الموضوع: ممكن ياأهل قطر

السلام عليكم رحمة الله وبركاته


أسعد الله مسائكم

ممكن مساعده من اهل قطر الحبيبه ..


انا حابه ازور قطر بآآخر شهر 6 ان شاءالله


للعلم انها اول مره ازور قطر ..



اولا حبيت استفسر عن فندقw وفندق لاسيجال

اي افضل من ناحية الموقع والغرفه ؟؟

رشحوا لي واحد منها وربي يعافيكم



هل فيه شقق رخيصه ونظيفه ماتتعدى 300 ريال سعودي


وكم الفرق بين الريال القطري والريال السعودي ..؟؟؟


غير كذا ابي اعرف محلات للجلابيات والقمصان الرسميه لاني حامل وبجهز للنفاس من هناك بعض الاشياء ياليت تدلوني على محلات اسعارها معقوله والاهم تكون ممييزه وفخمه .. ومحلات برضوه مواليد

وابي استفسر عن جزيرة اللؤلوه وش فيها بالظبط تنصحوني ازورها او لا ؟؟؟ وهل الجو بيكون مناسب لزيارتها ؟؟



وافضل الاسواق اللي اعرفه فيلاجو ولازم اروح له

هل فيه اسواق حلوه غير فيلاجو ؟؟


ولو فيه محلات منفرده وحلو ياليت تدلوني بمكانها وموقعها بالظبط ؟؟


وانا حيل متحمسه اشوف قطر ..


هل فيه اماكن تميز قطر غيرالمولات ولازم ازورها ؟؟



ادري بتقولون دوري بالمنتدى تلقين كل شيء بس ماعندي وقت وربي يعاااافيك ويوفقكم ..


ادري ماراح تقصرون معي ياهل قطر وبنات قطر خصوصا ..

واسفه على الاطاله .:106:

ويعطيكم العافيه ..

مواضيع عشوائيه ممكن تكون تعجبك اخترناها لك:

• مسافر الى قطر بعد كم يوم واتمنى مساعدتي
• قطر تعتزم بناء فنادق ومنشآت ضيافة بسعة ألف غرفة
• سوال
• منقول لقطر و ابغي مساعدة
• الاخوان في قطر ممكن المساعدة
• افتتاح مجمع ‏ شروه سنتر التجاري
• استفسار عن التاشيره عااااااجل
• جدول فطر ليالي
• اخيرا سكنت غرفة في جراند حياة الدوحة
• ماهو الافضل ؟
• الهيئه العامه للسياحه والمعارض بقطـر
• فندق جراند هيرتاج الدوحه صور
• مدينة اكوا بارك ؟؟ استفسار بسيط
• خارطة لبعض الاماكن في الدوحة
• لأهالي قطر الكرام
• أرجو المساعده ماهو أفضل طريق من الدوحه لمكه المكرمه
• من دوحة الخيرأحييكم
• ابي مساعدكم افيدوني
• ارجوا من اهل الخبره إفادتي قطر
• لتأثيث منزل بقطر

[b][color="DarkOrange"][size="5"]هـلا اختي تنورين قطر بوجودج وحياج الله وان ماشلتج الارض نشلج بعيون اهل قطر

حبيبتي بخصوص الفنادق انا مااقدر افيدج اسمحيلي
بس بخصوص الثياب كتجهيز للولاده عندكم بالسعوديه اشيا كثير حلوه وارخص من هنا وبناتنا يروحون عندكم لاجل يجهزون للمواليد ولهم عالموم اذا تبين تغيرين انصحج بمحل اسمه كشخه في شارع السد خلف مجمع رويال بلازا وموجود منه فرع في الستي سنتر وفي محل ثاني اسمه لمسات نيره بس مااذكر مكانه وين بالضبط بعد عنده اشيا حلوه وايد واسعارهم مناسبه يعني تقريبا من 300 وطالع ..
تقدرين تروحين سوق واقف حلو تتسوقين فيه وتقعدين في الكوفي شوب وعندج سوق الديره والجبر كلها اسواق حلوه وبضاعتها حلوه وفيها شتى انواع البضائع

المشاركة الأصلية كتبت بواسطة حلو ومدلع
http://www.arabtravelersforum.com/tr...7/#post2964725

مرحبا اختي

واهلا وسهلا فيج بقطر

وانا افضل دبليو بحكم انه اجدد واحلى

بنسبة للغرف انا اشوف دبليو في تقريرين عنهم ممكن اتقارنين انتي واتشوفين الي يعجبج

بنسبة الى الموقع فكل واحد موقعه زينبسانا اشوف دبليو احلى بلكورنيشوقريب الستي وسوق واقف

اما لاسيجال في داخل المدينة في منطقة السد وزحمة وازعاج وهشي من وجهة نظري

واذا بتجزين نصيحه لا تحجزين مباشر لانه غالي عليج احجزين من النت من موقع بوكنق او فندقكم وراح يعطونكم فرق قبير بسعر

وللاسف مافي شقق اقل من ثلاث مية

في شقق السراج وهي نظيفة وحلوة وسعرها 350 ريال اتوقع هي ارخص شي وانظف شي بتحصلينه بدوحه

وممكن بعد اتشيكون على الفنادق الرخيصه عن طريق موقع فندقكم

والفرق بين الريال القطري والسعودي بسيط يعني كل 100 ريال سعودي تساوي 96 ريال قطري

بنسبة لمحلات الجلابيات

ممكن اتشوفين في المجمعات وممكن البنات يفيدونج بهلموضوع

بس على فكره قطر اغلى بوايد من عندكم لان الاهل يشترون هلشياء من عندكم او من الامارات لان قطر غالية وايد وتوصل لدبل بنسبه لكم

وبنسبة لجزيرة اللوةلوة هي جزيرة اصطناعية وهي عبارة عن فنادق ومولات وكفيات

ولحين مافتتحوها كامل وممكن اتزورينها وهي قريبه من فندق الرتز كالتون ومايبيلها شي اتروحون لها بسيارة وقريبه وايد يعني ممكن تاخذون لفة فيها وتتقهون وترجعون والجو شهر 6 بكل الخليج حر ورطوووووبه


واكيد في مجمعات غير فيلاجيو

مثل ( الستي سنتر & الاندمارك & المول & الرويال بلازا & الحياة بلازا & سنتر بوينت & اللولو هايبر ماركت )

هاي بنسبه للمجمعات التجارية

وفي عندج محلات صوب سوق واقف وفي جمعات قديمة بنسبة لغيرهم ومحلات متفرقه مثل سوق فالح وسوق الاحمد وسوق الديرة للقماش وسوق العسيرة ومعظمهم للعبايات وللقماش ولشغلات النسائية


وان شاءالله بتزورين قطر واتنورينها

وماعليج احنا بلخدمة

الي يميز قطر غير المجمعات هو سوق واقف وكله مطاعم وكوفيات ومحلات شعبيه وحلوة

عندج متحف الفن الاسلامي

وعندج حديقة الحيوان

عندج الكورنيش تقدرين اتمشين فيه وتاخون لفة على القارب مع ان الجو بكون حر

وقطر حالها حال دول الخليج مافيها الا المجمعات التجارية

واتمنى لج طيب الاقامة في قطر

واي استفسار احنا بلخدمة

واتمنى اتمرين على الموضيع المثبته لان فيدونج وايد

تحياتي




يعطيك العافيه اخوي وربي ماقصرت بيض الله وجهك ..

بنسبه للغلى اكيد ماراح اشتري الا اللي اشوفه مو موجود وغريب وجزاك الله الف خر على المعلومات المفيده والقيمه ..

اشكرك من اعمااااقي ..

المشاركة الأصلية كتبت بواسطة qatar moon
http://www.arabtravelersforum.com/tr...7/#post2964730

[b][color="DarkOrange"][size="5"]هـلا اختي تنورين قطر بوجودج وحياج الله وان ماشلتج الارض نشلج بعيون اهل قطر

حبيبتي بخصوص الفنادق انا مااقدر افيدج اسمحيلي
بس بخصوص الثياب كتجهيز للولاده عندكم بالسعوديه اشيا كثير حلوه وارخص من هنا وبناتنا يروحون عندكم لاجل يجهزون للمواليد ولهم عالموم اذا تبين تغيرين انصحج بمحل اسمه كشخه في شارع السد خلف مجمع رويال بلازا وموجود منه فرع في الستي سنتر وفي محل ثاني اسمه لمسات نيره بس مااذكر مكانه وين بالضبط بعد عنده اشيا حلوه وايد واسعارهم مناسبه يعني تقريبا من 300 وطالع ..
تقدرين تروحين سوق واقف حلو تتسوقين فيه وتقعدين في الكوفي شوب وعندج سوق الديره والجبر كلها اسواق حلوه وبضاعتها حلوه وفيها شتى انواع البضائع




[size="3"]مشكوره حبيبتي وتسلمين على الكلام السل ياعسل والنور نورك


ماقصرتي استفدت منكم وااايد

تنور قطر فيك

وماشاء الله الاخوان والاخوات ماقصروا

وانا اضيف عليهم عندك بشارع السد مركز المانع في محل حلو لتجهيز المواليد وكذلك بشارع السد بالرويال بلازا

في محلات حلوة لتجهيز المواليد وتجهيز الاستقبال للضيوف بالمستشفى ...موفقة خير

وبالنسبة للجلابيات ازيد على الاختيارات محل ازياء شرقيات في الدور الثاني بالستي سنتر

واي استفسار ابشري به