الموضوع: السفر لطابا في نصف شهر

السلام عليكم ياريت كل من سافر الي طابا او يعرف معلومة عنها يساعدني وياريت لو في تقرير عن فندق واسماء الفنادق وايه النشاطات اللي هناك لاني رايحه شهر عسل شرم الشيخ من 18-7 حتي 25-7 وعندي يومين من تاريخ 16 و17 و18 امشي من الفندق انا قولت طابا لانها جديدة واحنا مرحونهاش قبل كده ولا انا ولا جوزي ومينفعش اغير المواعيد بتاعه شرم يعني عندي ليلتين 16 و17 ايه رايكم نقضيهم في طابا وبعد اليلتين نروح علي شرم الشيخ احنا حجزين في بانوراما نعمه باي خلف تروبيكانا روزيتا وهو اسبوع من تايم شير ياريت تساعدوني بالنسبة لطابا ولو في مكان ممكن نبدله بدل طابا ياريت تقترحوا عليا وهل فعلا في عبارة ممكن اخدها من طابا لشرم ولا لا و اسفة طولت عليكم.

مواضيع عشوائيه ممكن تكون تعجبك اخترناها لك:

• أول رحلة إلى مصر وبرنامجي هل من نصيحة
• شرم في راس السنه
• بالمناسبة؟؟؟
• ارجو المساعدة فورا
• ابي اروح لمصر وعندي اسئله
• قادم من القاهره بعد عشرة ايام من السياحه
• ارجوا المساعده من خبراء شرم الشيخ ضروري
• الفزعه يا جماعة الخير
• ماريوت والا هيلتون فيروز ؟؟
• استفسار عن مصانع القطنيات
• فله قريبه من المهندسيين او الدقي
• رايكم يهمني في فندق رينسانس شرم الشيخ
• مشرفين بوابة مصر
• رائيكم في مصر للطيران
• استفسار بسيط عن شرم الشيخ
• ممكن جدول عائلي ؟؟؟
• رحلتي المصورة الي الساحل الشمالي المنتزة بورتو مارينا
• مساعدهـ في سعر الصرف
• نصحوني انتساب جامعة القاهرة
• عاجل ارجو المساعدة في الاسكندرية

بصى يا ستى الاول لازم تعرفى ان طابا مقسومة نصين ( نص اسمه طابا هايتس ) مرتفعات طابا ودى بتاعة ساويرس وفيها حوالى 5 فنادق كلهم خمس نجوم وطابا هايتس دى بعيدة عن طابا نفسها حوالى 20 كيلو بالظبط

واحسن فندق هناك وعن تجربة هو سوفى تيل طابا هايتس وفى فندق تانى جربته اسمه الوكالة ودا رخيص شوية بس الجو هناك جميل جدا والديكور روعة بس دوشة شوية لانه بيعمل نشاطات كتيرة

النص تانى من طابا وهو اجمل بكتير طبعا لانه عالحدود خبط لزق مع اسرائيل وهو فيه جزيرة فرعون وفيه مناطق جميلة جدا جدااااااا فالمنطقة دى يا ستى فيها حوالى 4 او 5 فنادق احسنهم من وجهة نظرى وعن تجربة بردو هو فندق هيلتون طابا الشهير جدا ...اولا لأنه يعتبر اخر مكان فى مصر فا مكانه روعة والطريق اليه ممتع جدا بالليل او بالنهار .. ثانيا لان ما فيش مصريين ولا عرب كتير هناك فا الجو مريح بعض الشىء وها تحسى انك برا مصر مؤقتا .. بس الخدمة فى الفندق بصراحة مش ممتازة ولا الاكل كمان هو اميز حاجة فيه موقعه الساحر بجد ... وفى فندق تانى اسمه توبيا وما انصحكيش بيه لان ما فيهوش اصلا شط :surf لازم تعدى الناحية التانية عشان تنزلى البحر ودى كارثة طبعا وفى فندق موفمبيك وهو منافس للهيلتون وعن نفسى ما دخلتوش ولا جربته وفى فندق 3 نجوم تبع القوات المسلحة تقريبا بس مش عارف اسمه وموقعه ممتاز جدا على فكرة بس المشكلة فى الخدمات والنضافة وكدا

نصيحة منى بجد ... انزلو فى هيلتون طابا على ضمانتى وان شاء الله تقضو ايام حلوة جدا مش ها تتنسى ..

ولازم تروحو جزيرة فرعون وصلاح الدين وجزيرة فيورد لاااااااااااااازم مش ها تندمو ابدا

واى استفسار بخصوص طابا انا موجود لانى بعشق المدينة دى

المشاركة الأصلية كتبت بواسطة elsawy
http://www.arabtravelersforum.com/tr...8/#post2933099

بصى يا ستى الاول لازم تعرفى ان طابا مقسومة نصين ( نص اسمه طابا هايتس ) مرتفعات طابا ودى بتاعة ساويرس وفيها حوالى 5 فنادق كلهم خمس نجوم وطابا هايتس دى بعيدة عن طابا نفسها حوالى 20 كيلو بالظبط

واحسن فندق هناك وعن تجربة هو سوفى تيل طابا هايتس وفى فندق تانى جربته اسمه الوكالة ودا رخيص شوية بس الجو هناك جميل جدا والديكور روعة بس دوشة شوية لانه بيعمل نشاطات كتيرة

النص تانى من طابا وهو اجمل بكتير طبعا لانه عالحدود خبط لزق مع اسرائيل وهو فيه جزيرة فرعون وفيه مناطق جميلة جدا جدااااااا فالمنطقة دى يا ستى فيها حوالى 4 او 5 فنادق احسنهم من وجهة نظرى وعن تجربة بردو هو فندق هيلتون طابا الشهير جدا ...اولا لأنه يعتبر اخر مكان فى مصر فا مكانه روعة والطريق اليه ممتع جدا بالليل او بالنهار .. ثانيا لان ما فيش مصريين ولا عرب كتير هناك فا الجو مريح بعض الشىء وها تحسى انك برا مصر مؤقتا .. بس الخدمة فى الفندق بصراحة مش ممتازة ولا الاكل كمان هو اميز حاجة فيه موقعه الساحر بجد ... وفى فندق تانى اسمه توبيا وما انصحكيش بيه لان ما فيهوش اصلا شط :surf لازم تعدى الناحية التانية عشان تنزلى البحر ودى كارثة طبعا وفى فندق موفمبيك وهو منافس للهيلتون وعن نفسى ما دخلتوش ولا جربته وفى فندق 3 نجوم تبع القوات المسلحة تقريبا بس مش عارف اسمه وموقعه ممتاز جدا على فكرة بس المشكلة فى الخدمات والنضافة وكدا

نصيحة منى بجد ... انزلو فى هيلتون طابا على ضمانتى وان شاء الله تقضو ايام حلوة جدا مش ها تتنسى ..

ولازم تروحو جزيرة فرعون وصلاح الدين وجزيرة فيورد لاااااااااااااازم مش ها تندمو ابدا

واى استفسار بخصوص طابا انا موجود لانى بعشق المدينة دى



متشكرة جدا علي ردك ومساعدتك ليا وربنا يبارك فيك وان شاء الله انا دخلت علي موقعهم واسمه هيلتون طابا & نيلسون فيليج فعلا هو ده اللي حضرتك تقصده ولا في غيره هيلتون طابا لان انا دورت كتير علي النت وهو ده اسمه وموقعه:
http://www1.hilton.com/en_US/hi/hote...llage/index.do
وسعرهم 221 دولار لليله مع دينر وبريك فاست يعني بالمصري الليله =1243جنيه بالليلة مش عارفه ده السعر الطبيعي ولا لو كلمتهم وعرفوا ان احنا مصريين يختلف سعر النت ولا ايه ؟؟
و هشوف شركة سياحية تجيبلي عرض عندهم صراحة انا سمعت كتير عن هيلتون طابا بس معلش سؤال تاني يعني الفندق بيعمل رحلات يودينا لي جزيرة فرعون وصلاح الدين وجزيرة فيورد اصل هما ليليتين عايزين نعمل فيهم حاجات كتير ونبقي بردوا روحنا مكان جديد واسكشفنا المكان.

بصى يا ستى ... نيسلون فيليج دى عاملة زى استراحة الظباط كدا وهيا تبع هيلتون طابا وجمبه بالظبط وتعتبر جزء منه بس الافضل انك تنزلى فى هيلتون طابا نفسه ( قصدى المبنى الرئيسى) والمبنى الاسااسى بتاع الفندق احسن ليه

لأنه متجدد قريب وفخم والمنظر بتاع البحر من الفندق جميل جدا جدا .. فلو ها تحجزى احجزى فى الفندق نفسه واكدى عليهم فى الحجز ان الاوضة تكون فى دور عالى وواخدة منظر حلو عالى البحر وحمام سباحة الفندق لأن شكله جميل جدا من فوق من الاوض...

بالنسبة للسعر فا السعر دا بصراحة غالى اوى لانى لما روحت السنة اللى فاتت كانت الليلة فى الاوضة الدبل بفطار وعشا حوالى 680 جنيه مصرى فا مابالك دلوقتى وفى ازمة المفروض الاسعار تكون نزلت ..

لما تكلميهم قوليلهم مش عايزة اى حاجة زيادة عن حجز الاوضة غير الفطار والعشا عشان السعر اللى انتى كاتباه دا يمكن شامل حاجات تانية مالهاش اى لازمة ومش ها تفيدك .

بالنسبة لنشاطات الفندق فا بصراحة هيا غالية جدا وتكاد تكون محصورة فى السفارى وفى اليخت الصغير اللى بيطلع فى عرض البحر بيقعد حوالى 9 ساعات فى البحر وفى غدا وبيكون جو لذيذ بصراحة وبالنسبة لسعر الفندق انا مش عارف تحديدا الرحلات دى بتطلع بكام .. وفى كمان غواصة هناك بس مش تبع الفندق .. لو سألتى اى حد مصرى شغال هناك ها يدلك عليها .. ونصيحة منى لو احتجتى تشترى حاجة زى عصير او ميه معدنيه .. فى سوق صغير جمب الفندق ها تتمشى بالظبط حوالى 10 دقايق تشترى كل اللى انتى عايزاه بأسعار مناسبة جدااااااااا.. عشان ها تلاقى ازازة الميه الصغيرة فى الفندق ب 8 جنيه واسعار فلكية كدا لأن الميه هناك طبعا غير صالحة للأستهلاك




واى استفسار تانى انا موجود وما تتردديش انك تسألينى المهم انكو تقضو وقت كويس من غير مشاكل ان شاء الله

الشكر لله .. والمهم انكو تقضو وقت كويس