الموضوع: اول مرة بمانشستر وعندي اسألة بخصوص الفنادق وغيره

السلام عليكم
بنسافر لمانشستر في عطلة عيد الاضحى لاول مرة وعندي كم سؤال:
1- نبي اسامي فنادق (مو الا الفخامة) ولكن المهم النظافة والخدمة وتكون قريبة من ساحة البيكاديلي بحيث ممكن نمشي لها
2- اهم المعالم والمجمعات والاماكن اللي نروح لها
3- بالنسبة للسوق هو اللي موجود في شارع البيكاديلي صح؟
4- سمعت وقريت عن فندق City ان ، شلونه؟

ويا ريت لو فيه معلومات او امور غير هالامور لازم نعرفها تبلغوني
وشكرا

مواضيع عشوائيه ممكن تكون تعجبك اخترناها لك:

• آوت لت Bicester Village بالقرب من لندن
• حبيت اسال واخذ اقتراحاتكم عن شقق وفنادق في لندن ضروري
• كم تكلفة السفر الى الريف الانجليزي
• خطة سفر لايـرلـنـدا وسكوتلندا و
• التنقل من هيثرو تيرمنال إلى مدينة أكسفورد رحلتي قربت اتمنى الدخول
• تقرير الرحلة المرابطية للاراضي الاسكتلندية و الويلزية
• ارجو من اخواني القطرين والقطريات مساعدتي في هذاة الاستفاسرات ؟
• خبراء لندن ممكن مساعدتكم شوية استفسارات تخص الرحلة تحملوني شوي
• السفر على الخطوط البريطانية و ساعات انتظارافيدوني
• للي يعرف لايقصر بارك الله فيكم
• يوجد ثقب خطير في جدولنا السياحي للي عندهم خبرة خارج لندن
• او
• خبراء اسكوتلند ممكن شوي بس
• استفسار حول تأشيرة المقيمه
• بلييييز بسافر لندن اول مره ابى مساعدتكم
• سؤال للي توهم مقدمين على فيزا بريطانيا
• اريد تخطيط رحلتي جلاسكو و لندن
• افضل شريحة للجوال في لندن
• هل لندن آمنة بعد هجمة باريس الارهابية مؤخرا ؟
• الامكان السياحيه من محطة

اختي انا توني ياي من مانشستر ..طيعيني واخذوا كراون بلازا فخم ونظيف وراقي وموقع ممتاز وبنفس الوقت رخيص الليله اذكر كانت 500 ريال سعودي ...او 40 كويتي

المعالم: اهم شي بيكاديلي اهناك السوق كله والمطاعم والسينمات واللويه

مجمع تروحونه من باص 250 بعيد شوي بس كبيرررر اعتقد اسمه ستارفورد؟ شي جذي والله نسيت الاسم لوول

جم يوم بتقعدون؟ ترى انا قعدت سبوع كامل بس حسيت انه 3 ايام كافي عليها مادري يمكن الاعضاء مايوافقوني الراي

في شقق روم زز بالبوكنج تقيمها عالي

ولما رحنالها كأنها غرفه بفندق رووعه ونظافه وبالبكادلي

والاهم من كذا امنه جدا اول ماتدخل تنزلها للوبي ثم من الاتجاه الاخر ترقى من اللوبي عالغرف

وبالليل ماتدخل البوابه الا بكرت

فطورهم بوفيه صغير عادي جدا كروسان 3 انواع وفواكه وكافي انواع وعصير فقط

والبكادلي فيها مجمع ارنديال وقدامه عين مانشستر العجله

+ محلات عالشارع من بره زي بريمارك وتي ماكس وهارفي نيكلز والكثير

وبنفس البكادلي في محطات الباصات والترام قصلك تذكره ليوم واحد مفتوحه

هذي معلومات خذتها من المنتدى منقوله

ان شاء الله تفيدك

منطقة البيكاديللي احسن منطقه للسكن في مانشستر الكثير من المطاعم والمقاهي
وسوق ارندل المشهور هناك وعين مانشستر مثل اي لندن
وهارفي نيكلز يوجد مطعم ناندوز في سوق ارندل وهو من اشهر المطاعم في بريطانيا

في وسط البيكاديللي تاخذ الترام يوديك للمجمع والملعب تقريبا سبع دقايق
وتكون هناك تقص التيكت من الاجهزه الموجوده بجانب نقطة توقف الترام

تقدرون تروحون بالباص المجمعات
واحد اسمه ستي سنتر وحوله محلاّت ثانيه مثل سلفردج ،، دبنهامز ،، بريمارك وغيره ،،


وواحد ترافورد سنتر وهو الاكبر والاكثر شهرة ويقال عنه انه اكبر مجمع في اوروبا
رغم اني اشوفه صغير بالنسبة لمجمعاتنا يبعد حدود 5 دقايق بالتاكسي عن منطقة السنتر ،
وفي باصات تودي لترافورد مول وبالطريج ملعب manchester united وهو باص 250
ممكن تنزلون الملعب وبعدين تركبون للسوق نفس المكان والتذكره للباص إسمها one day raidar ب 3 باوند
وقريب من المجمع يوجد نادي مانشستر اذا لكم اهتمام بالكورة تقدرون تاخذون جولة سياحية بالنادي

ومول بعد (( ميرسي واي )) بالباص
وفي مطعم هندي روعه ووايد تكاسي تعرفه مشهور بالإستوكبورت رود بوفي الشخص 12 باوند

فيه ايضا اوت لت سوق مخفض قريب من مانشستر بس للاسف انا ما زرته ولا اعرف طريقة الوصول له

أنا سكنت الأسبوع الي فات في فندق إسمه هوليدي إن إكسبرس مطل على بحيره حلوووووووووه و مكانه هادي جدا وقدام الفندق كورنيش و مجمع تجاري حلو بس تقطع جسر و قريب من ملعب منشتر يونايتد وسعره في وقت حجزي رخيييييييييييييص جدا 150 ريال بس و مع فطور بعد والصراحه نظييييييييييف والغرف حلوه مره و ما فيه زحمه و إذا معك سياره المواقف ببلاش صراحه ما أعجبني في بريطانيا إلا هو عجبني مره

فندق رمادا ملاصق للبكاديلي ..۔ اوصيك بشارم روشم ممتاز جدا عشا و غدا كله مطاعم حلال

مشكورين جميعا
بس ابي اسامي فنادق اهم شي بالبيكاديلي غير اللي ذكرتوهم؟
غير رمادا وبعد؟

المشاركة الأصلية كتبت بواسطة رايق036
http://www.arabtravelersforum.com/tr...4/#post6233124

أنا سكنت الأسبوع الي فات في فندق إسمه هوليدي إن إكسبرس مطل على بحيره حلوووووووووه و مكانه هادي جدا وقدام الفندق كورنيش و مجمع تجاري حلو بس تقطع جسر و قريب من ملعب منشتر يونايتد وسعره في وقت حجزي رخيييييييييييييص جدا 150 ريال بس و مع فطور بعد والصراحه نظييييييييييف والغرف حلوه مره و ما فيه زحمه و إذا معك سياره المواقف ببلاش صراحه ما أعجبني في بريطانيا إلا هو عجبني مره



اخوي اذا ماعليك امر ياليت تحط موقع الفندق من بوكنق

هذي لسته بسيطه بفنادق في مانشستر

Crowne Plaza Manchester City Centre
The Place Apartment Hotel
Ramada Manchester, Salford Quays
Roomzzz Manchester
Mercure Manchester Piccadilly Hotel
Mint Hotel Manchester
Ibis Manchester Centre

شوف الصور واراء الناس ...

السلام عليكم

للاسف كان ودي اساعد بس زيارتي لمانشستر ما تعدت اليوم .۔ و هذي خلاصه معرفتي بمانشستر حطيتها بموضوعي :

http://www.arabtravelersforum.com/post6206578-378/

حياكم الله

الجماعة ما قصرو ولكن ليش ماتروحون لندن