الموضوع: ناوي على لندن في عيد الفطر ان شاء الله

بسم الله ماشاء الله عليكم ونعم المنتدى الكثير والكثير

السلام عليكم جمعيا

عندي مناسبة هالسنه وهي ذكرى زواجي العاشره وحاب اروح مكان مميز وبعد القراءة والقراءة

قررت اكسر حاجز الخوف والذهاب الى اوربا

طبعا كل خوفي من اروبا انه عند اعتقاد انهم ما يحبون العرب ولكن بعد الكثير من المواضيع لم اجد هذا الشئ الا قليل او نادر

مع العلم ان لغتي الانجليزية ممتازة جدا

الزبدة ابي من اصحاب الخبرة افادتي بالتالي :

العدد شخصين المدة من 10 الى 14 يوم وفي خاطري اروح باريس لانها قريبة حسب مافهمت من الاخوان بالمنتدى

اللي ابي منه الشور هو :

هل اذهب مع بكج مكاتب سياحية او احجز انا بنفسي تذاكر وفنادق ومن الى

هل مبلغ 40 الف ريال كافية لكل شئ لهذه المدة شاملة كل شئ حتى التسوق وتحتاج مبلغ اكبر
طبعا ودي اسكن في فندق كمبرلاند سمعت وقرأت ان افضل فندق مرشح عندي حالي وسعره في بوكنج غالي
بس استغرب من الشباب يقولن رخيص انا حاط ميزانية للفندق بالليلة الف ريال اشوفه مناسب في بوكنج حصلته اغلى

واهم شئ عندي الامن والامان هل اشعر بامن او احس اني ملطوش يعني لازم اخذ خذري في كل مكان وكل وقت
ادري الحرص زين بس قصدي السرقات هناك مؤلفة يعني دايم تصير

هل لندن مدينة معقدة يعني احتمال اني اضيع فيها زي ما صار لي في """" ماني قايل اسمها الله لا يرد هالسفره كل شئ زين الا
اول مشوار وجبت العيد هع

لو حبيت اطلع فرنسا بالقطار هل الحجز سهل وكم سعره التقريبي او ان الحجز معقد ودي اطلع لها 3 ايام بس وبعدين برد
لندن قبل ما ارجع

واخيرا ودي اعرف هل هناك مطار غير هيثرو انزل فيه عشان اوصل لندن لاني سمعت ان هالمطار طوابير على ما توصل
وانا هذا بصراحه اكثر شئ مقلقني سالفة الزحمة ذي


ادري ثقلت عليكم والله اني تصفحت المنتدى كثيرا وهذه الاشياء اللي ما شفت احد يتكلم عنها

مواضيع عشوائيه ممكن تكون تعجبك اخترناها لك:

• شركات الشحن عااااااااااااااااااجل
• مساعدهـ ع الطاير لو سمحتو ؟
• الهلاليه تطلب المساعده
• المدن السياحيه
• مطعم مأكولات بحرية لندن
• استفسار عن فندق مونتكالم
• باصان لنــــــــــــــــــــــــــــــــــــــــدن الجميلة
• السكن فى شارع المتفرع من شارع ادجرود؟
• تاجير سيارة في لندن
• محطه وكيفيه الوصول لمعالم لندن
• خريطة سياحية لندن مع خريطة الاندرجراوند
• تأشيرة سياحية الى ايرلندا
• نخيتكم يا عيال ابي جواب واضح جعلكم بالجنه
• جواز الطفل افيدوني لو تكرمتم
• هاي
• تقرير مصور عن شارع العرب
• شراء تذكرة في القطار
• لدي فقط ساعة لأمضيها في لندن وأنا بحاجة لمساعدة الخبراء
• للي يعرف لايقصر بارك الله فيكم
• التامين الصحي في بريطانيا اجباري؟

اول شي كل عام و انتو بخير و الله يتمم عليكم زواجكم و يخليكم لبعض

ثاني شي ماكو شي يخوف .. توكل علي الله و كل شي بيتسهل و كل سنه عقبها بتروحون لندن و اوربا

40 الف ريال يعني 6500 باوندز
لو نقول المصرف اليومي لكم شخصين 100 باوندز تمشي و اكل و مواصلات و دخول اماكن سياحيه و كافيهات و غيره ل 14 يوم بتصرفون 1400 باوندز
و 10 ايام بتصرفون 1000 باوندز

يبقى لو 14 يوم 5000 باندز .. و لو 10 بيبقيى 5500 تقريبا

السكن و التذاكر هذي تعتمد علي وقت السفر ... سعر التذكره يفرق باليوم و كذلك السكن .. وقت الحجز ووقت السفر يفرق يعني موسم او مو موسم و حاجز مبجر او لا فماقدر احدده
لكن نقول تقريبببا يعني لو التذاكر طلعت 1000 باوندز .. و السكن بعيد الفطر كمبرلاند بيطلع عليك تقريبا 2880 باوندز لل14 يوم و 10 ايام يطلع 2000 باوندز

بيبقالك للمشتريات و التسوق و غيره لو 14 يوم تقريبا 2100 باوندز
و لل10 ايام تقريبا 3000 باوندز

شوف عاد انت و حسبتك و ميزانيتك و اللي يناسبك .. في فنادق ارخص من كمبرلاند بس بما انك اول مره تروح انصحك فيه او في اللي حواليه و اللي حواليه اغلي مو ارخص

يعني الميزانيه مناسبه ان شاء الله .. حاول تلقا تذاكر ارخص بس .. و اذا قدرت تزيد شوي للمشتريات بيكون زين علي زين اذا ماقدرت بس اشترو بميزانيتكم حلوه ماشاء الله

الحجز افضل شي تحجز بروحك و من النت بتوفر وايد علي نفسك

و اقرا في موضوعي اللي بالتوقيع المقدمه ان شاء الله بتستفيد منها

اذا 14 يوم اي روح بارييس كلها ساعتين بالقطار و الحجز سهالات مافي اي شي معقد .. و لندن كلها بتشوف انها سهله و كل شي سلس ان شاء الله و متعودين علي العرب و بتلاقي عرب بكل مكان ..

في مطارات ثانيه بس كلها نفس الشي و لا تخاف و لاشي والله ان نطول في مطار جده اكثر من هيثرو

موفق

ماشاالله الله يوفقك مع زوجتك ويخليكم لبعض
اذا بتخلي الرحله كلها لندن اشوف 14 يوم كثيره بس لو تضيف باريس مناسبه تقسمها بالنص بينهم
او ممكن تخلي الرحله كلها 10 ايام في لندن فقط ممكن تكون ارخص
او 6 ايام لندن و 4 باريس
عموما العيد قرب والاسعار ناااار والاوتيلات قربت تصير فلل عشان كذا استعجل

نشوف الميزانيه 40 الف على حسب الطيران الي بتطلعون فيه اتوقع التذاكر وصلت فوق 4 الاف ريال الحين يعني نقول 10 راحت طيران وان شالله تكون اقل ,,, والسكن اذا لمدة طويله بيكون كمبرلاند غالي , شيكت الحين على بوكينق لمدة 10 ايام بيكون حول 19 الف يعني ( 19 سكن لمدة عشره ايام + 10 طيران = 29 ) الباقي يكون تسوق وترفيه يعني ميزانيه مناسبه للندن لمدة 10 ايام

انت لو تعطينا خطة الرحله يعني لو كنت حاب تضيف باريس وعدد الايام وكذا ممكن نشوف لك الاسعار

ماقصرو الخبراء

بيض الله وجيهكم ما قصرتو والله

ان شاء الله نخلص الاجراءات ونروح بعدين ابشرو بتقرير

المشاركة الأصلية كتبت بواسطة ss,i
http://www.arabtravelersforum.com/tr...2/#post5889362

ماشاالله الله يوفقك مع زوجتك ويخليكم لبعض
اذا بتخلي الرحله كلها لندن اشوف 14 يوم كثيره بس لو تضيف باريس مناسبه تقسمها بالنص بينهم
او ممكن تخلي الرحله كلها 10 ايام في لندن فقط ممكن تكون ارخص
او 6 ايام لندن و 4 باريس
عموما العيد قرب والاسعار ناااار والاوتيلات قربت تصير فلل عشان كذا استعجل

نشوف الميزانيه 40 الف على حسب الطيران الي بتطلعون فيه اتوقع التذاكر وصلت فوق 4 الاف ريال الحين يعني نقول 10 راحت طيران وان شالله تكون اقل ,,, والسكن اذا لمدة طويله بيكون كمبرلاند غالي , شيكت الحين على بوكينق لمدة 10 ايام بيكون حول 19 الف يعني ( 19 سكن لمدة عشره ايام + 10 طيران = 29 ) الباقي يكون تسوق وترفيه يعني ميزانيه مناسبه للندن لمدة 10 ايام

انت لو تعطينا خطة الرحله يعني لو كنت حاب تضيف باريس وعدد الايام وكذا ممكن نشوف لك الاسعار



شكرا للاخت كويتيه ما شاء الله عليها موضوعها جلست من امس اقرأ فيه ولا انتبهت لردك اخوي ماقصرت انت بعد

وبالنسبة لخط الرحلة قررت التالي 8 ايام لندن وبعدين 3 ليال باريس ثم العودة لندن ليلتين

والتذاكر حصلتها على القطرية ب 8000 ريال لشخصين من الدوحة لندن ذهاب واياب

ولكني اللي موخفني سالفة فيزة باريس رحت مكتب وقالي تحتاج 20 يوم واحتمال ما تخلص قبل العيد

بوكينق ما ياخذ منك شي و غالبا يكون الدفع مو مسبق
بعض الفنادق في بوكينق بس تطلب منك ان الفندق نفسه ياخذ المبلغ مسبق
و الا اغلب حجوزات بوكينق الدفع عند الوصول

و فنادق لندن ما ياخذون منك الجوازات بس يصورونهم و يردونهم لك

المشاركة الأصلية كتبت بواسطة alkuwaitia
http://www.arabtravelersforum.com/tr...0/#post5900800

بوكينق ما ياخذ منك شي و غالبا يكون الدفع مو مسبق
بعض الفنادق في بوكينق بس تطلب منك ان الفندق نفسه ياخذ المبلغ مسبق
و الا اغلب حجوزات بوكينق الدفع عند الوصول

و فنادق لندن ما ياخذون منك الجوازات بس يصورونهم و يردونهم لك



ماقصرتي والله وشكلي بتعبك بالاسئلة

طيب كيف الزحمة في شهر تسعه

لان الاغلبيه قالو لي في الزحمة ماراح تنبسط وانا اشوف ان موسم عيد وموقع بوكنج اغلب الفنادق على وشك الفل

ما ادري اهل الخبره وش رايهم

وبعدين وش سالفه التاكس فري بصراحه بدى حماسي يقل ما ادري احس كل ماقريت اكثر عن

لندن كل ماحسيت الامور معقده

قلقي زاد اكثر لما قرأت مواوضيع والامور اللي تخص الاكل خصوصا اني من النوع اللي اهم شئ عندي الاكل ولكن في نفس
الوقت الاكل الطيب

لا ما عليك التاكس فري هذا مبلغ ياخذونه عليك لما تشتري اغراض, هذا ياخذونه من المواطنين بس السواح يردونه لهم بالمطار .

اخر يوم قبل السفر تيمع الفواتير ملوت كل محل و تروح لهم يعطونك فاتورة تسترجع فيها قيمة المبلغ الاضاقي الي كانو ماخذينه في المطار يا تاخذة كاش او بالفيزا انت تختار بس الافضل كاش لان الفيزا تطول واحتمال كبير يروح عليك و ما يردونه بالفيزا

مو شرط اخر يوم المهم انه تيمع فواتيرك تسويه مرة وحده

او عادي في محلات تاخذة من نفس مكان الكاشير و بنفس الوقت و في محلات تروح طابق معين

لا تشيل هم شي بلندن
لا في تعقيدات و لا شي
كل شي يمشي بسهاله و خاصه لندن من كثر ماهم متعودين علينا
و اي شي احنا بالشوفه ان شاء الله و كل استفساراتك بتلقا لها ردود بالمنتدى و بموضوعي بالتوقيع مثل ما قريت
انت بس لا تحاتي و بتشوف شلون ان ماله داعي تشيل هم شي كلش
و اكل لندن عجيب ! في موضوع بالقسم عن مطاعم لندن ..
و بحط في موضوعي بعض المطاعم اللي اوصي فيها.. تابع و تشوفها ان شاء الله

اخوي لندن فيها عرب كثير
وماتخلى من الخليجيين طول السنه
اكثر دوله اوروبه متعوده ع العرب هي لندن

توكل ع الله وصدقني بتدمنها

توكل على الله راح تنبسط كثير و بتكون سفرة مميزة لا تنسـى ^_^

طيب باقي على العيد اكثر من 20 يوم ان شاالله يمديك تطلع الشنقن اطلع بكره للسفاره الفرنسيه وراح تلاقي الشروط في بوابة فرنسا
وان شاالله تنبسط

الشكر موصول لكم جميعا كلن باسمه عز الله ما قصرتوا

وان شاء الله تكون السفره على المستوى اللي اتمناه زي ماقرأت في الكثير والعديد من المشاركات


وبالنسبة للفيزة فرنسا حبيت اجلها لين مره اخرى وهالمره بكتفي بلندن لاني راجعت مكتب فيفا وقالي زحمة واحتمال
ما تخلص قبل العيد

الحين بعد ما طلعت الفيزا قررت احجز

في كبرلاند 4 ليال
ومونت كالم 6 ليال

بقيت شرشل ناس وايد مدحوه بس فل

ابي نصايحكم والا اخليها العشر ليال في مونتكالم ومايحتاج اجرب الكمبرلاند

مرحبا .. انا بعد حجزي في كمبرلاند من اول العيد سمعت انه الافضل من حيث الموقع


بس اول مره اسمع عن موضوع التاكس فري هذا زين نبهتوني واصلا ليش من الاساس ياخذونه اذا بيرجعونه

وبعدين وين اقدر استرجعه...؟؟ وين بالضبط في المطار

المشاركة الأصلية كتبت بواسطة بوشكري
http://www.arabtravelersforum.com/tr...4/#post5979524

الحين بعد ما طلعت الفيزا قررت احجز

في كبرلاند 4 ليال
ومونت كالم 6 ليال

بقيت شرشل ناس وايد مدحوه بس فل

ابي نصايحكم والا اخليها العشر ليال في مونتكالم ومايحتاج اجرب الكمبرلاند



طبعا المونتكالم اذا ميزانيتك تسمح افضل من الكمبرلاند بوايد !
من ناحيه الموقع اثنينهم نفس الموقع
من ناحيه الخدمه و الرقي و الفخامه المونتكالم افضل
بس اذا انت معاك احد لا تاخذ الغرفه اللي اصغر شي لانها يا دوب بتشيل شخص واحد
اخذ الاكبر

بوشكري

نصيحتي لك اختار فندق واحد تسكن فيه طول يا المونتكالم او الكيمبرلاند او ثيستل ماربل ارتش انا عن نفسي افضل المونتكالم يعدها ثيستل ماربلا ارتش وانصحك تشوف الأرخص فيهم وتنزل فيه لأنه الافضل
التشيك ان والتشيك اوت شغلة والواحد رايح يتمشى ويوسع صدره والواحد مو رايح يتقل من فندق لفندق
عالعموم القرار قرارك
ولاتشيل هم حاجة في لندن ابدا مافي امتع منها ولا اسهل منها والأنجليز طيبين جدا
موفق ان شاءالله

ثيستل لا يقارن بالمونتكالم
المونتكالم حديث راقي حتى الناس و العاملين اللي فيه راقين .. نظيف يديد
مو نفس ثيستل ابدا

انا معاك المونتكالم مميز وموديرن وجميل جدا واهم من هذا خمس نجوم
هذا مو يعني الثيستل انه اربع نجوم مو راقي ..الفندق جدا محترم وموقعه ممتاز ومن الفنادق الممتازة يعني ماعليه كلام
لاكن المونتكالم فيه رفاهية اكثر
والثيستل مكانه بالنسبة ليا افضل هوا والماريوت برضه من احلى الفنادق

المشاركة الأصلية كتبت بواسطة aLKuwaitia
http://www.arabtravelersforum.com/tr...2/#post5980402

طبعا المونتكالم اذا ميزانيتك تسمح افضل من الكمبرلاند بوايد !
من ناحيه الموقع اثنينهم نفس الموقع
من ناحيه الخدمه و الرقي و الفخامه المونتكالم افضل
بس اذا انت معاك احد لا تاخذ الغرفه اللي اصغر شي لانها يا دوب بتشيل شخص واحد
اخذ الاكبر










المشاركة الأصلية كتبت بواسطة the skill
http://www.arabtravelersforum.com/tr...0/#post5980910

بوشكري

نصيحتي لك اختار فندق واحد تسكن فيه طول يا المونتكالم او الكيمبرلاند او ثيستل ماربل ارتش انا عن نفسي افضل المونتكالم يعدها ثيستل ماربلا ارتش وانصحك تشوف الأرخص فيهم وتنزل فيه لأنه الافضل
التشيك ان والتشيك اوت شغلة والواحد رايح يتمشى ويوسع صدره والواحد مو رايح يتقل من فندق لفندق
عالعموم القرار قرارك
ولاتشيل هم حاجة في لندن ابدا مافي امتع منها ولا اسهل منها والأنجليز طيبين جدا
موفق ان شاءالله




بصراحة ماني عارف كيف اقدر اشكركم وخصوصا الاخت aLKuwaitia ماشاء الله عليك
ولايهون الاخ the skill


بعد التوكل على الله تم الحجز في المونتكالم ومو مهم السعر مع انه شوي غالي لكني دايم افضل المكان الممتاز
واحرص اني اسكن في مكان يكون انا بمستوى بيتي او اعلى

وخيره اصلا ما حصلت حجز في الكمبرلاند
الحجز طيران القطرية وبالموت حصلت في 5 سبتمبر مع انه كان ودي اطلع من اول ايام الاجازه هع موب قادر يصبر

وايضا حجزت لي تاكسي زي ما شفت في موضوع الاخ القطري جزاه الله الف خير صراحه المنتدى في حد ذاته
يعتبر ارقى مكتب سياحي لجميع تساؤلات المسافررين بيض الله وجيهكم جميعا

وهذا الرابط حق موضوع الاخ القطري
http://www.arabtravelersforum.com/travel349761/

باقي شغله وحده ابيها من الاخوان وبكذا اكون ان شاء الله خلصت كل استفساراتي
الاماكن الساحية زي مدام ما ادري شسمها متحف الشمع من الحين بدينا ننسى الاسامي
ولندن اي احجز منها عن طريق النت او في مكاتب هناك اقدري اشتري التذاكر بدون ما اصف كوابير واروح لها


دعوة في ظهر الغيب لكل شخص رد على استفساراتي ولكل عضو قرات له تقرير عن لندن
بصراحة مع المنتدى تحس انك في قلب الحث

ايي والله يااخوي ابو شكري بصراحه هالمنتدى ساعدني وايد,, حسيت اني سافرت لندن قبل لااسافر ههههه عشت الاجواء صح وكل يوم اتعلم شي جديد .. اكيد مابيجي وقت السفر الا واحنا صرنا خبره


شكرا للجميع

بس ماعرفت احجزت هالميني كاب تطلع لي بيانات غريبة مادري من وين اجيبها

مع العلم اني بسافر مع امي بس يعني احنا ثنتين هل يناسبنا الميني كاب؟

بوشكري

إختيار موفق ورحلة سعيد ان شاءالله

السلام عليكم جميعا

والله يرزقنا وياكم ليلة القدر في هالشهر الكريم

يا اخوان انا بالامس صرفت من العمودي الخبر وعطاني كلها فئات الخمسين

ياليت اهل الخبرة يطمنوني لان قرأت في مواضيع قديمة انها صعبة والكثير يرفض التعامل معاها

يعني لو نزلت الفندق وعطيته المبلغ كله من فئات الخمسين راح يرفض ؟

وش الحل في رأيكم


واستفسار اخير هل يوجد شرايح مايكور للايفون والا اودي معي جوال عادي


كتبت استفساراتي في مواضيعي اخرى ولم اجد الجواب الشافي
ارجو من الاخوان الاجابه لاني الان في مرحله العد التنازلي للاستعداد للرحله

للرفع


كل عام وانتم بخير

المشاركة الأصلية كتبت بواسطة بوشكري
http://www.arabtravelersforum.com/tr...6/#post6017816

السلام عليكم جميعا

والله يرزقنا وياكم ليلة القدر في هالشهر الكريم

يا اخوان انا بالامس صرفت من العمودي الخبر وعطاني كلها فئات الخمسين

ياليت اهل الخبرة يطمنوني لان قرأت في مواضيع قديمة انها صعبة والكثير يرفض التعامل معاها

يعني لو نزلت الفندق وعطيته المبلغ كله من فئات الخمسين راح يرفض ؟

وش الحل في رأيكم


واستفسار اخير هل يوجد شرايح مايكور للايفون والا اودي معي جوال عادي


كتبت استفساراتي في مواضيعي اخرى ولم اجد الجواب الشافي
ارجو من الاخوان الاجابه لاني الان في مرحله العد التنازلي للاستعداد للرحله




1- تقبل الله طاعتكم و عيدكم مبارك .. ما سافرتو؟

2- مافي اي مشكله بال50 و بتمشي بكل مكان و ماعليك من الكلام و خاصه الفندق لا راح يرفضها و لا شي .. ممكن 50 واحد ببقاله و تشتري منه بباوندين و تعطيه 50 بيقولك مافي فكه بس

3- في شرايح مايكرو جاهزه مسبقه الدفع عند اورانج و تي موابيل .. فودافون ممكن مايكون في مايكرو لمسبقه الدفع بكل الافرع بس الموظف يتصرف و يقص لك اياه بالقطاعه من عنده بدون مشاكل

بالسلامه و التوفيق

يالبى قلبك والله يعجز القلم واللسان عن شكرك السفر يوم الاثنين ان شا الله *

وافونا في الاجواء هناك اذا وصلتو في السلامه

واذا ما وصلتوا راح نسمع اخباركم

اخوي
صدقني ماحتندم أنا كنت هناك قبل شهر والله البلد حلوه عجبتني اكثر من فرنسا وإسبانيا
اهم شي تنتبه علي الشنطه من السرقات ولو المدام تستخدم الشنطه الي تنحط على جنب مو على الكتف افضل وخليك حريص في الاندرقروند
أنا كنت اروح بي الاندرقروند وارجع بتاكسي الليل
فيه منطقة البيكاديلي حلوه جداً
وافضل شي تطلع البيج بص "الباص الأحمر السياحي" جداً حلو أنا حجزت فيه يومين يودين افضل الاماكن في لندن ولا تشيل هم البلد أمان بس الحرص واجب طبعا لان منظ ا الخليجيين ملفت للحراميه في اي بلد :-))
لكن الانجليز كتيرررررر متعاونين *

السلام عليكم

مشكوره يااخت لمار نصايحك مهمه وماقصرتي

احب ابشركم اني وصلت البارح بالسلامه بس لاني تعبان وايد كنت مواصل مانمت ما اعرف انام في الطيارة
بس الحمدلله اكثر شئ كنت شايل همه هو مطار هيثرو من كثر ما قريت عنه ولكن الحمدلله الامور تمام مرت بسلاسه

ولا انسى الاهت الكويتيه يوم قالت مطار جده نظل فيه اكثر عن هيثرو هههه
وابشركم السيارة اللي طلبتها بس فتحت جوالي الا اتصال ومسج وكلمته وعلى طول مشينا يعني الامور سهلات


الفندق بصراحه ممتاز وماكنت متفاجأ لان الكل قالي الفندق حجم الغرف صغيره بصراحه صغيره بس يلا اهم شئ
نظيف والاستقبال كان حلو جدا حسيت اني مهم خخخخخخخ


في شغلتين ودي استفسر عنها طبعا مالي غنا عنكم

الحين اهم يأخذون بخشيش البنية اللي في الرسبشن طلعت معي فوق الى الغرفه وقالت لي اي شئ تبي انا
حاظر ومشت عصبت المدام وقالت ليش ماعطيتها بخشيش
وبعدين جانا واحد جنتل انا افكره مدير الفندق الا وهو جايب الشنط وماعطيته شئ والله قلت هذا اكشخ مني استحي اعطيه


سؤالي الثاني ومهم جدا في الطيارة قالو ((طيران القطرية)) لازم تأكد حجزك قبل 72 من العودة والا يعتبر حجزك ملغي
صحيح هالكلام طيب وحجزي المؤكد من الديرة شلون وين اقرب مكتب خطوط للطيران القطرية

اسف للاطاله بس نايم بدري ومروق على الاخير

المشاركة الأصلية كتبت بواسطة alkuwaitia
http://www.arabtravelersforum.com/tr...0/#post6087800

الحمدلله علي سلامتك يا بوشكري عطنا التطورات عاد اول باول
اي فندق انت الحين ؟

اول شي اي نعم ياخذون بخشيش عادي الكل ياخذ و متعودين بلندن بس حتى اذا ما عطيت عادي مو نفس العرب حنه و تنفيس اذا ما عطيتهم!
انا شخصيا افضل اعطي اللي يشيل الشنط - الهاوس كيبينق - اللي عند الباب - البيل بويز .. مو المدرا و الريسيبشن ..

الحجز مؤكد خلاص ما تحتاج تاكده بس اذا تبي زياده التاكيد عط التذاكر الكونسيرج بالفندق و قولهم ياكدون لك الحجز بالتلفون .. هذا احد وظائفهم



الله يسلمك

انا الان في المونتكالم وابشرك كل شئ اول باول ولايهك

الفطور رحنا الوافل بس مسكر هع وفطرنافي بيروت وردينا الفندق مطر وهوا بارد قوي صج فرق عن امس اتخيل الجو
في مطار الدمام هع 46 سلاااااااااامات

مشكوره اختي على متابعتك

بوشكري شخبارك وشخبار لندن


انا امس راجعه بس ماشبععععععععععت

اليي نزلت فيها عند صدق او لا تصدق اهيه البيكاديللي