الموضوع: مطلوب شقه في شارع العرب او قريبه منه

السلام عليكم ورحمة الله وبركاته

إخواني وخواتي اعضاء هذا المنتدى الاكثر من رائع بداية أشكركم كل الشكر على مساعدتكم للكل


إخواني صار لي اكثر من 3 أسابيع ادور في المواقع وكلمت كذا مكتب ابي أحجز شقه من غرفتين نوم وكرمكم الله حمامين او 2 استديو ويكون يا في شارع العرب او اي شارع متفرع منه اهم شي السعر يكون مايزيد عن 1200جنيه في الاسبوع بالنسبه للشقه او الاستيديوهين وطبعا اغلب المكاتب يقولون مايصير الحجز الحين وانا بصراحه ابي اظمن السعر والحجز علما باني حجزت الطيران من 6/26 الى 7/17 3 أسابيع أرجوكم طالبه مساعدتكم فلا تردوني عشان يطمئن قلبي للحجز وفكرت أني أخذ فندق قبل بس صعب عشان الأغراض والتنقل ونعاس والدتي كبيره في السن


ومشكورين وجزاكم الله الف خير

مواضيع عشوائيه ممكن تكون تعجبك اخترناها لك:

• نموذج فيزا المملكه المتحده مشروح بالكامل
• ابداء الراي في جدولي السياحي
• كيفية استخراج فيزا بريطانية للخادمة ؟؟؟
• من رحلاتي مدينة الضباب لندن بالصور
• ياليت تجاوبوني رحلتى الى مانشستر بعد شهر وينكم يا خبرااا مانشستر
• تاكسي من لندن لبورنموث
• فندق وش رايكم بهالفندق ؟
• رأيكم في هذا الفندق في لندن ؟؟
• اسعا ر ايجار السيارات
• الفيزا البريطانيه من مكتب الخبر
• جزاه الله خير اللي يجاوب
• سوال عن الميزانيه الكافيه مساعده
• ديفون الريفييرا عالم ساحر ببريطانيا
• ممكن مساعده لشهر العسل في لندن
• أقرب المدن لــ لندن وجـم سؤال
• ابي برنامج سياحي في لندن ل ايااااام نخوتكم يااهل الخبره
• مانشستر ادنبرة يورك
• سؤال عن قيمة السياره وموقع المترو
• عدة استفسارات عن لندن ومنطقة البحيرات
• الغاء السكن

أختي الفاضله بالنسبه المكاتب صحيح محد يقدر يحجز لكم من الحين قبل السفره بيومين وللامانه موثقه المكاتب

بس شوفي مريم ممكن تساعدكم بالشقق

والله اختي انا مثلك احوس مع انورحلتي باقي عليها ما رد علي الا الاخ ابوعبدالله مثلما رد ردعليك ....المشكله صعب جدا اني انتظر الا قبل السفر بيومين واحجز مستحيل وزي ما قلتي التنقل صعب وانا معي اطفال ....شوفي هذي المواقع جيده انشا الله تفيدك ولو اني للحين ما لقيت الي يناسبني بس رحلتك قبل رحلتي وان شاء الله افيدك وتفيديني:


http://www.maykenbel.com/apartments
http://www.londonapartmentservice.co...apartments.htm
http://www.hamiltonshotel.co.uk/rates.html
http://www.tikbok.com/
http://www.2hydeparksquare.com/


انشاء الله اكون افدتك بالي اقدر عليه ...حقيقه ايجاد سكن عائلي "نظيف" ومناسب بلندن جدا صعب يعني انا دائما احرص اقرى اراء الزوار انصدم والصور تغريك ...عمار يا باريس...


موفقه اختي

هلا ومرحبا اخوي بوعبدالله وجزاك الله الف خير عالرد
اخوي انا كلمت مريم بس بامانه عطتني سعر وايد تقولي بالأسبوع من 2000 وطالع بالأسبوع لكن في ناس عطوني رقم واحد اسمه صلاح وكلمته بس عن جد ارتحت له وبكلامه اقنعني باني ما حاتي وأكيد وبأذن الله بحصل سكن وسالت عن الأسعار فقالي عنده 1300جنيه فها لوقت بس مادري ليش ارتحت حق كلامه حسيت فيه ما يدور ولا يلف وعطاني أكيد أني اكلمه اول شهر 6 وهو بيوفر لي والله يسر الامور يارب

مسامحه اخوي عال سؤال انت ماسمعت عنه ؟؟؟؟؟

مشكور اخوي عالرد والله يسهل أمورك واموري وربي يسخر لنا عيال الحلال وبأذن الله اذا الله وفقني وحصلت شقه أكيد راح أخبرك اول باول

هلا اخوي بوعبدالله بصراحه مشكور وجزاك الله الف خير عالرد وعالاهتمام
اخوي بالفعل هذا نفس اخر 5 أرقام عندي للشخص اليا كلمته وهو اسمه صلاح
بس اذا ماعليك امر هل تعتقد انه كلامه ثقه لي لان بصراحه انا وايد ارتحت حق كلامه وبخاصه قالي حتى سياره بيرسل لنا من المطار واحس انه كلامه معقول واقنعني انت ايش رأيك لان أثق بكلامك هل هذا الرجال ثقه

ومشكور اخوي وسامحني تعبتك معاي

أختي الفاضله هذا الشخص أعرفه وتعاملت معاه للأمانه اذا تقصدين اذا وصلتي لندن أن شاءالله على خير ممكن تتصلين على وتشوفين الشقق بعيونكم

اما اذا قال لكم ابعثي لي فلوس عن طريق حسابه الخاصه لا لا نصاب المكاتب هذاوله للاسف نصابين يشتغلون بالباطن يعني على حسب الشقق المتوفره ماعنهم نظام العقود

انا شخصيا اخذت منه شقه بس رحت حق المحل وطلع معاي وشفت الشقه

هلا اخوي بوعبدالله

اخوي بالامانه هذا الشخص اليا اسمه صلاح ماطلب مني اي شي وانا بنفسي قلت تبقيني احولكم مقدم قالي لا اختي تحملي ترسلين حق حد مقدم وحذرني وقالي لان في نصابيين وايد وقالي اعطيج كلمه ان اول ماتوصلين برسل لكم سياره المطار وبجهز لكم شقه واذا ماعاجبتكم

اسفه اانقطع كلامي وانرسل قبل لكمله المهم وقالي اذا ماعجبتكم الشقه بغيره لكم وقالي الشقق واجد ولا تحاتين وانا احساسي يقول انه صادق وحبيت بس اطمئن منك يابوعبدالله او من اي عضو في هذا المنتدئ انه تعامل معاه حتى ارتاح اكثر وانت تقول تعاملت معاه والحمدلله والله يسهل الامور وان كانتوا يا اعضاء المنتدى تنصحوني بحد ثاني جزاكم الله الف خيررررر

وسامحوني ازعجتكم معاي

هلا اخوي بوعبدالله والله فكرت فيه بس بيكون صعب علي أحجز فندق وارجع ثاني يوم انتقل ومعاي أطفال والداتي كبيره بالسن ابي أوصل وتكون الشقه تقريبا جاهزه حتى لو شفت كذا شقه في نفس الوقت افضل من انزل أغراض وافتح وارجع أسكر وبخاصه ماشاءالله اغراضنا كثير لان إحنا نحب نطبخ أكلنا افضل من المطاعم وربي يسهل يابوعبدالله بس دعواتك ودعوات اعضاء هالمنتدى الطيبين

وبصراحه انا جداً تعلقت بهذا المنتدى واتمنى اكون عضوه فعاله فيه أفيد واستفيد وبارك الله فيكم

ياهلا وغلا فيج وهذي الساعه المباركه. انج تكونين معانه بين اخوانج وخواتج تفيدين وتستفيدين


ولنا الشرف

عاد نطلبج بتقرير. هههههههه

اخوي ابو عبدالله ولاتهون ابي رقم الاخ صلاح هذا ابي اكلمه لاني ابحث عن شقة لمدة 20 يوم

والعذر والسموحة منك ياصاحب الموضوع على تطفلي في موضوعك

أخي فارس وصلت لي الرساله الخاصه بس للأمانه المكاتب مو ثقه نهائي الافضل تحجز فندق أول يومين وبعدين تشوف الشقق بعيونك افضل أغلب المكاتب يعطونك شقه خايسه فيها فيران اذا ماشفت الشقه

والشور لك

مشكور اخوي بوعبدالله عالردود ومشكورين كل اليا دخلوا وربي يسر أموركم وامري وبوعبدالله مايقصر والله يجعله من ميزان حسناته

والله يقدرني واقدر اكتب تقرير عن رحلتي طبعا ماعرف كيف بس بإذن الله بحاول وبمساعدتكم انشاء الله