المشاركة الأصلية كتبت بواسطة القلب الاخضر
http://www.arabtravelersforum.com/sh...90#post2317890
اخواني مساكم الله بالخير
ليانا وايكم خير لفانا ولفاكم وشر تعدانا وتعداكم زور بن الزرزور اللي ذبح بقة وترس سبعة قدور وخلى الالحوم والاشحوم على الصواني تدور . ( تذكرون حبابة اللي في اذاعة الكويت في رمضان )
تم تعيين ابو حمد امير للرحلة بحكم خبرته وقال لنا انه مرتب الوضع السكن والسيارة وخلافه
وتم تعييني محاسب الرحلة وتم تحديد القطة الف يورو يعني 6000 الاف ريال على الشخص بمجموع 18000 الف ريال قابلة للزيادة لو حصل نقص وتشمل الاكل والشرررررب والسكن والمواصلات وكل شي نشترك فيه والمصاريف الشخصية كل على كيسه.ابو سلطان تم تعيينه المراقب العام للرحلة.
يوم الثلاثاء الساعة عشر صباحا استاجرنا ليموزين علشان يوصلنا المطار مريت ابو سلطان وبعده ابوحمد وعلى المطار دخلنا العفش وقصينا البوردنق طبعا ما قلت لكم الرحلة على السعودية الرياض كازا الرياض ب 3150ريالنزلنا تحت خذنا غدا خفيف من كودو وحنا نتغدى جانا واح يعرفه ابوحمد معه لاب توب يبينا نوصله لصاحبته اوووب قصدي صاحبه وان حنا بينلقاه في المطار اللابتوب تورطت به انا وشلته لين سلمته يدا بيد الساعة وحدة طلعنا الصالة ركبنا الطيارة ولاول مرة في تاريخ الخطوط السعودية اللي سافرت عليها تنطلق الطيارة في الوقت المحدد الساعة 1.50 دقيقة .
URL=http://www.7005700.com/700/]
[/URL
]
الطيارة قاضبة المدرج
نظرة على مطار الملك خالد من الاعلى
خزانات البنزين من اعلى
الطيارة في الخضيرا سما وما
كانت الطيارة فل والمدة 7 ساعات على ارتفاع 38 الف قدم وبسرعة 950كم في الساعة درجة الحرارة في الخارج 48 درجة تحت الصفر والطيار سعودي .
فكينا الاحزمة واخذا بنصيحة احد الاعضاء بديت اتجول واسال واتعرف وخذت لي كم رقم سواقين على اصحاب شقق شوي جابوا العصير وتفيناه بس الاكل ما بغيناه الاوله شباع من كودو والثانية اكل الطيارة ما احبه انا وابو سلطان شاهي على قهوة على عصير وعلى ها الشغل لين قال الطيار كل محله واربطو الاحزمة ترانا بينوقع
لحظات الهبوط على مطار محمد الخامس
الحقيقة بدا قلبي يدق ذكرت ابو تركي وسالفته وقعدت اهوجس ظنك بسوي مثله انا عاد على اسمي قلبي خضر ولا ابي شي وقعت الطيارة ونزلنا كنت مشحون من رجال المطار وتعاملهم ومولم حكي واجد بس للامانة تفاجات معاملة من اروع ما يكون احترام ختمنا الجوازات في ثواني ودققنا في ثواني نزلنل للعفش واول ما نزلنا والى الزحمة والعالم مجتمعة وش السالفة والى اتصالات ميدتل توزع شرايح بلاش بس تعطيه الجواز يصوره وتاخذ شريحة صفينا معهم خبركم ربيعكم الى لقوا شيء بلاش الا وبو حمد ينادينا والى معه ثلاث شرايح الرجال خمهن من الكرتون وجانا يركض طلعنا من السرا وعلى العفش شوي الا وحمرة وراها ام المعاميل وام الخير ولانهن مميزات طلعتهن على طول ابو سلطان عرضت عليه شنطته ثلاث مرات ماعرفها حملنا العفش وعلى التفتيش واهون من الجوازات دقيقة الا وحنا مخلصين ما احد طلب شي ولا قال شي فقط مرحبا بيكم وتفضلوا طلعنا ورحنا صرفنا فلوس الف يورو بحوالي 11750 درهم طلعنا الا وتلفون ابو حمد يدق رقم مغربي وينكم حنا طالعين من البوابه شوي الا وهاك الطخما جاية سلمت وقالت وين اللابتوب انا صاحبته عطينه اياه ومشينا الا واهاك الرجال معه لوحة مكتوب عليهاابوحمد رحنا له سلم علينا وخذ عفشنا وعلى سيارته وين على المحمدية
رحنا المحمدية ودانا السكن والا سكن ما ينفع دور في فله تحتنا ناس وفوقنا ناس واثاثه مهوب زين وبالفين درهم شرط عشرة ايام هذا السكن قال ايه قلنا ما يناسبنا دورنا ما لقينا كانت البلد مليانه وش الحل طقت في راسي اتصلت على واحد من اللي خذت ارقامهم وانا في الطيارة في كازا قلت ابغى سكن قال موجود شقة جوج بيوت ( غرفتين ) وكوشتينا ( مطبخ ) وحمامين ومجلس ومطلة على البحر في حي بوركون مقابل جامع الحسن الثاني كم الاجار قال 1500درهم وش رايكم يا شباب ابو حمد وده بالمحمدية لحاجة في نفس يعقوب بغى يعيي لكن اصرينا عليه ورضخ لللامر رجعنا كازا وقصدنا المكان لقينا صاحبنا اسمه محمد المغربي ورانا الشقة اعجبتناالحقيقة نظيفة ومرتبه وعلى البحر وجنبنا سوق شعبي فيه كل شيء اتفقنا الدفع كل يومين ومع تكسير الراس ب 1200 نزلنا اغراضنا وحاسبنا راعي السيارة وريحنا كنا تعبانين ومرهقين ريحنا شوي تروشنا طقينا مهيلة وبراد شاهي ************ شوي الا والتلفون حق ابو حمد يرن .
من اللي على التلفون وش اللي صار هذا ما سنعرفه في الجزء التالي.
خلوكم معانا وحياكم
والله السكن خذتوه غالي ,,, :114: لكن عادي على أساس قصر مدتكم :24:
أهم شي تكونون أنبسطتوا :115:
وبالنسبه لللابتوب وش أخبارهـ !!! والا مافيه مودم !!! :114:
هههههههههههههه :109:
ننتظركم تردون على التلفون أخوي القلب الأخضر ,,,,,
تقبل مروري ولكـ تحياتي ,,,,,,,,,,:24:
المفضلات