الموضوع: تجربتي في المروة ريحان من روتانا في مكة المكرمة تجربة سيئة

تجربتي في المروة ريحان من روتانا في مكة المكرمة (تجربة سيئة)

السلام عليكم

انا توني رادة من العمرة عسى الله ان يتقبلها .. اللهم أمين.
سكنت في المروة ريحان من روتانا .. خذنا جناحين كل واحد تكلف 9995 ريال لخمس ليال .. كان اغلى الاجنحة المعروضة في بوكنج ..

نحنا السنة الماضية سكنا ابراج زمزم .. استغفر الله شهر واحد من نفس السنة لانه كانت اجازة المدارس العام الدراسي الماضي في شهر واحد ...
بعد خذنا جناحين بغرفتين و حجزنا جناح بغرفة .. المهم .. لما وصلنا حاولو يقنعونا انه في قوانينهم الغرفة العادية تساوي عندهم الجناح بو غرفة .. طبعا يوم ردينا عليهم انه هذا كلام غير منطقي و غير مقبول .. و تمينا واقفين على روسهم عطونا بداله جناح بغرفتين بس الغرفتين هب ماستر .. غرفة بحمام .. و غرفة اصغر و حمامها برا .. و الصالة صغيرة جدا و فيها بس طاولة للطعام ...
بينما الجناحين كانوا بغرفتين ماستر .. و الصالة فيها كنبة و تلفزيون و غرفة طعام ...

المهم هالمرة قلنا ما في داعي نحجز في ابراج زمزم خلينا نختار المرة روتانا ... يعني فندق بادارة روتانا اكيد بيكون بروفيشينال و لا بيحاولون ايسوون حركات مثل زمزم ...

المهم حجزنا و لما وصلنا .. و عطيناهم اوراق الحجز .. بدت الحركات .. "الجناح الثاني الظاهر انتو اتصلتوا و كنسلتوه"! .. انا صراحة ما شفت من الغضب .. قلت له اسمع .. هذا الموقع الي حاجزين من خلاله نحنا نحجز و نروح عن طريقة امريكا و بريطانيا و اوروبا عمره محد قال في خطا و لا سوا حركات .. قال الموظف: انا ما قلت مشكلة .. صبروا بشوف ... المهم الحجز طلع هب مكنسل ولا شي ..
يينا للدفع .. قلنا بندفع نص بالبطاقة و نص كاش .. المهم الكاش وايد 9995 ريال .. عطيناه 10000 امارتي قال بعد تدفعون لي 450 لانه الريت كل 97 هلله تساوي درهم (اتصوروا) .. انزين اوكي لو هذا هو الريت كيف الباجي 450؟؟ صراحة الي ما يعرف يحسب ينقص عليه في هالاماكن ..
المهم قلنا له رد فلوسنا نحن بنبدلهن برا و بنرد .. يوم سرنا نبدلهم .. عطونا زيادة على فلوسنا 150 ريال ..
دشينا الاجنحة عقب ساعات لانهم ما كانوا خلصوا التنظيف (عاد و التنظيف) .. و تفاجأنا انه الاجنحة الي عطونا اياها هي نفس الجناح الصغير الي عطونا اياه زمزم بدل جناحنا الي بغرفة والي ما قدروا ايدبرونه شهر واحد .. يعني غرفة ماستر .. غرفة صغيرة .. صالة يالله يالله حاطين فيها طاولة طعام و ثلاث كراسي .. يعني هاذيل ناصبين علينا ..

والاضاءة الله لا ايراويكم ... ظلالالالالالالالالالام .. جنه شهر العسل ... اللمبات منبطه ولا يبدلونها .. والجناح التشطيب ماله جنة بيت درجة عاشرة .. و الشطاف .. محد يقدر يستخدمه الا اعتى المصارعين ... ولا حتى في غلاية .. و الطباخ مفصول طبعا .. و الحمام يلوع الجبد .. ضيج ... و طريقة التشطيب مقرفة .. في اشياء بنية في الزوايا .. ابدا ما حبيته ..
لا و في اليوم الثاني متصلين بالوالدة : شو رايكم في مستوى الفندق؟ قالت له لا بيض الله ويهوكم .. ولو انا ما مرضنا في هالعمرة كنا بنشوف لنا مكان ثاني .. بس ليش التعب .. اظن كلهم جي ما عليهم رقابة .. يمكن الافضل انه الواحد يسكن غرف منفصلة .. يمكن هم الاجنحة الي ما يعرفون يتصرفون فيها ..

انا صراحة ما انصح اي حد يهمني امره ينزل في المروة روتانا هذا
المرة الياية قررنا نحاول في : رتاج، رافلز، برج الساعة .. والله يوفقنا في مكان يسوا

والله حسافة اسم روتانا الي ما تعودنا منه الا الافضل يصير مستواه جي ...

مواضيع عشوائيه ممكن تكون تعجبك اخترناها لك:

• تفضل واشرب الشاي على شاطي زاعم
• رحلة خفيفة لمكة الحبيبة
• اجمعينا يا ليالي الشتاء في حضن العروسة جدة لقينا الدفى تقرير لأحلى أيام
• ارجو المساعده عمره في رمضان
• تمضية أيام بجده إقتراحاتكم نصائحكم لأخوكم
• هل هذا صحيح ؟؟؟
• محتاج شقق جديده في جده
• بعض الأسئله عن جده ؟
• الآنما هو ارقى فنادق او سكن في مكة ؟
• شقة بالعزيزية او محبس الجن
• سكن مناسب لعائلة قريب من الحرم
• كيف استمتع بجدة ؟ زائر خليجي وحيد
• مطلوب شقة بالمدينة المنورة
• اول مطعم اكلات و حلويات برازيلية بجدة سلطان مول
• نفق الملك عبد الله يدعم اقتصاديات الطائف
• منتجع جديد بالهدا داري
• ضروري ضروري يا اهل تبوك
• محلات الحوامل
• هل يسمح بدخول ماء زمزم الى الطائرة ؟
• استفسار فندق موفنبيك و المروة ريحان

انا من سكان مكة عن تجربة

مالك الا برج الساعة فندق فيرمونت

صدقيييييييني ما تندمي

بس بصراحة ماجربت الاجنحه اخدنا غرفه انا و زوجي....


لكن بيعجبكم ان شاء الله

الله يتقبل منكم
والحمدلله على كل حال

شوفوا

ما لكم إلا دار التوحيد قمة الفخامة والضخامة
أجنحة تطارد فيها الخيول من سعتها
ولا عندهم جناح ضيق أبداً

ان كان حجزك في بوكينج
صكيهم فيدباك سلبي عليه القيمة
وهذي امانه عليك لان الي يبي يحجز بعدك يبي يستفيد من الفيد باك حقك

عمره مقبولة اختي

انا البارحه راجعه من مكه وسكنت نفس الفندق المروه ريحان روتانا بس الغرف العاديه الصراحه حسيت زمزم احسن عنه بوايييد خاصه الحمامات ابدا مب نظيفه حتى مافيه ورقه لتنظيف الغرف ومره العامل الي ينظف دق علينا الباب الساعه 11 فليل بينظف ؟؟؟

بس ريوقهم معقول

باختصار ما افكر اسكن فيه مره ثانيه

قصر مكة رافلز , صدقيني ماراح تندموا لو سكنتم فيه , يكفي الخادم لكل غرفة يلبي طلباتكم في أي وقت ويكفي إنه بإدارة شركة سنغافورية , الله يعوض عليكم إن شاء الله التعب ويبدله بسعادة طول العمر , وأنا بوصل الموضوع إلى إدارة الفندق

شكرا عالمعلومه
و عمره مقبوله ان شاء الله

عمرة مقبولة وغفر الله لكم .. طالما حجزكم عن طريق موقع عالمي مثل بوكنج ياريت تكتبون ملاحظاتكم
وترسلونها للموقع حتى يعرفون أن النت ما خلى شيء ويرتقون بالتعامل مع الجميع ..

الله يجزاك كل خير ..

تقبل الله منا ومنكم صالح الأعمال


مشكوره على هالنصيحه ،، وياليت كل واحد يواجهه نفس اللي صار لك مايسكت
ويكتب في النت عنهم وعن نصبهم ..

وانا أول المقاطعين لهالفندق

نصيحة اخ الاتقريبين من ريتاج اردى من زمزم وروتانا

.. الفندق اللي يستاهل رفلز
وشوفي هذا التقرير ممكن ينفعك

http://www.arabtravelersforum.com/travel459580/


نصيحة مجرب اقرب فندق للحرم .. وافضل فندق من ناحية الراحة والنظافة والمكان الكبير الفسيح .. اللي تحسين انك دافعة فلوسك فمكان يستاهل .. وبفيههم رايق .. ااااه يارفلز مكة

الله يتقبل منكم عمرتكم وصالح اعمالكم ... انا اقول سبحان الله السفر مهما صرفنا عليه من الاموال حتي نخليه مريح مازالت فيه من المنغصات ما لم نحسب لها الحسبان .. انتي بتتكلمي على فنادق خمس نجوم وهذا انتوا ما ارتحتوا فيه طيب كيف انا باعمل الاسبوع الجاي انشالله رايح عمره وما افكر بابوا الخمس نجوم يعتي اربع او ثلاث نجوم ايش بيكون حاله ... الله يستر لكن ضريبه السفر من التعب تظل واجبة الدفع ...طبعا ما فى عمره والا حج بدون تعب ... والله يتقبل من الجميع

إذا الجناح الي حطوكم فيه غير عن الي تم حجزه المفروض ما تستلمون الغرف وترفضون الإقامة فيها حتى تحفظون على حقوقكم

والله يعوضكم