الموضوع: ثلاثة عشر ليلة وليلة في المغــــــرب

المشاركة الأصلية كتبت بواسطة moroclover
http://www.arabtravelersforum.com/tr...6/#post2349216

:36_1_11: :36_1_11: :36_1_11:

والآدمي الي جاك بالسوق هاذا على طول هناك كل مارحت لقيته لكن ما ارد عليه :101: ويسير في حال سبيلة الله يتوب عليه في هالشهر الكريم :36_1_41: والسوق في أشياء خفافية جيدة تذكارات وجلاليب رجالية ممتازة نوعها جويد وسعرها مزيان كل ما رحت اخم لي 10 للوالد والاخوان والعيال :101: وبصراحة الي دلني عليه الداهية :11ight: وولدي البار ابوحسن :109: ( زخ مطر ) الله على هادوك ليام يابوحسن الأفضل من سوق باب مراكش سوق الحبوس بصراحة لا يعلا عليه ومثل ما قلت يبيلك توسع صدرك :36_15_24: بالمكاسر ..... صافي بنتظار جديدك ياصديقي الجديد

:smile001:



يا مرحبا باخوي الغالي
الله يكفيني شره كل ما ذكرته تركز شعر راسي اجل مخدرات على اخرتها الله يكفينا الشر
والسوق مثل ما ذكرت مهوب شين وفيه حاجات كويسة بس عيبه الاستغلال وعدم الثبات في الاسعار يعني يقول لك ب 100 وتاخذه ب 30 او 40 طبعا اذا وسعت صدرك وعرفت من توكل الكتف
تقبل تحياتي وبلغ سلامي لبو حسن
وماقصرت على المرور

المشاركة الأصلية كتبت بواسطة ابو مطر
http://www.arabtravelersforum.com/tr...4/#post2349294

واصل يا حجي واصل تقريرك زوين بزاااف

الله يعطيك العافية ديالنا والصحة ديالهم

الله يخليك لعين ترجيك
ابشر باللي يسر خاطرك
وعسى الله يغيث المسلمين
ومشكور على المتابعة والمرور
وتقبل تحياتي

المشاركة الأصلية كتبت بواسطة بوخويلد
http://www.arabtravelersforum.com/tr...8/#post2349658

تابعت معاك متأخر , بس بصراحه من أجمل و أمتع التقارير الي قريتها بالبوابه , متابع معاك للأخر أن شاء الله



ولا يهمك يابوخويلد ( تالي الخوا مثل اوله )
الله يخليك ومشكور على ذا الكلام الحلو
متابعتك شرف كبير لي
والله لا يهينك على المرور
تقبل تحياتي

المشاركة الأصلية كتبت بواسطة عاشق باريس
http://www.arabtravelersforum.com/tr...9/#post2349809

مرحبا صراحه ضحكتني بسالفة ابو سلطان انه ابو الجميع اجل ماحصل راحه من حريمكم كل يوم عنده شكوي واصلح يامصلح
بس لاتطول علينا الله في تفاصيل بعض الامور احم احم
اقول دربك خضر
ولك فايق الاحترام والتقدير
اخوك/عاشق باريس



عاشق باريس مساك الله بالخير
ابو سلطان صار البابا حق الرحلة يحل المشاكل ويصلح وكل شي بس بعض المرات:112: ويحوس الدعوى
عزيزي اسعدتني وشرفتني بمرورك الجميل وكلامك العذب وتعليقك الحلو
والدرب الخضر للجميع انشا الله
تقبل تحيات القلب الاخضر

يا هلا ويا مرحبا بكل الاحبه الغالين رواد المنتدى الغالي وعشاق البوابة الحمراء عشاق بلد العشق والغرام والانس والاحلام بلاد المغرب الحبيب

نواصل معكم رحلتنا واحداثها وتفاصيلها

اليوم الاحد وكالعادة ابو سلطان ( البابا ناصر السابع عشر ) يدق البروقي الساعة 11 معلنا انتهاء وقت النوم وان القهوة جاهزة وكلما صب له فنجال هاه وش رايكم في القهوة قاطعة و مضبوطة ويمدح كنه مصلح قنبلة ذرية وحنا نمدح وياسلام سلم
وبعد ما جهزنا الفطور اللي كان عبارة عن كبدة وبيض مسلوق وطبعا محبوب الجميع شاهي الربيع اللي صلحنا منه 3 برادات وين اليوم الطلعة وش رايكم اليوم نروح البحر خصوصا ان اليوم اجازة نسمع بشاطي عين ذياب وندري انه قريب منا بس ما بعد شفناه اجل عين ذياب اتفقنا ولاننا بدري شوي طلعت **** للحمام المغربي ( عنز بدو طاحت في مريس ) رجعنا للشقة واصطحبنا البابا ابوسلطان هذه المرة ابو حمد ذا المرة فضل انه يجلس بالشقة لانه تعب من كثر الظهرات وقال لنه بيروح للحمام المغربي
طلعنا للشاطئ اللي مقابلنا وسالنا واحد بعيد عين ذياب قال لا يمكن 3-4 كم والله ونطقها رجلية البحر على يميننا والديرة على شمالنا والجو روعة والهوا رايق والدنيا هانية ومشي لين وصلنا بداية الشاطي والى العالم والزحمة والامة كبار وصغار وورعان وحريم ورجاجيل ومن كل شكل

http://www.7005700.com/700/

شاطئ عين دياب

مطاعم ومقاهي على البحر ومسلبح خاصة ومنتجعات والعالم تطافش ولا احد يم احد

http://www.7005700.com/700/

منظر عام من الاعلى

http://www.7005700.com/700/

منتجع خاص

http://www.7005700.com/700/

آخر يتم العمل به

تمشيا وجلسنا على واحد من المقاهي طلبنا اتاي لقينا بعض الاخوان قعد نسولف معهم وناخذ معهم ونعطي طلعنا كملنا التمشية بغينا ننزل نسبح في واح من المسابح ****** ثم كملنا مشي الا وذيك البنت عمرها يمكن عشر سنين وتبدا تتكلم وتمدح اثرها تشحذ ما عطيناها وجه تحول المدح لسب الله لا يوريك اقذع انواع السباب وكل شوي طالع لنا وحدة الصحيح بلشنا بهم اللي يبيع ورد واللي يبيع علك واللي ما يبيع شي يا ساتر . احد رجال الامن قام بملاحقتنا واستوقفنا وقام بالقاء محاضرة وانه لاحظ علينا ملاحظات كان الشارع مليان ناس قلت له بالله عليك ما لقيت من الناس ذولا كلهم الا حنا وش المطلوب والله يا اخوان قال بالحرف الواحد 500 درهم قلت حق ايش قال حق المخالفة قلت أي مخالفة وكنت انا وابو سلطان واقفين نكلمه ****** التفت ما شاف معنا احد بدا يلخبط شوي قلت يا اخوي انت رجل امن وظيفتك تحمي الناس مو تستغل الناس وتستبزهم وتنهبهم اخجل على نفسك وبعدين يا اخي حنا ضيوف انتم كذا تستقبلون الضيوف الحقيقة الرجال خجل وشربته ارضه وحنا واصلنا سيرنا الى نهاية الشاطئ
نزلنا على الشاطئ يا سلام شاطئ رملي رائع انحسر البحر عنه فاعطى منظرا لايوصف والى مليان عالم ناس واجد تلعب كورة ابو سلطان مجنون كورة ورغم انه لم يتجاوز الاربعين الا باربع سنوات الا ن جسمه خفيف ورياضي فهو الى الان يلعب كورة وقف يتفرج فاتح اثمه ويبدي ملاحظاته المهم الرجال ما صبر راح يمهم واستاذن انا نلعب معهم والله الجماعة فرحوا خصوصا يود دروا انا من السعودية رحت انا في فريق وهو في فريق وكنا فايزين 2/1 وعلى طول سجلت هدف الا ان خبرة ابو سلطان قادت الفريق المنافس للفوز 5/3 خلصنا لعب وشكرنا الاخوان

http://www.7005700.com/700/

الفريق اللي لعبنا معهم والمرمى مبين حصاتين

http://www.7005700.com/700/

ناس تلعب

ورحنا يم البحر ولى باااارد ثلج ومع ذلك الناس تسبح وانا ما اداني البارد قعدنا نطافش شوي لين حد العشا

http://www.7005700.com/700/

امواج الاطلسي في غاية الروعة

http://www.7005700.com/700/

فندق على الشاطئ

http://www.7005700.com/700/

منظر جميل من الكورنيش
[/center] شاطئ عين ذياب الحقيقة شاطئ مزدحم مليء بالناس من كل الاشكال صحيح حلو بس يعيبه ما يلي:
1. كثرة الشحاذين اللي يكرهونك عيشتك وكلما راح واحد ظهر لك الثاني بعدين يا ساتر على سبهم القذر ما سمعت اقذر منه في حياتي
2. رجال الامن يستغلون كل سائح خليجي انا احسب الموقف هذا صار معنا بس صار مع اكثر من واحد قابلته هناك والملفت ان الخواجات ما يقولون لهم شي
3. كثرة التعري فيه وخصوصا المنتجعات اللي على الشاطئ واللي تشوفها بوضوح وانت تمشي .
4. اسعار المقاهي والمطاعم مبالغ فيها بدرجة كبيرة

http://www.7005700.com/700/

منظر لعين دياب

رجعنا للشقة مشيا ابو سلطان دخل الشقة ***** ثم رحناالسوق على شان نحضر اغراض العشا طاجن لحم وحريرة ( عشا مغربي )
رجعنا الشقة خذنا دش وغيرنا ملابسنا الا والبابا مضبط القهوة والشاهي جلسنا ريحنا شوي عقب التعب والمشي واللعب . بديت اجمع ملابسي الوسخة علشان اوديها المصبنة ( المغسلة ) ********بدت عملية تحضير طاجن اللحم بنفس خطوات طاجن الدجاج واما الحريرة فقالوا خلها وقت ثاني علشان ما تخرب على الطاجن
على الساعة 12 كان العشا زاهب وحنا ميتين جوع وما صدقنا الجماعة يقولون تفضلوا
عقب العشوة المحترمة جدا ارتحنا حوالي نصف ساعة وقام ابو حمد يوزن اوتار عوده ويبدا السهرة باغنية مرسول الحب الشهيرة . كنا فاتحين الدريشة وغنا وتصفيق التفت ابو سلطان الا واحد من الجيران فاتح دريشته وواقف فيها خفنا ان حنا ازعجناه قمت يمه اعتذر منه قال لالا يا اخي انا مستمتع كان قريب مرة قلت له تفضل معنا قال اخاف فيه احراج قلت ابد ما فيه أي احراج شوي الا وهو جاي ****** ويشتغل في فرنسا وجاي يقضي الاجازة هنا كمل السهرة معنا وانبسط واستانس لين اذن الفجر استاذن ومشي وحنا بعد نستاذن منكم علشان نمشي

تصبحون على خير

تابعونا وحياكم الله

الممتع القلب الاخضر :101:

تبارك الله عليك والله يعطيك الصحة :36_1_11:

قطعت رزق راعين التكاسي :109: كل هالمسافات كعابي

:36_11_6: :36_11_6: :36_11_6:

وبعدين ياصديقي الجديد نتا عريس جديد :36_15_24: يعني بتستهلك عمرك :101:

الله يوفقك وإلى الامام :11ight: وترى وزنيتك ممتازة في التقرير :suprise:

الأسلوب الشيق العفوية كمية الكتابة التصاوير كامل مكمل والكامل وجة الله

:smile001:

مرحبا واصل ننتظر المزيد من تقريرك الرايع ولك خالص واصدق واعطرتحيه من اخوك اليامي

ما شاء الله
رياضة مشي ... اكل بيتوتي نظيف... تسوق ومشاهدات...هستره وخبال (مقنن)
لك كل الود.................. واصل مازلنا منتظرين..

القلب الخضر : مبرررروك الزواج :ros2: :106: ... والحمد لله على السلاااااااااااامه :smile125:
اكمل متابعينك بشغف :36_1_39:

تحياتي لك

القلب الاخضر امتعتنا بالتقرير الجميل فشكرا لك ... خاصة انى كنت موجود فى نفس الفترة الى كنت انت موجود فيها
سوق مراكش .. ميدان الامم المتحدة مقابل حياة ريجنسي..... عين ذياب ....تذكرت جميع هذه الاماكن .. ولكن
فاتك سوق الاحباس ..وسوق الحفاري للقفطان الجميلة ..وخيرها في غيرها ....

طرح جميل .... عجبني فيك انخراطك مع الناس .. بالشاطىء تلعب معهم ..وبالمقهى تعاشرهم وحيرانك يسهرو عندك ...

من الاشياء المحببة الي الالتقاء بأشخاص من حضارات وثقافات مختلفة ... وانت هنا قمت بذلك ...

لك تحياتي ...

المشاركة الأصلية كتبت بواسطة البويقيص
http://www.arabtravelersforum.com/tr...8/#post2350798

تقرير ولا أروع ياخوي الفلب الأخضر ,,,,

لكـ تحياتي وتقبل مروري ,,,

حياك الله يا خوي
الله يخليك انت ةالاخوان والله الرايعين اللي حمستوني وخليتوني اواصل
شاكر مرورك ولك كل الود والاحترام

المشاركة الأصلية كتبت بواسطة ماجدf
http://www.arabtravelersforum.com/tr...6/#post2350876

السلام عليكم اذنك معك اخي القلب الاخضر ماشاالله كل مشاويركم مشي على الاقدام وكذالك الاكل طبخ في البيت تعرف انا حبيت وتمنيت فيكم اشياء المشي على الاقدام الطبخ في الشقة التعرف على الناس والمداخلة معهم والتعرف-- كل هاذي الاشياء محبوبة لدي بس السهر الى الفجر انا اعيبة ولا احبة بس باقي اعمالكم جميلة والى التقرير الثاني في صبيحة المغرب---------اخوك ومحبك ماجد



حبيب قلبي ماجد
كل الشكر والتقدير لك من اعماق فلبي على متابعتك وتعليقك وردودك
المشي يا اخوي هو ابسط هدية تقدمها لجسمك فوائدة الطبية معروفة وايضا انه ما يفوت شي عليك اي تشوفه توقف عنده وتناظره وتنشد عنه وتاخذ فكره وايضا يخليك تدخل مع الناس وهذي في حد ذاتها متعة كبيرة تعرف احوالهم تقاليدهم طريقة عيشهم كلامهم اكلهم شربهم ضيافتهم وبعدين حنا ما ورانا شي رايحين نتمشى صح
والاكل انا وابو سلطان صار لنا موقف في احد المطاعم سبب لنا مشكلة كبيرة من عقبها وحنا نعتمد على انفسنا ولقيناه احسن وانظف وعلى كيفنا ونزين اللي نبي
اما السهر اللي قلت ما تحبه فيه اناسة وسعة صدر نجر لنا كم صوت وانا يخوك هواوي يجيني نفضةالى سمعت السامري , والنوم ناخذ حقنا منه كامل والفترة اللي ننام فيها شبه ميته ما احد ظهر ولا احد فاضي لك اصلا
احييك واشكرك مرة اخرى على تواصلك واقتراحاتك وردودك الوافية
وتقبل خالص ودي واحترامي وتقديري
اخوك القلب الاخضر

المشاركة الأصلية كتبت بواسطة moroclover
http://www.arabtravelersforum.com/tr...8/#post2351158

الممتع القلب الاخضر :101:

تبارك الله عليك والله يعطيك الصحة :36_1_11:

قطعت رزق راعين التكاسي :109: كل هالمسافات كعابي

:36_11_6: :36_11_6: :36_11_6:

وبعدين ياصديقي الجديد نتا عريس جديد :36_15_24: يعني بتستهلك عمرك :101:

الله يوفقك وإلى الامام :11ight: وترى وزنيتك ممتازة في التقرير :suprise:

الأسلوب الشيق العفوية كمية الكتابة التصاوير كامل مكمل والكامل وجة الله

:smile001:



هلا والله بالغالي
الله يبارك فيك ويعافيك ويجعلك في الجنة ووالديك ومن يقرا ويمر ويرد وجميع المسلمين
يا خوك كل رزقه على الله صحيح ما ناخذ تكسي بس نمر محلات ونشرب ماء وعصير وشاي وايس كريم باكثر من قيمة التاكسي بس المشي حلو والله حلو ومثل ما ذكرت لاخوي ماجد قبلك
الله يضحك سنك دنيا واخرة
صحيح انا عريس بس لا تخاف علي اعجبك وبعدين امرن نفسي واجدد نشاطي
الله يوفق الجميع وعسى الله يديم الزين
والكامل وجه الله بس اهم شي تكون الصورة واضحة انا احاول اخليها حية بس مقص الرقيب شوي حد
الله يجزاهم خير يدورون الزين
اعجز عن شكرك اخي العزيز
تقبل تحيات القلب الاخضر

المشاركة الأصلية كتبت بواسطة TMEEM
http://www.arabtravelersforum.com/tr...6/#post2351296

خفة دم محببه للنفس وتلقائيه في الطرح ..


اخي القلب الخضر تبارك الله عليك



هذا من ذوقك يا عمدة
اخجلتني والله
وهذا قليل مما عندكم وغيض من فيضكم
بس تصدق اني متحسف جدا اللي ما رحت اغادير
انشالله المرة الجاية
تسلم يا ذوق
الله لا يهينك على المرور ومشكور على الكلام العسل يا عسل
تقبل تحياتي واشواقي الحارة
القلب الاخضر

المشاركة الأصلية كتبت بواسطة عاشق باريس
http://www.arabtravelersforum.com/tr...4/#post2351594

مرحبا واصل ننتظر المزيد من تقريرك الرايع ولك خالص واصدق واعطرتحيه من اخوك اليامي



هلا والله بيام وولاد يام
يخوي اكودك تحول من عشق باريس لعشق المغرب والله انه اصرف واجد
وما المواصلة ابشر والله اللي يسرك ما سمعت اللي يقول يا بلادي واصلي والله معاكي
والتقرير والله لولا تشجيعكم وتفاعلكم انه ولا شي
ومشكور على المرور وعلى الكلام الحلو
تقبل تحياتي العطرة
اخوك القلب الاخضر

المشاركة الأصلية كتبت بواسطة ماشي
http://www.arabtravelersforum.com/tr...3/#post2351693

ما شاء الله
رياضة مشي ... اكل بيتوتي نظيف... تسوق ومشاهدات...هستره وخبال (مقنن)
لك كل الود.................. واصل مازلنا منتظرين..



ماشي ماشي معاك يا زمان
االه الله ياخوي ماشي
انت المفروض ما تستغرب من المشي الا المفروض تشجع المشي تدري ليش لان اسمك ماشي
والاكل صدقني ما فيه نسبة بين اكل البيت والمطاعم وخصوصا ان الله رزقنا من يطبخ لنا طبخ اهل المغرب اللذيذ
والتسوق والمشاهدات حنا ما رحنا نصك على عمارنا في شقة والا فندق ونقول سافرنا ترى صدق فيه ناس كذا نوم وسهر والشمس ما يشوفها حلاوة الرحلة في تكوين انطباع صادق عن البلد واهله وهذا ما يتم الا بجولات ميدانية متعبة احيانا بس صدقني تنسى التعب والمتعة تبقى
بدليل اني اكتب الحين بعد مضي اكثر من شهر على العودة وكاني اعيش الاحداث لحظة بلحظة الا اني نسيت التعب
والهسترة والخبال ترى كثر العقل والثقل يخليك تمل واللي معك يملون فلا مانع من بعض الهسترة والخبال بس مقننة وانا عندي قاعدة الى بغيت اسافر احط العقل والسحا والخجل في كرتون واخليها في البيت لين اعود لها بس اللي ما اخليه ابد الادب خلك مودب مع الناس وتاخذ اللي تبي
اسعدني مرورك وتقبل تحيات القلب الاخضر

لا تكفي كلش الا مدينة النور باريس لنا ذكريات حلووووووه ومانقدر نغيرها بس لو نفتك من الترزز الي فيها كان حنا بخير نفس الذكريات الي عندك في المغرب عندي في باريس وانت عاد افهم اي نوع من الذكريات انا اقصد

المشاركة الأصلية كتبت بواسطة F.M.alsalmani
http://www.arabtravelersforum.com/tr...3/#post2351783

هالحركات تكرهني بالمغرب ... بمجرد ان يشوفونك خليجي يستغلونك ويشوفونك ولا شئ واذا ما عطيتهم قاموا يسبون ... ؟؟؟؟




بس ياخوي السبب منا والا منهم
هذا موضوع يبي له بحث
ثقافة السائح الخليجي تحتاج اعادة نظر

المشاركة الأصلية كتبت بواسطة F.M.alsalmani
http://www.arabtravelersforum.com/tr...5/#post2351785

القلب الخضر : مبرررروك الزواج :ros2: :106: ... والحمد لله على السلاااااااااااامه :smile125:
اكمل متابعينك بشغف :36_1_39:

تحياتي لك



الله يبارك فيك ويسلمك وعقبالك
ابشر باللي يسرك يا الطيب تامر امر
مرورك اسعدني وشرفني ومشكور
تحياتي الحارة
القلب الاخضر

المشاركة الأصلية كتبت بواسطة صقرالحجاز
http://www.arabtravelersforum.com/tr...4/#post2352024

القلب الاخضر امتعتنا بالتقرير الجميل فشكرا لك ... خاصة انى كنت موجود فى نفس الفترة الى كنت انت موجود فيها
سوق مراكش .. ميدان الامم المتحدة مقابل حياة ريجنسي..... عين ذياب ....تذكرت جميع هذه الاماكن .. ولكن
فاتك سوق الاحباس ..وسوق الحفاري للقفطان الجميلة ..وخيرها في غيرها ....




الله يسعد مساك اخوي صقر الحجاز
والله يمتعك بالصحة والعافية
ما لنا في الطيب نصيب ولا كان مقابلينك هناك اللقاء هناك طعم غيييير
واللي فاتنا ذا المرة نجيه المرة الجاية ( ناوي اروح في اجازة الحج انشاالله )
والاسواق اللي ذكرت ملزوم امرها
الله لا يخلينا منك ومن طلتك الحلوة
شكرا للمرور والمعلومات القيمة
وتقبل تحياتي
القلب الاخضر

المشاركة الأصلية كتبت بواسطة dreamer_eng
http://www.arabtravelersforum.com/tr...7/#post2352087

طرح جميل .... عجبني فيك انخراطك مع الناس .. بالشاطىء تلعب معهم ..وبالمقهى تعاشرهم وحيرانك يسهرو عندك ...

من الاشياء المحببة الي الالتقاء بأشخاص من حضارات وثقافات مختلفة ... وانت هنا قمت بذلك ...

لك تحياتي ...



استاذي الحالم يا هلا والله
الارض بدون ناس موجودة في كل مكان
الناس هم الحياة هم الحضارات
والحمد لله وفقنا الله ان حنا دخلنا مع الناس وعرفناهم علشان الواحد ما يحكم من واحد والا اثنين والا موقف والا موقفين
نعم صار لنا مواقف ماهي كويسة مع بعض الافراد في المغرب لكن يظل موقف فردي لان اغلب الناس اللي عاشرناهم واحتكينا معهم وجلسنا معهم قمة في الطيبة والادب والاحترام والمحبة والتقدير ( ولعل صاحبنا ابو احمد اللي لقيناه في القهوة ومشينا معه على سيارته ولف بنا وفرجنا حوالي 3 ساعات في الاخر يحلف يمين ما ياخذ درهم واحد وانه بس حب يخدمنا اكبر دليل على طيبة هولاء الناس ) وان كان لكل قاعدة شواذ
بس حنا اللي يلزمنا كسر الحاجز النفسي بينا وبين الناس عندها ستجد لاي رحلة طعما اخر
اخوي الحالم والله اني اعجز عن شكرك ولكن العذر والسموحة فانت الاستاذ ونحن الطلاب
تقبل تحياتي الحارة
اخوك القلب الاخضر

المشاركة الأصلية كتبت بواسطة عاشق باريس
http://www.arabtravelersforum.com/tr...8/#post2352298

لا تكفي كلش الا مدينة النور باريس لنا ذكريات حلووووووه ومانقدر نغيرها بس لو نفتك من الترزز الي فيها كان حنا بخير نفس الذكريات الي عندك في المغرب عندي في باريس وانت عاد افهم اي نوع من الذكريات انا اقصد




عاشق باريس والله ما الومك
الواحد الى تولع بشي خلاص يبقى في راسه الى الابد
نقل فوادك ما استطعت من الهوى ما الحب الا للحبيب الاول
عموما يا الحبيب القلب وما يهوى والله يلوم اللي يلومك
تحياتي

:110::110::110:

للأسف انقطعت فترة عن متابعة التقرير الا والأحداث تتوالى بصورة رائعة

رحلتكم جميلة ورائعة وسردك للتفاصيل أكثر من رائع وصور جميلة

:24::113::24::113::24::113:

وعلى فكرة كنا بالمغرب في نفس التوقيت تقريبا

وساكنين بالقرب من مسجد الحسن الثاني (غفر الله له ولأموات المسلمين ) يعني كنا جيران

متابعين معاك للآخر وفقك الباري لما فيه الخير

تبارك الله عليك .... لازلت متابع:24:

[FONT="Arial Black"][SIZE="5"]ياصاحب القليب الخضر....

الله يسعدك ياشيخ ...تقرير خطير :24: تخلي الواحد ينتشي ويطير :109:

اضحكتني حتى غرقت العيون من الدموع,,,,اضحك الله سنك ...

حتى الشباب عندي في الأستراحة ...أصروا على معرفته سبب ضحكتي

فقلت هذا واحد قلبه خضر كاتب تقرير وااااااااااااو :101:

وقرواا تقريرك معاي ....ويبعثوك السلام:x1::x1:[/SIZ[/

واصل ...فنحن على شوق لمعرفه ماتبقى من الثلاث عشر ليلة وليلة

دمت بحفظ الله

شي جميل الذي قمت به اخوي القلب الاخضر

هذا هو الاستمتاع بجميع الوقت اثناء السفر والاختلاط مع الناس واكتشاف حياتهم اليومية واللعب معهم وكسب المعارف والاصدقاء الجيدين واحترام القانون والادب اثناء السفر وجعل انطباع الدولة التي تنتمي اليها بكل ادب واحترام هذا يجعل الشخص الاخر غصب ان يحترم شخصيت الاخرين ..

اكمل بارك الله فيك احب هذه السفرات

المشاركة الأصلية كتبت بواسطة الاجردي
http://www.arabtravelersforum.com/tr...2/#post2352422

:110::110::110:

للأسف انقطعت فترة عن متابعة التقرير الا والأحداث تتوالى بصورة رائعة

رحلتكم جميلة ورائعة وسردك للتفاصيل أكثر من رائع وصور جميلة

:24::113::24::113::24::113:

وعلى فكرة كنا بالمغرب في نفس التوقيت تقريبا

وساكنين بالقرب من مسجد الحسن الثاني (غفر الله له ولأموات المسلمين ) يعني كنا جيران

متابعين معاك للآخر وفقك الباري لما فيه الخير



اخوي الاجردي حياك الله
عسى خير انشالله وما فات الا الشر
الجميل والله متابعتك انت والاخوان تخلون الواحد يتحمس
ما صار نصيب نتلاقى كان يجي للرحلة طعم خاص بس الجايات اكثر
الله يرحمه واموات المسلمين اجمعين ووالدينا وكل مسلم
متابعتك لي شرف كبير وما عندي الا اللي يسرك
الله يفقك دنيا واخرة
تقبل تحياتي

المشاركة الأصلية كتبت بواسطة النظرة الثاقبة
http://www.arabtravelersforum.com/tr...1/#post2352991

تبارك الله عليك .... لازلت متابع:24:



هلا والله بمشرفنا الغالي
يشرفني مرورك ومتابعتك
ولا نستغني عن توجيهاتك
حفظك الله ورعاك
تقبل تحياتي

المشاركة الأصلية كتبت بواسطة اغاديري
http://www.arabtravelersforum.com/tr...9/#post2356049

[FONT="Arial Black"][SIZE="5"]ياصاحب القليب الخضر....

الله يسعدك ياشيخ ...تقرير خطير :24: تخلي الواحد ينتشي ويطير :109:

اضحكتني حتى غرقت العيون من الدموع,,,,اضحك الله سنك ...

حتى الشباب عندي في الأستراحة ...أصروا على معرفته سبب ضحكتي

فقلت هذا واحد قلبه خضر كاتب تقرير وااااااااااااو :101:

وقرواا تقريرك معاي ....ويبعثوك السلام:x1::x1:[/SIZ[/

واصل ...فنحن على شوق لمعرفه ماتبقى من الثلاث عشر ليلة وليلة

دمت بحفظ الله



الله يسعدك دنيا واخرة
وانشا الله النشاط على طول
الله يجعلل ايامك سعادة وسعة صدر
والساعة المباركة اللي الشباب قروا التقرير والله يسلمك واياهم
وابشر باللي يسرك ولا لك الا الرضا
شاكر الكلام الحلو والمرور العذب
تحياتي يالغالي

المشاركة الأصلية كتبت بواسطة kazoze
http://www.arabtravelersforum.com/tr...0/#post2356920

شي جميل الذي قمت به اخوي القلب الاخضر

هذا هو الاستمتاع بجميع الوقت اثناء السفر والاختلاط مع الناس واكتشاف حياتهم اليومية واللعب معهم وكسب المعارف والاصدقاء الجيدين واحترام القانون والادب اثناء السفر وجعل انطباع الدولة التي تنتمي اليها بكل ادب واحترام هذا يجعل الشخص الاخر غصب ان يحترم شخصيت الاخرين ..

اكمل بارك الله فيك احب هذه السفرات



هلا بالكازوز وهلا باهل قطر الغالين
الله يخليك ويستر عليك ويونسك دنيا واخرة
والله يا خوي السفر متعة وطلعة وتفرج وتعارف وادب واحترام وتمثيل حسن لبلادك
الله يبارك في ايامك ومشكور على المرور الحلو وابشر باللي يسرك
تحياتي

القلب الاخضر انت مثال للمسافر النزية ....اتمنى ان يكون من امثالك كثير ...فيغيروا الصورة السيئة عنا لأنى والله اضطر ان
انكر جنسيتى عندما أسأل ...فتمشى الأمور على خير مايرام ...... هيا يابطل كمل التقرير وختم قبل 27...
منا فاضين هالأيام تعرف العيد قرب ومشغولين بملابس الاولاد وما ادراك ....كل عام والجميع بخير
على فكره خل السفر فى محرم لانى قدمت تقاعد مبكر عسى يقبل من بداية محرم .....

المشاركة الأصلية كتبت بواسطة صقرالحجاز
http://www.arabtravelersforum.com/tr...8/#post2358648

القلب الاخضر انت مثال للمسافر النزية ....اتمنى ان يكون من امثالك كثير ...فيغيروا الصورة السيئة عنا لأنى والله اضطر ان
انكر جنسيتى عندما أسأل ...فتمشى الأمور على خير مايرام ...... هيا يابطل كمل التقرير وختم قبل 27...
منا فاضين هالأيام تعرف العيد قرب ومشغولين بملابس الاولاد وما ادراك ....كل عام والجميع بخير
على فكره خل السفر فى محرم لانى قدمت تقاعد مبكر عسى يقبل من بداية محرم .....





ياحظك ياصقر الحجاز

تقاعد مبكر وتاريخ العوده مفتوح

الله يعجل بتقاعدنا وخاصه ان رمضان ولى بعز الصيف

الله يسعدك ومن العايدين قبل الزحمه

ما شاء الله عليك يالقلب الأخضر ..

تصدق من خلال تقريرك أنا وربعي قصينا تذاكرنا في 1 اكتوبر إلى 10 اكتوبر

السلام عليكم اخواني وينك يالقلب الاخضر لك اربع ايام ماشفت باقي التقرير من يوم 17-9الساعة سبع ونصف وواحد وعشرين ثانية وعشر اجزاء الثانية ارحم ياخوي المشاهدين في هاذ الشهر الكريم اخوك ومحبك ماجد

السلام عليكم

العشر مباركة علينا وعليكم جعلنا الله واياكم من المقبولين

رايق يالقلب الاخضر .. بعض السوالف اتخيلها واضحك .. .. أخوك من عشاق المغرب

من سنة 1983م والرحلات متوالية .. وإن شاء الله يوم 4 اكتوبر هناك ( متقاعد وفاضي )

وترى السفر مع اللحوات الغانمة شرواك معزة وسعة صدر .. وإن ما لقيتهم سافر لحالك أحسن

ويقولون بالمثل ما خذا منها الأول شئ .. .. تمتع بالحلال .. والحمد لله على نعمه

واصل التقرير الشعبي يارعاك الله .......... تحيتي

السلام عليكم جميعا
ومبروك عليكم ادراك العشر
وبعدين انت يا القلب الاخضر وين احصل مثل ما شاء الله عليك
في الحقيقة تقرير ولا اروع لا وهذا اول تقرير الله يخارجنا من تقاريرك القادمة
تصدق اليوم فتحت الموضوع وصفيت الصفحات جميعها بدون تعب او ملل لان اسلوبك جذاب كل ما اخلص من صفحة اقول واحدة بعد حتى وبدون ما احس وصلت للاخر
عساك ع القوة
وتقبل تحياتي

وخيي القليب الأخضر :101:

تراي أفتح المنتدى 4 مرات في اليوم ونيشان :11ight: على التقرير ديالك :24: أخاف أصابك الغرور :whistling ومقت علينا :36_15_24: بنتظارك ودربك خضر

:smile001:

السلام عليكم اخواني انا مثلك اخي كل شو ادخل المنتدى واشوف اخونا القلب الاخضر هو جالس بس طول الغيبة

المشاركة الأصلية كتبت بواسطة ماجدf
http://www.arabtravelersforum.com/tr...2/#post2360682

السلام عليكم اخواني انا مثلك اخي كل شو ادخل المنتدى واشوف اخونا القلب الاخضر هو جالس بس طول الغيبة



هلا بالشباب الطيبين
والله اني احبك واغليكم ومستحي منكم واجد
با اخوان انا توي وصلت البيت جاي من مكة وماخذ عمرة انا والوالدة الله يقبل منا ومنكم صالح العمل
حاولت ادخل من هناك بس ما عرفت اكتب ولا حرف ما اعرف اكتب الا في حجيرتي وعند جهازي
اشكركم من كل قلبي على تواصلكم وعلى اهتمامكم ووالله اني احبكم كلكم من قلبي واحس انكم اهلي وربعي واصحابي
بس عن اذنكم شوي برقد عيوني رافعهن بعود معاد اشوف من النوم
بس اقوم من النوم على طول اكمل
هو عندنا اغلى منكم عاد
تمسوا على خير

القلب الخضر
قلبت علينا المواجع والذكريات:110:
واصل ودربك خضر:113:
وان شاءالله اذا مشت الامور تمام راح اذبح الحولي بالعيد الكبير في كازا:36_6_7:

أخوي القلب الأخضر
الحمد لله على السلامة وتقبل الله منكم صالح الأعمال
خذ راحتك ونومة هنية أهم شي تخذ كفايتك في النوم ترى نبي تقرير غير شكل هالمرة وياليت توضح لنا مسألة التمشي في الشوارع رجلية أومع الطاكسي برفقة مافيه مضايقات أو مشاكل أمنية
وتقبل تحيات أخوك الغروب22

اخواني مساكم الله بالخير وتقبل الله منا ومنكم صالح العمل.

اكرر اسفي لتاخري في سرد احداث الرحلة البهية الى البلاد المغربية فعندما رجعت من العمرة الم بي عارض صحي والحمد لله انا الحين بخير جعلكم دايم بخير كما اشكر الاخوان اللي تابعوني وسالوا عني واقول جزى الله الجميع خير الجزاء

والان نتابع احداث رحلتنا .

اليوم الاثنين يوم غير عادي ابدا في احداثه وما جرى فيه

البابا ناصر السابع عشر يدق البروقي في تمام الساعة الحادية عشر ليعلن وقت انتهاء النوم وان القهوة البرية جاهزة وفعلا صحينا وتقهوينا وابوحمد ذا المرة حلف مايصلح الفطور الا هو وقام مع مدامه وضبطوا ذاك الفطور الكايف افطرنا وعينا من الله خير قلت انا بروح الخطوط علشان ناكد الحجز وفيما حنا نشرب الشاهي الا والتلفون يرن والى ابو احمد اللي مشانا بسيارته وتعشى معنا اهلا وسهلا كيفك قال الليلة انشا الله تتعشوا معانا واحنا مرتبين الموضوع حاولنا نعتذر بس الرجال صامل ما فيه حيلة سوينا مثل ابو علي حق طاش ما طاش تم تم قال خلاص الساعة تسعة تكونوا جاهزين امر عليكم , طلعت انا وابو سلطان والمدام رحنا الخطوط السعودية ما هي بعيد من حياة ريجنسي وسوق باب مراكش لقينا زحمة وعالم مسكنا سرا وجانا الدور سالت الموظف ليش الزحمة قال الناس حجزهم عودة انتظار واكثرهم ما هو اوكي ومتورطين دق قلبي وعطيته التذاكر طقطق في الجهاز وقال حجزكم اوكي وما شا الله حتى بالمقعد عاد حنا مشتركين في برنامج الفرسان فيه مزايا حلوة منها تحدد مقعدك عند قص التذكرة خلصنا والى المكتب مليان وناس طالع صوتها اللي يقول لي ثلاثة ايام واللي يقول لي اربعة طلعنا تمشينا شوي في المحلات ومرينا محل صراف وصرفنا قطعنا الشارع جلسنا على مقهى شربنا اتاي الا والتلفون يدق اناظر الا اخوي الكبير عاد اخوي هذا من اعز اصدقائي بيني وبينه حول عشرين سنة بس هو شبابي وما بيني وبينه اسرار حيا الله سلم الله وشلونكم وينك ذالحين قال والله في ابها مع الربع قلت في الاستراحة قال الله الله وشلون الربع قال كلهم طيبين ويسلمون عليك قلت وشلون ابو تركي ضحك وقال يووووه ساوي اكثر قلت ليه وينه قال عندكم في المغرب قلت بالله عليك قال والله العظيم السنه الماضية والسنة هذي ماراح معنا على طول المغرب ( قلت في خاطري الله لا يلومه ) طيب وش اخباره قال الرجال عندك خذ علومه من راسه قلت وينهو ساكن قال في الدار البيضاء قلت معك رقم تلفونه واعطاني اياه سالني متى بترجعون قلت اسبوع بعد ويمكن ما يكفي قال على حاجة شي والا تبون شي قلت الله لايحرمنا منك مع السلامة انتهت المكالمة واسندت راسي على الكرسي وغمضت عيوني شوي وبدا شريط الذكريات يمر ابو تركي وقصته ودموعه ونصيحته والرجال رجع ما رجع الا وهو معاد وراه شي والا الرجال صامل ما يرجع وبدت الوساوس تلعب في راسي عساي والله ما اسوي مثله وبين ذا وذاك ما دريت والا بدمعة تتسلل من عيني مدري ليش انتبهت لنفسي وقمت وكملنا الاتاي طلعنا مرينا سوق مراكش شوي طلعنا التوين سنتر خذنا بعض الاغراض ورجعنا على الشقة مع العصر. خذت التلفون المغربي ودقيت على ابو تركي معاد صبرت شوي الا ويرد علي والى بحة صوته اللي ما تنكرها يالله حيه عرفتني لا والله بس الصوت ما هو غريب علي انا فلان يالله حية رقم مغربي لا تقول انت في المغرب قلت وفي كازا بعد قال بالله عليك قلت أي والله قال يالله يالله تجيني هالحين قلت وين اجيك فيه قال الى خذت تاكسي عطني اياه ووصف له وفعلا استاذنت من الربع وقلت عندي زيارة لصديق وما ني مطول ركبت تاكسي وكلمته ووصف له واذا المكان مو بعيد حي زوين كله فلل صحيح قديمة بس مرتبه وحلوة والله اني نسيت اسم الحي يوم وصلنا لذاك الشارع الا هذا ابو تركي بشحمه ولحمه وقفت وسلمت عليه وضمني ضمة بغى يكسر ضلوعي واختلط سلام بحب ببكا بكل شي يالله حيه يالله حيه يا مرحبا بالغالي اخو الغالي من اللي علمك قلت اخوي قال ياخوي اخوك ذا كله بركه مسك يدي ومشينا شوي لين وصلنا ذيك الفلة رن الجرس ويفتح ذاك الوليد يمكن عمره خمس سنين ومعه بنية اصغر منه شوي ويشيله ابو تركي ويحبه ويشيل البنية ويحبها قلت ذولا اولادك قال لا اولاد زوجتي دخلنا جلسنا في المجلس والى القهوة والتمر والشاهي والاقط والفتيت وسوالف وينشدني عن الجماعة والربع قلت وش القصة ما انت قايل وقبل لا اكمل قال اسكت اسكت ما قدرت والله ما قدرت وقام يعلمني بسالفته كلها طيب وش ناوي عليه ذالحين قال والله نويت استقر هنا انا تقاعدت وراتبي طيب وعندي عمارتين يدخلن علي ايجار طيب وعيالي الحمد لله متزوجين ومتوظفين والمرة الله يرحمها معاد عندي شي اخاف عليه بعيش باقي حياتي هنا وهذي فلتي ملك وعندي شقة بعد وعلى فكرة واحد من عيالي توه رايح من يومين جلس عندي اسبوعين هو واهله وانبسطوا واستانسوا المهم خذنا الوقت ما درينا الا والمغرب يذن استاذنت قال وين خير ما هو على كيفك قلت والله ودي اجلس بس مرتبط وعلمته بالقصة قال اجل ما يخالف بكرة تتعشون عندي قلت والله يا ابو تركي ما اقدر والله وبت ذاك اليمين الا العشا عنده بكرة قلت خير استاذنت وطلعت قال اركب اوديك والى السيارة ملبقة في الحوش بيجو 2007 طلعها وركبت معه تمشينا شوي سالته قلت ابو تركي بسالك سوال انت مبسوط قال أي والله مبسوط ومرتاح ومستانس قلت الله يستر قال من ويش قلت خايف اللي صار لك يصير لي ضحك وقال من حظك يا رجال المهم وصلني الشقة ونزلت وانا مثل التايه امشي وعقلي مهوب معي افكر في ذا الرجال وقصته العجيبة دخلت وتمددت على الكنب وانا سارح نشدوني وش فيك علمتهم بالسالفة ونه عازمنا بكرة على العشا ولازم نروح كلنا وانا اناظر ابو حمد .
بدينا نتجهز ونلبس وعلى الساعة تسع الا وابو احمد يتصل انا عند الباب طلعنا خمسة اول مرة ابو حمد يطلع معنا له اسبوع ومشينا مع الرجال طبعا ليل والليل ما له عيون وصلنا البيت عبارة عن مزرعة صغيرة يمكن مساحتها 500 متر وسطها بيت من دور واحد والى الرجال حاط جلسة برا كراسي وعنده اثنين واحد اخوه وواحد نسيبه جلسنا واستانسنا وسولفنا وضحكنا وعلى 11 العشا جاهز دخلنا البيت على السفرة طاولة والاكل ما شاء الله حريرة على طاجن على سلطات على كم صنف ضيعت اساميهن بس كل صنف احلى من الثاني تعشينا وعينا من الله خير وطلعنا جابوا بعض الحلويات اللذيذة وبعدها الاتاي وسوالف والحقيقة ناس تعجز وانت تقول طيبين كاننا نازلين عليهم من السما كرم وادب واحترام الحقيقة استحينا من كثر حفاوتهم وعلى الساعة وحدة ونصف استاذنا وابو احمد ودانا الشقة دخلنا شقتنا على الساعة 2 وكملنا سهرتنا لين اذان الفجر صلينا وفرشنا فراش ابو سلطان في الصالة وكل على غرفته .
واعذروني على الصور والله قلبي بيتقطع بس الذاكرة امتلت ولا حلينا المشكلة الا عقب يومين
بكرة انشالله في ضيافة ابو تركي وانشا الله اروي لكم قصته لاني علمته بالموضوع ودخل النت زوجته تعرف والا هو ما يعرف وقرا الموضوع واعجبه بالحيل ووافق اني اروي قصته من اولها لين اخرها

والحين ودعناكم الله ونشوفكم على خير

تابعونا وحياكم الله

شوقتنا لقصة ابو تركي ان شاء الله ربي يسعده ويهنيه بعيشته في المغرب

بانتظار التتمة لا تطول علينا الغيبة

اي يا المغرب اخوي القلب الاخضر ان شاء الله دوم قلبك اخضر .. قول آمين

الجروح عندي تجددت وشدني لحظات الكلام الي بينك وبين ابوتركي والواحد يوصل لسن معين الصراحة يبغي ينبصط ويستقر ويرتاح من تعب السنين ولاكن بحلال اللهم بلغنا الي بخاطرنا ..

ما شاء الله، تبارك الله.

انا اليوم مصاب بشهية القراءة لتقارير السفرات المغربية خصوصاً، وأنهيت خمسة تقارير تقريباً غير الموضوعات الجانبية.

تقريرك من أغرب التقارير اللي قرأتها في بوابة المغرب.

أتمنى لك حياة سعيدة أخي الكريم.

يسلمو
يالاخضر
واصل
وبعدين معاك يالحبيب
لا توقف

وتقبل تحياتي

المشاركة الأصلية كتبت بواسطة صقرالحجاز
http://www.arabtravelersforum.com/tr...8/#post2358648

القلب الاخضر انت مثال للمسافر النزية ....اتمنى ان يكون من امثالك كثير ...فيغيروا الصورة السيئة عنا لأنى والله اضطر ان
انكر جنسيتى عندما أسأل ...فتمشى الأمور على خير مايرام ...... هيا يابطل كمل التقرير وختم قبل 27...
منا فاضين هالأيام تعرف العيد قرب ومشغولين بملابس الاولاد وما ادراك ....كل عام والجميع بخير
على فكره خل السفر فى محرم لانى قدمت تقاعد مبكر عسى يقبل من بداية محرم .....



اخوي صقر مساك الله بالخير
شكرا يا خوي على كلامك العسل وشف وانا اخوك اذا سافرت خلك على طبيعتك وعلى سجيتك واذا غيرت البدلة لا تحاول تغير الجلد والله تتعب واترك عنك الترزز والتفيخر خلك مع الناس منين ما مشوا ترتاااااح
واما الجنسية فلا والله ياخوي لو اقعد ما سافرت ما اغير جنسيتي ولو مزح بالعكس احس اني ارتفع اذا قلت سعودي ارفع راسك انت سعودي
ابشر والله انا بكمل بس عاد قبل 27 ما ادري يخلص والا لا
وعموما عيدكم مبارك
والله يوفقك لما فيه الخير والصلاح ولا يقدمك لشر ولا يوخرك له
تقبل تحياتي

المشاركة الأصلية كتبت بواسطة ارضي السعودية
http://www.arabtravelersforum.com/tr...2/#post2359252

ما شاء الله عليك يالقلب الأخضر ..

تصدق من خلال تقريرك أنا وربعي قصينا تذاكرنا في 1 اكتوبر إلى 10 اكتوبر



الله يسلمك ويستر عليك
ورحلة موفقة والله يخلف علينا يا المدرسين
صدقني ما رايح تندمون الجو بها الوقت حلو مرة وان ضبطتوها صح بتكون رحلة عمر ما تنسونها
ويا خوي ترى ما سوينا شي واللي خذنا اكثر من اللي عطينا بكثير
الله يحفظك ويستر عليك
وابشر معك على طول وكل يوم انشالله

المشاركة الأصلية كتبت بواسطة ابو طربوش
http://www.arabtravelersforum.com/tr...1/#post2359321

لا تطول علينا ترى اصعب شئ الانتضار ياالقلب الأخضر



ابشر باللي يسرك
طال السفر والمنتظر مل صبره
ما يطول صبرك انشالله جايك

المشاركة الأصلية كتبت بواسطة ماجدf
http://www.arabtravelersforum.com/tr...1/#post2359641

السلام عليكم اخواني وينك يالقلب الاخضر لك اربع ايام ماشفت باقي التقرير من يوم 17-9الساعة سبع ونصف وواحد وعشرين ثانية وعشر اجزاء الثانية ارحم ياخوي المشاهدين في هاذ الشهر الكريم اخوك ومحبك ماجد




ماجد الله يسعد مساك بكل خير
انا مثل ما قلت ماخذ عمرة انا والوالدة وهذا اللي عطلني
وياخوي والله مشكور على المتابعة
ولا يهمك التقارير انشا الله متتابعة الا ان حبسني حابس
الله يحبك وملائكته ويجعلك في الجنة ووالديك ومن يقرا ويشاهد ويمر
لطفك اخجلني
وتقبل تحياتي الحارة

المشاركة الأصلية كتبت بواسطة alghroob22
http://www.arabtravelersforum.com/tr...6/#post2359666

أخوي القلب الأخضر
تسلم على هالتقرير بس يليت توش لنا باقي التقرير وش ترى مولعين :36_1_29:ماعاد فينا صبر
أظن كلمة توش مفهومة لك خاصة أنه واضح من اسلوبك أنك قروي ولكن لمن لا يعرف أقول أن معنها السرعة في أداء العمل يقال وش فلان العمل أداه في وقت قياسي وهي من الوشيش وهو صوت الرياح:109::bounce8::109::109: وتقبل تحياتي

الله يسلمك اخوي ويعافيك
ابشر والله بالوشة اللي ما فيه زيها
اي والله قروي ولي الفخر
ابشر والله باللي يسرك
تحياتي الحارة

المشاركة الأصلية كتبت بواسطة سهيمات
http://www.arabtravelersforum.com/tr...4/#post2359844

السلام عليكم

العشر مباركة علينا وعليكم جعلنا الله واياكم من المقبولين

رايق يالقلب الاخضر .. بعض السوالف اتخيلها واضحك .. .. أخوك من عشاق المغرب

من سنة 1983م والرحلات متوالية .. وإن شاء الله يوم 4 اكتوبر هناك ( متقاعد وفاضي )

وترى السفر مع اللحوات الغانمة شرواك معزة وسعة صدر .. وإن ما لقيتهم سافر لحالك أحسن

ويقولون بالمثل ما خذا منها الأول شئ .. .. تمتع بالحلال .. والحمد لله على نعمه

واصل التقرير الشعبي يارعاك الله .......... تحيتي




يا خوي الله يسلمك ويعافيك ويقبل منا ومنك ومن جميع المسلمين
اوف اوف من 1983 يعني خبييير من قدك
بس والله المغرب يستاهل وتروح وترجع بالسلامة والله ان اخوك تنشرى
وشرواك الطيب وترى انشاما مثلك وامثالك ابشرك واجد ورفقتهم توسع الصدر
ومثل ما قلت ياخوي ما احد خذ شي ولا فيه شي الواحد يحسف عليه الا سعة الصدر وانا هذا شعاري اذا لقيت سعة صدر خل كل شي ترى مهيب تحصل دايم والاشغال ما تقضي ابد
والوحدة يا خوك شينة ما نيب احبها خوي والا اثنين تحطهم على اليمنى
والحمد لله الحلال في كل مكان والدين يسر
ابشر والله باللي يسرك ومالك الا الرضا
مرورك اسعدني وشجعني وكلماتك الهبت حماسي
تقبل تحياتي

المشاركة الأصلية كتبت بواسطة moroclover
http://www.arabtravelersforum.com/tr...0/#post2360590

وخيي القليب الأخضر :101:

تراي أفتح المنتدى 4 مرات في اليوم ونيشان :11ight: على التقرير ديالك :24: أخاف أصابك الغرور :whistling ومقت علينا :36_15_24: بنتظارك ودربك خضر

:smile001:



ابو عمر هلا والله الطيب الغالي
ما عاش اللي ينغر عليكم افا بس والله كلي لكم
كل الدروب خضر بامر الله
شاكر اهتمامك ومرورك وابشر والله باللي يسرك

المشاركة الأصلية كتبت بواسطة ماجدf
http://www.arabtravelersforum.com/tr...2/#post2360682

السلام عليكم اخواني انا مثلك اخي كل شو ادخل المنتدى واشوف اخونا القلب الاخضر هو جالس بس طول الغيبة




هلا مجوود ( واحد يمون )
ما ابطا بالسيل الا جوده
واصلك باللي يسرك
تحياتي

المشاركة الأصلية كتبت بواسطة سويهله ودلاحه
http://www.arabtravelersforum.com/tr...7/#post2361427

القلب الخضر
قلبت علينا المواجع والذكريات:110:
واصل ودربك خضر:113:
وان شاءالله اذا مشت الامور تمام راح اذبح الحولي بالعيد الكبير في كازا:36_6_7:




هلا والله بخونا الغالي
اسمك ما فهمت منه شي ممكن تشرحه
وش دعوى يا خوي الذكريات الحلوة ما هي مواجع بالعكس بلسم شافي
الله يخليك
وانشا الله تدور لي حولي معك لاني انشا الله في العيد هناك ( مزعووووووط )
ولي الشرف نتلاقى
تقبل تحياتي الحارة

المشاركة الأصلية كتبت بواسطة alghroob22
http://www.arabtravelersforum.com/tr...0/#post2361930

أخوي القلب الأخضر
الحمد لله على السلامة وتقبل الله منكم صالح الأعمال
خذ راحتك ونومة هنية أهم شي تخذ كفايتك في النوم ترى نبي تقرير غير شكل هالمرة وياليت توضح لنا مسألة التمشي في الشوارع رجلية أومع الطاكسي برفقة مافيه مضايقات أو مشاكل أمنية
وتقبل تحيات أخوك الغروب22

الله يسلمك اخوي الغروب ويقبل من الجميع
وابشر باللي يسرك
وبالنسبة للتمشي برفقة ابد ما فيه اي مضايقة لا في التاكسي ولا في الاسواق
بس خل عنك الترزز وخلك ذيب ودربك خضر
شاكر مرورك وتقبل تحياتي

المشاركة الأصلية كتبت بواسطة planazur
http://www.arabtravelersforum.com/tr...1/#post2364791

السلام عليكم

قصة غريبة...صدفة خير من الف ميعاد

تقرير جيد...

يعطيك الصحة...ومنتظرين البقية ان شاء الله


تحياتي

ايوب



هلا ايوب والله قصة غريبة فعلا ولما تقراها تعرف انها غريبة
الله يخليك ويعطيك الصحة
وابشر باللي يسرك
ومشكور على المرور
تحياتي الحارة

أخوي القلب الأخضر

لا يطول غيابك ثم ناخذ عليه

المشاركة الأصلية كتبت بواسطة موكادوريه
http://www.arabtravelersforum.com/tr...7/#post2364937

شوقتنا لقصة ابو تركي ان شاء الله ربي يسعده ويهنيه بعيشته في المغرب

بانتظار التتمة لا تطول علينا الغيبة



فعلا قصة مشوقة تغطي على قصة قيس وليلى
وانشا الله تقرونها قريب
ويارب يسعد الجميع
وابشر باللي يسرك
مشكور على المرور
حياك الله