الموضوع: مسافر خلال أيام للأردن لمدة أسبوع

اهلا بيكم يا شباب. انا من مصر و ان شاء الله نويت العزم علي السفر لمده أسبوع للاردن لاني بحب الشتاء و المطر و بحب التصوير ،
و اختياري للاردن نشأ من وجود بعض القلق المتواجد بين البلدين حاليا نتيجه سياسه مش شعوب. فسؤالي انا قريت اني هعمل الفيزا السياحيه لما اوصل المطار. بس سؤالي للي عنده خبره و سافر من مصر قبل كده مش محتاج فيزا من السفاره و ياريت لو تقدروا تقولولي ايه افضل الاماكن الطبيعيه عندكم. و هل اختياري للسفر في الوقت ده موفق ام غير موفق؟

تحياتي ليكم من الموبايل

مواضيع عشوائيه ممكن تكون تعجبك اخترناها لك:

• أتاك الشمال الطلق يختال ضاحكا من الحسن حتى كاد ان يتكلما تقرير مفصل عن شمال ايران
• لا تدع اجازتك تمربدون فوائد تسجل
• أيهما أوفر أستئجار سيارة أم شحن السيارة إلى القريات للدخول إلى الأردن ؟
• هل تنصحوني بزيارة الجمهوريات الاسلامية المستقلة عن روسيا ؟
• حماية الطبيعة تحذر من نضوب واحة الأزرق
• طحينية العكش ياأهل الطحينة
• ابغى مسا عدتكم
• احد يعرف الدكتور عبداللطيف ابوخضرة؟؟؟؟؟
• برنامج رحلتي الى تونس الخضرااء
• كيف اصل البتراء
• كاسترو الشمالي هل يستطيع السفر؟؟؟
• مسافر جديد لتونس نصايحكم لي ، هل البلد جميله ؟ وابغي اسكن في سوسه
• مسافر للاردن
• بيسان طبريا سهل مرج بني عامر عين التينة ورحلتي المصورة
• اريد قضاء العيد في تونس
• مشاهدة الثلج في الصيف من طهران
• مومكن تجاوبوني بليز لا تكسفوني
• إستئجار سياره سياحيه في عمان
• التنقلات في عدن
• مدينــة ميلــة متحف مفتوح على تاريخ البشريـة

أنا من ثلاث ايام جاي من عمان ..ما عندي فكره عن موضوع الفيزا .. لكن أنصحك تروح جرش فيها جبال وغابات جميلة وعمان حلوه بالشتاء أتمنى لك رحله سعيدة.

الف شكر يا شباب. انا هروح بكره احجز علي الخطوط الملكيه الاردنيه و هكلم السفاره
تسلمو كتير. و لازم اجرب المنسف ههههه
ان شاء الله ، الاردن كلها جميله اما بالمنطر الحضاري كعمان او كمناظر طبيعيه كجرش و العقبه. كان نفسي اروح البتراء بس اظن هتكون صعب في الشتا من الموبايل

انا كلمت السفاره امبارح بس كنت مصدوم معرفتش ارد عليكم. كانت موظفه و اسلوب الرد كان غير ودود بالمره يعني شويه و كانت هتقولي انت جبت نمرتنا منين
المهم المطلوب.
1- الف دولار كاش مفهمتش ليه
2-حجز فندق مؤكد و مدفوع( طب اصحابي الاردنيين كانو شافولي شقه استديو ) :/
3- ورق من مجمع التحرير مش عارف ايه
4- تذكره ذهاب و اياب

مش عارف ليه كل التعقيد ده كنت عاوز اروح ليله راس السنه اكون هناك :/

اصحابي قالولي هيروحو يسالو هناك ليه التشدد ده مع دوله المفروض في تبادل سياحي مفتوح بين الدولتين . يعني مظنش مصر بتعمل كده مع الاردن.
انا رحت النهارده اشتكي السفاره علي سوء التعامل و الاسلوب الجاف الموظفه عاملتني بيه في وزاره الخارجيه المصرية لانها كده هتكره الناس يزورو دوله جميله زي الاردن و شعبها الطيب.
مفيش نصيب اكون وسطكم يا النشامى السنادي .
تنورونا في مصر و شكلي هطلع علي الاقصر السنادي
وان شاء الله تتعوض من الموبايل

مومشكله انا استفسر عن الموضوع بس انا سمعت ان الفيزا ما بيها تعقيد على العموم انتظر ني رد