الموضوع: تخطيط 19 يوم عسل في استراليا

مبروك على الزواج والله يوفقكم ويهنيكم شوف أخوي بصراحة أستراليا حلوة وايد وأنا ودي أعيد التجربة مرة ثانية بس النمسا مارحتلها بس أنا متأكدة انها مونفس أستراليا بالرحلات طبعا والجو لأن رحلاتها وايد يعني يمكن ما يكفيك الوقت أنك تخلص كل الرحلات وبعدبن جوها روووووووووعة لأن عندهم شتاء يعني ماراح يكون في موجة حر مثل أوربا و بعدين كل منطقة بأستراليا لها طابع مميز مثلا سيدني كلها تكنولوجيا ومبانيها حلوة و أسواقها بعد .. وعندك ملبورن كأنها لندن منناحية المباني وسوقها حلو ورحلاتها حلوة مثل رحلة الثلج . أما جولد كوست خيااااااال يعني الصبح تلبس صيفي و الليل تلبس شتوي ورحلاتها لا تعد ولا تحصى . بس في النهاة أنا محتارة نفسك يا أعيد التجربة مرة ثانية مع أبو العيال يا نروح النمسا ؟؟؟ إذا توصلت لقرار قولي

[blink]أجل راح أنتظر انا وانتي لين مايتكرم أحد من الاخوان ويرد علينا[/blink]

[align=center]حياك الله اخوي nno
والف مبروك الزواج مقدما, ورزقك الله الذريه الصالحه

سبحان الله, انا كنت في نفس حالتك قبل سنه بالضبط, كنت محتار بين النمسا واستراليا

والاخير توكلت على الله واخترت استراليا لاكثر من سبب:

اولا... سهولة استخراج الفيزا من مكتب الخطوط الاستراليه (كوانتاس) حيث المطلوب فقط صورة الجواز وصوره شخصيه ومبلغ 375 ريال للشخص. احسب اسبوعين بالضبط والمكتب يدق عليك يقول لك تعال استلم الفيزا :107:
بعكس الفيزا الاوروبيه اللي يطلبون شهاده من العمل وتامين صحي وكشف حساب من البنك و و و ...الخ :112:

ثانيا... الجو البارد والمنعش في استراليا خلال ايام الصيف. بعكس اوروبا اللي تجيهم موجات حر احيانا.

ثالثا... تنوع الرحلات والبرامج السياحيه في استراليا. كل شي تبيه وتتمناه كسائح... طبيعه خلابه, شواطئ جميله, مدن ترفيهيه, رحلات بريه وبحريه, جبال ثلجيه, .... الخ

والان نأتي الى استفساراتك:

1. مدة الرحله انشاء الله 19 يوم , تبدأ من 9 جولاي لحد 29 جولاي .
2. بما أن الرحلة رحلة شهر عسل ,, ارجو ان تفيدونا بالاماكن المفضلة وعدد الاقامه فيها .

اقترح عليك قضاء 5 ايام في سيدني, 4 ايام في بريزبين, 11 يوم في جولد كوست.

3. تكلفة شهر العسل ,, نوعية الفنادق ,, خطوط الطيران.

حط ميزانيه حوالي 30 الف ريال على المده اللي ذكرتها, صدقني مو خساره في شهر العسل لانها رحلة العمر والذكريات الحلوه تعيش معاك للابد.
فنادق الاربع نجوم ممتازه وتوازي 5 نجوم عندنا في الخليج.
بالنسبه لخطوط الطيران, انا جربت الخطوط الاستراليه وكاثي باسيفيك. عيب الرحله الانتظار الطويل في هونغ كونغ. ممكن تجرب طيران الامارات عندهم رحله مباشره من دبي.

4. الجو هل هو مناسب.

الجو بارد في سيدني يعني لازم تاخذ معاك ملابس شتويه.
وبالنسبه لجولد كوست وبريزبن, الجو ربيعي في النهار, بارد ومنعش بالليل.

5. أفضل مكتب / وكالة طيران ,, تقدم عروض لاستراليا ,, ومتى تبدأ هذه المكاتب بتقديم هذه العروض.

الخطوط الاستراليه (كوانتاس) ولهم فروع في الخبر والرياض وجده.

6. كم من المبلغ يكفي لهذه الرحلة كتكلفة فنادق وطيران فقط ,, وهل 15,000 الف ريال سعودي كافيه.

اتوقع راح تكلفك 17 الف ريال على المده اللي ذكرتها.

7. سؤال أخير لو خيرتوا بين استراليا و "النمسا" اي الخيارين ستختارون,, وبوجهة نظركم ايهما سيكون الارخص بنفس المميزات والشروط السابقة.

[blink]اســــتــــرالـــــيـــــا[/blink]

يمكن النمسا ارخص, لكن استراليا افضل من وجهه نظري كشهر عسل. النمسا لاحقين عليها بعدين اذا جونا عيال وما حبينا نبعد كثير :109:

بالتوفيق ان شاء الله واذا في اي استفسار ثاني انا حاضر

تحياتي[/align]

فتى الشرقيه ,, ماقصرت على ردودك بس ياليتك وضحت الفنادق اللي سكنت فيها وأجمل ماشفت ,, وياليت المدة والاماكن وتكلفت الرحلة اللي رحت فيها بعد ,, ومادري سمعت ناس تمدح منطقة اسمها "بورا بورا" شو رايك ؟؟

[align=center]حياك الله اخوي NNO

بالنسبه للفنادق في سيدني انصحك بفندق فور بوينت شيراتون (اللي سكنت فيه) او ستار سيتي او نوفوتيل :107:
و في جولد كوست سكنت بفندق كورت يارد ماريوت في منطقة سيرفر بارادايس.

بالنسبه للاماكن السياحيه, ممكن تقرأ مواضيع الاعضاء في المنتدى ومنها:

http://www.travel4arab.com/vb/showthread.php?t=16888

http://www.travel4arab.com/vb/showthread.php?t=15851

http://www.travel4arab.com/vb/showthread.php?t=5076

http://www.travel4arab.com/vb/showthread.php?t=18916

http://www.travel4arab.com/vb/showthread.php?t=19057

ان شاءالله راح تلقى كل المعلومات اللي تسأل عنها والاماكن السياحيه بالصور

وبالنسبه لمنطقة تورا بورا...أقصد بورا بورا :101:
للاسف ما أعرف عنها شي وما سمعت عنها.

اي سؤال ثاني انا حاضر

تحياتي[/align]

تسلم ياعسل ,, بس برضه ماقلت لي كم كلفتك وكم كانت المدة

[align=center]يا هلا اخوي

رحلتي كانت 20 يوم (4 ايام سيدني, 4 ملبورن, 12 جولد كوست)

كلفتني 18 الف ريال تذاكر وسكن ومواصلات من والى المطار

واكثر من 14 الف ريال مصروف جيب ورحلات سياحيه وتمشيه

انا ما ذكرت لك ملبورن عشان توفر قيمة التذكره.

ونصحتك بمدينة بريزبين لانها قريبه من جولد كوست, اقل من ساعه بالسياره. والكل يمدح فيها :107:

بالنسبه لمصروف الجيب ممكن توفر كثير في المواصلات والرحلات السياحيه.
مثلا رحله بلو ماونتن من سيدني كلفتني 120 دولار استرالي للشخص بالباص, وبعدين دريت ان القطار يروح لنفس المكان بقيمة 40 دولار للشخص. يعني كان بامكاني اوفر 160 دولار :110:
وهلم جرا, ممكن توفر باغلب الرحلات.
احسب حسابك 10 ريال مصروف جيب ورحلات :107:

تحياتي[/align]

السلام عليكم ,,
يااخوان هاللحين فيه عروض نزلت عن طريق الاسترالية هالايام ,, اكيد شوفتوها ,, وش رايكم فيها ,,

مرحبا للجميع..شلونكم انشالله بخير ها أخوي شنو وصلت له أستراليا أو النمسا ؟؟؟؟ تصدقون لو أقولكم أن كل يوم لي رأي ما في دولة ما سافرت لها وأنا قاعدة يعني يوم بألمانيا لا وخططنا بأي فندق نقعد والرحلات اللي راح نروح لها ويوم في باريس ويوم في لندن يعني بصراحة لي الحين محتارة ون أرووووووووووووووح بليييييز تساعدوني :110: :110: :105:

وعليكم السلام ورحمة الله وبركاتة .

الف مبروك .......

انا اكيد ارشح استراليا لاني جربت بريزبين وكانت شي لايوصف مررررررررة حلوة وبالنسبة للاسئلة والاستفسارات ماشاء الله اشوف الكل ماقصر ..
يس حبيت انوة لشي انا اشوف ان استراليا ارخص بكثيرمن النمسا يكفيني اني اقول كذا ان علبة البيبسي في النمسا =8 ريال وفي استراليا 2.5 تقريبا فرق صح من غير الاكل كمان كلة رخيص في استراليا بالنسب في النمسا في النمسا وجبة ماكدونالدز = 80 للشخصي على حسب ماسمعت بينما استراليا 30 ريال والسكن كمان ارخص والله عن تجربة ارخص من غير انها افضل لان السياح توهم اكتشفوها وصاروا يروحون لها على عكس النمسا خلاص الشعب طفشان من العرب ماتلاقي اخلاق حلوة عندهم لاكن استراليا ياعمري على شعبها واخلاقهم (والله تحمست اعيد التجربة مرة ثانية ) ....................

على العموم تروحوا وترجعوا بالسلامة........

وعليكم السلام ورحمة الله وبركاتة .

الف مبروك .......

انا اكيد ارشح استراليا لاني جربت بريزبين وكانت شي لايوصف مررررررررة حلوة وبالنسبة للاسئلة والاستفسارات ماشاء الله اشوف الكل ماقصر ..
يس حبيت انوة لشي انا اشوف ان استراليا ارخص بكثيرمن النمسا يكفيني اني اقول كذا ان علبة البيبسي في النمسا =8 ريال وفي استراليا 2.5 تقريبا فرق صح من غير الاكل كمان كلة رخيص في استراليا بالنسب في النمسا في النمسا وجبة ماكدونالدز = 80 للشخصي على حسب ماسمعت بينما استراليا 30 ريال والسكن كمان ارخص والله عن تجربة ارخص من غير انها افضل لان السياح توهم اكتشفوها وصاروا يروحون لها على عكس النمسا خلاص الشعب طفشان من العرب ماتلاقي اخلاق حلوة عندهم لاكن استراليا ياعمري على شعبها واخلاقهم (والله تحمست اعيد التجربة مرة ثانية ) ....................


وتبغى نصيحتي عشان التوفير ابعد عن التكسي ولاتحط ببالك انة فية شي اسمة تكسي لانة نااااااااار شي فضيع شيل من بالكم انة فية شي اسمة تكسي ,وخلي دايما خيارك الاول القطار بس انتبهوا لسيرة وبعدة خذوا الباص لاكن القطار خلوة هو رفيقكم في استراليا..........ترا مايقصرون عندهم القطار يودي لكل مكان بعيد او قريب كون واثق من انة مافية مكان ودك تروح لة الا والقطار يوصل لة .............
على العموم تروحوا وترجعوا بالسلامة........

مرحبا
بالنسبة لاستراليا هل يوجد مرشدين او مكاتب ارشاد سياحي عندها برامج سياحة وعروض جيدة .

وهل المكتب اللي ذكرة اخونا فتى الشرقية يعطيك البرنامج بالمواصلات والمرشدين ...او غيرة ....يعني وش اعتمد عليه ..؟؟

شاكر لكم