مانشستر اليوم الثاني
بعد عودتنا البارح كنا محتاجين لنوم عميق عشان يزول ارهاق السفر
فنمنا اول ليلة والحمد لله كان المكان هادئ ورغم ان محطة الباصات جنبنا ورغم ان نافذتنا مفتوحة بس لانا بالطابق 14 فما سمعنا شي ابد ...
وجلسنا اليوم الثاني مستعدين ونشيطين لبدء برنامجنا
طلعنا من بدري وتمشينا شوي حول الفندق
ومرينا على بريمارك
ودخلت واخذت بعض البلايز الصيفية لان كان اول يوم بمانشستر يوم حار , وانا ما جبت لولدي الا بلايز اكمام , فدخلت واخذت لفة على المحل وكان زحمة مرة
ولازالت اجازة الايستر مستمرة فالعالم تحتفل
وهذا يعزف
وهنا يبيعون ورد
وهذا منسدح يرسم
وهذا يغني ويعزف ومسوي جو بالشارع
وهنا جانب من الشارع مزين بالورود
وهذي للي يحبون Louis Vuitton
وهذا مصبغ نفسه ويسوي لي هاي
وهذا جالس ع الهوا ويستعرض
حتى الشحاذة لها فن ههه
بعدها حسينا بالجوع وكان مطعم بيتزا هت على الطريق فرحنا وطلبنا بيتزا خضار وببسي تقريبا ب 15 باوند
وعشان يشغلون ولدي من اول ما دخلنا وجلسنا على طاولة جابوا له علبة الوان واوراق رسومات ( فن التعامل مع الاطفال )
خلصنا الغدا وكملنا تمشي
وهذا فندق Palace Hotel عجبتني البناية مرة
بعدها ركبنا باص واخذنا منه تذكرة يوم ب 3 ونص باوند للشخص عشان نروح لمشوارنا القادم
وهي حديقة Platfield
وهنا اول ما وقف الباص
دخلنا الحديقة
واستقلبتنا الخضرة وفرشت ارضها زهورا لنا
ولاني فضولية فعجبني هالمنظر
منها وناسة ومنها ثقافة
حلوة الطبيعة والله والجو خيااااااال يلفحنا الهوا واحنا بين الخضرة
وهنا ساحة لتزلج السياكل
وهنا للعب الكرة
وهنا اشجار الربيع الوردية
( مثل اللي عندنا )
والبط يستمتع بالاكل اللي يرمونه الناس عليهم
جزيرة وسط البحيرة الصغيرة
الكل يقضي وقت ممتع
صور متفرقة
هذا جاي يروق ومعه الله يعزكم كلابه
وبعد ما جلسنا وانبسطنا واسمتعنا بالمناظر وبشوية سناكس واكلنا البط بس ولدي خاف منهم
بعدها طلعنا من الحديقة
ورجعنا بالباص للفندق عشان نتغدى ونستعد للجولة الثانية
بعد الغدا ارتحنا شوي و طلعنا واخذنا الباص الى
مجمع ترافورد سنتر
وهذي بعض الصور من المجمع
هنا اول ما وصلنا
اخذنا جولة
هذي التماثيل عند بوابة جهة المطاعم
ومشينا
وتمشينا وتسوقنا شوي
وشفنا ان فيه سينما , فقلنا نشوف اذا فيه افلام حلوة بندخل
ووقع اختيارنا على فلم (Rio)
هو فيلم اطفال بس انه حلو استمتعنا فيه خصوصا انه 3D فولدي مرة انبسط
وكان سعر التذكرة تقريبا 14 وشوي باوند حسيته غالي بس عشان اشترينا النظارات يمكن
خلص الفيلم تقريبا الساعة 8 فطلعنا بسرعة عشان نلحق على الباص
والحمد لله اخذنا الباص ورحنا جهة فندقنا
و طلبنا عشا ب 18 باوند تقريبا وتعشينا ونمنا استعدادا ليوم جديد
والى اليوم الثالث انتظرونا
المفضلات