الموضوع: استفسار بخصوص درجة الحرارة و أشياء أخرى فبرايرأول مرة أروح إيطاليا

السلام عليكم ..

صباح الخير أهل إيطاليا


أول مرة بروح إيطاليا ..
طبعا ما رح أصدق إلا إذا رحتها .. لأنو كل ما قررنا تتكنسل سبحان الله

المهم الرحلة إذا ربي سهل بتكون في 18 فبراير و حتى 28



ودي أعرف التالي :

1- درجة الحرارة في هذا الوقت ؟

2- أحلى أربع مدن إذا كانت الرحلة مدتها 10 أيام و كم يوم لكل مدينة

3- أحسن طريقة للتنقل بين المدن قطار او استئجار سيارة
, هل ينصح بالجي بي اس يعني بالانجليزي الجي بي اس اللي بمحلات اجار السيارات ,
أو إذا عندنا جي بي اس ينفع ننزل فيه خرايطهم ؟

4- عناوين الأوت لتات في روما ؟

بقولك لكم وش برنامجي

روما 3 أيام
سيرموني يوم
فلورنس يومين
فينيسا يومين
روما يومين

وش رايكم ؟

عندكم تعديل على البرنامج ؟




جزاكم الله خير .. و شكرًا سلفا

مواضيع عشوائيه ممكن تكون تعجبك اخترناها لك:

• استفسار من أهل الخبرة لاهنتوا
• إلى خبراء ومشرفين ايطاليا
• المسافات بين مناطق ايطاليا بالقطار ضروري
• اين اذهب هناك
• كم يوم يكفي لتغطية الاماكن السياحية المهمة في ايطاليا ؟؟
• ماهوالافضل يا خبراء ميلان او فينيسيا
• من احسن فندق من هالفنادق ويكون مكانه بمركز المدينه
• ليه مطنشين استفساري
• السفر لاوروبا
• مساعدة في رحلة عسل 12 يوم الي ايطاليا
• استفسار طيران يطلع من ميونخ الى روما
• ارجو المساعده بسرررررعه مين مسافر الى ميلان اليوم
• استفسار الانتقال من روما الى لوغانو
• احداثيات مواقف ساحة الدومنو
• ارجو مساعدة رايح ايطاليا
• ايش الافضل احجز من المواقع من النت اومن محطة القطار هناك
• نقطتين
• استئجار سيارة ؟؟ ام ميترو ؟؟ للتنقل بايطاليا اذكر تجربتك
• يوم بروما
• محتاج رايكم أيام شهر عسل في ربوع أيطاليا

المشاركة الأصلية كتبت بواسطة اا شيهانة اا
http://www.arabtravelersforum.com/tr...3/#post2593458

السلام عليكم ..

صباح الخير أهل إيطاليا


أول مرة بروح إيطاليا ..
طبعا ما رح أصدق إلا إذا رحتها .. لأنو كل ما قررنا تتكنسل سبحان الله

المهم الرحلة إذا ربي سهل بتكون في 18 فبراير و حتى 28



ودي أعرف التالي :

1- درجة الحرارة في هذا الوقت ؟

2- أحلى أربع مدن إذا كانت الرحلة مدتها 10 أيام و كم يوم لكل مدينة

3- أحسن طريقة للتنقل بين المدن قطار او استئجار سيارة
, هل ينصح بالجي بي اس يعني بالانجليزي الجي بي اس اللي بمحلات اجار السيارات ,
أو إذا عندنا جي بي اس ينفع ننزل فيه خرايطهم ؟

4- عناوين الأوت لتات في روما ؟

بقولك لكم وش برنامجي

روما 3 أيام
سيرموني يوم
فلورنس يومين
فينيسا يومين
روما يومين

وش رايكم ؟

عندكم تعديل على البرنامج ؟




جزاكم الله خير .. و شكرًا سلفا

هلا اخوي,,,,,,

بحاول اجاوبك على اسئلتك.......

1-درجات الحرارة في هذا الوقت ؟؟؟خلينا نقول لك انه برد مررررررررررة يعني بحدود 8 درجات الى 10

في النهار...

2-المدن اللي اخترتها حلوة....بس انا اشوف ان سيرموني بتصير برد لانها على بحر وحلاتها اذا الجو حلو

يعني على شهر 4

3-اذا كانت المدة اكثر من اسبوع يفضل استئجار سيارة......وطريقة استخدام الجي بي اس سهل مرررة

في ايطاليا....

4-الاوت لت في روما ما عندي خبر ؟؟؟؟؟؟بس لو تبي ميلان انا حاضرة

(اخوي ما يصير تروح ايطاليا وما تشوف ميلان ترها حلوة):24:

حاول اخوي تضبط يوم روحتك لفينيسا يوم المهرجان.......لانه ما يفوت روعه مرررررررة:113:

ورحلة سعيدة ان شاء الله:101:

[size="4"][center]اقتباس بواسطة الزعيمة

هلا اخوي,,,,,,

[color="RoyalBlue"]هلا بك يختي

اقتباس بواسطة الليث الايطالي
طبعا الجوء برد وثلوج
يالله الخيييييييييرة

لا انصحك بزيارة سيرموني في هذي الفترة لان جميع النشاطات مقفلة (تصحيح معلومة سيرموني واقعه على بحيرة قاراد وليست بحر )
يعني مالنا نصيب بهالملاهي و المطعم اللي فيه العرض الفكاهي
انا معاي 4 أطفال 15 - 13-بنات .. و 11 - 9 سنوات أولاد ..
خلاص إذا لااجواء ما تناسب زيارتها .. اللي تشوفونه


احرص على المدن ميلان وفينيسيا وفلورنس وروما
التنقل بالقطار افضل لك

قطار و إلا سيارة ..
أنا أميل للسيارة .. لأن بنتساعد أنا و زوجي على السواقة
و عيالنا معنا حوسة القطار ..
أحسن سيارتنا الخاصة على كيفنا متى ما بغينا نوقف متى ما بغينا نمشي ..
و يمكن نلف مدن أكثر بعد
و إذا تقترح علينا شركات اجار سيارات رخيصة ..
و أكبر سيارة عائلية مريحة موجودة بمحلات اجار السيارات (شرط مو نقل يعني مو باص)

تحياتي.................

جزاك الله خير يالليث الايطالي
ويارب ما ننحرم منكم و من خدماتكم

[size="4"][color="RoyalBlue"]أقول ..

يا أهل إيطاليا ..

تكفون كلكم ساعدوني ..

قولوا أي شي ممكن يفيدني ..

لأن هالبلد من اختياري ..

إيطاليا حلمي اللي عيا يتحقق -زوجي سبق و زارها- ..

كل ما عزمنا .. نغير راينا و نروح أمريكا

ايه .. نسيت أقول لكم ..

سيرموني صرفت نظر عنها ..

من اقتراحاتكم بأنها ما فيها اكتفتيز هالوقت ..

و عقب ما قريت موضوع الأخ فارس تميم


بانتظار ردوكم ..

و فيه شي مهم نسيته ..


ودنا نحضر مباراة .. أي مباراة من الكالشيو

و لا تنسون التوقيت .. من 18 - 28


جزاكم الله خير

لي رجعة اختي....قريبا

اقتباس بواسطة الزعيمة
هلا اختي........
هلا بك أكثر ..

اسفة ما انتبهت لااسمك ....السموحة
لا باس يالغالية ..

انا اشوف لو تشلين سيرموني وفلورنس........
أنا أشوف كذا بعد

احسن وخلي بدالها ميلان....
تتوقعين تستاهل ميلان ؟

وحاولي تمرين على لوقانو بسويسرا
وشي ذي .. حلوة ؟ وش بها ؟

اختي.... ميلان غالية بس غلاها عادي بالنسبة لاوروبا....
شوفي .. إذا محرزة موب مشكلة الغلا ..
يعني مثلا .. يوم رحت ماليزيا .. ما رحت بينناتغ .. و تحسفت صراحة لأني ما راح أرجع ماليزيا ..
عشان كذا ما أبي أكرر الخطأ ..
هل ميلان تستاهل اعطيها كم يوم و اجازتي 10 بس ؟

بس الاوت لت سيرفالي الموجود في طريق جنوه
مايفوت اسعار الماركات بنصف سعرها الاصلي
ولوقانو اوت لات لوقانو ...فوكس تاون رهيب مرررة لا يفوتك الشوبنغ هناك ......

شوفي أنا رحت اوتلتتت كثير ..
بس مثل حق نيويورك ما شفت ..
اللي أشياء موجودة عالروفز بالريقولار برايس بالمحلات العادية .. و ألاقيها بالآوتلت بنص القيمة
يعني إذا اشياؤه حلوة أوكي أمر عليه .. نحب الشوبنغ حنا

ولا يفوتك ساحة الدوامو......روعة توسع الصدر
إذا اغراض مقلدة و خرابيط .. ماحب ..
بس إذا المكان من الأماكن السياحية اللي وسيعة صدر .. أوكي

اما كلامك ان الماركات اللي عندنا نفس اللي عندهم .....لا لالا والف لا لان الاسعار اللي عندنا دبل من سعرها الاصلي
واذا سوى تخفيضات فان توصل سعرها الاصلي با اوروبا.....عكس اوروبا اسعارها وقت التخفيضات روعة

وعلى فكرة في محلات ايطالية ماجت عندنا ابد.....موجوده بس با ايطاليا تلقينها بميلان

صدقتي .. بس أقصد .. الرحلة موب بس شوبينغ ..
إذا فيه مدن وسيعة صدر أكثر و أحلى من ميلانو ..
أروح لها ولا أمر ميلانو و هي بس شوبينغ
فهمتي قصدي ؟

وبالنسبة لمهرجان فينيسيا.....يبدأ 13 فبراير وينتهي 24 فراير

كويس .. طيب هل فيه شي ينحجز ..
يعني مثلا .. وش أرقى مطعم يطل على الاحتفال عشان نتعشى فيه مثلا
عساس نتفرج عالمهرجان و احنا بمكانا ..
أنا أحجز مقدما عن طريق موقع مرة حلو اسمه zagat
فيه top ten المطاعم ..

ورحلة سعيدة باذن الله اخيتي

إذا تعرفين مباراة بتقام بفترة وجودنا يا ليت تقولين لي ..
و إذا تعيدين ترتيب برنامج العشرة أيام حقتنا يا ليت بعد
جزاك الله خير يا الحبيبة ..
الله يوفقك و يسعدك يارب

أي خدمة أو اسئلة تخص أمريكا .. ترى رقبتي سدادة

برد عليك اختي قريبا

سبحان الله .

نفس الكلام اللي قالته اليوم مرت اخوي اللي سبق وراحت ..

بس هي اقترحت فينيسيا ما نبات فيها

بس طبعا لا اعتقد اهم شي فينيسيا


برجع لكلامك و افصصه إن شاء الله لاحقا

و بانتظار رد أخوك على المبارايات .

مرة نفسي نحضر مباراة




جزاك الله خير يالحبيبة

المشاركة الأصلية كتبت بواسطة المخلب الجارح
http://www.arabtravelersforum.com/tr...8/#post2606168

حياك الله أخوي .. انا ممكن إفيدك لأني الآن في إيطاليا :

1- درجة الحرارة في هذا الوقت ؟ درجة الحرارة طبعآآ راح تكون باردة يعني تقريباً 5-6 في النهار و في الليل اقل من كذا بأربع درجات تقريباً .. و طبعآآ شمال إيطاليا أبرد من جنوبها ..

2- أحلى أربع مدن إذا كانت الرحلة مدتها 10 أيام و كم يوم لكل مدينة عندك فينيسيا و روما حلوة .. و عندك سرميوني .. و هذا اللي اشوفه مناسب ..

3- أحسن طريقة للتنقل بين المدن قطار او استئجار سيارة
, هل ينصح بالجي بي اس يعني بالانجليزي الجي بي اس اللي بمحلات اجار السيارات ,
أو إذا عندنا جي بي اس ينفع ننزل فيه خرايطهم ؟ و الله لو تبغى الراحة .. إستأجر سيارة .. لأن القطار له مواعيد و راح يكلفك أتوقع كثير .. و إذا أخذت سيارة أحسن لك جي بي إس عشان ما تضيع ..

4- عناوين الأوت لتات في روما ؟ و الله ما عندي علم الصراحة بروما كثير ..

بالتوفيق إن شاء الله في رحلتك و ترجع سالم بإذن الله ..

أخوك / المخلب الجارح



هلا و الله المخلب الجارح ..

شكرًا لاجوبتك .. اللي أكيد بحطها في عين الاعتبار


و الحين كأنها بدت تتغير المخططات ..

يمكن الأطفال ما يجون معنا إن شاء الله ..

يعني يمكن ندور مدن أكثر من روما و ميلان و فيسيا

ما استغني عن اقتراحاتكم في الاوتيلات

الله يكتب اللي فيه الخير