الموضوع: فندق بجوار مول

اخواني في قطر الشقيقة بقت المساعده
اخواني جاي لكم مع الاهل بالويكند ان شاء الله هذا الشهر
وانا اول مره أجي لقطر ولا أدل فيها شي بقيت فندق بجوار مول بحيث أروحله مشي هل في فندق لاصق فيه مول مثل بعض مولات دبي ؟

مواضيع عشوائيه ممكن تكون تعجبك اخترناها لك:

• الخطوط القطرية تضم طوكيو وأنقره وبنغالور الهندية إلى شبكة عملياتها
• تقرير عن مقهى ومطعم البتيل
• احدث الشقق الفندقيه في دولة قطر رتاج ريزدانس
• قدر الله والله يفعــــل مايريد
• هلا بقطر واهل قطر تكفووون محتاج مساعدتكم
• سؤال يالربع؟
• منتجع شاطئ السلطان قطــــر
• وين أحصل خريطة لمدينة الدوحة
• الخطوط القطريـة ليست ملكاً لقطــــــر
• صور من افتتاح اسياد
• وش هو أقرب فندق لشيراتون الدوحة؟؟؟؟؟ قطر
• أفيدونا يأهل قطر لاهنتم
• ساااعدونا كلها أسبوع وجايين إن شاء الله
• سؤال عن الخطوط القطرية
• خريطه مفصله لشوارع قطر
• محلا ت التحف والوحات الزيتيه في قطر
• ما رأيكم بهذه الشقق يا أهل الدوحة
• محتاج جدول مرتب لثلاثة ايام
• سؤال بالنسبة لدخول قطر ؟؟؟
• مسافر مع العائلة ولاول مره وارغب بجدول سياحة من مولات وأماكن ومتاحف

حياكم الله


ممكن تختار فندق سوق واقف في سوق واقف نفسة فندق راقي ورائع جدا


اوقرب شي ممكن تختار فندق دبليو او موفمبيك تاورز او رتاج الريان هم الاقرب الى ستي سنتر

بس الافضل انك تاجر سيارة او تطلب سيارة كروة للمواصلات

وان كنت ارشح افضل المجمعات فيلاجيو

مشكوووور يا qatar2007
وجزاك الله خير
بس بسألك فيلاجيو في فندق قريب منه
واذا ما في فندق قريب منه عطني من الاخر ايهم أفضل فندق دبليو او موفمبيك
أو شنو ترشحلي من فنادق يكون زين وقريب من المجمعات ومن الكرنش وموقعه حلو
ما ابي أستعجل واسكن في فندق وعند وصولي اشوف فندق يكون احسن منه

المشاركة الأصلية كتبت بواسطة cuccl_q8
http://www.arabtravelersforum.com/tr...5/#post3716305

مشكوووور يا qatar2007

وجزاك الله خير
بس بسألك فيلاجيو في فندق قريب منه
واذا ما في فندق قريب منه عطني من الاخر ايهم أفضل فندق دبليو او موفمبيك
أو شنو ترشحلي من فنادق يكون زين وقريب من المجمعات ومن الكرنش وموقعه حلو
ما ابي أستعجل واسكن في فندق وعند وصولي اشوف فندق يكون احسن منه

حياك الله في بلادك قطر


وارشحلك اخوي في الدرجة الالى فندق دبليو وهاذا الفندق مميز بكل ماتحمله الكلمه من معنى


وهو مش ملاصق بل مجمع بس قريب منه جدا يعني 3 دقايق مشي من الفندق الي مجمع السيتي سنتر


وهاذا تقرير عن الفندق المقصود وانصحك فيه وبقوه وصدقني ماراح اتحسف من واقع تجربه


http://www.arabtravelersforum.com/travel271853/


واي خدمه احنا حاضرين

ان شاء الله تكون الامور ترتبت واي خدمة ابشر بها

طبعا فندق w لانه مجاور سيتي سنتر دقيقه وتوصله وهو جمب الكورنيش وجمب السيتي سنتر وجمب جزيرة الؤلؤه (( احلى مكان في قطر ))

يمكن ماعجبه لانه دبليو صاير بين الابراج والشيراتون على البحر بس الخرابه الحين صارت ربع خرابه لانه كله بنيان ابراج جمبه بس تقريبه الابراج الي جمبه شبه خلصت بس على العموم انشاء الله مانخيب املك

المشاركة الأصلية كتبت بواسطة the ro0ok
http://www.arabtravelersforum.com/tr...9/#post3723579

يمكن ماعجبه لانه دبليو صاير بين الابراج والشيراتون على البحر بس الخرابه الحين صارت ربع خرابه لانه كله بنيان ابراج جمبه بس تقريبه الابراج الي جمبه شبه خلصت بس على العموم انشاء الله مانخيب املك



حتى لو اكتملت الابراج

منو اللي بيقعد يناظر ابراج جنه قاعد في سجن من كل صوب يطل عليه برج

بأمانه حيل حيل حيرتوني لا أخوان أرسو على بر
قولولي شنو أختار تري السالفه ما تستاهل كل هل خلاف
ابي فندق حلو وموقعه حلو اكيد في فندق يناسب طلبي
انا الحين قصيت التذاكر وبقالي حجز الفندق

المشاركة الأصلية كتبت بواسطة النوريq
http://www.arabtravelersforum.com/tr...1/#post3726221

صج الشيراتون يطل على البحر بس بعد قريب من السيتي سنتر

ومب مسألة ديكورات دبليو الغريبه بس المكان صغير ويضيق الصدر

كل فنادق الدوحه عندنا فيها لوبي كبير وواسع ومثل ماقلت انت فندق الشيراتون من اقدم الفنادق وروح شوف شلون اللوبي ماله وسيع ويشرح الصدر

دوّر لي أي فندق خمس نجوم في الدوحه مب وسيع ويشرح الصدر

خاصة ان الاخ اول مره ايي قطر ومانبي ياخذ فكره عنها انه فنادقها صغيره والباب في المحراب

فندق دبليو مثل فنادق اوروبا وخاصة لندن تلقى الاستقبال في ويهك وعلى يمينك ويسارك قعدات

غير عن فنادقنا في قطر اللي كل واحد فيها عبارة عن منتجع




اتفق معاج يالنوري لوبي w صغير جدا ومب حلوو
اما الشيراتون بشهادة الجميع انه الافضل من ناحيه اللوبي وهو اشرح لوبي في قطر ..

شرايكم في هل الفنادق من ناحة القرب للتسوق
والفخامه والموقع الحلو
فندق فورسيزونز الدوحة
فندق الريتز كارلتون
فندق شيراتون
فندق الموفنبيك

فندق انتركونتننتال الدوحة
فندق جراند حياة الدوحة
أنا ما عرف عنهم شي بس بحثت وجمعتهم شترشحولي منهم

شيراتون
مافي حجز في اخر 4
http://www.sheraton-doha.com/
زهبنا الجدر وطار الديج

علشان تعرف انه هالفندق مطلوب والناس كلها تسكن فيه

والحين تلقى الفورسيزون والا غيرهم قاعدين يكشون الذبان

شوفي هل الصفحه محد قال شيراتون حلو http://www.arabtravelersforum.com/travel367712/
وشوف هل الصفحه يمكن بس انتى قلتي http://www.arabtravelersforum.com/travel367287/
وقتلج عن الريتز والفورسيزون وجراند حياة قلتي حطعلهم X

ممممممم بعد في شي بس لاتعصب ، ترى لو الجو مايساعد وجاتك موجة غبار ولا حر اشوفها اليوم زايرتنا أكيد بتروح بالتكسي للستي هههههه والله ماودي أزيدك بس تبقى الفنادق الثانيه غير الشيراتون هي أقرب مشي للستي من الشيراتون .
شي ثاني اذكر في شهر 10 خذنا غرف الشيراتون الوحده طلعت علينا ب1200 والصراحه الصراحه ماتسوى هالقيمة ، ترى الغرف صح مجدده بس جداً عاديه ومافيها شي مميز ومبهر وغريب شفت غرف الفنادق الستاندرد اللي الكنب عادي نظام امريكي والسرير الظهر له عادي مع مرايه وراه والميز تواليت تسمونه هالشكل فالكويت ههههه طاوله عاديه @_@
والحمام الله يعزك مايل للضيق .
هذا رأي 6 عوائل تقريبا كنا ماخذين غرف وكانت ضيقه وطلب البعض يغيرها لغرف أكبر وكانت أختكي مثلكي بس عطوهم غرف كبيره بشي بسيط .
أنا أقول لك اذا تبحث عن الفخامة والغرفة اللي تفتح النفسي وماتجيب الضيقه لين قعدت فيها ترى مراح تلقاها في غرف الشيراتون + الإنتر كونتيننتال حسب اللي شفته بعيني

حبيبتي انا كل تعليقي على كلمة صحراء قاحله لان جد وانا اقرى مثل ماقلت لج حسيت انج توصفين وضع قطر قبل 20 سنه هذا وانا القطريه ضربتي ضيقه من الجملة فمال بالج باخوانا اللي جايين يزورونا ويقرون هالكلمه ترى بيحسون انهم في منطقة بعيده عن كل شي .
وذكري للمناطق اللي حوالين الفنادق مب عشان يزورهم مع ان اغلبهم يستحق الزياره والقعده فالكوفي ، انا ذكرتهم عشان اوضح ان المنطقة مب صحراء قاحلة لا أكثر ولا أقل ، وأرض المعارض فيها فعاليات كثيره مب شرط سوق يمكن الرجال عنده اهتمامات ثانيه ويدخل ويشوف شفيه المعرض بالإضافة إلى الكوفي شوب اللي فيه اعتقد ( كوستا كوفي ) صح يطل على شارع عمومي وبيوت بس مايمنع ان الواحد يقعد فيه .
واللؤلؤة تصفر ؟؟ !! ؟؟ !!
و الريتز يروحه استجمام ومايطلع من الفندق ويكتفي بالمشي فيه ومايروح الكورنيش ؟؟
الريتز صح حلو بس مافيه اسواق ومافيه الكم الهائل من المطاعم مافيه مدينة العاب ترفيهيه ولا مائيه عشان الواحد يقعد فيه ومايطلع حتى التمشي فيه عند البحر وحمام السباحة مايغني عن الكورنيش واللؤلؤة ، الفنادق اللي الواحد يقعد فيها ومايطلع منها عندج النخله ومينا السلام والقصر اللي في دبي هذي نماذج على فنادق الواحد يقعد فيها ومايطلع لان كل اللي يبيه موجود فيها ، بس قطر مافيها من هالفنادق وإن شاء الله قريب نشوف مثل هالنماذج
---------------------
واكتفي بهذا القدر من النقاش في الموضوع عشان مانخرب موضوع cuccl_q8 وليس غوتشي

جوجي ها قولي شرايك في الشيراتون ..... اكيد بتقول حلو بس اصلن مو لذاك الزود الشيرتون مسك منصب 20 سنه من افتتاحه كأفضل فندق في قطر بس الحين اسمحلي فوق 50 فندق طلع في قطر وحطم على الشيراتون منها
1- غراند حياة
2 - الريتس
3 - w
4 - فور سيزون
5 - موفنبيك
ــــــــــــــــــــــــــــــــــــــــــ

والحين بانتضار رايك يا اخ كوجي لانك انت لين الحين في قطر واتمنى ترد لي خبر عن رايك في الشيراتون

انا يوم زرت قطر الصراحه شفت الشيرتون ماعجبني كثر w كأثاث وفخامه وراحه لاكن كمكان صدقت مو حلو لانه بين الابراج هاي هو عيبه الوحيد بس لانه هو يبي جمب مجمع بس لو طلب مني جمب البحر ف راح ارشح له غراند حياة والفورسيزون

السلام عليكم
انا توني واصل للفندق الساعه 7 مساء
النفدق عادي كأنه من فنادق مصر فندقالجزره او سمره ميس عادي مو حديث حلو بس مو قمه يعني ديكوره دكور فنادق أول بس عساس كل خشب صار كأنه راقي
المهم الفندق ما راح أعيده ولا أوصي أحد سكنه ما يسوي
ما علينا ...
أبي أحسن مطعم مأكولات بحره راقي وأنظيف
وأبي أوقات هل الاماكن متى فتحون ومتى سكرون في الايام العاديه
1 - جزيرة الؤلؤه متى أفضل وقت
2 - المتحف الاسلامي متى أفضل وقت
3 - سوق واقف متى أفضل وقت
4 - فيلاجيو مول + سباير زون
6 - متحف قطر متى أفضل وقت
7 - سيتي سنتر
8 - فيلاجيو
9 - لاندمارك
10 - حياة بلازا
11 - رويال بلازا
ومتى يفتحون باجر الجمعه
منتظركم

المشاركة الأصلية كتبت بواسطة cuccl_q8
http://www.arabtravelersforum.com/tr...5/#post3791385

السلام عليكم

انا توني واصل للفندق الساعه 7 مساء
الفندق عادي كأنه من فنادق مصر فندق الجزره او سميره ميس عادي مو حديث بس مو قمه يعني ديكوره ديكور فنادق أول بس عساس كل خشب صار كأنه راقي
المهم الفندق ما راح أعيده ولا أوصي أحد يسكنه ما يسوي وفي دسكوين وكل أجانب وسكاره
ما علينا ...
أبي أحسن مطعم مأكولات بحره راقي وأنظيف
وأبي أوقات هل الاماكن متى فتحون ومتى سكرون في الايام العاديه
1 - جزيرة الؤلؤه متى أفضل وقت
2 - المتحف الاسلامي متى أفضل وقت
3 - سوق واقف متى أفضل وقت
4 - فيلاجيو مول + سباير زون
6 - متحف قطر متى أفضل وقت
7 - سيتي سنتر
8 - فيلاجيو
9 - لاندمارك
10 - حياة بلازا
11 - رويال بلازا
ومتى يفتحون باجر الجمعه

منتظركم

،،،،،،،،،،،،،،،،،،،،،،،،،،،،،،،،،،،،،،،،،،،،

مشكوووووووووور يا QAT999 على هل المعلومات
بس مافهمت جملتك هذه
يوم الجمعه بعد صلاه الجمعه تقريبا على 1 احسن وقت
بس يكون مفتوحا صباحا :smile:
تقصد فيها وين يكون زين الساعه 1 الظهر
ابي رقم بداله قطر جم عساس اتصل فهم واخذ ارقام بعض الاماكن مثل المتحف والجزيره وغيرها واعرف مواعدهم

هلا اخوى كان قصدى ساعه 1 ظهر هو احسن وقت للطلعه
فى يوم الجمعه ..

رقم البداله هى 180

ملخص زيارتي لقطر
1- جزيرة الؤلؤه حلوه بس بعد مو كل محلاتها مفتوحه يعني
40% المحلات الفاتحه والباجي مسكره
2 - المتحف الاسلامي عادي
3 - سوق واقف عادي
4 - فيلاجيو مول حلو
5- سيتي سنتر عادي وفضل ماتروحله وقت الذروه مثل يوم الخميس ويوم الجمعه بعدالساعه7 مساء يكون زحمه ومتروس حده

اختي النوري ...
أقدر لك غيرتك , ولكن الأخ قال رأيه ومب من الظروري انه يمدح , وأتمنى ان تتقبلين الرأي الآخر بروح رياضية .
تحياتي لك ...

بصراحه انا رديت عليها وطلعت ولا شفت شنو أكتبت
ولاكن على كل حال ننسي ما جره ونسكر الموضوع والصفحه على رأي الاخوان الافاضل
وانا اكرر اسفي لكل مواطن قطري كان رجل او مرأه بما بدر منى من خطئ
وأقسم بالله أنى أحب الخليجي من غير أستثناء اي دوله فيهم مثل أخوي اللي من امي وابوي

هلا اخوي كوجي شوفو بما اني سعودي وزرت الكويت وقطر من سنة 2009 - 2010 الصراحه التسوق والمجمعات كل بلد يغطي على الثاني بس حاليا الكويت افضل من ناحية التسوق فقط ومن ناحية التطور شوارع ومشاريع طبعا قطر احسن والسموحه اخوي كوجي شوفو قطر يبيلها 3 سنين عشان .....v

1 - اكبر ملاهي في اسيا والشرق الاوسط يفتحونها سنة 2012 وهي SixFlags
2 - مدينة لوسيل 2014
3 - مجمع لاغونا 2011
4 - مجمع الوعب وهو اكبر مجمع في قطر يعني اكبر من السيتي سنتر 2012
5 - الغرافه مول 2011
6 - جلاكسي مول 2012
7 - الخليج مول (( اكبر مجمع في الشرق الاوسط )) 2013
8 - وذنان مول 2010 قريبا
9 - اكوا بارك قطر 2010 شهر 7
10 - اكبر مدينة الاعاب داخل مركز تسوق جوندولينا افتحو نصها وباقي نص
11 - افتتاح 15 جسر و 15 نفق لمشروع 22 فبراير
12 - سوق الوكره وهو سوق فخم مثل سوق واقف لاكن كا افخم بكير وراح تكون فيه محلات ماركات عالميه
13 الوكره مول
14 - ولاتنسون مطار قطر (( الذي راح يصبح من افضل مطارات العالم واكبرها وبعد افتتاحه سنة 2011 راح يصبح اكبر واحد في الشرق الاوسط و 4 عالميا لاكن بعد افتتاح مرحلته الاخيره سنة 2013 راح يصبح ثاني اكبر مطار في العالم وطبعا صنف ليكون فايف ستارز
ــــــــــــــــــــــــــــــــ
يعني عشان جي اقولكم قطر شغاله حيل حيل كل هاي عشان قطر 2022 وطبعا انتوا تستغربون بما اني سعودي وشلون املك كل هل معلومات طبعا بما اني احب اتابع اخبار المشاريع والهندسه فاهذي معلوماتي

لوووول اخوي كوجي انا قاعد بينكم انتوا الاثنين يعني انا اشوف مافي دوله في الخليج مو حلوه يعني كل دول الخليج على راسي الكويت قطر الامارات السعوديه البحرين عمان خليجنا واحد بس المشكله ومافيها انه كل واحد فينه يطلع عيوب البلد الثاني ومايشوف اعيوب بلده مثل شوفو انتو الاثنين النوري وكوجي انا سعودي بس اسكت ليش لان بلدي اعتبرها من اغنى بلدان الخليج لاكن هي من اقل بلدان االخليج من حيث التطور يعني الرياض احس اني ودي اهجر منها مو حلوه زحمه وكريها بس انا قتلكم قبل حاليا الصج ينقال الامارات وقطر هم الي رافعين رؤوس العرب حاليا الامارات اقتصاديه وسياحيا وقطر ثقافيا ورياضيا وسياحيا والبلادان الاربع الصراحه على راسي بس يبيلنا 5 سنين عشان نوصل لمستوى الامارات وقطر حاليا وبعدين انا قريبا في اجازة الصيف لي رحله لقطر والكويت والبحرين والامارات وراح اصور وراويكم وبعدين النوري هدي شوي على كوجي تره الرجال ماقال شي ,,,,,!!