه ماعليها كلام اخوي لصغير يدرس فيها

نسيت أقولج في شقق فندقيه جديده على خط الوكره رهيبه بسأل عنها وبرد عليج لأني ناسيه اسمها وماسمعت عنها بس شفتها وانا رايحه مسيعيد بس مادري اذا في مدرسه أجنبيه هناك ؟!..

بحاول أستفسر لج عن شقق تكون حلوه ومكانها يناسبكم

بخصوص الفيزا تسوينها في البحرين ولاقطر تراني ماعرف حق هالسوالف انتي قوولي لي الخطوات بالظبط لأن اذا في قطر نص الشباب و لكبار من أهلي يشتغلون في الجوازات وبعضهم مناصب يعني بتوسط لج بعد شتبين أكثر هههههه:tongue:

إنشالله أكون أفدتج خيتوووو واقامه سعيده انشالله

مرحبا اختي

واتنورين الدوجه انتي وريلج

واكيد بحصل بهلمبلغ لان الاجارات صايرة تنزل وانا بعد اقول تاخذون فيلا في مجمع تجاري واذا عددكم قليل ممكن تاخذون شقة وبتحصلون شقق حلوة وبسعار منافسه وبتقدرون اتوفرون من سعر بدل السكن

وبنسبة للخدامة عادي مافي اي مشكلة طلعيلها فيزة سفر من السفارة طبعا سفارت السعودية وسفارت قطر اذا بتروحون بلبر

وبنسبة للمدارس الاجنبية في مدارس وايد ومثل ماقالت الاخت في مجمع تجاري وهو على طول جنبه مدرسة الخليج الانجليزية بس بنتج بعدها صغيره يعني اقول ادش روضه احسن
وفي شغله ثاني مادري اذا انتي اتسوقين سيارة ولا لا لان اذا ريلج بيشتغل في مسعيد يعني اكيد بيطلع بدري من الدوحه فهل فكرتو بلي بوصل البنت للمدرسة في الروحه والرده بس اذا انتي اتسوقين بتسهلين الوضع واذا لا انا اقول تاخذون لكم اريول لان اكيد بتحتاجون في مشاويركم لان اكيد ريلج بيطلع من الساعه 4 او 5 ومب راجع الا 3 او 4 فلازم يكون معاكم شخص يعرف يسوق علشان لا سمح الله اذا صار شي يساعدكم

وسؤالي هل خلاص راح اتعيشون على طول ولا فترة معين لان اذا على طول انا اقول تاخذون فلا واذا فترة معين لا خلوها شقة مفروشة لان الفلا اذا بتاخذونها لازم يبيلها تشطيبات واثاث وهلموضوع يكلف وايد وايد


واذا على الدوحه ترا الدوحه صغيرة وكل شي حواليج وحتى لو سكنتو في الوكرة ترا بلعكس الوكرة اختيار وايد حلوة واجاراتهم ارخص والوكرة فيها كل شي وتبعد عن الدوحه 10 كيلو بس يعني ولا شي اذا حصلتو شي حلو في الوكرة انا افضل الوكرة والمشاوير فيكم فيكم

اهم شي ريلج يستفرس عن كل شي ويخلي الشركة اتامن له السكن او تقترح عليه لان هي ملزومه فيه

وان شاءالله ترتاحين في الدوحه

واي استفسار احنا جاهزين

واتمنى اني فتج ولو بلبسيط

المشاركة الأصلية كتبت بواسطة بنت الدوحه ~
http://www.arabtravelersforum.com/tr...1/#post2805021

موفقة الغالية باااقامتج ببلدج الثاااني ..

بس والله الاجارات غالية لكن يقولون اللحين بادية تنزل ان شاء الله تكون ع حظكم يااارب

وتتوفقون بسكن حلو ..

من راي انكم تشوفون بمنطقة المطار ولا الهلال ..مناك جريب لزوجج للدوام

وبعد هناك فية مدارس اجنبية ..اكاديمية الجزيرة .. وبتاكد لج بعد

وبيكون منكم قريب المول مجمع تجاري ..واللولو والسفير ..

وعندكم شارع المطار التجاري كل شي فية ..

وبعدين الدوحة مب من كبرها كل شي قريب بس احنا الزحمة والتحويلات تلعوزنا ..

مووفقة الغالية

واي شي احنا حاااضرين لج ..

اتفق مع اختي بنت الدوحه في الرأي


وماقصرو الشباب والشابات في المساعده


وبتوفيق ان شاءالله

المشاركة الأصلية كتبت بواسطة qatar3333
http://www.arabtravelersforum.com/tr...1/#post2805651

اتفق مع اختي بنت الدوحه في الرأي


وماقصرو الشباب والشابات في المساعده


وبتوفيق ان شاءالله

شكرا جزيلا على:24: الاهتمام

مرحبا اختي

بحكم انكم بطولون بدوحه لازم تختارون الفله بعناية وانا انصح في المجمعات السكنية بحكم انها اامن

وبنسب لخدامة والله ماعندي خبر بس ممكن الشركة اتساعدكم بهلموضوع لو ريلج سالهم

وحلو انج اتسوقين واتوقع اي ممكن تحتاجون سيارتين لان لو شغل ريلج بدوحه كان ممكن يوصل البنت بروحه والرده بس شغله بعيد عندكم ولازم لكم سيارة لطوارئ بس نصيحه لا اتسوقين بدوحه الا وانتي متقنى السواقه لان الشوارع الله بلخير ومن غير الزحمه

واتمنى لكم اقامة سعيده بدوحه وحاب اقولج شغله ترا الحياة مو ارخيصه بدوحه يعني بتحسون بفرق بنسبه لدوحه والبحرين بس ان شاءالله يكون الراتب مكفيكم وبنسبه للاجار اتوقع اي اكيد يحصل بهسعر بس لازم ريلج يتحرق بسرعه ولايعتمد على لامنتدى
لازم يسال مكتب عقارات ويشوف له الفله الي يبيها لان بتاخذ منكم وقت اثاث وغيره وهو باقيله بس شهر

الا اذا تسكنون في شقة مفروشه مدة معينه علشان ادورون الفلا على راحتكم واتاثثونها بعد لان لموضوع بياخذ وقت وعلشان انتي بعد اتشوفينها


واتمنى اني ساعدتج ولو بلقليل


تحياتي

إذا تبون تشترون فيلا جديده طبعاً ماراح تقطون فلوسكم على فيلا قديمه (أصــــغر) فيلا في الدوحه ماتقل عن ثلاث ملايين مليونين ونص!!
يمكن يشتريها لكم البنك وتدفعون أقساط القسط ماراح يقل عن عشرين ألف كل شهر مع الفوائد وطبعاً إذا انتهى شغلكم في الدوحه تبيعون الفيلا بس مادري هل إنتوا مستفيدين في النهايه ولا لاء ؟؟ إنتوا ادرسوا الموضوع وإحسبوا كم بتخسرون عالأجار كل هالسنين؟! وهل التملك أفضل لكم وماراح يسبب لكم ضيق مادي؟!

المشاركة الأصلية كتبت بواسطة fawzi9585
http://www.arabtravelersforum.com/tr...0/#post2808080


عندي استفسار اخر..واعذروني اذا ازعجتكم بس اتحملوا


يناسب ان نشتري فيلا ....؟؟؟؟؟؟؟ بما ان اقامتنا راح تطول.... ممكن ناخذ قرض عقاري ؟؟؟؟ وهل لنا احقيه بتملك عقار باي مكان ... انا اللي اعرفه ان الخليجي يحق له التملك في قطر والا شلووووون؟؟؟؟؟؟؟؟؟


ممكن تساعدوني بهذه النقطه؟؟؟؟؟؟؟؟؟؟؟؟؟






مرحبا اختي

اي الخليجي يحق له التملك في قطر

بس نصيحتي اختي لا تستعجلون يعني اتاجرون وايد احسن

والعقارات مرتفعه بقطر اقل فيلا حلو اسعارها من مليون ونص وفوق

واكيد ياخذ وقت لاتنسين انتو راح اتمون فيها سنين ولازم يختار المكان المناسب وغير هشي لاتنسين ان في اثاث وهشي مب هين اتروحون اتنقون الاثاث وتنقلونه وانا اتكلم عن اثاث فيلا كامله ومن غير قبلها التشطيبات يعن اذا تبيون اتغيرون صبغ والاضائاء وغيره صح ولا لا

انا الصراحه اقول ينزل ريلج الدوحه كميوم ياخذ فكره عن المجمعات السكنية ويسال عن الخدامه واجراءتها ويسل عن التأجير واجراته وشيك على دوامه ويشوف الشقق المفروشه

وبعدها قبل دوامه يجيبكم ويكوون ماجر لكم شقة تقعدون فيها لين ما اتظبطون الفيلا واتاجرونها وبعدها تنتقلون للفيلا

لان مستحيل راح يمديكم اتاجرون واتاثثون بسرعه وانتي قلتيها ان ماتبون تتبهدلو

عشان جي نصيحتي اتجون الدوحه واتشوفين انتي وريلج الفيلل على نظركم وتختارون الي يناسبكم وعلشان ماتكونون مظغوطين والشقة بتكون فترة بس يعني شهر او اثنين بلكثير وانتو مو ن كثركم وفي شقق حلوة وعلى مستوا بدوحه هاي نصيحتي لج

ودام انتي لج 5 سنين اتسوقين معناتها تمام بس يبيلج تنتبهين على الطرق وتحفظينهم

وحلو دام ريلج بروح قبلج خلاص عليه يشوفلكم سكن مؤقت لين ما انتي اتينه وتختارون الي يناسبكم ويكون عندج وقت واتشوفون مدرسه للبنت


اتمنى اني ساعدتج ولو بلقليل

تحياتي

المشاركة الأصلية كتبت بواسطة ريـميـة قطر
http://www.arabtravelersforum.com/tr...8/#post2808778

إذا تبون تشترون فيلا جديده طبعاً ماراح تقطون فلوسكم على فيلا قديمه (أصــــغر) فيلا في الدوحه ماتقل عن ثلاث ملايين مليونين ونص!!
يمكن يشتريها لكم البنك وتدفعون أقساط القسط ماراح يقل عن عشرين ألف كل شهر مع الفوائد وطبعاً إذا انتهى شغلكم في الدوحه تبيعون الفيلا بس مادري هل إنتوا مستفيدين في النهايه ولا لاء ؟؟ إنتوا ادرسوا الموضوع وإحسبوا كم بتخسرون عالأجار كل هالسنين؟! وهل التملك أفضل لكم وماراح يسبب لكم ضيق مادي؟!



مشكوووووووووووورة

كلامك صح الفكرة يبغي لها دراسه....

شكرا على اهتمامك:101:

مرحبا اختي

اذا هشكل خلاص ان شاءالله توصلون الدوحه واتشوفون الفلل على راحتكم وتختارون المناسب لكم

وبنسبة للمناطق لااتشيلين هم لان الدوحه اصغيره وكل شي قريب من الثاني

انتي تعالي وشوفي الدوحه بعينج وروح لمكاتب العقار ودام انتو تبون سكن في مجمع سكني وهذا الافضل

خلو المكتب يرشح لكم المجمعات السكنية وشوفوها بعينكم واختارو المناسب

ولا تستعجلون في فكرة الشراء لان ممكن المبلغ يكون كبير ومن غير فؤاد البنك وبهذا ممكن يتعدا المبلغ الي انتو حاطينه لسكن علشان هشي اختارو الي يناسبكم وبعد ما اتاجرونها

وترتاحون فيها اسالو اذا تققدرون تشترون الفيلا واذا تقدرون شوفو المبلغ كم واسالو البنوك بدوحه وشوفو شنو بقولون لكم وبعها ادرسو الموضوع واستخيرو

لان اذا بتستقرين للابد اكيد اشتري بس اذا فترة ما انصح

وانتي تشاوري ويا ريلج وشوفو بعد مكاتب العقار شنو بقولون

واهم شي ماتضغطون على روحكم

واتمنى لكم اقامة سعيدة بدوحه

تحياتي