الموضوع: ياقطر ياأهل الجود ابي فزعتكم بمطاعمكم اللذيذه

اهلين ياأهل قطر ومن زاراه ولمحبي قطر

انا جايتكم قريب باذن الله وهذي اول زياره لنا

ابي تقول لي افضل المطاعم عندكم تصلح عوائل ابيها تكون ياماكولات بحريه او عربيه

اهم شي تكون الاكل ممتاز وطازج ولذيذ

تراى مالنا بالاكل الايطالي او الاميركي

وياليت اللي يقول اسم المطعم يقول اسم الاصناف الممتازه وموقعه واسعارهم

وعندي طلب صغيررررررررر ابي شقق نظيفه وراقيه واسعاره معقوله

لان متعوده نسكن فنادق بس سمعت ان فنادق قطر غاليه والميزانيه هالمره ماتسمح

ولكم خالص تحياتي

مواضيع عشوائيه ممكن تكون تعجبك اخترناها لك:

• فندق سوق واقف
• أسامي المولات في قطر
• شقق ازدان الدوحة صور
• ¸¸۝❝الله ياعــمـــري قـــطـــر اكثر من صوره❝۝¸¸
• ما عندي أدنى معلومة و أرجو الإفادة
• قانون الترانـزيـت بمطـار الدوحـه
• السلام عليكم ورحمة الله وبركاته استفسار من اهل قطر الكرام
• يوم و محتار ؟
• القطرية احتفلت بنهاية العام باستلام طائرة بوينج
• الاماكن التي تستحق الزياره بقطر
• كم سعر تاجير السيارة في الدوحة؟
• استفسااار بسيط سااعدوني قربت الرحله
• اولـــ مره في الحياة
• استفسار عن مولات قطر و برنامج للسياحه فيها ؟؟
• بخصوص الترانزيت قطر الي الرياض الي مانيلا
• استفار عن مكان كذا محل في قطر
• كيوتيل ولا فودافون؟؟
• رحلة شبابيه لمدة ليلتن اتمنى تساعدوني خصوصا ان انه اول مره نروح قطر
• مساعده في السكن
• الخطوط القطرية تختتم العام باستلام طائرات جديدة

http://www.arabtravelersforum.com/travel229606-3/ هلا فيج اختي وتنورين قطر


وزياره سعيده أن شاء الله


هاذي مجموعة تقارير عن الاماكن السياحيه واحسن المطاعم راح تفيدج ان شاء الله في الاختيار


http://www.arabtravelersforum.com/travel283370/


وبنسبه الي السمن انحكم تسكنون في الشقق الي سكنها اخونا صاحب هاذا التقرير


http://www.arabtravelersforum.com/travel229606-3/


وبعد مايطوفكم مطعم اصفهان الي فيس سوق واقف عجيب ويستاهل التجربه


http://www.arabtravelersforum.com/travel229606-3/


واي خدمه احنا حاضرين

مشكوره اختي قطر 333 على ردك السريع

اللهم اجلعه في ميزان حسناتك

بس ياليت باسماء مطاعم اكثر حتى يكون في فرصه للاختيار والتغيير لان تقريبا جالسين اسبوع او اكثر ان شاء الله

انتظر رد البقيه

حياك الله ياخوي في بلدك الثاني

انصحك ياخوي في مطعم بخاره .. واللي يكون جمب نادي قطر للتنس والاسكواش ونادي الدانه
وعندك مطعم شبستان بجمب فندق مروب

واي خدمة ثانيه احنا في الخدمة

حياكم الله وتنور قطر فيكم

طبعا سفراء قطر ماقصروا

بس ازيد عليهم

عندك سوق واقف عندهم مطاعم كثيرة وخصوصا ان كل مطعم له نمط غير
يعني ايراني خليجي ايطالي مغربي عربي هندي ولكم حرية الاختيار

كذلك انصحك تجربين مطعم اشاز الهندي في فيلاجيو رائع

وممكن تجربين مطعم سراي في فيلاجيو
اكلة مرة طيب ويجنن ...

وعندك مطعم لبناني مرة يعجبني وررراقي اكلة مطعم الباتروس في فندق البستان قريب من متحف قطر الوطني

وكذلك انصحك تجربين مطعم سلطان ابراهيم في فندق الانتر
ومطعم الصياد في النادي الدبلوماسي (بس انصحك تجربينة وقت الغداء افضل ) - بحري ولبناني مشكل

مشكورين وماقصرتو وفيتو وكفيتو

الله يعطيكم العافيه

مو غريبه على شعب مثلكم

ودي بسوال اخر ********تراك طولتيه

انا بحثت بالمنتدى عن الشقق عندكم مالقيت الا السراج والديره مافي شقق افخم منها ومعقوله الشقق عندكم قليل

اكثر اللي بحثت عنه فنادق طيب ممكن فندق يكون حلو وسعره حلو بحدود 500 ريال سعودي

ومعليش تعبتكم معانا بس حبيت نروح وعارفين كل شي مايروح الوقت باللف والدوران والتجارب

مشكوررررررررررين مقدما

السلام عليكم

هلا ومرحبا فيكم ..

بالنسبة للمطاعم ..

عندكم للمأكولات الإيرانية .. عندج مطعم الشاطر عباس وله كذا فرع منهم اثنين في الستي سنتر وعدة أفرع خارجية ..

أما اصفهان اللي ذكره الأخ ماقد جربته بصراحة ..

للمأكولات الهندية أنصحكم وبشدة بمطعم رويال تندور .. وله فرع في سوق واقف وفرع في شارع السد .. وبالنسبة للطبق المفضل هو البتر تشيكين Butter Chicken

أو مطعم بخارى الواقف في مجمع خليفة للتنس والاسكواش .. مكانه حلو وقعدته حلوة ..

المطاعم العربية .. مطعم الساحة اللبناني مطعم مشهور لكني ماجربته ..

مطعم الحبارى في فندق الشيراتون .. يمدحون بوفيه السي فود عنده يوم الأربعاء الشخص على 240 ريال

مطعم المجلس في شارع السد ..

ولا تنسون تمرون على مندرين .. محل راقي متخصص في العصائر الطازجة .. وانصحكم بكوكتيل الشقف او عصير اسمه حمد أو فهد ههههه الاسم غريب لكن هذا اسمه .. ولهم كذا فرع منهم في الستي سنتر وصوب مجمع المطاعم في تقاطع رمادا

وان تذكرت غيرهم بنزلهم في رد ثاني ان شالله ..

بالنسبة للشقق .. في شقق مستواها حلو وعائلية .. وموقعها أكثر من رائع بصراحة لان كل شي بيكون قريب منكم وهي شقق رتاج فرع بن عمران أو القريبة من بن عمران ..

المكان نظيف وعائلي ومحترم .. واذكر احجزوا عنده الربع من فترة ... غرفتين وصالة بـ 777 ريال

وأي استفسار اخر حاظرين .. وان شالله عاد مايكون الرد متاخر ..

درب السلامة ان شالله

مشكورين sukhoi واسير الدوحه ماقصرتو وفيتو وكفيو

الله يعطيكم العافيه

وان شاء الله راح اكتب تجربتي عن المطاعم اللي راح ازوره اذا جيت قطر باذن الله

عندي سوال لبنات قطر الغاليات

ماحبيت افتح موضوع وان شاء الله تدخل على هالموضوع والا بضطر انزل موضوع جديد


ابي اسالكم القى عندكم فساتين حلوه ونعومه واسعاره من 400 ريال وتحت
تكون لمناسبات صغيره مابي فساتين سهره
وابيها تكون طويله او فساتين سهره بس نعومه مررررره بس يكون حلو قماشه وبنفس السعر

توقعون القى شي بسوق واقف لان عادي مايهمن ماركه او لا اهم شي الجوده والشكل والسعر مايتعدى 400 ريال س

انتظر ردكم باسرع وقت