مرحبا ..
وش رايكم في العنون ملفت صح خخخخخخ
بالمختصر .. احنى ثلاث اخوات نبي نسافر لندن انا سبق لي السفر اكثر من مره ( اقصد خارج المملكه ) اما لندن اول مره
بس اخواتي اول مره يوطوطون خارج الحدود صار عندهم جواز..
ومعنا اخوي اول مره بعد يسافر ولا عنده خلفيه بس عنده لغه انجليزيه يعني يساعدنا ..
ابي اخذ رايكم قبل لا نسوي اي شي ..
هل ممكن نطلع فيز لنا واحنى ولا واحد منا موضف كلنا عطالي بطالي ماعدا اختي مدرسه تقليد ( مدرسه مدرسه اهلي خاصه ) يعني لا راتب مثل الناس ولا رصيد صاحي وانا قريت شروط السفاره البريطانيه كشف حساب وتعريف من جهة العمل وش السواه ؟؟؟؟
وهل استخراج الفيزه ممكن يكون عن طريق المكاتب مثل الطيار وغيره من غير تعب اذا ايه وش المطلوب ....
وبصراحه انا قبل لا نعقد النيه جلسة اطقطق واشوف لقيت التذاكر في مارس 22 .. الي 28 مارس من الرياض الي لندن بالخطوط المصريه ب 2500 لشخص ..
والسكن لقيت شقق قريبه من الهيدبارك ب 6000 لمده ست ايام لاربع اشخاص .. غرفه نوم وصاله ومطبخ ..
وكانت الحسبه الطيران 2500
السكن كل شخص 1500 ( نظام قطه خخخخخ
الفيزه .. !!!! ( كم تكلفتها اذا من المكاتب واذا طلعتها من السفاره بنفسي )
المصروف اكل شرب ترفيه في اليوم 40 باوند = 250 ريال لشخص
ست ايام 1500 - 500 احتياط ... للمطار وكذا
وش رايكم ...
لان بصراحه اخواتي وخوي بينقطع قلبهم يبون يسافرون وانا ودي اونسهم خصوصا هم يتاما ته ته توه الله يرحم ابوي ( ابيكم ترحمونهم وتساعدوني )..
هل الحسبه صح الماديه 28 الف لاربع اشخاص بالغين لمده ست ايام شامل كل شي الا الشوبنق
وبالنسبه للوقت شهر مارس كويس وخوصا مامعنا اطفال وسبب اختياري لهذا الوقت لان في الصيف الاسعار نااااار وقبل كذا مافيه اجازه وربطه مدارس وفي اسبوع مارس يكون اجازه نصف الترم ..
وسبب اختياري للندن ابي اشوفها واحس يكفيها ست ايام وسهل التصرف فيها بسبب كثره العرب هناك لاني خايفه انا الكبيره والمسؤله عنهم
ولا نبي نكثر وجوجه وضياع نبي نتمشى في شوارعها والاسواق والكفيهات ونزور لندن اي وركوب نهر التايمز وزياره متحف الشمع والموصلات على الباص الاحمر ..
ابغاء الاوكيه منكم عشان ابدا احجز الطيران والفندق وكذا وراح يكون طريقه الحجز بفيزه اختي المدرسه الانفه الذكر علي فيزه بنك الاهلي المسبوقه الدفع ...
اخاف ماتكون هناك مقبوله او توهقنا لان في الصيف الماضي كنت مسافره مع صقر الي المانيا وهقتنا هالفيزه توصل لمتد معين وتوقف مدري ليه رغم احنى استخدمنها في شرق اسيا وماشي حالها ...بس اشو كان معي صقر الله يخليه لي اما الان انا المسؤله وخايفه ..
بليز ساعدوني احس مرره خايفه اول مره اسافر من غير زوجي صقر
ادري اني كلامي ملخبط بس تحملوني الله يجزاكم الف خير ...مواضيع عشوائيه ممكن تكون تعجبك اخترناها لك:
- ارجو المساعدة ،، انا متوهقة
- سيارة بسائق في لندن
- برنامج لمدة اسبوع
- اخيراا تم الاختيار لندن
- اوت لت شيستر
- استفسارات عن بريطانيا ضروووووري ساعدوني
- قصر باكنجهام
- اكثر فندق موقعه استراتيجي في لندن
- رحله سياحيه كرويه
- هل في قطار من مانشيستر الي البحيرات ومن البحيرات الي باريس؟
- استفسار عن بطاقة ترقل كارد
- ذكرياتي عن دراسة اللغة الانجليزية في بريطانيا
- وش رأيكم في هالفندق ؟
- فزعتوا معي العام واطمع بالمزيد
- هل مدينه مانشستر تستاهل ان الواحد يروح لها
- أحياء لندن
- خبراء لندن افزعوا لي اول مره اروح لندن ولا اعرف شي
- London
- من المطار الي وسط لندن ؟؟
- الجو الآن في لندن
رد مع اقتباس
المفضلات