الموضوع: بنزل ترانزيت الدوحة 15 ساعة

حياك الله في بلادك قطر


نصحك في 3 أماكن


1 - مجمع فيلاجيو


2 - مجمع السيتي سنتر


3 - سوق واقف


ملاحضه : المجمعات تفتح الساعه 9 صباح وثاني شي اخترتلك سوق واقف لقربه من المطار وميزته بل مساء


واي خدمه احنا حاضرين

حياكم الله وسفير قطر ماقصر
واذا عندك اي استفسار ابشر به

يا شباب اي واحد قطري
يرسل لي رساله على الخاص
تكفى يا اهل قطر

ولا هنت يا صاحب الموضوع

يسلمو حبيب قلبي

ادري تعبتك وياي

*******
عفواً (نعتذر منك)
قوانين المنتدى تمنع التطرق لمثل هذه المواضيع
*******

تحياتي

اخوي qatar3333
الله لا يهنيك
كم سعر اشرطة السوني 3 عندكم
ومره ثانيه اعذرني يا راعي الموضوع

وعندك بعد متحف الفن الاسلامي

وبعد مجمع الحياة بلازا وهو جنب مجمع فيلاجيو

وبعد مجمع الاندمارك

من غير المجمعات الثانية وهي فيلاجيو والستي سنتر والمول

وبنسبة للي يسال عن اشرطة البليستيشن 3

فهي مابين ال 200 ريال الى 300 ريال

لانها كلها اصلية ومانزلو اشرطة تقليد للبليستشين 3

وبنسبة لسوق واقف مفتوح الصبح بس المحلات اتصكر فترة الظهر من 1 الى 4

بس المطاعم والكوفيات مفتوحه انا انصح اتروحله قبل لا اتروح للمطار يعني على العصر والمغرب الجو بكون وايد حلو وراح تستمتع

اما النهار فخلها في المجمعات

واي استفسار احنا بلخدمة

أخي الكريم ...
يسعدنا ويشرفنا زيارتك لبيتك الثاني قطر .
وبخصوص سؤالك عن سبب مسح ردك او بالأحراى مسح سؤالك عن السينمات , نفيدك بأن قوانين المنتدى تمنع منعاً باتاً الدعاية بشكل مباشر أو غير مباشر ويمكنك الرجوع للقوانين على الرابط التالي :
http://www.arabtravelersforum.com/misc.php?do=showrules
وأتمنى لك طيب الاقامة واي استفسار ابشر به وانا أخوك .

سلامت قلبك

مشكور حبيب قلبي واسفين على الخظأ


والشباااب ماقصرو معاي

أخوي حلو ومدلع ...
أقدر لك حبك لمساعدة الغير وأجتهادك .
ولكن قوانين المنتدى تمنع منعاً باتاً الدعاية بشكل مباشر أو غير مباشر للسينمات ومايخصها .
تحياتي لك .

مرحبا اخوي عيد

وبالعكس احنا نحترم قوانين المنتدى وعلشان هشي انا استفسرت منك

لان قبل كنت اكتب عن السينمات ومحد اعترض فستغربت بس بعد توضيحك فهمت ليش انمسح الرد او ليش انحط عليه تعديل

وانا عندي مداخله وهي مو اعتراض على قوانين المنتدى اكيد لا

بس انا استغربت لان احنا داخلين على 2010 والشي الي انا تكلمت عنه او الشباب موجود فعلا والكل يروحله مش شي ممنوع

انا ماتطرقت للحلال ولا الحرام لاني مو داعية او مفتي ولكني اتكلم عن شي مسموح في دولتي الحبيبه

ويعتبر من الاشياء السياحية والترفيهية في دولتنا الحبيبه لهشي احنا نذكره ونقترحه لمى انسوي جداول لزوار دولتنا

يعني سوري وسامحني يا الغالي بس اتحسسونا كانا احنا ارشدنا الناس الى ديسكو او كازينو ولا كانها سينما يروحلها الصغير قبل الكبير ومكان ترفيهي للعائلات قبل الشباب

على العموم هاي كلمة بخاطري وحبيت اقولها سوان لك او لطاقم الاشراف والادارة الي هم فعلا عزيزين لي

وهشي لان المنتدى يهمني ويهمني ارشاد اعضائه لاماكن الترفيه والانشطة

واتمنى اتقبل رايي بصدر رحب

وانا حاب اشكرك على كلامك الحلو

وانت فعلا الي تستاهل الشكر على جهودك الجباره في المنتدى

وتحياتي لك
ولمشرفتنا قطر2007 ولجميع مشرفين وادارة العرب المنسافرون

المشاركة الأصلية كتبت بواسطة حلو ومدلع
http://www.arabtravelersforum.com/tr...4/#post3487454

اكيد الفكرة وصلت ونص فديتك
وبالعكس احنا قاعدين انتناقش وانتشاور علشان مانخوض بالخطاء ثاني مره
ونكون احنا اول الناس الي نحترم قوانين المنتدى
ويعطيك الف عافية على ردك الحلو
وتحياتي لك يا الغالي

تسلم اخوي حلو ومدلع .
وأنت من الأعضاء اللي تفاعلهم واضح وردودهم يستفاد منها .
تحياتي لك والله يوفقك في دراستك وحياتك العملية .