الموضوع: رحلتي الممتعه الى بيروت

بسم الله الرحمن الرحيم

يعطيكم العافيه جميعا حبيت اني اكتب لكم اليوم عن رحلتي الى بيروت مع عرض صور للرحله والتي كانت في تاريخ 21-2-2008 ولمدة 6 أيام وراح تشوفون التقرير وانشاء الله يعجبكم

أول يوم لدا وصولنه الى مطار بيروت كانت الساعه 6 المغرب على متن طيران الجزيرة وكانت الرحله سهله وممتعه ولاكن عند الهبوط حصلت بعض المشاكل وتم تاخير الهبوط وذلك للعواصف المطريه التي كانت تهب على بيروت .... وبعد الوصول والحمدلله كان في استقبالي الشوفير الخاص واستقلينه السياره الى الفندق

[IMG]http://up2.m5zn.com[/IMG]

وهذي الغرفه اللي استغليناها بالفندق كان الفندق ممتاز جدا وعلى البحر مباشر ويحمل 5 نجوم واسمه كورال بيتش

[IMG]http://up2.m5zn.com[/IMG]

واستغلينا الوقت للساعه عشر مساء في مجمع ال ABC ومن ثمه العوده الى الفندق للنوم
وهذا كان اليوم الاول للرحله والى اللقاء في اليوم الثاني

مواضيع عشوائيه ممكن تكون تعجبك اخترناها لك:

• ايجار سيارة من مطار بيروت
• ايهما افضل حسبالقائمة المرفقة
• غرفتين في الموفنبك مو محتاجتهم من يبيهم ؟؟
• أستفسار مهم جدا
• الصيف
• شكر وتقدير لكل اعضاء المنتدى
• اشكال امني عاجلللأخوة في بيروت
• لبنان في شهر أمنياً
• ثلوج ثلوج
• جبيل اللبنانيه من أقدم مدن العالم
• نقضيها سياره وسائق ولا تكاسي ؟؟
• اشتئت لك يا عاشق وابو صالح معاك
• اهنئكم على تحديث المنتدى
• اين اهل الخبرة شقق
• دقت في راسي
• كيف هي بيروت في راس السنة
• شقق فندقيه عالجبل
• فندق السفير اللي بجونية من يعرفة
• استفسار عن فندق رويال بلازا
• السفر الى لبنان

حمدلله على السلامه

ننتظر البقيه ان شاءالله

بدايه رائعه وفي انتظار المزيد,,,,

همسه,,, حلوه صورة الدفيدوف :109:

بداية جميلة وراح اتابع تقريرك لانه عندي نيه للسفر
الى لبنان هذة السنة
بس عندي سؤال كم الليلة في الفندق

صــــــور كبيـــــــــرة مـــــــره آتمنى لو تقـــــــــدر تصغـــــــرهآ يكــــــون آفضل

:109:


سجل متابعه معاك


ماشاء الله


في انتظار الباقي


ا

متاااااااااااااااااااااابع وحمدلله على سلامتك

الحمدلله على السلامه

الحمد لله على السلامه

ومن المتابعين ...

ثانكيووووووو للجميع على الردود وسامحووني على ىالاطاله بسبب ظروفي الخاصه وبالنسبه للصور سامحووني حاولت اصغر بعد اكثر ما ما عندي فرصه لانه وقتي ضيق جدا هذووولي الصور مصغره تره وانشاء الله راح اكمل لكم اليوم الجزء الثاني من الرحله

الحمدلله على السلامة اخوي

وتقرير جميل ننتظر الباقي

تقرير في قمة الإبداع ....... واصل

ماشاءالله تقرير ررررررررروعه تسلم الايادي

الف شكر

بسم الله الرحمن الرحيم

أرجع لكم اليوم أحبابي وراح أسرد لكم باجر التقرير انشاء الله وراح يكون اليوم اليوم الرابع في البدايه كان في صعوبه علشان أطلع رحله الثلج بسبب العواصف والأمطار ولكن الحمدلله اليوم هذا كان الجو ممتاز ويسمح لنه انه نطلع على الجبل وطلعنه على جبل فاريا للتزحلق على الجليد وكان الجو ممتع للغاية ووناسه حده طبعا اجرنه سيكل الثلج وطلعنه رحله ويا جروب بس حسافه التلفريك مال الثلج كان عطلان وما طلعنه عليه وصار لنه موقف جدا مضحك بالرحله هذي طحنه انا ويا زوجتي من السيكل بس الحمدلله ما تعورنه عوار خفيف بس من الوناسه نسينه العوار ومشت السالفه وابي اقول للي مو رايح ويبي يروح انشاء الله تره الرحله مكلفه اشوي اجار السيكل 100 دولار للساعه والملابس تأجير بعد يعني لشخصين تكلف تقريبا 300 دولار أجار سيكل واحد ويا لبس كامل
[IMG]http://up2.m5zn.com[/IMG]

[IMG]http://up2.m5zn.com[/IMG]

وهذا فيديو واحنه راحين للجبل بالسياره
[url]http://"]http://up2.m5zn.com/download-2009-3-13-03-xlc7fofrd.mpg

بعد الوناسه اللي استانسناها وخلصنه رجعنه وتمشينه صوب البحر لحد صخرة الروشة ونزلنه عندها وصورنا وكان الجور جميل جدا واليكم صوره للصخره

[IMG]http://up2.m5zn.com[/IMG]

وبعدين رحنه للفندق عشان نرتاح اشوي ونبدل ملابسنه وبعدها على المغربيه رحنه شارع الحمرا وكان طبعا من نصيب زوجتي لانه قاعد تتسوق على كيفها وبعدين تعشنه بمطعم بيتزا هوت اللي على شاطئ الروشه وبعدها مرينه محل الحلويات المشهمور في بيروت على شاطئ الروشه واسمه أحمد عوني الحلاب علشان نخليه يزهب لنه الحلو عشان ناخذه معانه الكويت وبعدها على الفندق علطول والنوم العميق من التعب الشديد :109: وهكذا انهى اليوم الرابع من السفره وانشاء الله راح اكمل لكم اليوم الخامس والاخير

نرجع لكم في اليوم الخامس مثل كل صباح بعد الفطار بدأنه اليوم ورحنه لمنطقه جميل واسمها الجبيل وكان يوجد بها قصر قديم اعتقد انه روماني الاصل ورحنه تجولنه بالقصر وشفنه وكان في سوق تابع للقصر بالخارج بعد ما خلصنه الجوله بالقصر رحنه للسوق وتمشينه فينه صغير بس حلو وبعدها لقينه محف شمع صغير في نفس المنطقه ودخلناه بس عادي جدا مو مثل متحف المشاهير ولكم بعض الصور من القصر :24:

[IMG]http://up2.m5zn.com[/IMG]

[IMG]http://up2.m5zn.com[/IMG]

[IMG]http://up2.m5zn.com[/IMG]

[IMG]http://up2.m5zn.com[/IMG]

وبعدها رحنه مجمع السيتي مول وتمشينه اشوي وتغدينه اهناك وشرينه اشويه اغراض ووديناهم الفندق وقعدنه اشويه وبعدين طلعنه على المغربيه رحنه مجمع verdun 732 وفي واحد مقابله تابع له وطبعا التسوق كله من صالح زوجتي بس نصيحه ودي اقول للي للحين ما سافر تره الأسعار نار :110: وانا يمكن مشه معاي الوضع لانه كانت الفتره اللي رايح فيها مهرجان تسوق وكان في تخفيضات وبعدها رحنه حق قبر الحريري بجانب المسجد الذي بدأ ببنائه هو واكمله ابنه واليكم الصور

[IMG]http://up2.m5zn.com[/IMG]

[IMG]http://up2.m5zn.com[/IMG]

[IMG]http://up2.m5zn.com[/IMG]

وبعدها حان وقت العشاء وذهبنه الى مطعم فلافل احله مطعم فيج با بيروت اسمه صهيون مو طبيعي المطعم ولذيذ حده ما يبيع الا سندويشات فلافل وبيبسي بس :109: بس والله مو طبيعي حده عجيب واخذنه العشه ورحنه حق الحلاب واخنه الحلو منه واحنه اللي رادين الفندق وتعشينه الحمدلله وزهبنه الشنط لانه اليوم الاخير الساعه 1 ونص الظهر راح تطير الطياره وهذي كانت رحلتي القصيره والممتعه لبيروت وانشاء الله ما اكون قصرت معاكم وسامحوني اذا طولت عليكم بالتقرير .

في بعض الأماكن اللي كان بخاطري اروحلها بس ما قدرت بسبب الجو ولانه في فصل الشتاء تغلق هالاماكن واللي اهي منطقة بعلبك ومنطقة زحله وجبل الأرز انشاء الله اذا لنه نصيب فيهم مره ثانيه بروحلهم .
وفي بعض النصايح اللي ودي اقولها للجميع تره السوق ببيروت ما يسوى لانه والله وايد غالي انا قارنت الاسعار بالكويت وايد غالي اهناك وحته بالنسبه للمطاعم مقارنه بالكويت اغلى وبالنسبه في وايد من المطاعن تره تبيع لحم خنزير ديروبالكم لا تاكلون اي شئ وبس والى اللقاء في رحلات قادمه:24:

تقرير رائع

يعطيك الف عافيه

عنجد تقرير ولا اروع . برافو

ماشالله عليك الله يسعدك ويعطيك العافية تقرير اكثر من مميز
متابع باعجاب

تقرير خفيف وجميل.......يعطيك العافيه

تقرير رائع بروعة لبنان


ودمت بود...



ديــمـ

يا عمري يا لبنان ،، تسلم اخوي عالصور ..

تقريرك ممتاز ،، ولا صهيون ، خليته بخاطري ، ماكنت ادري عنه

مشكووورين على الردود ويعطيكم العافيه كلكم وبالنسبه للأخت الكريمه دلوعة يعقوب اختي انا ما حجزت عن طريق سفريات كل شغلي بنفسي عن طريق الانترنت وبالنسبه للسيارة أجرت سيارة مع سايقها توصية من واحد من ربعي وكان الوضع اوكي والميزانية تقريبا كانت 600 دينار السفره كلها من ناحية تذاكر الطيران والفندق والرحلات والسيارة وكل شئ حته زوجتي ما قصرت فيني بالسوق على الخفيف
وبالنسبه لأسعار التكاسي غالبا ما يكون سعر اليوم الكامل يتراوح ما بين 60 دولار الى 100 دولار وبالنسبه للأماكن اللي زرتها في أماكن بعيده مو قريبه يعني كانت تاخذ بالسياره ساعتين تقريبا وعلى فكره تره لبنان مو رخيصة غاليه اشويه بس انا صارت معاي بالصدفه هلميزانيه اوكي لاني حجزت الفندق كان عرض عليه وحته التذكره وبس وانشاء الله قدرت افيدج بهالموضوع واي شئ تبين ما يردج الا لسانج وانا حاضر
مع تحياتي اخوكم the-wise-man

تقرير رائع يعطيك العافيه

'طيب اخي العزيز انا حاجزه بنفس الفندق وش رايك فيه كلمني عنه بالتفصيل وموقعه بعيد ولا لا والغرفه وش نوعها اللي اخذتها وكبيره ولا لا وعلى ايش مطله ادري اني غثيثه بس ماعليه تحملني شوي

اخي العزيز The-wise-man اريد رقم الفندق كورال بيتش ضروري الله يعافيك او اي احد عنده الرقم لايبخل عليناوشكرا

هلا والله اختي ام الدانات بالنسبه للفندق موقعه مو بعيد وايد يبعد عن المطار تقريبا ربع ساعه وبالنبسه للأماكن السياحية مو بعيد وايد اهو صاير بالضبط مقارب للسفارة الأماراتية بلبنان على نفس الطريق الساحلي الي يودي الى صخرة الروشة يعني موقعه ممتاز وبالنسبه للغرف انا كنت حاجز غرفة عاديه مطله على الحمام السباحه والبحر أكله لا باس بالنسبه للفطور لانه كنت افطر بالفندق بس وبالنسبه للسعر انا اخذت الغرفه تقريبا 29 دينار كويتي لليله واذا تبون اي استفسار انا حاضر وسامحوني اذا تأخرت عليكم بالرد لاني ساعات اكون مشغول وايد وبالتوفيق للجميع :24:

coral beach
hotel & resort
tel : +9611859000
fax : +9611859026
http://www.coralbeachbeirut.com

ماشاء الله تقرير مميز

شكرا ويعطيك العافيه